По повод 8-ми Март, Меѓународниот ден на жената, Македонски Телеком започнува иницијатива за поддршка на жените – жртви на семејно насилство. Во акцијата ќе учествуваат корисниците на Телеком, преку донација на срца во Magenta Moments, коишто Телеком ќе ги претвори во финансиска донација, но и сите граѓани со донација на платформата Оп-оп и бројот за донации 143 333. Акцијата симболично започнува на Меѓународниот ден на жената, а донациите ќе бидат активни цел месец.

– Семејното насилство, особено врз жените, е сѐ почеста појава. Последните истражувања покажуваат дека 1 од 3 жени во Македонија е жртва на семејно насилство. Преку заедничката донаторска акција, сакаме да ја потенцираме колективната одговорност, да го осудиме насилството и да ги поддржиме жртвите. Целта е да се подигне јавната свест за оваа негативна појава којашто секојдневно е во подем и да им се пружи поддршка на овие жени коишто живеат на маргините преку заедничка донаторска акција – велат од Телеком.

Донација на срца преку Magenta Moments

Во оваа хуманитарна акција сите корисници на Телеком можат да донираат срца во Magenta Moments, преку апликацијата TelekomMK. На крајот од месецот, Телеком ќе ги претвори донираните срца во финансиска донација за Кризниот центар „Надеж“, којшто повеќе од 23 години работи на поддршка на жените – жртви на семејно насилство.

Донации на 143 333 и платформата за донирање Оп-оп

Дополнително, сите граѓани ќе можат да донираат за истата цел преку платформата за групно донирање Оп-оп на Конект, граѓанска организација што го поттикнува донирањето и општествената одговорност. Платформата е поддржана од Фондацијата Телеком за Македонија и овозможува сигурно и едноставно донирање за повеќе цели и организации. Дополнително, граѓаните можат да донираат 100 денари со секој телефонски повик и на бројот 143 333, којшто Конект овој месец ќе го намени за истата донација.

Kризeн центар „Надеж“:

Кризнiot центар Надеж е организација којашто 23 години работи на поддршка на жените – жртви на семејно насилство. Во склоп на организацијата работи шелтер центар лоциран во Скопје и психолошко советувалиште. На жртвите им е овозможена поддршка преку СОС линија, психо-социјална поддршка, помош при процесот на пријавување на насилството и сигурно засолниште за  отпочнување нов живот.

The post ДОНАТОРСКА АКЦИЈА ЗА ЖЕНИТЕ ЖРТВИ НА НАСИЛСТВО Осмомартовска иницијатива на Телеком appeared first on plusinfo.mk.

Белгиските власти ги повикаа граѓаните да ги троши натрупаните монети на евра, за да нема потреба да ги произведуваат.

Министерството за финансии на Белгија покренаа кампања на социјалните мрежи во која повикуваат на потрошувачка на монети.

Во оваа земја има повеќе од 4,2 милијарди монети, чија вкупна вредност е повеќе од 1,5 милијарди евра.
Некои белгиски продавници немаат доволно ковани пари за да вратат кусур при плаќање во готово. Причината за тоа е што населението не користи голем број монети.

Споменатата кампања следеше по предупредувањата од голем број клучни трговски здруженија во Белгија за недостиг на монети. Тврдат дека населението трупа монети во апоени од 5, 10 и 20 центи. Тие истакнаа дека овие монети не циркулираат доволно.

„Од кризата предизвикана од коронавирусот, потрошувачите значително помалку ги користеа овие монети и ги трупаат, спречувајќи ги да се вратат во оптек. Но, имајќи предвид дека трговците имаат потреба од монети, има недостиг“, објаснуваат оттаму.

Оние кои не сакаат да ги користат за плаќање, можат да ги депонираат во банка или да ги донираат во добротворни цели. Властите проценуваат дека со враќање на само 2 отсто од неискористените монети во оптек секоја година, може да се заштедат повеќе од 5 милиони евра во трошоците за производство на нови монети.

Намалувањето на производството на монети е корисно и за животната средина. Имено, при нивното производство и транспорт се испуштаат значителни количини јаглерод диоксид (CO2).

Една од причините зошто не се користат монетите е тоа што се повеќе луѓе користат дигитални плаќања.

The post ТРГОВЦИТЕ НЕ МОЖАТ ДА ВРАТАТ КУСУР, ИМ НЕДОСТИГААТ КОВАНИ ЕВРА Белгија апелира граѓаните да ги трошат или да ги донираат натрупаните ковани монети appeared first on plusinfo.mk.

„Четириесетгодишниот пациент од Скопје, во чии гради сега чука ново срце благодарение на хуманоста на едно семејство, во моментот е во стабилна здравствена состојба. Министерот Меџити изрази голема благодарност до лекарскиот тим и до семејството на дарителот кое го препознало органодарителство како највисок акт на хуманост, соопшти Министерството за здравство.

Меџити истакна дека сме сведоци на историски чин во македонското здравство, затоа што првпат од еден донор беа експлантирани четири органи и четири пациенти добија шанса за поквалитетен живот.

