ЈП „Комуналец“ од Гостивар тврди дека швајцарскиот проект за водоснабдување „Гостивар II – SECO II“ не е пропаднат, туку е речиси целосно реализиран. Според претпријатието, завршени и тестирани се околу 98 проценти од работите, а за целосно пуштање во употреба недостигаат уште околу 600 метри цевковод.

Главната пречка, како што наведува Комуналец, е што веќе две години се чека согласност од Јавното претпријатие за државни патишта за изградба на преостанатиот дел од трасата. Без таа дозвола, велат, не може законски да продолжи изведбата.

Реакцијата следува по прилогот на ТВ Телма, во кој проектот беше претставен како неуспешен. Од Комуналец велат дека таква оценка не може да се даде без увид во целокупната проектна документација, договорите и извештаите за изведените работи. Проектот беше финансиран од Швајцарскиот државен секретаријат за економски прашања (SECO), Германската развојна банка KfW и Општина Гостивар.

Градежните работи ги изведувале избрани компании под стручен надзор, а не ЈП „Комуналец“. Од претпријатието велат дека се подготвени на обвинителството, ревизорите и другите надлежни институции да им ја достават целата документација. Доколку има пропусти или злоупотреби, тие треба да се утврдат во законска постапка, со прецизно утврдување на одговорноста на сите учесници во проектот.

Според претходните информации на Телма, за проектот биле потрошени повеќе од 7 милиони евра. Швајцарскиот државен секретаријат за економски прашања, пак, соопшти дека неговиот дел од проектот е завршен и предаден на гостиварскиот „Комуналец“ уште на крајот на 2023 година, додека во меѓувреме Обвинителството води истрага и за финансиското работење на претпријатието.

СЕ ВРШИ И ФИНАНСИСКА ИСТРАГА НА ГОСТИВАРСКИОТ „КОМУНАЛЕЦ“ Обвинителството побара обемна документација

The post ДВЕ ГОДИНИ ЧЕКААТ ДОЗВОЛА ЗА ПОСЛЕДНИТЕ 600 МЕТРИ Комуналец објаснува зошто не е завршен швајцарскиот проект во Гостивар appeared first on plusinfo.mk.

Од 1 јули до 31 август се воведува забрана за движење во шумите и шумските подрачја. Движењето ќе биде дозволено единствено со писмено одобрение издадено од страна на подружниците на ЈП „Национални шуми“  и Националните паркови, соодветно за подрачјето со кое  управуваат.

„Министерството за земјоделство, шумарство и водостопанство ја известува јавноста дека согласно насоките од Владата како и барањата од корисниците на шумите –  ЈП „Национални шуми“ и  Националните паркови кои управуваат со заштитените подрачја,  даде согласност за воведување на целосна забрана за движење во шумите и шумското земјиште. Согласност се издава согласно членот 57, став 3 од Законот за шумите, поради зголемена опасност и превенирање од појава на шумски пожари на отворен простор“, информира денеска ресорното Министерство.

За непочитување на забраната, на физички лица кои ќе се затекнати да се движат во шума и шумско земјиште, ќе им биде изречена глоба од 1.500 до 2.000 евра во денарска противредност.

The post ЗАБРАНА ЗА ДВИЖЕЊЕ ВО ШУМИ ОД 1 ЈУЛИ ПА ДО КРАЈОТ НА ЛЕТОТО Казните се солени, од 1.500 до 2.000 евра appeared first on plusinfo.mk.

Утре во 18 часот повторно ќе се одржи протест пред цементарницата Усје во Скопје.

Иницијативата „Стоп Усје“ најави блокада на крстосницата на двата булевара пред фабриката.

Едно од барањата на иницијативата е мерната станица кај Усје, поставена од Општина Кисела Вода во 2023 г., да започне со континуирано 24/7 мерење и јавно прикажување на податоците во реално време. Истата да биде интегрирана со сите јавни апликации за квалитет на воздухот (пр. AirCare), наместо досегашното парцијално објавување резултати преку ПДФ документи на веб-страницата на општината. Дополнително, да се постават повеќе мерни станици во поширокиот простор околу Усје, со цел јавноста транспарентно и во реално време да го следи квалитетот на воздухот.

