Во Основниот кривичен суд во Скопје почна судската постапка против девет полициски службеници, обвинети за злоупотреба на службената положба во врска со издавањето лиценца за работа на дискотеката „Пулс“ во Кочани.

На обвинителна клупа се Димче Аврамов, Јане Трајчев, Александар Атанасов, Влатко Илиев, Александар Темелков, Влатко Наумов, Боби Гидиоски, Гоце Иванов и Александар Максимов.

Според обвинението, тие како дел од институционалната процедура не ги извршиле потребните проверки поврзани со јавниот ред и мир, безбедносните аспекти и сообраќајните услови. Овие проверки биле предуслов за добивање дозвола за работа на угостителскиот објект.

На почетокот од рочиштето, дел од одбраната побара судот да помогне во обезбедување документи од Министерството за внатрешни работи, Бирото за јавна безбедност и Управата за јавни приходи. Барањата се однесуваат на прибавување докази, декласификација на одредени материјали и овозможување увид за вештачење.

Поради недоставени документи, судењето беше прекинато. Продолжението е закажано за 1 јуни, до кога се очекува да се обезбедат потребните докази и да се изврши нивна анализа.

Овој предмет е дел од пошироката истрага за пропустите што доведоа до една од најтешките трагедии во поновата историја на земјата, во која се опфатени повеќе групи полициски службеници и раководни лица. Судењето го води судијката Ленка Давиткова, а обвинението го застапува обвинителката за организиран криминал Спасенка Андонова.

Трагедијата во „Пулс“ се случи на 16 март 2025 година, за време на концерт на групата ДНК, кога нелегално поставена пиротехника предизвика пожар. Огнот брзо се проширил поради запалив материјал на таванот. Во несреќата животот го загубија 63 лица, а повеќе од 230 беа повредени.

The post ОДБРАНАТА БАРА ДЕКЛАСИФИЦИРАЊЕ ДОВЕРЛИВИ ДОКУМЕНТИ Почна судењето на 9 полицајци во врска со дискотеката „пулс“ appeared first on plusinfo.mk.

На дводневното рочиште во Високиот суд во Лондон се очекува неговиот правен тим да инсистира да му се дозволи целосна жалба. Нема гаранција дека ќе биде одобрено, а доколку биде одбиено, тој може да биде предаден на американските власти во рок од неколку недели.

Поддржувачите на основачот на Викиликс велат дека тој открил неправилности, но според САД, Џулијан Асанж загрозил многу животи.

Маратонската правна битка на Асанж започна во 2010 година кога Викиликс откри мноштво доверливи воени документи од војните во Ирак и Авганистан, вклучително и снимка на која се гледа како американски хеликоптер гаѓа цивили во Багдад.

Седум години беше засолнет во амбасадата на Еквадор во Лондон, пред да биде уапсен од Метрополитен полицијата во 2019 година.

САД бараа негова екстрадиција од Велика Британија таа година, велејќи дека неговите откритија ги ставиле во опасност животите на луѓето.

Две години подоцна, британски судија пресуди дека иако САД покажаа дека имаат легитимно кривично дело против Џулијан Асанж, тој не може да биде екстрадиран бидејќи може да се обиде да си наштети.

Америка подоцна ја поништи таа пресуда откако и даде на Велика Британија нови гаранции дека Асанж ќе биде третиран хумано, вклучително и можност тој да ја одлежи евентуалната затворска казна во неговата родна Австралија.  Нивните адвокати, исто така, постојано ги негираа тврдењата од кампањата на Асанж дека тој може да биде осуден на 175 години затвор.

На сослушувањето оваа недела, адвокатите на Асанж се очекува да побараат дозвола да го оспорат налогот за екстрадиција потпишан пред речиси две години од тогашната британска министерка за внатрешни работи Прити Пател.

Доколку неговите адвокати не ги убедат судиите дека нешто не е во ред со таа наредба, Асанж мора да биде екстрадиран во рок од 28 дена – освен ако не го убеди Европскиот суд за човекови права привремено да го запре авионот со таканаречениот налог „Правило 39“.

