Во најтешкиот момент, едно семејство донесе одлука што значи живот. Со нивната хуманост и несебичност, спасен е човечки живот преку трансплантиран црн дроб на 67-годишен пациент, а на уште една пациентка на 51-годишна возраст ѝ е подарена нова шанса за поквалитетен живот со трансплантација на бубрег. Пациентите се во добра општа состојба и се пуштени на домашно лекување.

– Овие медицински интервенции се воедно и приказни за надеж, за солидарност, за највисок чин на алтруизам. Нема поголем чин од тоа во момент на болка да подарите живот. Ова семејство покажа што значи вистинска хуманост, нивната одлука ќе живее преку тие на кои им е дадена нова шанса. Огромна благодарност на семејството на донорот за овој хуман чин, по загуба на нивен член од семејството – рече министерот за здравство, Азир Алиу.

Националната координаторка за трансплантација, проф. д-р Билјана Кузмановска изрази огромна благодарност за семејството без чија согласност немаше да биде можно да се извршат овие трансплантации.

– Зад секоја трансплантација стои човечка приказна. Овој пат е приказна за храброст и дарување живот. Тоа е највисокиот чин на солидарност што едно општество може да го има – рече таа.

Министерот и координаторката се заблагодаруваат на координаторите за трансплантација и на сите медицински екипи од Клиниката за анестезија, реанимација и интензивно лекување, Клиниката за дигестивна хирургија, Клиниката за урологија, Клиниката за гастроентерохепатологија, Клиниката за нефрологија и Институтот за трансфузиологија за нивната посветена и неуморна работа.

The post СПАСЕН ЖИВОТ СО ПРЕСАДЕН ЦРН ДРОБ Од донорот е пресаден и бубрег кај 51-годишна пациентка appeared first on plusinfo.mk.

Универзитетската болница „Сконе“ во градот Лунд во јужна Шведска бара десетици донори на фекалии, исклучиво за медицински цели. Човечкиот измет се користи за правење капсули со бактерии за пациенти на кои, поради различни дијагнози, им е потребна нова цревна флора, пишува „Свиден хералд“.

Пред сè, ова се однесува на пациенти што страдаат од тешки дијареји (пролив) по терапија со антибиотици, но и на луѓе што страдаат од анорексија и слични нарушувања. Терапијата со антибиотици може да ја уништи нормалната бактериска флора. Во некои случаи, ова може дури и да биде опасно по живот, па тогаш е пресудно да се обнови цревната флора.

Цревната флора претставува екосистем на микроорганизми во цревата којшто е важен за имунолошкиот систем и метаболизмот. Навиките во исхраната, особено количината на влакна и видот на масти, влијаат на тоа кои бактерии опсатануваат во цревата. Цревната флора се чини дека има врска со мозокот и психичката состојба, но истражувачите сè уште не знаат точно каква е таа поврзаност.

Терапијата со капсули е побрза, поефикасна и помалку непријатна од досегашните методи како што се клизма или колоноскопија. Болницата во Лунд произведува капсули со цревни бактерии повеќе од една година, а оваа година ваквите третмани треба да станат достапни низ целиот јужен шведски регион Сконе. За да се оствари ова, треба да се пронајдат најмалку 30 донори на измет.

– Секој пациент што чека лекување зависи од бактериите што може да ги обезбеди само здрав донор. Веќе гледаме дека потребата од капсули ќе расте во текот на 2026 година – рекла во соопштение за медиумите Сара Хансон, медицинска сестра за заразни болести во Лунд.

Третманот со фекалии може да ја надмине тешката дијареја предизвикана од бактеријата Clostridium difficile во ситуации кога антибиотската терапија ја уништила нормалната цревна флора и овозможила прекумерно размножување на оваа, инаку, бенигна бактерија.

За еден третман, доволни се од 35 до 50 грама фекалии од здрав донор. Столицата се меша со сол и се процедува пред да се подели во капсулите. Капсулите потоа се замрзнуваат на минус 70 степени Целзиусови. Во текот на терапијата, што трае два дена, пациентот зема вкупно 40 капсули. Шведските лекари тврдат дека резултатите се видливи веќе по само еден третман.

