Најмалку еден лекар и неколку дилери на дрога, наводно, биле уапсени откако полицијата започнала истрага за смртта на Пери.

Актерот долги години се бореше со зависноста од дрога, а во октомври беше пронајден мртов во неговата топла када со голема доза кетамин во неговиот систем, како што беше утврдено со обдукција.

Според ТМЗ, полицијата соопштила дека „извршен е претрес и запленети се компјутери, телефони и друга електронска опрема“ со цел да се открие кој го снабдувал Пери со кетамин, чија предозирање е пронајдена во неговото тело, што е и причина на смртта познат актер.

Според извештаите на медиумите, лекарот и дилерите кои биле уапсени наводно помогнале во организирањето и испораката на кетаминот до Пери.

Налогот за претрес, наводно, открил СМС пораки во кои се разговарало за Пери и како кетаминот ќе му биде доставен. Пораките, исто така, наводно вклучуваат дискусии за тоа колку Пери бил подготвен да плати за дрога.

Во соработка со полицијата на ДЕА во Лос Анџелес, Брук Милер, поранешната сопруга на Чарли Шин која одговараше на прашања за нејзината врска со Пери. Брук и Метју станаа пријатели за време на нивното заедничко лекување од дрога и алкохол. Според порталот In Touch, Милер била активен дел од истрагата за да се утврди дали таа била вклучена во снабдувањето со кетамин на актерот.

Полицијата соопшти дека таа е подготвена за соработка, но и дека за секој случај ангажирала адвокат. Но, сега од полицијата соопштија дека Милерова „не е поврзана со случајот“.

The post ПЕТМИНА ОБВИНЕТИ ЗА СМРТТА НА АКТЕРОТ МЕТЈУ ПЕРИ Кој му ја дал фаталната доза кетамин? appeared first on plusinfo.mk.

Пејачката Селин Дион ја шокираше јавноста кога призна дека боледува од неизлечивиот синдром на вкочанета личност. Како што истакна таа, оваа болест значително влијае на нејзините секојдневни активности, ограничувајќи го нејзиното движење и оштетувајќи ги гласните жици. Во нејзината борба со оваа сериозна медицинска состојба, Дион откри дека земала Валиум, лек кој и бил препишан откако другите терапии не успеале.

Опасна доза на валиум

Вознемирувачките детали од битката на пејачката со синдромот на вкочанета личност вклучуваат земање потенцијално фатални дози на Валиум. Пејачката открила дека дозата на овој лек постепено се зголемувала, а во една прилика земала и 90 милиграми валиум за да може да настапи. Дион признала дека не била свесна за опасноста од таквиот потег, нагласувајќи дека нема медицинско знаење за да ги разбере ризиците.

– Почнавме со два милиграми за да видиме дали ќе помогне, па 2,5, па 3, 15 и 50 – изјави Дион за магазинот Пипл во новото интервју.

– Можеше да биде фатално. Не ја доведов во прашање дозата затоа што не знам медицина. Мислев дека ќе биде добро. (Валиум) делува неколку дена, неколку недели, а потоа престанува да делува – истакна таа.

Тешкотии во изведбата

Освен физичките предизвици со кои се соочува поради синдромот на вкочанета личност, Селин Дион имала и проблеми со зборувањето, голтањето и дишењето. Овие симптоми ѝ го отежнаа секојдневието и се одразија на нејзиниот професионален живот, ограничувајќи го нејзиниот настап на сцената.

Загрижувачки пресврт на концертот

Еден од најнезаборавните моменти кои ја одбележаа борбата на Дион со здравјето се случи на концерт кога еден од обожавателите сними видео на кое пејачката јасно покажува знаци на тешкотии.

Овој настан дополнително ја истакна загриженоста на јавноста за здравствената состојба на овој светски познат уметник.

Селин Дион храбро реши да ја сподели својата борба со синдромот на вкочанета личност со јавноста, отворајќи важен дијалог за оваа ретка болест и предизвиците со кои се соочуваат оние кои ја имаат.

Нејзината искреност и храброст инспирира многумина, притоа привлекувајќи внимание на важноста на поддршката и разбирањето за луѓето кои се борат со сериозни здравствени состојби.

The post „ПОЧНАВ СО 2 МИЛИГРАМA, ПА 2,5, ПА 3, ПА 15…“ Селин Дион испила фатална доза од лекот за да настапи appeared first on plusinfo.mk.

