Американскиот претседател Доналд Трамп потпиша уредба со која се забранува влез на државјани од 12 земји, јави Си-Би-Ес Њуз, повикувајќи се на извори од администрацијата.

На списокот се наоѓаат седум африкански држави (Чад, Конго, Екваторска Гвинеја, Еритреја, Либија, Сомалија, Судан), четири азиски (Авганистан, Мјанмар, Иран и Јемен) и една северноамериканска (Хаити).

Освен тоа, делумно ќе биде ограничен влез за државјани од уште седум земји: Бурунди, Куба, Лаос, Сиера Леоне, Того, Туркменистан и Венецуела.

„Претседателот Трамп го исполнува своето ветување за заштита на Американците од опасни странски актери кои сакаат да влезат во нашата земја и да им наштетат“, напиша на X портпаролката на Белата куќа, Абигејл Џексон.

Белата куќа соопшти дека забраните ги погодиле оние земји кои претставуваат „висок безбедносен ризик за САД“.

Сличен потег Трамп направи и во својот прв мандат, кога објави забрана за влез на патници од седум земји со мнозинско муслиманско население. Но, таа одлука беше укината од поранешниот претседател Џо Бајден во 2021 година, нарекувајќи ја „дамка на совеста на американската нација“.

The post ТРАМП ЗАБРАНИ ВЛЕЗ НА ДРЖАВЈАНИ ОД 12 ЗЕМЈИ Претставуваат висок безбедносен ризик за САД appeared first on plusinfo.mk.

Тогаш треба да стартува новиот систем за влез и за излез (ЕЕС). Овој систем ќе бара од патниците да ги регистрираат своите биометриски информации кога пристигнуваат на граничен премин. ЕЕС е поврзан со Европскиот систем за информации и овластување за патување (ETIAS) кој, пак, треба да почне да се применува во првата половина на 2025 година.

Системот за влез и за излез е автоматизиран ИТ систем за регистрирање државјани, од земји кои не се членки на ЕУ, кои патуваат на краток престој (90 дена во кој било период од 180 дена), секој пат кога ќе ги преминат надворешните граници на која било од земјите членки на ЕУ. Тој електронски ќе го регистрира времето и местото на влез и излез на државјани од трети земји (не-ЕУ) и ќе го пресмета времетраењето на нивниот овластен престој.

Тој ќе ја замени обврската за печат на пасошите на државјаните на трети земји. Со воведувањето, пак, на ETIAS, граѓаните на земји кои не се членки на ЕУ ќе треба да аплицираат онлајн за да патуваат во ЕУ за краток престој и да платат такса од 7 евра.

Откако ќе добиете дозвола за влез, овластувањето ќе важи 3 години или додека не истече патниот документ користен при аплицирање. Ако добиете нов пасош, ќе треба да добиете ново овластување за патување.

The post ЌЕ АПЛИЦИРАТЕ ОНЛАЈН И ЌЕ ПЛАТИТЕ 7 ЕВРА Од 10 ноември нови правила за патување во земјите на ЕУ appeared first on plusinfo.mk.

– До сега се пријавил еден наш граѓанин во Амбасадата во Израел којшто бара да се евакуира веднаш поради состојбата. Веднаш му е даден патен лист за да може да ја напушти државата, а исто така од една компанија се јавија на СОС телефонот овде во Скопје за четворица вработени кои се во Израел да ги имаме предвид во случај да се влоши состојбата и да имаат и контактни броеви каде да ги контактираме за да може да ги извлечеме – вели Османи.

Тој оценува дека ситуацијата на Блискиот исток е делумно стабилна и се придружи на повиците до Израел да не возврати на нападот на Иран за како што вели, да се спречи влошување на состојбите и спиралата на конфликти.

– По однос на ситуацијата во Блискиот исток денеска имав разговори со повеќето амбасадори во тој регион, меѓутоа и амбасадорот во НАТО и други партнерски земји. Во моментот состојбата е делумно стабилизирана. Училиштата во Израел се пуштени во функција, воениот кабинет се уште нема одлука дали ќе возврати. Јас еве ја користам оваа прилика до Израел да не донесе одлука бидејќи спиралата на конфликти тогаш само ќе се влоши – вели Османи.