Донори може да бидат здрави возрасни лица до 50 години. Во слични досегашни случаи, донорите добивале мала парична компензација за секоја „донација“. Капсулите што ги земаат пациентите немаат ниту мирис ниту вкус.

Интересно, но неодамна научниците, на археолошки локалитет во Турција, открија докази дека старите Римјани ги користеле човечките фекалии во медицински третмани, објави научното издание на Си-Ен-Ен.

The post ШВЕДСКА БОЛНИЦА БАРА ДОНАТОРИ НА ФЕКАЛИИ!? Плаќа, а ги користи за терапија appeared first on plusinfo.mk.

На Клиниката за ортопедски болести при ЈЗУ Универзитетска клиника за трауматологија (ТОАРИЛУЦ) успешно се изведени 2 сложени трансплантации на коска од починати донори, со што продолжува примената на современи и високоспецијализирани медицински интервенции во областа на ортопедијата и на трауматологијата во нашата земја, соопшти Министерството за здравство.

Во првиот случај е извршена операција на коскена циста кај 45-годишен пациент. Интервенцијата ја спроведе стручен тим, во состав: проф. д-р Милан Самарџиски, доц. д-р Александар Трајановски, д-р Билјана Лазарова, специјализант по ортопедија, анестезиолог д-р Марина Темелковска, инструментарка с. Кристина Реџеп, помошник инструментар д-р Оливера Лазаревска, сестра анестетичар Гордана Захариева и болничарка Снежана Тодоровска.

Втората трансплантација беше изведена кај 65-годишна пациентка со дијагностициран гигантоцелуларен тумор на дисталниот дел од радиусот на десната подлактица. По претходно направена биопсија е заменето туморското ткиво со здраво коскено ткиво од донор. Интервенцијата ја водеше специјалист ортопед и супспецијалист трауматолог д-р Резеарт Далипи, заедно со тимот: д-р Маја Неделковска, специјалист ортопед, д-р Симона Карапанџевска, специјализант по ортопедија, д-р Искра Шојлевска–Јовановска, специјализант по ортопедија, анестезиолог д-р Јадранка Зафировска, анестетичар Мерита Рамадани, инструментарка Оливера Лазаревска, помошна инструментарка Сања Тодоровска, радиолошки техничар Силвана Стојковска и болничар Сејнур Идриз.

Двете интервенции се реализирани во соработка со д-р Милена Богојевска Доксевска, болнички координатор за ортопедија и одговорна за ткивната банка.

– Огромна благодарност до сите членови на тимовите вклучени во трансплантациите, како и до семејствата на донорите. Зајакнување на знаењата и вештините, следење на современите европски трендови и воведување нови методи во трансплантологијата се нашиот постојан императив – истакна националниот координатор за трансплантација, проф. д-р Билјана Кузмановска.

The post ТУМОРОТ Ѝ ГО ЈАДЕЛ ЗГЛОБОТ Спасени двајца пациенти со коскено ткиво од починати донори appeared first on plusinfo.mk.

Како што посочуваат, интервенциите се успешни, со уреден постоперативен тек и пациентите се веќе пуштени на домашно лекување.

– Двајцата пациенти кај кои беше извршена трансплантација на органи од починат донор се во добра општа состојба. Овие денови за нив се грижеа медицинските тимови на Клиниките за нефрологија, урологија и КАРИЛ. Им посакуваме успешно закрепнување – изјави проф. д-р Билјана Кузмановска, национален координатор за транплантација.

Како што посочуваат од Министерството, благодарение на хуманиот чин, храброста и емпатијата на едно семејство кое одлучи да даде согласност за донирање на органите од свој близок, двајца пациенти со ретка крвна група добија бубрег и ќе продолжат да живеат нормален живот, без потреба од дијализа.

