Првиот играч на словенечката кошаркарска репрезентација и играч на Лос Анџелес Лејкерс, Лука Дончиќ ги обелодени своите планови за крајот на кариерата. Тој делот од својата кариера во Европа ја мина во Реал Мадрид, каде стекна вистинска афирмација.

Во „кралскиот клуб“ мина три сезони, а клубот го напушти во 2018 година како МВП на Евролигата и на шпанската лига, со освоени титули во двете натпреварувања.

Конекцијата меѓу Дончиќ и Реал е исклучително силна особено што стигна во клубот со 13 години и често знае на социјалните мрежи да ги слави победите на својот поранешен тим.

Словенечкиот кошаркара посакува крајот на кариерата да му биде во „белиот дрес“, но исто така е свесен дека за да игра во Реал Мадрид мора да биде многу добар.

The post ДОНЧИЌ ВЕЌЕ РАЗМИСЛУВА ЗА ПЕНЗИЈА? Еве во кој клуб сака да ја заврши кариерата appeared first on plusinfo.mk.

Строги вежби без топка и 16 часа без храна дневно биле главните оружја на познатиот словенечки кошаркар против дебелината. Лука Дончиќ откри дека за само неколку месеци симнал 15 килограми, благодарение на режим што вклучувал кардио тренинзи, контрола на исхрана и привремено откажување од кошаркарскиот терен, јави „Нова.рс“.

Во интервју за словенечките медиуми, Дончиќ раскажа дека по Европското првенство морал целосно да се посвети на телесна подготовка, а тоа значело и промени во исхраната, па дури и краткотраен прекин на активното играње.

– Првпат во животот не играв кошарка еден месец – рече тој.

Тренингот вклучувал комбинирани кардио вежби и вежби со тегови, додека во делот со исхраната бил воведен таканаречениот „интермитентен пост“, 16-часовен период во кој не смеел да внесе ниту залче храна. Имал можност за јадење само 8 часа дневно.

Според информации објавени во словенечките медиуми, Дончиќ значително ја редуцирал количината на внесени калории, внесувал повеќе протеини, омега-3 масни киселини, магнезиум и други суплементи, а избегнувал шеќери и пржена храна.

Тој блесна со новото тело на Европското првенство, каде влезе во идеалната петорка со просек од 34,7 поени, 8,6 скока и 7,1 асистенција.

Промената ја забележале и тренерите и навивачите, кои велат дека ваквиот Дончиќ изгледа подготвен за Олимписките игри подобро од кога било.

The post СЛОВЕНЕЧКИОТ АС МАКА МАЧЕЛ ЗА ДА ОСЛАБИ 15 КИЛОГРАМИ Дончиќ не јадел по 16 часа дневно и правел кардио вежби appeared first on plusinfo.mk.

Најголемата ѕвезда на словенечката кошаркарска репрезентација, Лука Дончиќ, го коментираше поразот од Германија (91:99) синоќа во четвртфиналето на Евробаскетот.

Играчот на Лејкерси постигна 39 поени, 10 скока и 7 асистенции.

– Лут сум, едноставно сум навистина лут. Можев да направам повеќе во последната четвртина. Создадов шутеви за себе, можев да бидам подобар во одлучувачките моменти, но донесов погрешни одлуки. Капа долу за моите соиграчи, покажавме дека можеме да победиме. Сите се боревме и дадовме сè. Работата на судиите? Нема да кажам многу. Ја добив мојата прва техничка грешка две минути по почетокот на играта само затоа што викнав „Ајде, ајде“. Ова не треба да се случува во четвртфиналето. Не разбирам што мислеа судиите. Не сакам да зборувам за нив, но четири фаули до почетокот на третата четвртина – никогаш не сум видел нешто слично – изјави Дончиќ за „BasketNews“.

Германија во полуфиналето на Евробаскетот ќе се соочи со Финска.

Во другото полуфинале ќе играат Грција и Турција.

The post „ЛУТ СУМ, МОЖЕВ ДА СТОРАМ ПОВЕЌЕ, ШТО СИ МИСЛЕА СУДИИТЕ?“ На Дончиќ тешко му падна поразот од Германија appeared first on plusinfo.mk.

Никола Јокиќ и Лука Дончиќ беа главните ѕвезди на подготвителниот натпревар Србија – Словенија (106:72) одигран во Белград пред Евробаскетот. Тимот на Јокиќ на крајот го совлада тимот на Дончиќ, но ќерката на Јокиќ им го украде шоуто на двајцата. Огњена ќе наполни 4 години во септември.

По натпреварот, Јокиќ ја зеде во раце и отиде кај својот „лут“ ривал но и пријател, Лука Дончиќ.

Балканските НБА ѕвезди се поздравија топло и се прегрнаа, но главната приказна од натпреварот беше потегот на малата ќерка на Јокиќ. Дончиќ ја крена раката за да ја поздрави, а таа одговори со „дај пет“.