The post „СТОП УСЈЕ“ УТРЕВЕЧЕР ЌЕ ЈА БЛОКИРА РАСКРСНИЦАТА КАЈ ЦЕМЕНТАРНИЦА Екологистите бараат строг надзор од државата appeared first on plusinfo.mk.

Само за еден ден, полицијата низ цела Македонија казни дури 841 возач поради разни сообраќајни прекршоци. Како што покажуваат бројките, возачите никако да научат – најмногу се казнувале за неправилно паркирање, дури 270 случаи, а веднаш по тоа следат оние што возеле пребрзо, нив ги имало 214.

Во рамки на вчерашната контрола, полицијата фати и 82 возачи без возачка дозвола Контролите се однесувале и на други прекршоци, па така биле изречени и 65 казни за неносење сигурносен појас, како и 28 за користење мобилен телефон додека се вози.

Има и такви кои продолжуваат да возат пијани – пет возачи биле фатени под дејство на алкохол, шестмина поминале на црвено, а шестмина пешаци исто така направиле прекршоци. Дополнително, шестмина мотоциклисти биле фатени без заштитна кацига.

Полицијата од сообраќај биле исклучени 17 нерегистрирани возила и осум технички неисправни возила, што значи дека акцијата опфатила и безбедносен технички аспект, а не само казнување на возачи.

Од МВР најавуваат дека сообраќајните контроли ќе продолжат и во наредните денови.

„Апелираме до сите учесници во сообраќајот да ги почитуваат правилата и прописите. Само така можеме да придонесеме за поголема безбедност на патиштата и да спасиме животи“, велат од Министерството.

The post БЕЗ ДОЗВОЛА, ПИЈАНИ, ПРЕБРЗИ Полицијата вчера казни 841 возач appeared first on plusinfo.mk.

Во текот на првите два дена од месец април (01-02.04), полицијата продолжи со засилените сообраќајни контроли низ земјава, при што издаде вкупно 1.296 платни налози за прекршоци според Законот за безбедност на сообраќајот на патиштата. Најмногу прекршоци се регистрирани за неправилно паркирање (393), следено од возење со брзина поголема од дозволената (196).

Покрај овие, полицијата санкционираше и 101 случај на возење без возачка дозвола, како и 199 прекршоци што ги сториле пешаците. Меѓу другите нарушувања на сообраќајните правила, забележани се 72 случаи на возачи кои не користеле сигурносен појас и шест возачи на мотоцикл кои не носеле заштитна кацига.

Додатно, 32 санкции беа изречени за користење мобилен телефон при возење, а 16 возачи се отстранети од сообраќај поради возење под дејство на алкохол. Изречени се и осум мерки за минување на црвено светло.

Полицијата откри 38 неисправни возила, од кои 14 поради техничка неисправност, а 24 затоа што не биле регистрирани. Сообраќајните контроли ќе продолжат и во наредните денови, а полицијата апелира до граѓаните да ги почитуваат сообраќајните правила и прописи за зголемена безбедност на патиштата.

The post ЗА ДВА ДЕНА СЕ ИЗРЕЧЕНИ 1.296 САНКЦИИ Најмногу казни се за неправилно паркирање и возење без дозвола appeared first on plusinfo.mk.

Возачот М.Е. бил запрен денеска околу пладне во центарот на Скопје поради не само што го пречекорил дозволеното ограничување на брзина, туку и затоа што управувал со возилото без возачка дозвола.

Тој се движел со брзина од 104 км/ч на булеварот Александар Македонски, каде што максимално дозволената брзина е 50 км/ч.

„Полициските службеници реагираа брзо и го сопреа возачот. По извршениот преглед, се утврди дека возачот, покрај што возел со прекумерна брзина, не поседуваше важечка возачка дозвола. Заради тоа, против него ќе биде поднесена кривична пријава за безобѕирно управување со моторно возило“, велат од СВР Скопје.

The post ЛУДУВАЛ НИЗ СКОПЈЕ ИАКО НЕМАЛ ВОЗАЧКА Скопјанец без дозвола возел со 104 км/ч во зона за 50 appeared first on plusinfo.mk.

