Семејството на претседателот на САД Доналд Трамп заработило најмалку 2,3 милијарди долари од криптовалутни проекти што ги промовирало по изборите во 2024 година, покажува истражување на Ројтерс. Според агенцијата, повеќе од 1 милион инвеститори истовремено забележале нето-загуби од приближно ист износ. Наодите се темелат на анализа на блокчејн записи, корпоративни документи и јавни изјави.

Ројтерс навел дека истражувањето било разгледано од повеќе од 10 експерти за сметководство и криптовалути. Тие ги оцениле проценките како разумни. Агенцијата разговарала и со претставници од криптоиндустријата.

Токени растеле, инвеститорите губеле

Во центарот на истрагата се четири проекти. Тоа се „Ворлд либерти фајненшл“, мем-криптовалутата „$TRUMP“, „Американ биткоин“ и „АИ фајненшл корп“.

Според Ројтерс, моделот бил сличен кај сите проекти. Семејството Трамп вложувало малку или воопшто не вложувало сопствени средства. Потоа ги промовирало проектите преку своето име и политичко влијание. Добивката останувала кај промоторите. Малите инвеститори често останувале со загуби.

Ројтерс го издвојува примерот на 29-годишната Фатима Елргдави од Санта Барбара. Таа во јануари 2025 година вложила 2.000 долари во „$TRUMP“. До крајот на мај вредноста на инвестицијата паднала на помалку од 120 долари.

Најголемиот профит доаѓал од еден проект

Најголема заработка, според истражувањето, донел проектот „Ворлд либерти фајненшл“. Компанијата почнала да продава токени во октомври 2024 година. Меѓу главните промотори биле Ерик Трамп и Доналд Трамп Помладиот.

Ројтерс проценува дека преку договор за лиценцирање на името Трамп, повеќе од 1,6 милијарди долари завршиле кај субјект поврзан со семејството. Загубите на инвеститорите во овој проект се проценуваат на околу 674 милиони долари.

Мем-криптовалутата „$TRUMP“ наводно донела околу 616 милиони долари за семејството Трамп. Истовремено, инвеститорите изгубиле повеќе од 700 милиони долари. Според агенцијата, токенот изгубил 97 % од вредноста во однос на врвот достигнат во јануари 2025 година.

Судир на интереси или легален бизнис?

Осум експерти за владина етика изјавиле за Ројтерс дека ваквото збогатување отвора сериозни прашања за можен судир на интереси. Според нив, станува збор за ситуација без преседан во современата американска историја.

Белата куќа не ги коментирала директно наодите. Портпаролката Ана Кели изјавила дека сите постапки на претседателот и на неговата администрација се преземаат во интерес на американскиот народ.

Од Белата куќа ги отфрлиле оценките за судир на интереси. Порачале дека ниту претседателот ниту неговото семејство не се впуштиле, ниту ќе се впуштат во такви активности.

Поранешниот министер за трговија Вилбур Рос застанал во одбрана на семејството Трамп. Тој изјавил дека политичарите и нивните семејства имаат право да заработуваат, додавајќи дека инвеститорите во шпекулативни средства мора да бидат свесни за ризиците.

The post ТРАМПОВИ ЗАРАБОТУВАЛЕ, ВЛОЖУВАЧИТЕ ВО КРИПТО ГУБЕЛЕ Над милион инвеститори останале со тенки џебови appeared first on plusinfo.mk.

Претседателот на САД Доналд Трамп соопшти дека нема да присуствува на претстојната свадба на својот најстар син Доналд Трамп Помладиот со Бетина Андерсон, истакната претставничка на високото општество од Палм Бич, поради итни државни обврски во Вашингтон.

„Иако многу сакав да бидам покрај мојот син Дон Помладиот и најновиот член на семејството Трамп, неговата идна сопруга Бетина, околностите поврзани со управувањето на земјата и мојата љубов кон САД не ми дозволуваат да присуствувам. Сметам дека е од клучна важност да останам во Белата куќа во овој толку важен момент“, напиша американскиот претседател на својата социјална мрежа „Трут сошл“.

Свадбената церемонија ќе се одржи викендов на мал остров на Бахамите, пренесува Си-Ен-Ен, повикувајќи се на добро информирани извори. Двојката веќе и официјално ја регистрирала граѓанската брачна врска, што е видливо од венчалниот лист издаден во округот Палм Бич на Флорида. Од опкружувањето на Трамп Помладиот засега нема официјален коментар.

Претседателот Трамп претходно пред новинарите изјави дека неговиот син силно посакувал тој да биде присутен, но набрзо по покренувањето на прашањето, ја оцени темата како „незначителна лична работа“. Како главна причина за останувањето во Вашингтон, Трамп ги наведе акутните надворешно-политички предизвици.

