Американскиот претседател Доналд Трамп објави дека САД постигнале договор со Венецуела за мнозинска контрола врз повеќе од 65 милијарди барели докажани резерви на нафта.

Трамп наведе дека е постигнат „најголем договор за нафта во историјата на светот“.

Тој на сопствената социјална мрежа Трут соушл објави дека преговорите, според негови насоки ги воделе државниот секретар Марко Рубио, министерот за војна Пит Хегсет, привремената претседателка на Венецуела Делси Родригез, како и претставници на приватниот сектор.

„Тие обезбедија мнозинска контрола на САД врз повеќе од 65 милијарди барели докажани резерви на нафта во Венецуела, без никакви трошоци за американските даночни обврзници“, наведе Трамп.

Не се познати деталите за тоа кои приватни компании ќе учествуваат, како точно ќе изгледа „мнозинската контрола“ на САД и кога дополнителната нафта би можела да се појави на американскиот пазар.

Договорот е постигнат речиси девет месеци откако американските сили го соборија и затворија поранешниот претседател на Венецуела, Николас Мадуро. Оттогаш САД се обидуваат да ги зголемат испораките на венецуелска нафта до американските рафинерии и да ги привлечат американските компании во запоставениот енергетски сектор на Венецуела.

Венецуела сега произведува околу 1,25 милиони барели сурова нафта дневно, многу помалку отколку пред неколку децении. Години на недоволно инвестирање, санкции и лошо управување сериозно ја оштетија нејзината нафтена инфраструктура.

Родригез го поздрави договорот, истакнувајќи оти тој ќе има значително влијание врз економското закрепнување на земјата.

„Венецуела објавува историски договор со американската влада што ќе има значително влијание врз преродбата на нашата нација“, истакна Родригез.

Таа додаде дека договорот предвидува „развој на 17 стратешки полиња со докажан потенцијал од 65 милијарди барели нафта, инвестиции од над 100 милијарди долари и повеќе од 209 милијарди долари даночни приходи за државата“.

The post ТРАМП ОБЈАВИ ИСТОРИСКИ ДОГОВОР ЗА НАФТАТА Венецуелските резерви под контрола на САД appeared first on plusinfo.mk.

Претседателот на Доналд Трамп изјави дека голем број празни нафтени танкери се упатени кон Соединетите Американски Држави со цел да се снабдат со американски енергенси.

Во објава на социјалната мрежа „Truth Social“, Трамп наведе дека станува збор за некои од најголемите танкери во светот кои доаѓаат по „најквалитетната“ нафта и гас.

– Ние располагаме со повеќе нафта отколку следните две најголеми нафтени економии заедно, и тоа со повисок квалитет – рече тој.

Оваа изјава доаѓа во период на интензивни меѓународни тензии поврзани со енергетските текови и конфликтот меѓу САД и Иран, при што дел од разговорите се водат во Исламабад.

Претходно оваа недела, Трамп порача дека Иран не смее да наметнува такси за танкерите кои поминуваат низ Ормускиот Теснец, предупредувајќи дека евентуална блокада би можела да предизвика сериозни нарушувања во глобалните енергетски текови.

The post „ИМАМЕ ПОВЕЌЕ НАФТА ОД СИТЕ“ Празни танкери се упатуваат кон Америка, тврди Трамп appeared first on plusinfo.mk.