Од новите 72 случаи, девет се хоспитализирани или 12,5 проценти. Станува збор за седум деца на возраст под една година и по едно лице од возрасната група од 15 до 19 години и од 20 до 29 години. Возраста на новитезаболени се движи од 0 до 44 години, а најголем број на случаи се од возрасните групи деца од 10 до 14 години.

– Заклучно со 21 март, во Северна Македонија се регистрирани вкупно 287 случаи на голема кашлица, со инциденца од 15,6/100 000 жители. По однос на место на живеење, најголем број лица живеат во Скопје – 247 (86,1 проценти) со зафаќање на петнаесет различни општини, 12 лица живеат во Куманово, 11 лица се од Тетово, во Битола 6, Гостивар три, по два во Дебар и Струга и по еден случај е регистриран од Струмица, Крива Паланка, Кавадарци и Кочани. Заболените лица се на возраст од 1 месец до 78 години (медијана 11,9 години). Најголем број заболени припаѓаат на возрасната група од 10-14 години (27,5 проценти), потоа се децата на возраст до 4 години (25,4 проценти), односно 41 случај (14,3 проценти) припаѓаат на возрасната група под 1 година, а 32 (11,1 проценти) се деца на возраст од 1 до 4 години – пишува во извештајот на ИЈЗ.

Од вкупниот број регистрирани случаи – 287, 157 случаи или 54,7 проценти не биле вакцинирани, не се комплетно вакцинирани согласно возраста или нема доказ за вакцинација. Од случаите кои се комплетно вакцинирани, просечно поминато време од последната доза на вакцина до заболување изнесува 12,6 години.

Од заболените, 44 лица или 15,3 проценти се хоспитализирани, и тоа 38 или 86,1 проценти од нив се на возраст до 4 години.

– Согласно препораките од Комисијата за заразни болести и Институтот за јавно здравје, во периодот од 18.01.2024 досега, сите вакциналните пунктови во земјата, во соработка со епидемиолошките служби од ЦЈЗ, вршат интензивно избарување на неевидентирани, невакцинирани и некомплетно вакцинирани лица, како и на лицата кои подлежат на редовна вакцинација, со цел нивно повикување и вакцинирање согласно националниот Календар за имунизација – се истакнува во извештајот на ИЈЗ.

Согласно податоците доставени од ЈЗУ Здравствен дом – Скопје, од Службите за вакцинација (Гази Баба, Чаир, Карпош, Кисела Вода и Центар) беше утврдено дека се пронајдени 15.067 деца пропуштени за вакцинација. Oд нив вакцинирани се 8.243 или 54,7 проценти. Од вакцинираните, најголем број и процент примиле прва ревакцина – 4.423 или 53,7 проценти.

– Согласно возраста и Календарот за редовна вакцинација, вакцинирани се 9.895 деца на возраст до 7 години, а најголем број и процент – 5.813 или 58,7 проценти од вакцинираните деца примиле прва, втора и трета доза на примовакцинација. Вкупниот број на дози вакцина која содржи компонента против голема кашлица, дадени како примовакцинација (I,II,III доза) или ревакцинација (I,II ревакцина) на територија на Скопје во периодот од 18.01 до 21.03.2024 изнесува 18.138 – појаснуваат од ИЈЗ.

Во државава, без Скопје, од доставените податоци од центрите за јавно здравје, пронајдени се се 7.929 деца пропуштени за вакцинација, од нив се вакцинирани 3.914 или 49,4 проценти. Од вакцинираните, најголем број и процент примиле прва ревакцина – 2.075 или 53 проценти.

– Согласно возраста и Календарот за редовна вакцинација, вакцинирани се 10.569 дете на возраст до 7 години, а најголем број и процент – 5.398 или 51,1 проценти од вакцинираните примиле I и II доза на ревакцина. Вкупниот број на дози вакцина која содржи компонента против голема кашлица, дадени како примовакцинација (I,II,III доза) или ревакцинација (I,II ревакцина) во периодот од 18.01 до 21.03.2024 изнесува 14.483 – се додава во извештајот на ИЈЗ.

The post ДЕВЕТ ХОСПИТАЛИЗИРАНИ ДЕЦА СО ГОЛЕМА КАШЛИЦА За една недела 72 нови случаи appeared first on plusinfo.mk.