„На дневен ред го имам Иран и други големи проблеми“, посочи републиканскиот претседател, во контекст на тензиите на Блискиот Исток и безбедноста на клучните пловни патишта каде што се наоѓа и стратешки важната Ормуска Теснина.
Американската администрација во моментов води индиректни дипломатски преговори со Техеран преку Пакистан, со цел да се стави крај на воениот конфликт со Исламската Република, кој започна на 28 февруари. Според официјалните измени во неговиот протокол, Трамп го откажал планираниот престој во својот голф-клуб во Бедминстер, Њу Џерси, за веднаш да се врати во Белата куќа.

За Доналд Трамп Помладиот ова ќе биде трет брак. Со претходната сопруга Ванеса, актерка и поранешен модел, беше во брак 12 години и заедно имаат пет деца, пред таа да поднесе барање за развод во 2018 година. Потоа, тој беше верен со познатото американско ТВ-лице Кимберли Гилфојл, со која се раздели во 2024 година.

The post ТРАМП НЕМА ДА ОДИ НА ТРЕТАТА СВАДБА НА СИНОТ Има поважни работи во Белата куќа appeared first on plusinfo.mk.

Претседателот на САД, Доналд Трамп, би можел да се повлече од решавањето на војната во Украина, изјави неговиот најстар син Доналд Трамп помладиот на конференција на Блискиот Исток каде што, меѓу другото, рече дека украинските власти испраќаат „сиромашни селани“ на фронтот, додека сите богати одамна избегале од земјата.

– Ова лето бев со мојата девојка Бетина во Монако и се возевме наоколу. Во еден просечен ден – околу 50 проценти од суперавтомобилите – „бугати“, „ферари“ и други – имаа украински регистарски таблички – рече Трамп помладиот, објави Белорусија Некст.

Во продолжението на говорот, кој е фокусиран против целта за продолжување на борбите во Украина тој   рече дека украинските „корумпирани“ богати луѓе избегале од својата земја, оставајќи „она што го сметале за сиромашни селани“ да се борат во војната.

Трамп помладиот нема формална улога во администрацијата на својот татко, но е клучна фигура во движењето MAGA, а неговото појавување ја одразува антипатијата на некои членови на тимот на Трамп кон украинската влада и доаѓа во време кога преговарачкиот тим на Трамп врши притисок врз Киев да отстапи територија.

На крајот од говорот, тој додаде дека украинскиот претседател, Володимир Зеленски, ја продолжува војната бидејќи знае дека никогаш нема да победи на изборите ако војната заврши. Тој рече дека Зеленски е речиси божество за левицата, но тврдеше дека Украина е многу покорумпирана од Русија.

Тој, исто така, ја критикуваше шефицата за надворешна политика на ЕУ, Каја Калас, велејќи дека европските санкции не функционираат затоа што само ја зголемија цената на нафтата, која Русија може да ја користи за финансирање на војната. Тој го опиша европскиот план како „чекање Русија да банкротира“.

Тој рече дека за време на кампањата за изборите во 2022 година, сретнал само три лица кои ја сметале војната во Украина за меѓу десетте најважни прашања. Ризикот од венецуелски бродови што носат фентанил во САД, според неговите зборови, „е многу поголема и понепосредна опасност од сè што се случува во Украина или Русија“.

Кога го прашаа дали е можно неговиот татко – кој водеше кампања дека може да донесе мир во Украина – едноставно да се откаже, Доналд Трамп помладиот рече можеби, објаснувајќи дека неговиот татко е еден од најнепредвидливите луѓе во политиката. Тој вети дека САД повеќе нема да бидат „будала со чековна книшка“.

The post САД НЕМА ДА БИДАТ „БУДАЛА СО ЧЕКОВНА КНИШКА“ Најстариот син на Трамп се закани дека САД ќе се повлечат од Украина appeared first on plusinfo.mk.

Тие живеат на растојание од околу 20 минути, во богатата област на Јужна Флорида, Палм Бич, а минатиот месец биле видени заедно на турнир во голф. Најстарата ќерка на Ванеса, Каи (17) и децата на Вудс, Чарли (16) и Сем (17) посетуваат исто елитно училиште, каде што школарината изнесува 38.595 долари годишно.

Според еден извор, сите членови на семејството Трамп знаат за оваа нова врска.

– Вистина е, Тајгер и Ванеса се гледаат уште од Денот на благодарноста. Таа доаѓа кај него на островот Јупитер, но тие не живеат заедно. Таа го посетува неколкупати неделно“, рекол изворот. „Најмногу сакаат да поминуваат време дома, да вечераат заедно и да уживаат во разговорот. Засега, тие одлучија да не излегуваат во јавноста со својата врска. Барем засега“, додал тој.

