државјаните Archives - plusinfo.mk

До 31 јули забранет влез во Грција за државјаните на Македонија

МИА — Thu, 16 Jul 2020 09:46:56 +0000

Грција го продолжи до 31 јули 2020 година привременото ограничување на сите авионски, железнички и копнени поврзувања со Северна Македонија, како и забраната за влез на грчка територија на лица од Северна Македонија – јави дописничката на МИА од Атина.

Ограничувањата се „од превентивни причини за заштита на јавното здравје од дополнително ширење на коронавирусот ковид-19 на грчка територија за временскиот период од 16 јули 2020 година до 31 јули 2020 година”.

Одлуката потпишана од министрите за здравство, за транспорт и инфраструктура и за поморство, а се однесува на Северна Македонија, на Албанија и на Турција, вчера беше објавена во Службен весник на Грција, а денеска стапува во сила.

Забраната не се однесува на: грчки државјани, на лица кои имаат дозвола за престој и лица кои живеат во Грција, како и за транспорт на стоки, за влез на лица за апсолутно неопходни професионални причини, но и за транзит на болнички возила кои од Косово преку Северна Македонија влегуваат во Грција за хоспитализирање на пациенти кои припаѓаат на дипломатскиот, воениот или административниот персонал на земјите членки на ЕУ и EULEX на Косово.

The post До 31 јули забранет влез во Грција за државјаните на Македонија appeared first on plusinfo.mk.

Филипче: Препораката за ПЦР тестови за државјаните на Србија, Косово, БиХ и Црна Гора е од епидемиолошката слика

МИА — Wed, 08 Jul 2020 14:34:47 +0000

Во најскоро време Владата на седница ќе го разгледува предлогот на Комисијата за заразни болести од утре при влез во Република Северна Македонија за сите граѓани од Србија, Косово, Босна и Херцеговина и Црна Гора да биде задолжително да достават ПЦР тест не постар од 72 часа – соопшти Министерството за здравство, изјави денеска министерот за здравство, Венко Филипче.

– Оваа наша одлука и препорака се должи исклучиво врз основа на податоците коишто ги собиравме изминатите денови, а коишто ни ја прикажаа вистинската епидемилошка слика во сите овие земји за која што ние сметаме дека е многу полоша од нашата во овој момент – изјави министерот за здравство кој беше на симулација на безбедно гласање во организација на ДИК.

Оваа мерка, истакна тој, важи само за граѓаните на овие земји заради тоа сега во овој момент има многу поголем број и нашите граѓани може да заболат од коронавирусот.

Доколку тие само транзитираат тогаш можат да ја поминат границата без ПЦР тест.

Одговарајќи на новинарско прашање за денешните бојки на новозаболени, истакна дека сега се прави анализа на останатите категории на пациенти.

– Изминатите неколку дена има еден тренд на многу помалку приеми во болниците – посочувајќи на Инфективната клиника и во болницата „8 Септември“.

На Инфективната клиника вчера биле примени шест пациенти, осум во болницата „8 Септември“, но има многу повеќе испишани.

– По многу денови во текот на утрово има под сто вкупно хоспитализирани во болницата „8 Септември“. Бројката беше околу 120, 130 две до три недели наназад, сега околу 90. Значи има и добар дел на пациенти што се испишуваат. Се надевам дека овие трендови ќе продолжат и понатаму – рече Филипче.

Тој денеска уште еднаш нагласи дека препораката за секаква форма на масовно собирање останува и сега и во иднина, но исто така и дека огромен дел во целата борба против коронавирусот останува на свеста и совеста на народот.

– Препорака апсолутно имало, има и сега и ќе има и во иднина за секаква форма на масовно собирање. Но, секогаш доаѓаме до истата поента, а тоа е дека огромен дел во целата борба против коронавирусот останува на свеста и совеста на народот. И она што се случуваше во изминатиот период новите случаи вториот бран, почетокот, трансмисијата после тоа го поврзуваме со настани коишто овие превентивни мерки не се почитуваат. Било каква форма на собир каде што нема да се одржува дистанцата, нема граѓаните да носат маски асполутно е ризик како по здравјето на таму присутните, така и по здравјето на сите нивни блиски – рече Филипче.

