На денешната прес-конференција со шефот на турската дипломатија, Мевлут Чавушоглу, кој престојува во официјална посета на Приштина, Грвала рече дека ја гледа Турција како „неутрален посредник меѓу Србија и другите земји во регионот“.

– Се надеваме дека Турција ќе придонесе да се оневозможи Србија во обидите да го дестабилизира Балканот. Како битна членка на НАТО, по руската агресија во Украина, Турција ја понуди својата помош како неутрален посредник, а исто така е активна и како неутрален посредник меѓу Србија и другите земји во регионот – рече Грвала.

Според неа, Европската унија, НАТО и Турција треба да вложат напори за „да се спречат Србија и српските сепаратисти во Босна и Херцеговина под сенката на руската агресија во Украина и со помош на Русија да ги дестабилизираат Зпаден Балкан и Југоисточна Европа“.

Шефот на турската дипломатија порача дека Туркије нема да дозволи „враќање во темните денови од 90-тите години“.

– За време на посетата на пет балкански држави, која ја започнав во Белград, секаде ја пренесов истата порака. Дијалогот меѓу Косово и Србија го поддржуваме и сметаме дека треба да се постигне договор по дипломатски пат. Развојот во Босна и негативниот одраз на војната во Украина во регионот се работи од кои треба да изведеме поуки. Ние како Туркије не сакаме враќање во темните денови од 90-тите години и нема да го дозволиме тоа. Ќе продолжиме со нашите заложби и дипломатијата секогаш ќе ја ставаме на прво место – рече Чавушоглу.

The post СПРЕЧЕТЕ ЈА СРБИЈА ДА ГО ДЕСТАБИЛИЗИРА БАЛКАНОТ Чавушоглу доби предупредување во Приштина appeared first on plusinfo.mk.

Како што јави дописникот на МИА од Приштина, шефицата на косовската дипломатија побарала дозвола, согласно договорот постигнат со посредство на Брисел, за посети на официјални лица од едната во другата држава, меѓутоа официјален Белград го одбил нејзиното барање.

Намерата на Грвала била да ги посети Прешево, Медвеѓе и Бујановац, градови во Прешевската долина, регион во јужна Србија населен со мнозинско албанско население.

„Ние побаравме дозвола. Посетата пропадна поради нечесните игри на Белград. Ќе се обидеме посетата да ја реализираме во блиска иднина“, се вели во соопштението на косовското МНР.

Српските медиуми денеска објавија дека и Приштина го одбила барањето на директорот на Канцеларијата за Косово при владата во Белград, Петар Петковиќ да го посети Косово, додека пред неколку дена косовските медиуми информираа дека српските власти не им дозволиле на неколку косовски министри да ја посетат Прешевската долина.

The post ПАМТИ, ПА ВРАТИ! Србија не ѝ дозволи влез на шефицата на косовската дипломатија appeared first on plusinfo.mk.