Нафтената пумпна станица „Калејкино“, клучен логистички центар за извозниот нафтовод „Дружба“, била погодена во текот на ноќта во руската Република Татарстан. Според снимките што се проширија на интернет, избувнал голем пожар, а пламените се издигале високо над објектот.

Регионалните власти утрово потврдија дека е нападнат индустриски објект.

Во официјалното соопштение руските власти наведоа:

„Малиот пожар е предизвикан од остатоци од дрон. Нема повредени. Службите за итни случаи работат на отстранување на последиците. Ситуацијата е под контрола“.

Станицата „Калејкино“ важи за најмоќен објект од ваков тип во регионот. Таму се меша нафта од Западен Сибир и од регионот Волга, пред да биде испратена за извоз преку нафтоводот „Дружба“.

Објектот одржува притисок и континуиран проток на сурова нафта, а истовремено снабдува рафинерии во Татарстан.

An oil pumping station was attacked in Tatarstan.

ASTRA reports that the station in question is the Kaleikino pumping station, a main oil pumping station located near the village of Kaleikino, near Almetyevsk.

It receives oil from various pipelines and serves as a major hub… pic.twitter.com/mgpjmVdu1f

— News.Az (@news_az) February 23, 2026

Штетата на ваков објект би можела директно да влијае врз руската економија. Приходите од нафта и гас сочинуваат околу третина од федералниот буџет на Русија.

Од тие средства се финансира војната против Украина, пишува Украинска правда.

„Калејкино“ претставува една од почетните точки во синџирот што ги насочува ресурсите кон европските пазари.

Засега нема информации за обемот на материјалната штета.

The post УДАР ВРЗ НАФТОВОДОТ „ДРУЖБА“ Пожар во клучна станица во Татарстан appeared first on plusinfo.mk.

Руски напад со дрон го зави во црно градот Богодухив во Харковската област, каде загинаа три мали деца и еден 34-годишен маж, додека нови удари врз Запорожје предизвикаа пожари и масовни прекини на струја.

Според украинската Државна служба за вонредни состојби, ударен дрон погодил приватна куќа во станбен дел од Богодухив, која била целосно уништена. По експлозијата избувнал пожар што се проширил на површина од околу 60 квадратни метри.

„Непријателот повторно нападна станбена зона. Куќата е целосно разурната“, соопштија спасувачките служби.

Под урнатините биле пронајдени телата на две момчиња, едното на возраст од една година, другото двегодишно, како и на двегодишно девојче. Животот го загубил и 34-годишен маж.

Началникот на Харковската регионална воена управа, Олех Сињегубов, информира дека повредени се и 35-годишна трудница и жена постара од 70 години.

Ова е втор смртоносен напад врз Богодухив во рок од неколку дена. На 9 февруари во руски напад загинаа десетгодишно момче и неговата мајка, откако нивниот дом беше погоден и срушен.

Во текот на ноќта на удар се најде и Запорожје. Дронови погодија инфраструктурен објект, предизвикувајќи голем пожар и прекини во снабдувањето со електрична енергија. Според локалните власти, повеќе од 11.000 корисници во два реона останале без струја.

Дел од снабдувањето е обновено, но утрово над 2.000 домаќинства сè уште биле без електрична енергија. Властите предупредуваат дека целосната стабилизација може да потрае.

Во друг ноќен напад биле оштетени и болнички објекти, скршени се прозорци на едно одделение, но нема жртви. Во Вилњанск се оштетени и уништени повеќе приватни куќи, а повредени се две жени на возраст од 19 и 77 години.

Според украинското воено воздухопловство, Русија во текот на ноќта лансирала 129 јуришни дронови, меѓу кои и од типовите „Шахед“, „Гербера“ и „Италмас“. Противвоздушната одбрана соборила или неутрализирала 112 летала, но 15 дронови погодиле осум различни локации низ земјата.

The post ТРИ МАЛИ ДЕЦА ЗАГИНАА ВО НАПАД СО ДРОНОВИ Руската армија напаѓа станбени зони во Харков и во Запорожје appeared first on plusinfo.mk.

Пламени јазици се издигаат од петрохемискиот комплекс „Ставролен“ , кој го управува рускиот енергетски гигант „Лукоил“ јво руската покраина Ставропол. Украина го нападнала регионот со дронови.

Според гувернерот Владимир Владимиров потврдил дека во напад  нема повредени, додека станбените згради и инфраструктурата останале недопрени.

„Во индустриската зона има пожари. Службите за итни случаи работат на местото на настанот“, напишал Владимиров на Телеграм, без да открие кој објект бил зафатен.

Овој погон е клучен за производство на полиетилен и полипропилен, а истиот, според „Ројтерс“, претходно бил цел на украински напади.

Украина, според западните извори, смета дека ваквите удари имаат за цел да ги ограничат руските воени капацитети и логистиката на Кремљ во војната која трае речиси 4 години.

A loud night in Russia’s Stavropol Krai, as the Stavrolen petrochemical plant in Budyonnovsk faced hardship until the early hours. pic.twitter.com/iKFQY7DeGa

— SPRAVDI — Stratcom Centre (@StratcomCentre) December 23, 2025

Исто така, Русија возвратила со серија воздушни удари врз енергетската инфраструктура на Киев и други региони. Нападот ја предизвикал Полска, членка на НАТО, да испрати авиони за да го заштити својот воздушен простор, поради ризикот од прелевање на руските ракети во близина на границата.

„Мерките се превентивни и имаат за цел заштита на полскиот воздушен простор“, се вели во соопштението на полската воена команда.

Според украинското Министерство за енергетика, руските напади во повеќе места предизвикале итни прекини на електричната енергија, вклучувајќи го и главниот град.

Градоначалникот на Киев, Виталиј Кличко, изјавил дека остатоци од ракети паднале во населбата Свјатошински, оштетувајќи станбени згради, но без човечки жртви.

Викендот претходно, во Мајами, под покровителство на САД, се одржале мировни разговори меѓу американски, украински, европски и руски претставници, во обид да се испита дали постои простор за прекин на огнот.

Сепак, нападите што уследија го покажаа спротивното – дипломатскиот фронт останува тенок, додека воениот расте во пламен.

The post 📽️УКРАИНСКИ ПОГОДОК, ГОРИ НАФТЕН ГИГАНТ ВО СТАВРОПОЛ Русите возвратија, Полска крена авиони appeared first on plusinfo.mk.