„Огромна благодарност за сите медицински тимови и болнички координатори вклучени во трансплантацијата“, се вели во соопштението на Министерството за здравство.

The post ДВЕТЕ ОПЕРАЦИИ СЕ УСПЕШНИ Пациентите со трансплантирани органи од починат донор се пуштени на домашно лекување appeared first on plusinfo.mk.

– Во отсуство на континуирана и зголемена кадаверична трансплантација, таа листа не се збогатува затоа што треба да се прават типизации и испитувања кои чинат. Има мал број кадаверични трансплантации или има години кога воопшто нема такви. Нашиот апел е ако заживее кадаверичната трансплантација, тогаш и листата на донори ќе биде зголемена – појасни тој.

Ѓоргиев очекува од оние 1.500-1.600 лица кои се на дијализа барем една третина да бидат на листата за чекање за трансплантација на бубрег.

– Мораме да пофалиме дека листа за чекање од жив донор од познат дарител веќе не постои. Секој што ќе обезбеди бубрег од сроден дарител, веднаш, за кратко време додека се направат типизациите, се трансплантира – рече Ѓоргиев.

Од Здружението велат дека најмладиот пациент кој е на дијализа има четири, а најстариот 92 години.

Директорката на Клиниката за нефрологија, доцент д-р Ирена Рамбабова Бушљетиќ, нагласи дека водечки причини за развој на хронична бубрежна болест, се дијабетот и хипертензијата.

Даница Стојкова од Прилеп има 54 години и веќе 13 години оди на дијализа.

– Болеста ја открив поодамна, генетска ми е. Мојот покоен татко беше на дијализа 13 години. Многу е битно болеста да се открие во рана фаза. Немам сроден дарител, сум на листата на чекање околу осум години. Се надевам дека еден ден, тоа ми е желба и сон, да бидам трансплантирана од кадавер, за да се подобри мојот живот и животот на моето семејство – рече Даница.

Стојкова откри дека животот на дијализа е тежок, но е можен. Три дена во неделата по 4 до 4,5 часа е на апаратот, но без него не може да живее.

– Откако се тргнува на дијализа, се менува целиот живот на една личност, самата таа и блиските мораат да се адаптираат – додаде таа.

The post НАЈМЛАДИОТ ПАЦИЕНТ НА ДИЈАЛИЗА ИМА 4 ГОДИНИ Не се знае на колку лица им треба трансплантација на бубрег, а околу 1.500 одат на дијализа appeared first on plusinfo.mk.

Министерот за здравство д-р Фатмир Меџити денеска ја посети донорката на матични клетки, млада девојка, воедно и докторка, на која ѝ се заблагодари на извонредната храброст и несебична посветеност да спаси туѓ живот.

– Нејзиниот чин на хуманост и солидарност е надеж, потсетувајќи нè на моќта на заедницата и љубезноста во моментите кога тоа е најпотребно. Им честитам и на колегите од Клиниката за хематологија кои ја практикуваат оваа современа метода во медицината со која еден човек има шанса за нов почеток – изјави министерот Меџити.

Директорката на клиниката за хематологија изјави дека станува збор за редок пример, донорот на матични клетки и пациентот кој треба да ги прими да не се во роднинска врска, ниту се познаваат, а нивните клетки да се совпаѓаат.

– Денешниот чин на докторката е уште еден чекор до задоволството да се биде лекар и да се спасуваат животите на луѓето. Младата докторка која е донор на матичните клетки, во Македонскиот регистар на доброволни дарители на коскена срцевина при Институтот за имунологија и хумана генетикиа, се пријавила уште кога била студент по медицина, а минатиот месец беше идентификувана како евентуален донор. Не се двоумеше ниту миг, веднаш се согласи да му даде шана за живот на пациент кој не го познава, а боледува од акутна леукемија – изјави д-р Ирина Пановска Ставридис.

The post МЛАДА ДОКТОРКА ДОНИРАШЕ КЛЕТКИ ЗА ПАЦИЕНТ СО ЛЕУКЕМИЈА Не се роднини, ниту се познаваат appeared first on plusinfo.mk.