Од заболените во август 2023, најголем број заболени (n=34) се пријавени од Скопје, а највисока инциденца (73,4/100.000) се регистрира во Кавадарци. Триесет и пет од заболените лица се реинфекции.

На Клиниката за инфективни болести во моментов се хоспитализирани шест лица, а според информациите тие засега се во добра здравствена состојба.

Веќе в среда или в четврток Комисијата за заразни болести ќе одржи формален состанок на кој ќе се дискутира за состојбата кај нас, во регионот и во светот.

– Бројката од 112 заболени во август во моментов не е загрижувачка, доколку споредиме со август 2022 година кога имаше 12.300 регистрирани позитивни. Растот во споредба со јули не смееме да го занемариме, затоа оваа недела ќе одржиме состанок на Комисијата – вели за Плусинфо портпаролот на Комисијата д-р Злате Мехмедовиќ.

Д-р Мехмедовиќ додава дека во земјава има 50.000 вакцини против коронавирусот и апелира сите ризични групи да примат бустер-доза пред периодот кој следи, а во кој ќе има значителен број респираторни инфекции.

– Во јули 8 лица примиле бустер доза, а исто толку има и во август. Како и претходно, така и сега препорачуваме лицата над 60 години, онколошките пациенти, како и оние со коморбидитети да примат бустер доза и со тоа да се заштитат – додава д-р Мехмедовиќ.

Тој истакнува дека засега не се размислува за воведување дополнителни мерки, но препорачува луѓето да бидат внимателни кога се движат во затворени простории, особено кога ќе се намали надворешната температура.

Инаку, како што пишува во извештајот на ИЈЗ, регистрираните нови случаи се заболени лица во сите возрасни групи, со најголем број случаи пријавени во возрасната групата над 60 години.

Во лабораториите во кои се спроведува молекуларно тестирање и антигенско тестирање за присуство на SARS-CoV-2, во текот на август се тестирани вкупно 512 материјали со зголемување на бројот на тестирани за 1,4% во однос на минатиот месец (n=505).

Од почетокот на пандемијата, заклучно со 31.08.2023, пријавени се вкупно 348.491 потврден случај на ковид-19 и 9.942 смртни случаи.

The post ЕДЕН ПОЧИНАТ И 112 ЗАРАЗЕНИ СО КОВИД-19 Расте бројот на заболени со коронавирус, Комисијата свика состанок appeared first on plusinfo.mk.

Вакцинирањето против корона вирусот не е задолжително во Кина, но властите сакаат што е можно поскоро повеќе луѓе да примаат засилувачки дози пред да се олеснат строгите ограничувања, бидејќи мерките за борба против пандемијата ја забавуваат економијата во време кога остатокот од светот ги укина повеќето мерки.

Луѓето кои сакаат да се вакцинираат со новата вакцина, тоа можат да го сторат преку користење кратка пумпа до устата, низ која го вдишуваат лекот и го задржуваат здивот пет секунди.

Новата вакцина би можела да заштити од вирусот дури и пред да стигне до остатокот од респираторниот систем, иако тоа делумно ќе зависи од количината на изложеност на вирусот.

Во септември, Кина ја одобри вакцината развиена од нејзината компанија „CanSino Biologics” како дополнителна доза.

The post КИНЕЗИТЕ ИМААТ НОВА ВАКЦИНА Во Шангај почна да се користи ковид-вакцина која се вдишува appeared first on plusinfo.mk.

– Денеска ЕЦДЦ и ЕМА ќе препорачаат дополнително вакцинирање за да се заштитат најзагрозените, истакна таа, мислејќи на Европскиот центар за превенција и контрола на болести и Европската агенција за лекови.

Се очекува агенциите да објават заедничко соопштение.

– Клучно е луѓето постари од 60 години и сите ранливи лица што поскоро да дојдат до дополнителна доза вакцина, додаде таа.

Здравствените агенции на ЕУ од април препорачуваат дополнително вакцинирање само за лицата постари од 80 години, како и за оние најзагрозените.

Се верува дека новата препорака ќе го олесни донесувањето национални одлуки за забрзување на кампањите за вакцинација, што во изминатите месеци речиси се во застој.

– Мораме да делуваме сега со цел да ја зголемиме заштитата за граѓани, загрозени за време на летните месеци, подвлече Киријакидес.