Ник Вамос, поранешен шеф за екстрадиција во државното обвинителство, рече дека американските маршали би можеле да пристигнат во Лондон во рок од неколку дена доколку Високиот суд го отфрли случајот.

– Постои многу висок праг за интервенирање на Европскиот суд за човекови права, дека постои „непосредна опасност од непоправлива штета“ за неговите човекови права, што секако е еден од аргументите што Високиот суд во Лондон сака да го отфрли – изјави Вамос.

Говорејќи за Би-Би-Си, Стела Асанж вчера рече дека нејзиниот сопруг нема да преживее во американски затвор и дека случајот е политички мотивиран.

– Овој случај ќе утврди дали ќе преживее или ќе умре – рече сопругата на Асанж.

Џулијан Асанж се наоѓа во лондонскиот затвор Белмарш од 2019 година, додека трае случајот со барањето на САД за негова екстрадиција.

The post ПРАШАЊЕ НА ЖИВОТ ИЛИ СМРТ Последен обид за Џулијан Асанж да избегне екстрадиција во САД appeared first on plusinfo.mk.

Снимката содржи нови детали од разговорот, кои се всушност и клучни докази во обвинението на специјалниот советник Џек Смит против Трамп, кој е обвинет за незаконско ракување со доверливи информации. Трамп, од друга страна, негира се.

На аудио снимката се слуша како Трамп ги прелистува документите, велејќи „ова е строго доверливо“, што според наводите, е директно признание дека ги поседувал доверливите документи, објави Би-Би-Си.

Си-Ен-Ен беше првиот што ја објави снимката која трае околу две минути, наведувајќи дека е создадена за време на интервјуто што Трамп го дал во јули 2021 година.

На тоа видео Трамп вели: „ова се документи“, за кои потоа вели дека се „строго доверливи“.

Трамп се соочува со сериозни обвинувања дека криел доверливи документи по завршувањето на неговиот мандат во Белата куќа. Тој се товари по дури 37 точки од обвинението, меѓу другото, за земање податоци за националната одбрана, како и за нуклеарни тајни.

Тоа е второ обвинение против Трамп и прво на федерално ниво против поранешниот претседател.

Обвинението против Трамп е сугестија дека чувањето на строго доверливи документи можело да ја загрози националната безбедност на САД.

Доверливите документи запленети од агентите на ФБИ во вилата на Трамп во Мар-а-Лаго на Флорида содржеле информации за нуклеарната програма на САД, за можностите на вооружувањето на САД и на другите странски сили и „потенцијалната ранливост на САД и нејзините сојузници од воен напад“.

Според обвинението, Трамп ги чувал тие документи повеќе од една година во различни простории во вилата на Флорида, вклучително и во сала за бал, бања, канцеларија и спална соба.

Трамп во моментов води кампања за враќање во Белата куќа на изборите во 2024 година.

BREAKING: CNN has just released a 2 minute audio recording of former President Trump speaking to a writer and apparently showing her classified Pentagon attack plan documents.

“These are the papers” Trump says as you hear him flipping through the pages. Trump then goes on to… pic.twitter.com/d3mOOIqlGG

— Brian Krassenstein (@krassenstein) June 27, 2023

The post (ВИДЕО) „ОВА Е СТРОГО ДОВЕРЛИВО“ Се појави снимка која Трамп може скапо да го чини appeared first on plusinfo.mk.

Изворот, кој сакаше да остане анонимен, не соопшти детали. Портпаролот на седиштето на ФБИ не одговори на барањето на Ројтерс за коментар.

Американскиот претседател Џо Бајден изјави претходно дека истражителите се приближуваат кон изворот на истекувањето, за кое се верува дека е најсериозното нарушување на безбедноста во последните години.

„Њујорк тајмс“ објави дека водачот на интернет-групата што ги објави доверливите документи е член на Националната гарда на воздухопловните сили на Масачусетс. Тој го именуваше како Џек Тешеира, кој раководел со Таг Шегер Централ (Thug Shaker Central) онлајн-група каде што околу 20 до 30 луѓе ја споделуваа својата љубов кон оружјето, расистичките мемиња и видео игрите.

