Утрешниот ден ќе започне со променливо облачно време, но попладнето ќе донесе повеќе сончеви периоди со умерена облачност. Ветровите ќе дуваат со слаб до умерен интензитет од северен правец, додека минималните утрински температури ќе се движат од 10 степени во Маврово до 19 степени во Гевгелија. Максималните дневни температури ќе достигнат 14 степени во Маврово и дури 33 степени во Гевгелија.

Во Скопје, утрото ќе биде сончево со умерена облачност, а ветерот ќе биде слаб до умерен од северен правец. Температурите ќе се движат од 17 до 32 степени, што ќе донесе пријатно топло попладне за граѓаните на главниот град.

Според податоците на УХРМ, сабота ќе биде променливо облачно со слаб до умерен ветер, претежно од југоисточен правец. Во попладневните часови, особено во југоисточните делови, ќе има изолирана појава на краткотраен дожд и ретки грмежи.

Минималните утрински температури ќе бидат од 7 до 16 степени, а максималните дневни од 25 до 32 Целзиусови степени.

Недела ќе донесе променливо облачно време со слаб до умерен ветер од јужен правец. Попладне на повеќе места ќе има појава на нестабилност со пороен дожд и грмежи, а на одредени места се очекуваат поинтензивни процеси. Утринските температури ќе се движат од 8 до 17 степени, а дневните од 24 до 30 степени.

Граѓаните се советуваат да ги следат упатствата за безбедност при појава на нестабилни временски услови, особено за активности на отворено.

The post СОНЦЕ, ОБЛАЦИ И МОЖНИ ДОЖДОВИ Времето утре ќе ги изненади граѓаните низ Македонија appeared first on plusinfo.mk.

Првиот ден од септември, како и неделата, ќе биде сончев со мала до умерена облачност и слаб до умерен ветер од северозападен правец, соопшти Управата за хидрометеоролошки работи (УХРМ).

Минималните утрински температури ќе се движат од 8°C во Маврово до 18°C во Гевгелија, додека максималните дневни ќе достигнат од 24°C до дури 34°C во Скопје.

Во главниот град утре се очекува сончево време со мала до умерена облачност. Температурата ќе се движи од 18°C во утринските часови до максимални 34°C во текот на денот.

Од вторник, метеоролозите најавуваат уште потопло време – сончево со мала до умерена локална облачност и температури кои ќе се движат од 30°C до 37°C.

Во среда пак ќе настапи промена – времето ќе биде променливо облачно, со слаб до умерен западен ветер. Попладне на повеќе места ќе има појава на пороен дожд и грмежи. Температурите ќе се движат меѓу 29°C и 36°C.

The post СЕПТЕМВРИ ПОЧНУВА СО ЛЕТНИ ГОРЕШТИНИ Најтопло ќе биде во Скопје, потоа во Гевгелија appeared first on plusinfo.mk.

Времето утре ќе биде променливо облачно, најавува Управата за хидрометеоролошки работи.

Во западните делови ќе има локален пороен дожд и ретки грмежи. Ќе дува слаб до умерен, а вдолж Повардарието повремено засилен северен ветер.

Најстудено утро ќе биде во Маврово, со минимална температура од 9 степени. Најтопло ќе биде во Гевгелија, каде се очекува температура до 33 степени Целзиусови.

Во Скопје времето ќе биде сончево, со повремена облачност. Температурата ќе достигне до 31 степен.

Во недела ќе дува слаб до умерен, а вдолж Повардарието повремено засилен северен ветер кој ќе предизвика опаѓање на дневната температура.

Потоа времето ќе биде претежно стабилно со благ пораст на дневната температура.

The post ЗАСИЛЕН СЕВЕРЕН ВЕТЕР ЌЕ ДОНЕСЕ ПОРОЕН ДОЖД И ГРМЕЖИ За викенд посвежо, од понеделник стабилно и топло appeared first on plusinfo.mk.

Времето утре ќе биде променливо облачно, посвежо и нестабилно со локален пороен дожд и грмежи, најавува Управата за хидрометеоролошки работи.

Наместа процесите ќе бидат поинтензивни со пообилен пороен дожд, кој ќе наврне во количина од над 15 литри на квадратен метар. Ќе има услови за појава на невреме со засилен ветер и со изолирана појава на град.

Утринската температура ќе се спушти најниско до 11 степени во Маврово, а најтопло ќе биде во Гевгелија и во Демир Капија со температура до 32 степени.

Во Скопје, времето ќе биде променливо облачно и нестабилно со пороен дожд и грмежи. Во делови од котлината ќе има услови за краткотрајно невреме со засилен ветер и изолирана појава на град. Температурата ќе се движи од 16 до 30 степени.

Во следните денови ќе преовладува претежно стабилно време со постепен пораст на дневната температура.