На новинарско прашање како од околу 50 македонски државјани за кои се смета дека се во Израел, само еден се пријавил на повикот за извлекување, Османи вели дека тоа се должи на делумното стабилизирање на ситуацијата. Тој дал насока до нашиот амбасадор во Израел неговите деца да ја напуштат земјата, но откако утринава разговарал уште еднаш со него и со оглед дека училиштата повторно биле отворени, а состојбата е во моментот стабилна, сепак решиле тие да останат и да ја следат состојбата. Од Иран, посочи тој, нема барање од наши државјан, а во однос на студентите од Јордан кои сакале да се вратат во земјава, во моментот вели, нема некој притисок или барање од други држави на Блискиот Исток за евакуација, бидејќи вели ситуацијата е во скатус кво.

– Во секој случај ние сме спремни да се организираме веднаш. Ние имаме постојано дежурство коешто одговара на повиците на граѓаните – рече министерот Османи.

Тој кажа дека Кризниот штаб нема конкретна бројка на македонски државјани кои се наоѓаат во околните земји, а единствениот начин да се дојде до тоа е преку нивно пријавување во нашите амбасади.

– Единствениот начин ние да имаме податоци, е граѓаните коишто ќе се пријават и ќе се јават во амбасадите за да кажат ние сме тука, планирајте не, ако состојбата излезе од контрола. И јас еве иако денеска е стабилна состојбата во Израел и на Блискиот Исток, сепак им препорачувам, пријавете се во Амбасада, нека ве има во списокот, дајте телефонски броеви. Утре ако се влоши ќе знаеме како да ве контактираме. Тоа е најдобриот начин да направиме јасен список за тие што се надвор – вели Османи.

По нападите од саботата на Иран врз Израел во МНР е формиран Кризен штаб чија примарна задача е да организира извлекување на македонските државјани од Израел и од поширокиот Блиски Исток доколку за тоа има потреба. Покрај Амбасадата во Тел Авив на граѓаните на располагање им стојат и амбасадите во Каиро, Абу Даби и Катар.

Сите државјани кои се наоѓаат во посочениот регион можат да стапат во комуникација со нашата Амбасада во Тел Авив на дежурниот телефон 972 549 267 378 како и СОС дежурните телефони на МНР 075 273 732 и 075 268 376 со цел подготовки за евентуална евакуација. Извлекувањето ќе зависи од динамиката на состојбите во наредните часови и денови како и од отворениот аеродором во Тел Авив кој повторно е ставен во функција, но, работи со ограничен капацитет. Алтернативна рута е копнен пат преку Јордан.

The post ЕДЕН МАКЕДОНЕЦ ПОБАРАЛ ЕВАКУАЦИЈА ОД ИЗРАЕЛ Османи објасни каде треба да се обратат сите кои се засегнати таму appeared first on plusinfo.mk.

Првиот секретар на Канцеларијата за врски на Косово во Белград, Фатмир Хаџоли, денеска на ФБ објави дека тројца косовски полицајци денеска ќе се појават пред судот во Краљево.

Приштина тврди дека полицајците биле киднапирани од територијата на Косово, додека од Белград велат дека тие биле уапсени на територијата на Србија.

Како што претходно соопштија српските власти, тие се осомничени дека сториле кривично дело недозволено изработување, држење и тргување со оружје и распрскувачки материи, за кое е предвидена казна затвор до 12 години.

The post СРБИЈА ГИ ОСЛОБОДИ ТРОЈЦАТА КОСОВСКИ ПОЛИЦАЈЦИ Ќе им се суди во Краљево appeared first on plusinfo.mk.

На прашањето, пак, доколку има руски бегалци, дали ќе го имаат истиот третман како украинските, тој кажа дека Украинците имаат третман согласно со меѓународните организации во кои ние сме членки за згрижуавање на бегалци од војна.

– Ние ги донесовме сите потребни одлуки во однос на постојано згрижување или згрижување во транзит бидејќи дел доаѓаат и потоа заминуваат во други земји. Тоа е нивниот третман, а вашето прашање е насочено сосема на нешто друго. Тие одат во земји каде што имаат директни летови. Кај нас нема директни летови – одговори Ковачевски по настанот за презентација на Проект за поврзување на локалните патишта.

Премиерот на прашањето дали се размислува за укинување на визите за граѓаните на Русија, вели дека нема таков предлог во моментов.