Ванеса поднесе барање за спогодбен развод од Доналд Трамп помладиот во Њујорк на 15 март 2018 година. По разводот, таа немаше ниту една позната или јавно експонирана врска. Доналд Трамп помладиот остана близок советник на својот татко, а исто така презеде дел од империјата на семејниот бизнис. Нивната ќерка Каи и синот на Вудс, Чарли сонуваат за професионална кариера во голф, а се чини дека двете семејства сè повеќе се поврзуваат.

Минатиот месец тие беа видени заедно на турнирот Genesis Invitational на PGA Tour во Калифорнија. Каи, која веќе се согласи да игра голф за Универзитетот во Мајами од следната година, носеше облека од модната линија на Вудс. Во меѓувреме, поранешниот американски претседател Доналд Трамп исто така играше голф со Вудс минатиот месец.

По разводот со Ванеса, Доналд Трамп помладиот беше во врска и се сврши со поранешната водителка на „Фокс њуз“, Кимберли Гилфојл, која сега е амбасадорка на претседателот Трамп во Грција. Меѓутоа, во септември минатата година беа објавени фотографии од Доналд Трамп помладиот и Бетина Андерсон, која е припадничка на високото општество.

The post ТАЈГЕР ВУДС И ПОРАНЕШНАТА СНАА НА ТРАМП СЕ ВО ВРСКА Голферот и Ванеса се гледаат со месеци appeared first on plusinfo.mk.

Синот на поранешниот американски претседател сподели неколку фотографии и стории на Инстаграм по трагичниот инцидент, а една од најновите стории покажува маица со натпис:

„Оружјето не убива луѓе, Алек Болдвин убива луѓе“, пишува на маиците. Фотографијата е придружена со линк до веб-страницата на помладиот Трамп, каде маицата се продава за 27,99 долари.

Don Jr is selling these shirts for $27.99 on his website. Pathetic. pic.twitter.com/K8fFCzsRj7

— PatriotTakes (@patriottakes) October 24, 2021

И покрај осудите од некои корисници на социјалните мрежи, синот на поранешниот американски претседател дополнително не ја коментираше продажбата на маиците и не ги тргна од својата страница.

Да потсетиме, на 22 октомври, Болдвин случајно ја уби директорката на фотографија Халина Хачкинс на сетот на филмот „Рѓа“ и го рани режисерот Џоел Суза. Понатамошната истрага утврдила дека во пиштолот наместо лажни имало вистински куршуми, а како еден од виновниците за несреќата се посочува Дејв Халс кој не го почитувал безбедносниот протокол.

Доналд Трамп помладиот пред неколку дена, преку саркастични фотографии на социјалните мрежи, јавно го обвини актерот за несреќата.

 

View this post on Instagram

 

A post shared by Donald Trump Jr. (@donaldjtrumpjr)

Поранешниот претседател Трамп и Алек Болдвин се во долготрајна расправија, а актерот го отелотвори контроверзниот политичар во емисијата „Saturday Night Live“.

ФОТО: ЕПА/Инстаграм/Твитер

The post СИНОТ НА ТРАМП ПРОДАВА МАИЦИ „Алек Болдвин убива луѓе“ (ФОТО) appeared first on plusinfo.mk.

Тој преку саркастични фотографии на споменатата мрежа јавно го обвини актерот за несреќата.

 

View this post on Instagram

 

A post shared by Donald Trump Jr. (@donaldjtrumpjr)

„Тој поглед кога лудак кој не умее да користи пиштол убива повеќе луѓе со пиштол отколку што досега убила вашата гобемна колекција огнено оружје“, напиша Трамп и објави фотографија од Болдвин.

Трамп помладиот потоа објави фотографија од Болдвин и неговата сопруга Хиларија, со натпис којшто ја исмева.

„Како се вели на англиски дека сме за*бени? – Хиларија Болдвин“, пишува на фотографијата.

 

View this post on Instagram

 

A post shared by Donald Trump Jr. (@donaldjtrumpjr)

„Ајде сите да гледаме како Алек Болдвин го обвинува пиштолот“, додал тој уште една објава на Инстаграм.

Според пишувањата на странските медиуми, шегите на Трамп за Болдвин можеби се предизвикани од фактот дека Болдвин го имитираше Доналд Трамп за време на неговото гостување во „Saturday Night Live“, што нему не му се допадна.

 

View this post on Instagram

 

A post shared by Donald Trump Jr. (@donaldjtrumpjr)

ФОТО: Инстаграм/ЕПА

The post СИНОТ НА ТРАМП ГО ИСМЕЈУВА БОЛДВИН ПОРАДИ НЕСРЕЌАТА „Го обвинува пиштолот наместо себеси!“ (ФОТО) appeared first on plusinfo.mk.