– Сите пациенти во моментот се стабилни и сакам да изразам огромна благодарност, како до хуманото семејство на дарителот, така и до сите здравствени работници. Нашите здравствени работници се големи професионалци кои безрезервно се заложија и успеаја да спасат четири животи – истакна министерот.

Нагласи дека е горд на овој значаен успех во македонското здравство и на сите пациенти им посака брзо и лесно закрепнување.

Како што наведува МЗ во соопштението, Мeџити ги охрабри здравствените работници да продолжат посветено да работат и да се борат за квалитетен живот за секој пациент.

– Свеста за органодарителството расте и се повеќе семејства се одлучуваат да ги донираат органите на своите блиски во време на голема тага кога губат свој близок. Овие луѓе ја заслужуваат нашата најголема почит – рече Меџити.

Од 2020 година досега имало вкупно 19 донори на органи, а од нив се трансплантирани 34 бубрези, три црни дроба, направена e 21 експлантација на коскени ткива и извршена е трансплантација на девет срца, со што, потенцира МЗ, направен е значаен напредок во здравствениот систем.

The post СПАСИВМЕ ЧЕТИРИ ЖИВОТИ И ИСПИШАВМЕ ИСТОРИЈА Министерот Меџити го посети 40-годишниот скопјанец кој доби ново срце appeared first on plusinfo.mk.

Околу 59 отсто од гласачите ја поддржаа промената, покажува анкетата на Институтот за испитување на јавното мислење gfs.bern.

Промената на законот би значела дека пациентите кои имаат потреба ќе ги добијат органите многу побрзо бидејќи сите луѓе ќе се сметаат за донатори на органи, освен ако потенцијалниот донатор се изјаснил против тоа пред неговата смрт.

Во моментов е во сила закон кој бара од швајцарските граѓани да одлучат дали ќе станат донатори, но Владата води кампања за промена која ќе им овозможи на сериозно болните пациенти да добиваат донирани органи без долго чекање.

Второто референдумско прашање е дали Швајцарија ќе го зголеми финансирањето на Фронтекс, агенцијата за заштита на границите на Европската Унија. Швајцарија е членка на Шенген зоната, каде што се укинати граничните контроли, но Владата предупредува дека членството на Швајцарија може да биде загрозено без поголеми придонеси.

Според првичните анкети, околу 72 отсто од гласачите поддржуваат зголемување на финансирањето на Фронтекс.

Третото прашање се однесува на измена на законот за филм, со кој се бара од радиодифузерите и давателите на стриминг услуги да инвестираат четири отсто од своите приходи во швајцарската филмска продукција. Стриминг компаниите треба да понудат и најмалку 30 проценти од европските филмови или серии, како што е случајот во Европската унија.

Околу 72 отсто од гласачите го поддржаа предлогот, според излезната анкета. Повеќе од 90 отсто од швајцарските гласачи главно гласаат по пошта.

The post УСПЕА РЕФЕРЕНДУМОТ ВО ШВАЈЦАРИЈА Нетфликс ќе снима програма за домашната публика appeared first on plusinfo.mk.

Со цел зголемување на бројот на доброволни донори во Македонскиот дарителски регистер за коскена срцевина, за време на настанот, во рамките на кампањата „Биди срцевина, биди херој“, организирана од Универзитетската клиника за хематологија и Институтот за имунобиологија и хумана генетика, а поддржана од Министерството за здравство, ќе биде отворен пункт каде што сите граѓани на возраст од 18 до 50 години кои се во добра здравствена состојба ќе можат да станат дел од Националниот регистар (МДРКС), а со тоа да спасат и човечки живот.

Сите што сакаат да бидат дел од регистарот, треба да одвојат само 5 минути од своето време и да донираат 5 мл крв. Со зголемувањето на бројот на доброволни дарители во Дарителскиот регистар за коскена срцевина се зголемуваат и шансите за пронаоѓање соодветен дарител за пациентите за кои единствен спас е трансплантацијата на матични клетки. Заинтересираните граѓани истовремено ќе можат и подетално да се информираат за тоа како и кој може да стане дарител, како и за значењeто на трансплантациите како можност за лекување.

Пунктот ќе биде лоциран на стартот на трката, од 08:30 часот, на булеварот Илинден пред фонтаната „Лотос“.

The post ДОНИРАЈТЕ НЕКОЛКУ КАПКИ КРВ, СПАСЕТЕ ЖИВОТ! „Биди срцевина, биди херој“ в недела на трката „HalkEco Скопје трча“ appeared first on plusinfo.mk.

На ова видео се гледаат редици украински граѓани ширум целата Украина кои чекаат да донираат крв за своите војници кои се на фронтот и кои се борат против руските непријатели.

И покрај тешката состојба сепак се трудат да им олеснат на оние на првите борбени линии.

Во продолжение, погледнете го видеото:

The post НЕ ЗНАЕМЕ ДА ПУКАМЕ, АМА МОЖЕМЕ КРВ ДА ДОНИРАМЕ Крводарителите во Украина со часови чекаат ред пред амбулантите! (ВИДЕО) appeared first on plusinfo.mk.