Истражители од ФБИ изјавија дека сакаат да го сослушаат уапсениот. Американското Министерство за правда отвори формална кривична истрага минатата недела, откако случајот беше доставен до Пентагон, кој ја проценува штетата.

Се вели дека некои од најчувствителните објавени детали се поврзани со воените способности и недостатоци на Украина, како и информации за сојузниците на САД, вклучувајќи ги Израел, Јужна Кореја и Турција.

Ројтерс прегледа повеќе од 50 документи, означени како „тајни“ и „строго доверливи“, но не можеше независно да ја потврди нивната автентичност. Бројот на протечени документи е веројатно повеќе од стотина.

Претходно неколку светски агенции објавија дека 20-годишник, кој е интернет ѕвезда на социјалните мрежи, ги протекол документите. Не беше спомнато дека бил вработен во американската армија.

The post УАПСЕН ЕДЕН ОСОМНИЧЕН ЗА ПРОТЕКУВАЊЕ НА ДОВЕРЛИВИТЕ ДОКУМЕНTИ Работел во американска воздухопловна база appeared first on plusinfo.mk.

Претходно, адвокатот Бауер изјави дека припадници на американското Федерално истражно биро (ФБИ) денеска вршат претрес во викендичката на Бајден.

Претресот, како и најмалку двата други спроведени на локации поврзани со Бајден, беше преземен во соработка на претседателот и неговиот правен тим.

The post ФБИ ВЛЕЗЕ ВО ВИКЕНДИЧКАТА НА ПРЕТСЕДАТЕЛОТ Адвокатот на Бајден тврди дека немало доверливи документи appeared first on plusinfo.mk.

The post ТРАМП СИ ПРАВЕЛ СОПСТВЕНА АРХИВА На Флорида чувал 700 страници доверливи документи appeared first on plusinfo.mk.

Во тужбата поднесена во вторникот пред федералниот суд во Сан Диего, „Фајзер“ тврди дека станува збор за вработената Џун Ксијао Ли, која го прекршила нејзиниот договор за доверливост со префрлање на повеќе од 12.000 датотеки, без дозвола, на нејзините лични сметки и уреди од нејзиниот деловен лаптоп.

Наводните материјали вклучуваат „прирачник“ од 24 септември кој содржи внатрешни проценки и препораки за вакцината на Фајзер-Бионтек против коронавирус.

The post 12.000 ДАТОТЕКИ УКРАДЕНИ ОД „ФАЈЗЕР“ Поранешна вработена ги има и доверливите документи за вакцината appeared first on plusinfo.mk.

Американските власти во понеделникот ветија дека ќе ги разгледаат доверливите документи поврзани со терористичките напади од 11 септември 2001 година, за да утврдат кој од нив може да биде објавен, бидејќи семејствата на жртвите постојано барале објавување на тие документи.

Федералното истражно биро во писмо до државниот обвинител во Њујорк наведе дека „одлучи да ја преиспита“ својата привилегија да не објави одредени чувствителни документи и дека „ќе идентификува дополнителни информации погодни за откривање“.

Објавата на ФБИ е дел од правната битка што ја водат роднините на жртвите од терористичките напади на 11 септември 2001 година против Саудиска Арабија и други земји за кои сметаат дека се соучесници. За време на тие правни спорови, администрациите на неколку американски претседатели се повикаа на државни тајни за да не се објават документите.

САД се подготвуваат да ја одбележат 20-годишнината од нападот врз Светскиот трговски центар, Пентагон и авионот што се урна во Пенсилванија, со свечена церемонија планирана во Њујорк во присуство на претседателот Бајден.

Долгогодишната тужба против Саудиска Арабија постигна значителен напредок оваа година со испитување под заклетва на поранешни саудиски функционери, но изјавите се недостапни за јавноста, додека САД ги чуваат документите кои се сметаат за премногу чувствителни за објавување.

Министерството за правда во понеделникот изјави дека ФБИ неодамна заврши истрага во која предмет на истрага беа киднаперите на 11 септември 2001 година и потенцијалните учесници во нападот. Министерството не изјави ништо за заклучоците од истрагата.