– Благодарение на хуманоста на едно семејство, нивната  љубов, добрина и емпатија која ја носат во себе, рано утрово ново срце почна да чука во градите на 40 годишен пациент од Скопје. Нова шанса за живот и црн дроб доби пациент со хронична црнодробна болест, а двајца пациенти на дијализа во текот на денот ќе добијат бубрези – се вели во соопштението од МЗ.

Оттаму додаваат дека дополнитено шанса за поквалитетен живот наредниве денови ќе добијат пациенти со коскени заболувања.

– Уште еднаш благодарност до семејството на донорот кои со нивната несебична одлука ни донесоа утро полно надеж и верба во безусловна добрина. Благодарност до сите медицински тимови кои изминативе 24 часа работеа и се уште работат на скопските хируршки и интерни клиники. На пациентите кои добија органи им посакуваме брзо опоравување. Горди сме на секој нов успех во македонското здравство – велат од министерството.

The post ЕДЕН ДОНОР УТРОВО СПАСИ ЧЕТИРИ ЖИВОТИ Благодарност до семејството кое даруваше бубрези, срце и црн дроб appeared first on plusinfo.mk.

Неговиот „потфат“ започнал во 2007 година, кога се регистрирал како донор на сперма во 11 клиники и банка за сперма истовремено. Исто така, се приклучил на неколку групи на Фејсбук за жени и брачни двојки кои сакаат, но не можат да имаат деца. Со години ги лажел сите, на клиниките тврдел дека само таму донира, а на идните мајки им кажувал дека има најмногу десетина потомци, пишува Дејли меил.

Меѓународниот суд во Хаг на почетокот на годинава му забрани да продолжи да донира сперма, а доколку го стори тоа ризикува казна од 100.000 евра. На прашањето зошто сака толку многу да донира сперма, тој одговорил дека „сака да направи нешто значајно во својот живот“.

Многу мајки на деца зачнати со неговата сперма жестоко го осудија откако дознаа колку многу сперма донирал и колку многу потомци има. Тие стравуваат од опасноста еден ден нивните деца да стапат во инцестна врска или брак со свои крвни браќа или сестри.

Мајките со деца кои имаат виткана руса коса и продорни руси очи дури случајно се сретнале, и констатирале дека имаат ист донор. Некои од нив формираа онлајн-група за да најдат други жени кои исто така користеле сперма од истиот донор. Групата засега брои 157 членови.

Банката за сперма ги продавала неговите донации за околу 1.300 евра по примерок, иако тој тврди дека донирал сперма бесплатно.

– Не барам ништо, понекогаш добивам подарок од 75 евра, авионска карта или камера – рекол донаторот.

Една од мајките на детето зачнато со неговата сперма го тужеше Холанѓанецот во април, тврдејќи дека неговите постапки го зголемуваат ризикот од инцест за нејзиното дете.

– Да знаев дека има повеќе од сто деца, никогаш немаше да го изберам! Кога размислувам за последиците за детето, ми се гади. Многу мајки му рекоа да престане, но тоа не се случи. Одењето на суд беше единствената опција да го заштитам моето дете – изјави една мајка.

Неа ја поддржува и Ван дер Мерве, директор на организацијата Доноркинд, кој и самиот е дете на донатор.

– Со ваквото опасно однесување ги прекршува договорите со клиниките и идните родители бидејќи се обврзал да донира сперма за најмногу 25 деца. Во нивните тинејџерски години, неговите деца можеле да се заљубат еден во друг без да знаат дека се биолошки брат и сестра. Шансите се мали, но не се невозможни. Холандија е мала земја, со 17,5 милиони луѓе. Во 2020 година, нешто помалку од 12 отсто, поточно околу 2,1 милиони, припаѓале на возрасната група од 15 до 24 години. А Мајер само во Холандија има 375 свои потомци – вели Ван дер Мерве, кој и самиот има 18 деца преку донација на сперма.