Од МЗ наведоа дека еден млад пациент добил срце, а кај двајца пациенти на дијализа веќе се трансплантираат бубрезите. Уште неколку пациенти, како што додадоа, во наредните денови ќе можат да добијат коскени ткива.

The post ПОДАРЕН ЖИВОТ НА НАЈМАЛКУ ТРОЈЦА ПАЦИЕНТИ Храбро семејство одлучи да ги донира органите на својот близок appeared first on plusinfo.mk.

Оваа година dm донираа 5% од вкупниот промет остварен на овој ден од сите свои дрогерии, на националната мрежа против насилство врз жените и семејното насилство „Глас против насилство“. Мисијата на мрежата е справување со проблемите на насилство врз жените и семејно насилство.

Минатата година, со помош на своите купувачи и фанови, преку акцијата за Black Friday, dm донираше 750 пакети со храна за социјално-загрозени сограѓани, а во 2019, кога за прв пат се организираше оваа акција беа вложени 300.000 денари во обнова на медицинските апарати во Клиничкиот центар во Штип.

– Затоа, сите вие кои сакате да направите добро дело, ве покануваме да се приклучите кон оваа кампања на dm со пазарување во нашите дрогерии утре, на 26 ноември и да придонесете заедно да го кренеме гласот против семејното и насилството врз жените – велат од компанијата.

The post ДАРУВАЊЕТО Е НОВОТО ЦРНО Купувајте во dm и донирајте за жртвите на насилство! appeared first on plusinfo.mk.

Штипјанецот Минов вели дека се мало здружение и засега само можат да прават кампањи и да ги информираат граѓаните за огранодарителството, а потребна им е поддршка за да се направат измени во постојниот Закон за трансплатација, кој ќе понуди начини како институциите да се информирани за одлуките и волjата на поединци дека сакаат по нивната смрт, нивните органи да се даруваат или секој сам да одлучува. Појаснува дека во моментов секој граѓанин е потенцијален донатор на органи во земјава.

– Последниот збор го има семејството, тоа треба да одобри да починатиот или тој кој е со мозочна смрт, да се донираат неговите органи последен збор има неговото семејство. Ние се бориме, како во одредени земји, во кои има и е променето тоа. Многу тешко е кога семејството губи човек, во нивниот живот, а некој треба да се јави и да праша, дали тие се сложуваат, а тие се во шок. Многу е тешка таа одлука, во таков момент да се донесе таква одлука. За да не се случува тоа има држави во кои преку нотар се даваат изјави, за семејството за нас да не одлучува, туку одлучуваме самите ние, додека сме живи. Во некои од државите има и органодарителски картички, во некои пак е внесено како податок и на возачката дозвола – вели Минов.

Тој посочи дека во последната година нашата земја има направено големи чекори за влез во евротрансплант зоната, а за да се влезе во неа исто така треба да се исполнат одредени услови.

Најнапредни на оваа тема и меѓу првите во Европа е Хрватска. Во услови на пандемија, лани  во земјава е направена  првата трансплатација на срце. Досега се изведени пет трансплатации од починат донор, трансплатирани се четири срца и 12 бубрези, а направена е и првата трансплатација на коски и коскени ткива. 

The post „Храбро срце“: Додека сме живи да одлучиме за донирање на нашите органи appeared first on plusinfo.mk.

– Заедно со министерот од Хрватска пристигнаа и најавените 10.000 вакцини од „АстраЗенека“. Вчера беше најавено и денес се објави дека Хрватска ќе ни донира дополнителни 20.000 вакцини, кои ќе бидат или од истата компанијата „АстраЗенека“ или „Модерна“, што би биле први во земјава од таа компанија“, соопшти Филипче на прес-конференција пред министерството.

Тој потенцираше дека со гостинот разговарале за епидемиолошката ситуација, за мерките, како и дека споделиле некои искуства во битката со вирусот, но и за предвидувањата и плановите за идниот период кој следува, особено поврзан со делта сојот.

Хрватскиот министер за надворешни работи Гордан Грлиќ Радман на македонски јазик се обрати пред македонската јавност и изрази задоволство што неговата земја може да помогне на блиските соседи во вакви кризни времиња.

– Со денешната донација 10.000 дози од „АстраЗенека“, Хрватска искажува решителност и подготвеност за конкретна помош на своите најблиски соседи за целиот просец на борбата со коронавирусот да биде што е можно поуспеше. Вчера владата на Хрватска донесе одлука за донирање дополнителни 20.000 дози вакцини – изјави денеска во Скопје министерот Грлиќ Радман.

Тој истакна дека вакцинирањето на населението е единствен излез од пандемијата, како и рамнотежата од постепеното отворање на границите и здравјето на граѓаните на двете земји, и посака во Македонија да притиснуваат што е можно повеќе вакцини со цел да се запре оваа пандемија.

The post По пристигнатите 10.000 дози, Хрватска ќе донира уште 20.000 вакцини од „АстраЗенека“ или „Модерна“ appeared first on plusinfo.mk.