Неколку истраги на американската Влада истражуваат врски помеѓу саудиски државјани и некои киднапери, но не е утврдено дека саудиската Влада била директно вмешана. Петнаесет киднапери беа Саудијци, како и Осама бин Ладен, чија терористичка мрежа Ал Каеда стои зад нападот. Саудиската Влада долго време негираше каква било вмешаност.

Посебно внимание е насочено кон поддршката што им била понудена на првите двајца киднапери кои пристигнале во САД вклучително и поддршката од саудиски државјанин кој им помогнал да пронајдат и изнајмат стан во Сан Диего.

Одлуката за објавување документи за кои се смета дека ќе ги расветлат врските на саудиската Влада со напаѓачите е донесена откако групата што претставува повеќе од 1.600 луѓе директно погодени од нападите го повикаа Бајден да не присуствува на комеморациите на 20-годишнината од нападот следниот месец, освен ако го исполни ветувањето дека документите за објавување ќе бидат разгледани, објави „Њујорк Тајмс“.

Во изјава минатата недела, група семејства на жртвите и преживеаните велат дека не можат „со добра волја и со почит кон загинатите, болните и повредените“ во нападите, да го поздрават Бајден на комеморациите следниот месец, доколку не го исполни ветувањето од претседателската кампања.

Речиси 3.000 луѓе беа убиени во нападите на 11 септември 2001 година.

Од друга страна,  според „Вашингтон пост“, семејствата бараат понатамошни активности за објавување информации за улогата што Саудиска Арабија ја имала во нападите, тврдејќи дека тоа што го направи Министерството за правда не е доволно

The post САД ЌЕ ОБЈАВАТ ДОВЕРЛИВИ ДОКУМЕНТИ 20 години од терористичките напади на Ал Каеда appeared first on plusinfo.mk.

Во една група документи се разгледува веројатната руска реакција на премин на британски брод низ украинските води, недалеку од брегот на Крим, пренесува Би-би-си. Во друга група документи се изложени детали од планот за можен воен ангажман на британската војска во Авганистан, бидејќи НАТО, предводен од САД, ги завршува своите операции во таа земја.

Владата соопшти дека е поведена истрага.

Портпарол на Министерството за одбрана рече дека еден вработен пријавил дека изгубил чувствителни документи, додавајќи дека не би било соодветно да коментира понатаму.

Документите, кои содржат околу 50 страници, беа пронајдени во вторникот наутро, како наводенето купче хартија во задниот дел на автобуска станица во Кент, Лице, кое побарало да остане анонимно, ја контактирало Би-би-си, кога ја сфатил чувствителната природа на документите. Би-би-си верува дека документите, кои вклучуваат е-пошта и презентации во PowerPoint, доаѓаат од канцеларијата на висок службеник во Министерството за одбрана.

Документите во врска со разорувачот на британската кралска морнарица покажуваат дека мисијата, која Министерството за одбрана ја опиша како „невин премин низ украинските територијални води“, со оружје кое било покриено и бродски хеликоптер складиран во хангарот, била извршена во очекување дека Русија може агресивно да одговори.

Во средата, повеќе од 20 руски авиони и два брода на крајбрежната стража го опкружија британскиот воен брод, кој пловеше на 19 километри од брегот на Крим.

Руското Министерство за одбрана соопшти дека патролен брод испукал предупредувачки истрели, а авионот фрлил бомби на патот на разурнувачот, но британската влада го демантираше ова, наведувајќи дека не биле испукани предупредувачки истрели.

Мисијата, наречена „Оп Дитроите“, била предмет на дискусии на високо ниво во понеделникот навечер, според откриените документи, во кои официјални лица претпоставуваат каква би била реакцијата на Русија доколку британскиот разорувач се приближи до Крим. Споменати се три можни руски одговори – од „безбеден и професионален“ до „ниту безбеден ниту професионален“.

Откриените документи покажаа, според Би-би-си, дека мисијата кај Крим требало да покаже поддршка од британската влада за Украина, и покрај можните ризици

The post Доверливи документи за британскиот брод кон кој пукаа Русите најдени на автобуска станица appeared first on plusinfo.mk.