Во изминатите денови илјадници руски државјани ја напуштаат земјата во обид да избегнат мобилизација, откако рускиот претседател Владимир Путин минатата седмица нареди делумна мобилизација на 300.000 резервисти. Русите најчесто со автомобили се упатуваат кон границите кон Грузија и Монголија, каде што чекаат и по 48 часа на граница, бидејќи цената на авионските карти, на оние кои се уште се достапни, значително се зголеми и достигна по неколку илјади евра. Меѓу земјите на кои на руските државјани им се овозможува влез без виза се и Србија, Турција, Грузија и Ерменија

The post НИЕ НЕМАМЕ ДИРЕКТНА АВИО-ВРСКА СО МОСКВА Премиерот не очекува бегалски бран на Руси appeared first on plusinfo.mk.

Педесет и три илјади двесте и еден државјанин на Македонија, освен македонското има и некое други државјанство, a второ најбројно во земјава е бугарското.

Од резидентното население во земјава на пописот со второ државјанство, според етничката припадност, најбројни се Македонците, односно 31.300 дека имаат втора татковина, додека второ државјанство, освен македонското имаат над 8.500 Албанци, над 5.700 Срби и 1.500 Турци.

Бугарија како втора татковина ја пријавиле 19.645 македонски државјани, а како државјани само на Бугарија се пријавиле 116 лица. Со српски пасош на пописот се пријавиле над 11.700 лица, од кои на 10.900 српското име и второ државјанство освен македонското. Албанско државјанство како второ имаа повеќе од 2.100 македонски државјани, додека и косовско државјанство имаат речиси 2.400 македонски државјани. Второ, хрватско државјанство, пријавиле повеќе од 3.800 македонски државјанин, додека словенечко имаат над 1.000. Грчко и македонско државјанство пријавиле 208 граѓани на пописот во септември.

Надвор од земјите од регионот најбројни се оние со второ, американско, државјанство, 1.937, додека второ германско државјанство пријавиле 804 македонски државјани. Француско пријавиле 263 македонски државјани, а само шест повеќе, поточно 269 македонски државјани имаат и руско државјанство. Австралиско како второ државјанство од вкупниот број на попишано население на државава пријавиле само 211 лица.

Интересен е податокот дека дури 115 македонски државјани имаат и државјанство на Американска Самоа, додека државјанство од најбројната држава во светот, Кина, на пописот пријавиле 18 македонски граѓани, од кои на шест кинеското им е второ државјанство. Инаку во списокот на држави е наведен и континентот Антарктик, но според податоците на пописот од таму нема пријавени државјани во ниедна категорија.

Освен бројките за двојните државјанства Статистика денеска излезе и со податоци за населението по возраста и пол, при што интересно е да се каже дека на пописот пред седум месеци повозрасни од 100 години биле попишани 33 жени и 18 мажи, додека над 90 години во тој момент во земјава имало 4.400 лица.

The post ВТОРО НАЈБРОЈНО ДРЖАВЈАНСТВО Е БУГАРСКОТО 115 Македонци имаат пасош на Американска Самоа appeared first on plusinfo.mk.

„Тие со на безбедно и се во доба состојба. Очекувам во текот на денот да ја напуштат Украина и потоа со асистенција на нашата дипломатска мрежа, од соседството на Украина, ќе се воспостави нивниот транспорт до Скопје“, напиша Османи на Фејсбук.

Ова, додава тој, е најсложениот случај од процесот на евакуација.

„Продолжуваме понатаму во соработка со нашите партнери и сојузници, во обезбедување нови безбедносни коридори за евакуација на нашите граѓани од Украина. Да информирам, дека во Харков, градот кој е најпогоден со воени дејствија, во моментов немаме веќе пријавени наши државјани“, пишува Османи.

The post СЕМЕЈСТВОТО СО НОВОРОДЕНЧЕTO ГО НАПУШТА ХАРКОВ Во градот веќе нема македонски државјани appeared first on plusinfo.mk.

Поради сериозно влошената безбедносна ситуација во и околу Украина, МНР упати посебен апел до нашите државјни кои сѐ уште се наоѓаат во Украина, итно да ја напуштат земјата поради можност од воена ескалација.

Соопштението ви го пренесуваме во целост:

– Соодветно, ги повикуваме сите државјани на Северна Македонија кои во претстојниот период планирале посета на Украина, да избегнуваат патувања во земјата.