Тој е уверен дека Мајер се обидува да постави некаков рекорд и дека веќе има околу 1.000 деца. Ако навистина е така, тој би бил втор човек во историјата според бројот на деца, по монголскиот водач Џингис Кан, за кој се верува дека имал околу 2.000 деца.

The post ХОЛАНЃАНЕЦ ИМА 550 ДЕЦА И НЕ ЗАПИРА! Донор на сперма е на суд за предизвикување ризик од инцест appeared first on plusinfo.mk.

На Клиниката за дигестивна хирурија денеска беше испишана историја!

Денеска, за првпат во историјата на македонското здравство беше направена првата трансплантација на црн дроб од починат донор.

Како што инфомираше Министерството за здравство, 60-годишен пациент со хронична болест на црниот дроб добил здрав орган од пациентка во мозочна смрт чие семејство вчера се согласило да ги донира органите.

Покрај црн дроб, се вршат и трансплантации на бубрези кај двајца пациенти со бубрежна болест.

– Би сакал од мое лично име и од името на целиот персонал вклучен во трансплантациите да се заблагодарам на семејството на донорот и на нивната одлука да спасат не еден, туку три животи. Ни покажаа уште еднаш дека живот може да се подари. Благодарност и до сите медицински тимови вклучени во трансплантацијата кои изминтите 24 часа работеа и продолжуваат да работат со пациентите. Особена благодарност до професор Зоран Караџов и неговиот тим, како и тимот на Клиниката за гастроентерохепатологија, кои денес испишаа нов лист не само во делот на дигестивната хирургија туку и во целокупното здравство – истакна Сали.

Честитки пристигнаа и од актуелниот министер за надворешни работи Бујар Османи, инаку лекар токму на Клиниката за дигестивна хирургија.

„Голем чекор за дигестивната хирургија и здравството воопшто. Со години тимот предводен од проф. Зоран Караџов, во состав проф. Свето Антовиќ, Љубомир Огненовиќ и Ќемал Рушити се подготвуваат за овој ден. На пациентот му посакувам здравје, на донаторот и неговото семејство најдлабока почит и благодарност“, напиша Османи.

The post ИСКРЕНИ НАСМЕВКИ ЗАД МАСКИТЕ, ОЧИ ПОЛНИ СО СОЛЗИ Прва трансплантација на црн дроб од починат донор во Македонија (ФОТО) appeared first on plusinfo.mk.

– Детето е сега отпуштено од болница и е во одлична состојба дома, со своите родители – изјавиле од болницата во Мадрид каде е извршена трансплантацијата.

На новороденчето Ема ѝ била дијагностицирана интестинална инсуфициенција еден месец по раѓањето. Односно, нејзините црева биле пократки отколку што треба и поради тоа нејзиното здравје брзо се влошувало.

Ема добила мултивисцеларна трансплантација, односно покрај црева, трансплантирани ѝ биле и нов црн дроб, желудник, слезина и панкреас.

Органите на донорот којшто починал биле вештачки зачувани и покрај недостигот на оксигенирана крв што настанал откако неговото срце престанало да чука. Органите биле зачувани преку вештачкиот систем познат како екстракорполарна мембрана оксигенација.

Повеќето трансплантации досега се извршени со органи од донори кои претрпеле мозочна смрт, но кај кои е задржано отчукувањето на срцето бидејќи тоа ги одржува непроменети другите органи.

– Сепак по развојот на модерната асистолија (кога се трансплантираат органи по смрт настаната од прекин на работата на срцето), оваа техника стана многу популарна и речиси третина од донациите во Шпанија се извршуваат на овој начин – изјавиле од болницата.

Шпанија е глобален лидер во трансплантацијата на органи со повеќе од 102 извршени трансплантации на милион жители во 2021 година. Оваа статистика според шпанското министерство за здравство е надмината само во САД.

The post БЕБЕ ДОБИ ЦРЕВА ОД ПОЧИНАТ ДОНОР Прва таква трансплантација во светот appeared first on plusinfo.mk.