Оваа одлука доаѓа во време на економска нестабилност, рецесија и промени во политиките на новата германска влада, која се фокусира на ограничување на имиграцијата.

Според агенциите за посредување при вработување, моменталната побарувачка за работна сила во Германија е значително намалена, а многу сектори, вклучително и градежништвото, веќе не вработуваат во истиот обем како претходно.

Покрај тоа, значителен број Украинци кои поради војната се преселија во Германија добија право на престој и работа, што дополнително влијаеше на вработувањата на работници од Балканот.

Од 2016 година, балканските држави – Македонија, Србија, Босна и Херцеговина, Албанија, Косово и Црна Гора – добија можност за легален влез на нискоквалификувани работници во Германија, но со најновите измени, бројката е значително намалена.

Германските работодавачи веќе ја изразија својата загриженост, предупредувајќи дека ограничувањето на квотата може да доведе до недостиг на работна сила во одредени сектори како што се градежништвото, угостителството и негата.

И покрај намалените квоти, и натаму постои можност за индивидуално вработување, доколку работодавач од Германија обезбеди потврда дека нема пријавени домашни или ЕУ работници за одредена позиција. Со оваа потврда, македонските граѓани можат да поднесат барање за работна дозвола во германското конзуларно одделение.

Синдикатите и деловните здруженија сметаат дека работниците од Балканот биле значајни за германската економија, а ограничувањето на влезот може да создаде проблеми за одредени индустрии.

Од друга страна, зголемувањето на трошоците за живот и намалените можности за вработување придонесуваат дел од македонските работници да се враќаат во земјата.

The post НА ГЕРМАНИЈА НЕ Ѝ ТРЕБААТ ВЕЌЕ МАКЕДОНСКИТЕ РАБОТНИЦИ Преполовена е квотата за работници од Балканот appeared first on plusinfo.mk.

Зградата на Железничката станица во Нови Сад била отворена иако одредени работи сè уште биле во тек и за тоа не било известено Одделението на Републичката градежна инспекција. Вака може да се заклучи според кривичната пријава против српскиот министер за градежништво и транспорт Горан Весиќ и неговата заменичка Анита Димоски која била задолжена за надгледување на проектот за реконструкција, доградба и адаптација.

Српска Нова пишува дека зградата на железничката станица во неколку наврати е реновирана, а иако властите од самиот почеток на трагедијата во Нови Сад тврдеа дека натстрешницата не е во изградба, судејќи по кривичната пријава против осомничените, на објектот се работело.

„Дека не е извршен технички преглед на објектот и дека за наведениот објект не е издадена употребна дозвола, како и заради примена на една или повеќе мерки од надлежност на Одделението за републичка градежна инспекција, иако знаеле дека градежните работи сè уште се во тек, истите до 5 јули 2024 година не биле регистрирани од инвеститорот „Инфраструктура железнице Србија“ а.д. Белград, пред почетокот на работите согласно Законот за планирање и градење“.

• СРПСКИОТ МИНИСТЕР КОЈ ШТРАЈКУВАШЕ СО ГЛАД ПРЕНЕСЕН ВО БОЛНИЦА Весиќ вели дека не е одговорен за трагедијата во Нови Сад

Весиќ започна штрајк со глад во притвор минатата недела, а денеска беше примен во болница откако му се влоши здравјето. Тој рече дека ќе докаже дека не сноси никаква кривична одговорност за трагедијата и дека не бил уапсен туку сам им се предал на органите на власта.

Уривањето на натстрешницата во Нови Сад на 1 ноември одзеде 15 животи и предизвика политички хаос во Србија со протести на улиците и инциденти во собранието. Весиќ беше меѓу 12 уапсени лица за трагедијата.

Премиерот на Србија, Милош Вучевиќ изјави дека сега не е моментот за реконструкција на Владата и дека во вторник ќе соопшти кој од министрите ќе ги преземе министерствата предводени од Горан Весиќ и Томислав Момировиќ, кои поднесоа оставки поради трагедијата во Нови Сад, а кои вчера Собранието ги прифати, јави дописникот на МИА од Белград.