Министерот верува дека во последните денови од кампањата, а и вечерта по изборите кога ќе се знаат резултатите, ќе се почитуват апсолутно сите протоколи.

– Ние практично секојдневно на утринските состаноци на КЗБ разгледуваме различни барања, од организатори на настани на отворено, на затворено, свадбите дали ќе се организираат или не беше прашање пред некој ден. За се важат истите препораки. И повторно ќе се вратам на тоа новите случаи се исклучиво таму каде што мерките не се почитуваат – дециден е Филипче.

The post Филипче: Препораката за ПЦР тестови за државјаните на Србија, Косово, БиХ и Црна Гора е од епидемиолошката слика appeared first on plusinfo.mk.

Српската Влада дозволи државјаните со негативен тест да не одат 14 дена во самоизолација

МИА — Thu, 14 May 2020 15:17:23 +0000

Владата на Република Србија на денешната седница донесе измена на одлуката за протокол за влез на српските државјани во Србија, во согласност со епидемиолошката состојба и заштитата на населението од заразна болест КОВИД-19, соопштија од владата.

– Државјаните на Србија можат да влезат во земјата и да се движат без ограничувања со негативен PCR тест за коронавирус, не постар од 72 часа. Ако државјанинот на Србија влезе во земјата без направен тест, тој е должен да помине 14 дена во самоизолација. За време на периодот на самоизолација, има можност да направи тест во една од референтните лаборатории во Србија и доколку тестот е негативен, може да ја прекинат самоизолацијата, се наведува во владиното соопштенние.

Како што јави дописникот на МИА од Белград, српската влада пред два дена ги донесе протоколите за влез и излез од Србија и за странските државјани, во кои се наведува дека можат да влезат во Република Србија под два услови – негативен ПЦР тест за коронавирус не постар од 72 часа и потврда издадена од комисија составена од претставници на Министерството за здравство, Министерството за градежништво, транспорт и инфраструктура, Министерството за надворешни работи и Министерството внатрешни работи. Овој сертификат може да се добие во српската амбасада или конзулат во земјата од која доаѓа странскиот државјанин, се наведува во соопштението.

По најавата дека Србија од 1 јуни ги отвара границите за четири соседни земји, меѓу кои е и Северна Македонија, постоеа повеќе нејаснотии за протоколите за влез во Србија, особено за странските државјани.

Епидемиологот и член на владиниот кризен штаб, д-р Предраг Кон, вчера ја дообјаснуваше потребната документација и процедура за туристите и сите оние кои сакаат да влезат во Србија.

– За овие четири земји (и за РСМ) исто е како и порано. Останатите странци мора да имаат одобрение од владината комисија, која се добива во српските амбасади и со тоа одобрување мора да имаат и ПЦР тест не постар од 72 часа, тоа е сегашниот режим кон странците, изјави Кон за српските медиуми, додавајќи дека за деца помлади од 12 години не е потребен тест.

Весникот Курир, повикувајќи се на неименуван извор блисок до кризниот штаб објави дека е разгледана опцијата за сите кои во четирите соседни земји престојувале најмалку 14 дена, да можат да влезат во Србија без тестирање или домашна изолација.

-Ова значи дека ова не се однесува само на државјаните на тие земји (и на РСМ), туку и на српските државјани кои минале најмалку две недели во една од тие земји. Тоа би значело дека ако одите на море во Црна Гора, треба да останете таму најмалку 14 дена за да не се тестирате или да отидете во самоизолација по враќањето, пишува Курир.

The post Српската Влада дозволи државјаните со негативен тест да не одат 14 дена во самоизолација appeared first on plusinfo.mk.