Министерството за надворешни работи на Република Северна Македонија ги следи одблиску состојбите, и е во постојана комуникација со нашите партнери и сојузници со кои на дневна основа разменуваме информации и анализи за актуелните состојби.

Потсетуваме и на претходните повици кон оние граѓаните кои се наоѓаат во Украина, а кои сѐ уште не ги оставиле своите податоци во амбасадата, да ја контактираат Амбасадата на Република Северна Македонија во Киев, со цел доставување на своите податоци на следните телефонски броеви:

+380442877882;
+380663951190;
е-mail: dkpkiev@mfa.gov.mk

Дополнително, нашите државјани може да се обратат и во Министерството за надворешни работи на дежурниот телефонски број

+389 75 273 732 или на
е-mail: globalsos@mfa.gov.mk

– Воедно ги потсетуваме сите нашите граѓани, и оние кои се наоѓаат овде и оние кои се наоѓаат во Украина, или било каде, да ги следат и да се информираат од официјалните канали на информирање кои доаѓаат од Министерството за надворешни работи, социјалните мрежи на Министерството и Амбасадата на Република Северна Македонија во Киев – велат од МНР.

The post ВЕДНАШ НАПУШТЕТЕ ЈА УКРАИНА Ново предупредување од МНР поради можна воена ескалација appeared first on plusinfo.mk.

– Пописот и избирачкиот список се сосема независни работи. Едната е за државјаните и оние кои се полнолетни и имаат право на глас. Лицата за пописот се поинаку дефинирани и овие две работи не треба секогаш да се доведуваат во корелација. Базата на државјани е 2.400.000 државјани и од таму се влече избирачкиот список – рече Симовски.

The post ПОПИСОТ И ИЗБИРАЧКИОТ СПИСОК СЕ РАЗЛИЧНИ РАБОТИ Базата на државјани е 2,4 милиони и оттаму се влече избирачкиот список appeared first on plusinfo.mk.

Повторното отворање на меѓународната граница за граѓаните и постојаните жители ќе биде поврзано со воспоставување домашен карантин во осум австралиски држави и територии, рече Морисон, што значи дека некои делови од земјата ќе се отворат порано од другите, наведува Ројтерс.

Првата фаза од планот, додава тој, ќе се фокусира на дозволување на граѓаните и постојаните жители да ја напуштат Австралија.

– Време е да им го вратиме животот на Австралијците. Спасивме животи – рече Морисон за време на телевизиската прес-конференција.

Според планот објавен денеска, Австралијците кои се целосно вакцинирани ќе можат да патуваат во странство и да одат во седумдневен карантин по враќањето дома. Луѓето кои не се вакцинирани ќе мора да поминат 14 дена во карантин во хотел по нивното враќање.

Морисон рече дека неговата влада работи и на можноста да се патува без карантин со земји како Нов Зеланд.

Извор од австралиската влада наведува дека се разговара и за плановите да им се дозволи на странските посетители да влезат во земјата, но дека сѐ уште не е можно да се дефинира временска рамка.

Морисон ја затвори меѓународната граница во март 2020 година. Оттогаш, само на ограничен број луѓе им е дозволено да ја напуштат земјата од деловни или хуманитарни причини.

На граѓаните и постојаните жители им беше дозволено да се вратат од странство, под услов на ограничени квоти и задолжителен 14-дневен карантински период поминат во хотелот на сопствен трошок.

Морисон рече дека очекува првиот домашен систем за карантин да биде пуштен во употреба во ноември. Тој порано рече дека сака повторно да ги отвори сите национални и меѓународни граници кога стапката на национална вакцинација за лица на возраст над 16 години ќе достигне 80 проценти, што се очекува до крајот на следниот месец.

Според Ројтерс, строгото затворање на границите на Австралија е исто така одговорно за релативно малиот број на смртни случаи и инфекции, бидејќи од почетокот на пандемијата во таа земја се регистрирани нешто повеќе од 107.000 случаи на ковид-19 и околу 1.300 смртни случаи.

Во Австралија денеска беа пријавени 2.084 нови случаи, од кои најголем број беа откриени во Нов Јужен Велс и Викторија.

The post ПО 18 МЕСЕЦИ КАРАНТИН Од ноември Австралијанците ќе може да патуваат во странство appeared first on plusinfo.mk.