– Ни претстои пат да поставиме двајца нови министри, а во вторник ќе кажам кој ќе ги преземе тие две министерства, додека не се изберат нови членови на Владата – изјави синоќа Вучевиќ за Јуроњуз.

The post ВЕСИЌ НЕ ВИКНАЛ ГРАДЕЖНА ИНСПЕКЦИЈА НА ВРЕМЕ? Поднесена пријава во врска со трагедијата во Нови Сад appeared first on plusinfo.mk.

• БАЈДЕН ЈА СМЕНИ ИГРАТА ПРЕД ЗАМИНУВАЊЕ Украина ќе користи ракети со долг дострел за напади во Русија

Руската пратеничка изјави дека администрацијата на претседателот Џо Бајден ризикува Трета светска војна доколку ѝ дозволи на Украина да користи оружје, произведено од САД, за да напаѓа длабоко во Русија.

– Овие момчиња, администрацијата на Бајден, се обидуваат да ја ескалираат ситуацијата до максимум додека сè уште имаат моќ и додека сè уште се на функција – рече Бутина.

Инаку, руската пратеничка била затворена во САД на 18 месеци, во 2019 година, откако се обидела да се инфилтрира во американските конзервативни групи и во Националната асоцијација за пушки за да ги промовира руските политички интереси околу изборите во 2016 година. Таа сега е пратеник на владејачката партија Единствена Русија.

– Претпоставувам дека има некои луѓе во САД кои немаат што да загубат од која било причина или кои се надвор од мрежата до тој степен, што едноставно не им е грижа – додаде таа.

Трамп треба да ја укине одлуката на Бајден

– Имам голема надеж дека Трамп ќе ја укине оваа одлука, ако таа е донесена, бидејќи тие сериозно ризикуваат почеток на Трета светска војна, што не е во ничиј интерес – изјави таа.

Бајден во неделата ја укина забраната за истрелување американски ракети со долг дострел на руска територија дозволувајќи им да се користат против руските и против севернокорејските сили во регионот Курск. Американскиот претседател ќе ѝ дозволи на Украина да користи ракети „Атацмс“, од американско производство, кои имаат домет од 300 километри.

• МАСК ГО КРИТИКУВА БАЈДЕН ЗА УПОТРЕБА НА РАКЕТИТЕ ВО УКРАИНА Што правеше последните два месеца?

Дозволата на Бајден не е „сребрен куршум“ против Русија

Од друга страна, пак, член на комисијата за надворешни работи во украинскиот парламент, Марија Јонова, изјави дека употребата на ракети со поголем дострел против Русија не е „сребрен куршум“ што ќе гарантира победа за Украина и повика на промена на стратегијата од страна на западните лидери, објави британски Гардијан.

– Ракетите не се „сребрениот куршум“ против нашите заеднички непријатели и затоа бараме од сите наши пријатели промена на стратегијата бидејќи нашите непријатели се обединети и треба да застанеме заедно. Кога зборуваме за оваа дозвола, да, ја цениме, но тоа нема да донесе победа. Ни треба воздушен штит над Украина, повеќе обука, повеќе западни воени инструктори во Украина, повеќе санкции, а и повеќе секундарни санкции – изјави Јонова.

Таа им упати повик на украинските сојузници да бидат покреативни и похрабри.

– Не исклучувајте ништо. Не одложувајте. Ги разбираме процедурите во демократските општества, но за нас времето чини човечки животи – изјави таа.

Претседателот Владимир Путин на 12 септември рече дека одобрувањето на Западот за таков чекор би значело „директно вклучување на земјите од НАТО, САД и европските земји во војната во Украина“, бидејќи воената инфраструктура и персоналот на НАТО ќе мора да бидат вклучени во таргетирањето и истрелувањето на проектилите.

• ДАЈТЕ Ѝ НА УКРАИНА РАКЕТИ СО ДОЛГ ДОСТРЕЛ, ПА ЌЕ ВИДИТЕ! Путин упати сериозно предупредување до САД и до НАТО

Кон крајот на октомври, Путин рече дека руското Министерство за одбрана работи на различни начини да одговори доколку Соединетите Држави и нивните сојузници од НАТО и помогнат на Украина да удри длабоко во Русија со западни ракети со долг дострел.