Видеото од нивниот поздрав го објави Кошаркарскиот сојуз на Србија и веднаш стана вирално на социјалните мрежи.

 

View this post on Instagram

 

A post shared by FIBA EuroBasket (@eurobasket)

The post 📽️ РЕАКЦИЈАТА НА МАЛАТА ОГЊЕНА СТАНА ВИРАЛНА Јокиќ дојде кај Дончиќ со ќерката, таа го украде вниманието appeared first on plusinfo.mk.

Американскиот клуб Милвоки не му дозволил на Јанис Адетокумбо, „грчкото чудо“, да игра за репрезентацијата на Грција ова лето, јави Б92, повикувајќи се на „Eurohoops“.

Причината е неплатеното осигурување.

Иако Јанис можеше да ѝ се приклучи на репрезентацијата уште од 1 август, 28 дена пред почетокот на Евробаскетот на 28 август согласно договорот меѓу НБА и ФИБА, клубот му забранил да тренира со репрезентацијата, па работи индивидуално.

Одлуката на Милвоки бакс предизвика разочарување кај грчките навивачи кои сонуваа да го видат својот најголем кошаркарски ас во националниот дрес ова лето. Грчките медиуми ја оценија мерката како „тежок удар за репрезентацијата“.

Многумина беа загрижени што Јанис не играше против Никола Јокиќ и Србија на арената „Спирос Кипријану“ во Кипар, како и против Израел, а сега и против Црна Гора во Солун.

The post ЈАНИС НЕMA ДА НАСТАПИ, ГРЦИЈА НЕ МУ ПЛАТИ ОСИГУРУВАЊЕ Од Милвоки му рекле на „грчкото чудо“ да тренира сам appeared first on plusinfo.mk.

Кошаркарот на Лос Анџелес Лејкерс, Лука Дончиќ, не бараше изговори во заморот по поразот од Минесота со 113:116 во дуел од првото коло од плејофот на Западната конференција на НБА.

Дончиќ постигна 38 поени за 46 минути на теренот, а Лејкерси веќе заостануваат со 1:3 во серијата.

– Ова се плејоф натпревари. Заморот не треба да игра никаква улога. Играв многу минути, но тоа не треба да има значење. Мислам дека играа подобро дефанзивно во последните неколку минути – рече Лука Дончиќ.

Една од ѕвездите на Лос Анџелес Лејкерс сè уште верува во шансите на тимот.

– Ситуацијата дефинитивно е разочарувачка, но ништо не е изгубено. Мораме да продолжиме да веруваме – додаде Словенецот, цитиран од специјализираното издание „Еурохупс“.

The post ДОНЧИЌ НЕ БАРА ИЗГОВОРИ ВО ЗАМОРОТ Го призна поразот од Минесота, но верува во Лејкерс appeared first on plusinfo.mk.

Словенечката суперѕвезда во редовите на Лос Анџелес Лејкерс, Лука Дончиќ не бегаше од одговорноста по поразот на Лејкерси од Орландо со резултат 118:106.

Дончиќ мечот го заврши со 32 поени, седум асистенции, исто толку скокови и една украдена топка за 38 минути на теренот.

– Мислам дека јас и Леброн мораме да го водиме тимот. Очигледно е дека треба подобро да се снаоѓам, повеќе да разговарам. Зборував во првото полувреме, но не бев толку гласен во второто и тоа не треба да се случува. Платени сме да го правиме ова. Не треба да има изговори. Во одреден момент, секој има тежок распоред. Важно е да видиме како играме. Едноставно мораме да бидеме подобри – изјави Дончиќ.

Лејкерси се петти на Западот со скор од 43 победи и 28 порази, а следен ривал ќе им биде Индијана на гости во четврток (00.30 часот).

The post „ЈАС И ЛЕБРОН МОРА ДА ГИ ВОДИМЕ ЛЕЈКЕРС“ Дончиќ испрати порака по поразот од Орландо appeared first on plusinfo.mk.

Словенечкиот кошаркар Лука Дончиќ му се одмазди на својот поранешнен клуб Далас Maверикс со победата на домашен терен. Се чини дека тоа не беше единственото нешто кое го направи Словенецот кој сè уште работи на тимската игра во своето ново опкружување.

Пред натпреварот Дончиќ направи серија склекови, а потоа упати остар поглед кон генералниот менаџер на Далас, Нико Херисон, кој беше главен иницијатор на смената на Дончиќ.

В0 јавноста се појавија и шпекулации дека клубот намерно пуштал гласини дека Дониќ има прекумерна тежина за да избегне да му понуди подобар договор летово.

Во замена за Дончиќ, Далас го доби Ентони Дејвис.