The post НЕ ИЗЛЕГУВАЈТЕ БЕЗ ЧАДОР, ДОАЃААТ ПОРОЈ, ГРАД, ГРМЕЖИ И ВЕТЕР Невреме во цела Македонија appeared first on plusinfo.mk.

Според метеоролозите од Управата за хидрометеоролошки работи (УХМР), земјава во наредните денови ќе биде под влијание на стабилна и топла воздушна маса, со претежно сончево време и умерена облачност.

Денеска времето ќе биде сончево и топло, со слаб до умерен ветер од североисточен правец. Во Скопје ќе преовладува слична состојба – сонце, пријатна умерена облачност и ветер од север. Минималните температури низ земјата се движат од 11 до 20°C, а максималните ќе достигнат меѓу 30 и 38°C.

Во сабота продолжува сончевото и топло време, но попладне, особено во планинските предели, ќе има услови за изолирана појава на краткотраен пороен дожд и грмежи. Ветерот ќе биде слаб до умерен од североисточен правец. Температурите ќе бидат слични – минимални од 10 до 20°C, а максимални од 30 до 38°C.

Во недела, метеоролозите најавуваат сончево и топло време со умерена облачност. Попладне ќе има можност за изолирани локални нестабилности со пороен дожд и грмежи, а долж Повардарието ветерот ќе биде повремено засилен од северен правец. Минималните температури ќе се движат меѓу 11 и 20°C, додека максималните ќе достигнат од 30 до 37°C.

The post ТОПЛОТНИОТ БРАН ПРОДОЛЖУВА Сонцето ќе доминира до крајот на неделата appeared first on plusinfo.mk.

По долг период на тропски горештини кои на некои места достигнаа дури 43 степени, граѓаните денеска конечно ќе почувствуваат олеснување. Од попладне следува пад на температурите, нестабилно време со можни дождови и грмежи, а освежувањето ќе продолжи во наредните денови.

Денешниот ден започна сончево, со мала до умерена облачност, но според најавите на метеоролозите, попладне и во вечерните часови се очекува развој на нестабилност со пороен дожд и грмежи на повеќе места низ земјава. Ќе дува слаб до умерен ветер, кој попладне во западниот регион ќе се засилува и ќе добие западен правец, додека долж Повардарието ќе дува северен ветер – токму тој ќе донесе и најголемо освежување.

Минималните утрински температури се движат од 13 до 22 степени, додека максималните, иако сè уште високи, ќе бидат значително пониски од претходните денови – од 30 до 37 степени.

Во Скопје денот започна сончево со умерена облачност, но во попладневните часови, особено во делови од котлината, се најавува појава на нестабилност со краткотраен пороен дожд и грмежи. Ветерот ќе биде северен, повремено засилен, а максималната температура ќе достигне до 36 степени.

Освежувањето нема да трае само еден ден – до четврток ќе преовладува променливо облачно и посвежо време со чести локални врнежи и грмежи. Ветерот ќе биде умерен до повремено засилен, главно од северен правец, а температурите ќе продолжат да опаѓаат.

Од петок се очекува стабилизација на времето и постепен пораст на дневните температури, но не толку интензивно како што беше во претходните денови.

The post ОСВЕЖУВАЊЕ ПО ГОРЕШТИНИТЕ ОД 43 СТЕПЕНИ Попладне дожд и грмежи во некои делови од земјава appeared first on plusinfo.mk.

По неколкудневниот топлотен бран со екстремно високи температури што на некои места во земјава надминаа дури 43 степени, метеоролозите од УХМР најавуваат дека од утре следува мало олеснување. Температурите низ целата држава ќе се спуштат под 38 степени, а во некои региони ќе има и појава на нестабилно време, со краткотрајни поројни дождови и грмежи – особено во попладневните часови и тоа главно на вторник.

Времето утре ќе биде претежно сончево и топло, со мала до умерена локална облачност. Попладне, постојат услови за развој на нестабилност, проследена со краткотраен дожд и грмежи, додека во западниот дел од земјата ветерот од југозапад ќе биде повремено засилен. Кон крајот на денот, ќе се очекува промена на ветерот во северен, што ќе придонесе дополнително за намалување на температурите.

Минималните утрински температури ќе бидат најниски во Берово, околу 14 степени, а највисоки во Скопје и во Гевгелија – до 22 степени. Дневните температури ќе бидат најпријатни во Маврово со 27 степени, додека најжешко и понатаму ќе остане во Гевгелија, каде максималната температура ќе се искачи до 38 степени.

Во главниот град, Скопје, времето ќе остане сончево и многу топло, но попладне ќе има умерен развој на нестабилна облачност. Во делови од котлината ќе постои можност за краткотраен дожд и по некој грмеж, а температурата ќе се движи меѓу 22 и 38 степени.