Подготвил: Хари Кацановски

УКРАИНА СЕКОЈ МОМЕНТ МОЖЕ ДА ЈА НАПАДНЕ РУСИЈА СО АМЕРИКАНСКИ РАКЕТИ Позната е и првата руска мета, а Европа веќе е во паника

The post БАЈДЕН ЌЕ ПОЧНЕ ТРЕТА СВЕТСКА ВОЈНА ПРЕД ДА ЗАМИНЕ Дали Киев доби „сребрен куршум“ против Кремљ? appeared first on plusinfo.mk.

Општината потсетува дека има издадено одобрение за градење на катна гаража лоцирана до Собранието врз основа на склучен Договор помегу „Анго“ и ресорното Министерство и оти во тек на 2020 година го има поништено одобрението за градење. – Но, по завршениот судски процес и донесена одлука од страна на судот 2021 година пресудено е во корист на изведувачот и овозможено му е да продолжи со изградба на катната гаража, согласно Деталниот урбанистички план за конкретната локација. Поради наведениве причини, Општина Центар во овој момент нема правен механизам ниту законска можност да го спречи градењето на катната гаража лоцирана до Собранието, со оглед дека изведувачот „Анго“ поседува правосилно одобрение за градење, изјавија од Општина Центар.

Потенцираат дека очекуваат најавеното изнаоѓање решение од Владата и надлежните министерства да оди во правец кој нема да биде на штета на граѓаните на Општина Центар, на институцијата и на општинскиот буџет.

По објавата дека Министерството за внатрешни работи утврдило безбедносен ризик со изградбата на катната гаража, премиерот Христијан Мицкоски вчера најави дека следната недела во Собранието ќе има средба за да се надмине проблемот, што посочи дека треба да се реши, а не да се запоставува.

Мицкоски рече дека веќе е остварена комуникација од страна на Кабинетот на претседателот на Соранието, со компанијата што треба да ја гради катната гаража.

– Во македонското Собрание во текот на следната недела ќе има средба каде што проблемот треба да биде надминат. Треба да знаеме дека компанијата ги има испочитувано сите услови согласно закон, и ние неможеме да ја оштетиме компанијата затоа што некој некогаш не бил разумен и направил нешто што може да ја загрози безбедноста на македонското собрание. Проблемот ние треба да го решаваме и нема да седиме настрана. Тоа што некој се однесувал незрело, ние сега траба да решаваме, а со цел да нема оштетени и притоа да се зачува безбедноста на македонското Собрание, а компанијата согласно закон да се обесштети. Вистинската адреса за овој проблем е Собранието и од таму очекуваме конкретни информации – изјави вчера Мицкоски на новинарско прашање.

Државното земјиште кај Собранието беше продадено на јавно наддавање во 2013 во времето на премиерот Никола Груевски, а министер за транспорт и врски беше Миле Јанакиески, согласно договорот за отуѓување на катна гаража со компатибилни класи на намена односно изградба на мали комерцијални и деловни единици. Катноста на објектот согласно Детален урбанистички план е П+2, а влезот е предвиден од пристапната улица помеѓу Собрание и Дом на АРМ.

Инвеститорот добил одобрение за градење на катната гаража на 26 август 2014 година, со правосилност од 10 септември 2014.

Градежната дозвола за изградба на катната гаража беше поништена во 2018 година од ексградоначалникот на Општина Центар Саша Богдановиќ, бидејќи инвеститорот не почнал во предвидениот рок со градба. Но, инвеститорот на ова решение поднесува жалба и по судската постапка која трае неколку години решението на Општина Центар се укинува и на инвеститорот му се дозволува да гради.

The post НЕ Е БЕЗБЕДНО ДА ИМА КАТНА ГАРАЖА ДО СОБРАНИЕТО Поради стара и неразумна одлука Гаши ќе преговара со инвеститорот за отштета appeared first on plusinfo.mk.