Luka hitting pushups with Nico Harrison in the background

(via @ArashMarkazi)pic.twitter.com/1O9edEh4qZ

— Legion Hoops (@LegionHoops) February 26, 2025

The post 📽 СКЛЕКОВИ ЗА ИНАЕТ НА ЧОВЕКОТ КОЈ ГО ИЗБРКА ДОНЧИЌ ОД ДАЛАС Лука не сака да биде „дебелиот Лука“ appeared first on plusinfo.mk.

Првиот дуел на Лејкерс и Далас по трансферот на Лука Дончиќ во тимот од Лос Анџелес заврши со победа за Лејкерс. Се чини дека словенечкиот кошаркар конечно го наоѓа своето место во новиот тим. Тој му се „одмазди“ на својот поранешен тим со трипл-дабл.

Лејкерсите утринава го совладаа Далас на домашен терен со 107:99 во натпревар од регуларниот дел од НБА-сезона.

Словенецот имаше проблеми со реализацијата, но тоа не го спречи да постигне одлични бројки на овој натпревар. За 35 минути игра заработи 19 поени, 15 скока, 12 асистенции и украде две топки. Ова беше неговиот прв трипл-дабл од неговото доаѓање во Лејкерс.

Дончиќ стана четврт кошаркар во историјата на НБА лигата кој во првите пет меча во клубот постигнал двоцифрен учинок во три колони.

На почетокот на февруари, Маверикс го разменија Словенецот со Лејкерси за Ентони Дејвис, кој го пропушти натпреварот поради повреда.

Лејкерси го добија третиот последователен натпревар и се искачија на четвртата позиција во Западната конференција. Далас е на деветтото место.

The post 📽 ДОНЧИЌ ГО НАЈДЕ СВОЕТО МЕСТО ВО ЛЕЈКЕРС Со трипл-дабл му се одмазди на Далас appeared first on plusinfo.mk.

Лука Дончиќ блесна во ноќешниот триумф на ЛА Лејкерс против Денвер, постигнувајќи 32 поени, 10 скокови и 7 асистенции, а неговата одлична партија беше клучна за прекинување на серијата од девет последователни победи на Никола Јокиќ и Нагетс.

Ова беше најдобриот настап на словенечкиот ас откако пред три недели пристигна од Далас. Очигледно, Дончиќ конечно се привикна на промената. По натпреварот, тој зборуваше за адаптацијата во новата средина.

– Тешки и поинакви три недели. Но, среќен сум што играм кошарка и секој ден ќе биде сè подобро. Ми се допаѓа што сум тука, а играњето со овие момци е одлично – изјави Дончиќ.

“Hard. Different. … I’m happy for the new journey.”

—Luka Doncic tells @saltersl what the last few weeks have been like after his best game with the Lakers. pic.twitter.com/jdDUChI2Xk

— ESPN (@espn) February 23, 2025

Посебно се осврна на соработката со Леброн Џејмс.

– Имаме уште многу простор за напредок. Ова ми беше само четврти меч во Лејкерс, а хемијата се гради со време. Но, веќе се гледа напредок и ќе станува уште подобро – дополни Словенецот.

Најголем акцент стави на амбициите на тимот.

– Нашата цел… Не, не мислам, знам дека нашата цел е титулата. Тоа е единствената цел. Имаме тим за тоа, за тоа и дојдов тука – решително порача Дончиќ.

Српскиот центар Никола Јокиќ беше крајно искрен по поразот на Денвер на домашен терен од Лејкерси (123:100).

Сепак, Лука Дончиќ одигра одличен натпревар, а кошаркарите на Денвер немаа одговор за тоа.

– Тој е човекот што требаше да го запреме. Помеѓу нас нема презиме и „неволја“. Ние не го правиме тоа, меѓу нас отсекогаш бил пријателски однос – започнал Јокиќ.

На Денвер му претстојат тешки натпревари и речиси и да нема време за одмор.

– Не знам дали ќе ги гледаме снимките од натпреварот, имаме тежок распоред, четири гостувања против големи тимови од Истокот. Не можеме толку многу да ја губиме топката, особено на гостински натпревари. Треба да бидеме поотпорни, да играме подобро – додаде Никола.

Nikola Jokić on playing struggling teams during the winning streak:

“Maybe we tricked ourselves.” pic.twitter.com/PNS1JOtsi2

— DNVR Nuggets (@DNVR_Nuggets) February 23, 2025

РЕЗУЛТАТИ: Чикаго – Феникс 117-121, Филаделфија – Бруклин 103-105, Денвер – ЛА Лејкерс 100-123, Јута – Хјустон 124-115, Портланд – Шарлот 141-88.

The post 📽️ ДОНЧИЌ БЛЕСНА ВО ДРЕСОТ НА „ЕЗЕРЏИИТЕ“ Словенецот ги предводеше Лејкерс до убедлива победа над Јокиќ и Денвер appeared first on plusinfo.mk.