Според неа, вакцините достапни во моментов, како што се на Фајзер и на Модерна, „се многу ефикасни во намалување на тешка форма на Ковид-19“.

Медиуми наведуваат дека не е јасно колку се ефикасни во спречувањето инфекции со најновите подваријанти на омикрон.

The post ДА ГИ ЗАШТИТИМЕ ВОЗРАСНИТЕ Препорака од ЕУ за дополнителна вакцина за лица над 60 години appeared first on plusinfo.mk.

Според д-р Злате Мехмедовиќ, портпарол на Комисијата за заразни болести, во моментов сите податоци покажуваат, дека иако вакцините се произведени за првиот или т.н. кинескиот сој на ковид-19, ја вршат својата функција.

– Вакцинацијата е најдобра превентивна мерка за заштита од потешка форма на вирусот ковид-19. Ние внимателно ја следиме ситуацијата и ги повикуваме граѓаните да се имунизираат, зашто вакцините се безбедни и ефикасни – вели д-р Мехмедовиќ.

Тој додава дека се следи состојбата на производителите на вакцини, кои се тркаат со еволуцијата на вирусот за да произведат модифицирани вакцини, но засега нема нови кои се одобрени од американската Администрација за храна и лекови (ФДА), како и од Европската агенција за лекови (ЕМА).

– Не можеме да препорачаме нешто кое нема одобрение за употреба. Доколку се создадат нови вакцини, надлежните органи кај нас треба да обезбедат доволни количини од вакцините кои ќе бидат модифицирани токму за овие подваријанти на омикрон – додава Мехмедовиќ.

Веќе подолго време кај нас, но и во светот се укинати речиси сите ковид-мерки кои беа воведени за да се спречи ширењето на вирусот. Барем засега, во Македонија нема најава да се вратат маските и секој граѓанин сам избира дали ќе носи макса за превенција. Деновиве нагло почна да расте бројот на новозаболени со ковид-19, но иако сѐ уште официјално не се секвенционирани новите варијанти на сојот омикрон, лекарите сметаат дека тие најверојатно се причина за појавата на новиот летен бран.

– Податоците покажуваат раст на бројот на новозаболени со коронавирусот. Ние во Комисијата ги разгледуваме можностите за враќање на некои од превентивните мерки. Сепак, одлучивме тоа да не го сториме. Сметаме дека актуелната состојба, бројот на хоспитализирани, бројот на слободни кревети, како и на починати, во моментов не е причина за дополнително воведување превентивни мерки – изјави портпаролот на Комисијата за заразни болести.

Четврта доза може да примат лицата над 18-годишна возраст, кои примиле три дози вакцина против ковид-19. Препорачаното растојание меѓу трета и четврта, односно бустер доза е најмалку четири месеци. Вакцинацијата со четврта доза посебно се препорачува кај хронично болни, пациенти на дијализа, трансплантирани, онколошки пациенти, имунокомпромитирани и пациенти кои примаат имуносупресивна и имуномодулаторна терапија за која било индикација и кај лица над 60 години.

Од Министерството за здравство во Македонија информираа дека имаат 480.000 вакцини за заштита од ковид, од кои 380.000 од производителот „Фајзер“ и 100.000 од „Модерна“, со рок на траење уште четири месеци или до средината на октомври.

Последните подваријанти што ги загрижуваат експертите се тесно поврзани со сојот омикрон што го поттикна скокот на инфекции зимоска. Тие беа додадени на списокот за мониторинг на Светската здравствена организација (СЗО) во март и беа означени како варијанти на загриженост во Европа.

Производителите „Фајзер“ и „Модерна“ посочија дека не можат да испорачаат вакцини адаптирани на подваријантите BA. 4 и BA. 5 пред октомври, додека експертите предупредуваат дека процесот може дополнително да се забави.

Од друга страна, вакцината наменета за оригиналната верзија на омикрон е поблиску и „Модерна“ и „Фајзер“ почнаа да ја прават, со можност за испорака во текот на летото.

Дали придобивките од тие понови вакцини, кои не се приспособени на најновите подваријанти, ги надминуваат недостатоците на подолгото чекање, зависи точно од тоа кога ќе пристигнат и колкава штета ќе направи вирусот пред тоа, велат научниците, нагласувајќи дека во секој случај, од клучно значење е некоја форма на подобрена вакцина да биде достапна до есен.