Од понеделник, сепак, следува позначителна промена на временската состојба. Очекувајте променливо облачно и посвежо време, со услови за повремени врнежи од дожд, кои локално може да бидат поројни и проследени со грмежи. Минималните температури ќе се движат од 13 до 22 степени, а дневните од 30 до 36 степени, што за многумина ќе биде посакувано олеснување од екстремните горештини.

The post ПЕКОЛНОТО ВРЕМЕ СЕ ПОВЛЕКУВА Утре утрото ќе биде сончево, но попладне грмежи и дожд appeared first on plusinfo.mk.

Утре (петок) и в сабота граѓаните низ целата држава ќе се соочат со вистински топлотен бран, со екстремно високи температури кои на некои места ќе достигнат и до 43 степени Целзиусови, предупредуваат од Управата за хидрометеоролошки работи (УХМР).

Највисоки температури се очекуваат во Гевгелија и во Скопје, каде жештината ќе го достигне својот врв. Во главниот град времето ќе биде сончево и многу топло, со слаб до умерен северозападен ветер. Утринските температури во Скопје ќе изнесуваат околу 21 степен, а дневната максимална ќе се искачи до 43°C.

Во петок минималните утрински температури ќе се движат од 14°C во Берово до 23°C во Гевгелија, додека максималните дневни ќе варираат од 35°C во Маврово до 43°C во Гевгелија и во Скопје.

Во сабота, времето останува сончево и пеколно, со мала до умерена локална облачност и слаб до умерен ветер од јужен правец. Температурите и понатаму ќе се движат меѓу 36°C и 43°C.

Од недела, според најавите на УХМР, следува променливо време со пад на температурите и зголемени услови за локална нестабилност, пороен дожд и грмежи. Ветерот ќе го смени правецот и ќе дува умерен до повремено засилен северен ветер кој ќе донесе освежување по пеколните денови.

The post ДО 43 СТЕПЕНИ В ПЕТОК И В САБОТА Пред нас се најтоплите денови ова лето, заладување од недела appeared first on plusinfo.mk.

Продолжува периодот на исклучително високи температури низ целата земја, при што синоптичарите најавуваат врв на топлотниот бран во петок и сабота, кога максималните температури може да достигнат дури и до 43 степени Целзиусови.

Според прогнозите, времето денеска ќе биде претежно сончево и многу топло, со слаб до умерен ветер од западен и северозападен правец. Максималната температура ќе се движи во интервал од 35 до 42 степени, а слични временски услови се очекуваат и во Скопје.

Од недела се очекува промена на временската состојба, со појава на локална нестабилност, пороен дожд и громови, што ќе придонесе и за опаѓање на температурите.

Поради екстремните температури, Владата излезе со итни препораки за заштита на населението, додека од Министерството за здравство упатуваат апел граѓаните строго да се придржуваат до мерките за самозаштита, кои вклучуваат:

– Престој во разладени простории, особено во периодот од 11 до 17 часот;

– Внесување доволно течности, избегнување алкохол и засладени пијалаци;

– Носење лесна, светла и широка облека;

– Користење заштита за глава и очи;

– Избегнување физичка активност во најтоплите часови од денот.

Надлежните институции најавуваат дека будно ја следат состојбата, а службите за итна помош и здравствените установи се во засилен режим на работа поради зголемениот број интервенции поврзани со топлотниот бран.

The post ПЕКОЛНИ ПЕТОК И САБОТА, ТЕМПЕРАТУРАТА ДО 43 СТЕПЕНИ По жешкото доаѓа невреме со пороен дожд и грмежи appeared first on plusinfo.mk.

Следниот месец, односно месец август 2025 година ќе ни биде потопол за 2 до 3 степени од повеќедеценискиот просек (односно од периодот 1993 – 2016 година). Ова значи дека топлотни бранови ќе има и во текот на месец август, и тие повремено ќе бидат и нешто поинтензивни, односно повторно ќе ни донесат температури од над 40 степени, особено во Повардарието.

Топлотни бранови во текот на месец август 2025 година ќе има во најголем дел од Европскиот континент.

– Што се однесува пак до врнежите, тие ќе бидат околу просекот за месец август. Повремено очекуваме дестабилизација на атмосферата која би донела и повремени поројни врнежи од дожд, грмежи, ветер, а локално може да очекуваме и нови временски непогоди на Балканот, во Македонија, како и пошироко во Европа – велат метеоролозите.

Сѐ на сѐ, вистинските летни температури на воздухот продолжуваат и во текот на месец август 2025 година, со повремени освежувања и развој на нестабилност проследена со врнежи и грмежи.

The post ВО АВГУСТ ЌЕ ПЕЧЕ ИСТО КАКО ВО ЈУЛИ Следниот месец ќе биде потопол за 2 до 3 степени од просекот appeared first on plusinfo.mk.