The post ЌЕ СЕ БОЦКАМЕ СО ТОА ШТО ГО ИМАМЕ Сѐ уште не се одобрени вакцини за подваријантите на омикрон appeared first on plusinfo.mk.

Говорејќи за процесот на имунизација во земјата, Темистоклеус рече дека вкупно се аплицирани 19.840.000 дози од вакцината, а за бустер дозата објасни дека од 5.825.000 граѓани кои можат да ја примат, 88,5 отсто веќе ја примиле третата доза.

Претседателката на Комисијата за имунизација Мариа Теодориду, порача дека и понатаму е силна препораката за вакцинација и со трета доза, а во однос на омикрон-сојот, повикувајќи се на неодамнешни студии, истакна дека по заразувањето, природниот имунитет е значително помал и заштитата од реинфекција е околу 60 отсто.

Од друга страна, таа објасни дека лицата кои се заразиле со алфа, вита или делта-сојот имаат силна заштита до 90 отсто од заразување со омикрон.

Во изминатите 24 часа во Грција беше регистиран 20.361 нов случај на ковид-19, од направени 125.484 тестови, а починаа 78 лица.

Од почетокот на пандемијата во земјата има вкупно 2.194.453 случаи на ковид-19 и 24.836 починати лица.

The post НАШИОТ ЈУЖЕН СОСЕД 70,8 ОТСТО ВАКЦИНИРАН Досега се „боцнале“ над 7 милиони лица appeared first on plusinfo.mk.

Нивното расположение е лошо цели две години од почетокот на пандемијата. Младите Австријци се загрижени затоа што мислат дека се оставени сами да се снаоѓаат. Тие на политичарите им даваат само лоши оценки, кога станува збор за застапување на нивните интереси. Образованието се влоши за време на пандемијата, како и менталното здравје.

– Со проблеми на училиште или на факултет, младите се соочуваат со страв од иднината поради економска и политичка нестабилност – објасни директорот на агенцијата „Маркетагент“, Томас Швабел.

Лицата на возраст од 14 до 24 години сакаат повторно да патуваат, да излегуваат навечер, да одат на заеднички настани со пријателите. Наместо тоа, младите велат дека се изложени на досада, стрес, преоптоварување, чувство на осаменост, чувство на безнадежност и депресија.

Половина од младите сè повеќе се справуваат со болести и смрт, а 20 отсто тврдат дека веќе имале самоубиствени мисли.

Младите Австријци сега поминуваат сè повеќе време пред телевизор, компјутер или паметен телефон. Само 34,5 отсто од нив посветиле повеќе време на спортот за време на пандемијата.

Дури 92,8 отсто од младите чекаат светот да се врати во нормала, а убедени се дека реалните последици, во целост ќе бидат видливи, дури по извесно време.

The post ПАНДЕМИЈАТА ИМ ЈА УКРАДЕ МЛАДОСТА НА АВСТРИЈЦИТЕ 74,1 отсто од нив се убедени во тоа appeared first on plusinfo.mk.

Европската комисија им налага на сите земји-членки во ЕУ да ги приспособат правилата за ковид сертификатот во случај на патување. Сертификатите за вакцинација ќе важат 270 дена, или девет месеци, од последната доза на примарната серија на вакцинација.

Во случај на вакцина со една доза, девет месеци од дозата, во случај на вакцините со две дози ќе се сметаат девет месеци од втората доза. Овие правила не важат за бустер дозите, нагласува Европската комисија.

Еврокомесарот за правда, Дидие Рејндерс, објасни дека новите ЕУ правила за рокот на траење на сертификатите за вакцинација во контекст на патување во ЕУ го одразуваат фактот што ефикасноста на вакцината се намалува со тек на време, поради што е важно да се прими бустер доза.

– Со поддршка од експертите од Европскиот центар за спречување и контрола на болести и Европската агенција за лекови, Комисијата од блиску ќе следи дали ќе бидат потребни дополнителни приспособувања на правилата – додаде Рејндерс.

The post КОВИД-СЕРТИФИКАТИТЕ ВО ЕУ ЌЕ ТРААТ САМО 9 МЕСЕЦИ Нови правила за влез и патување во Унијата appeared first on plusinfo.mk.