Маж вооружен со пиштол е уапсен откако фотографирал и снимал видеозаписи од теренот на голф-клубот „Trump national“ во Лос Анџелес, кој му припаѓа на американскиот претседател Доналд Трамп.

Инцидентот се случил за време на викендот, соопшти денеска канцеларијата на шерифот на Лос Анџелес.

Полицијата го пронашла возилото на осомничениот Жанин Џон Тејл (38) на паркингот од голф-клубот, а кај него биле пронајдени рамка со 16 куршуми, наполнет пиштол со куршум во цевката и дополнителна наполнета рамка со муниција.

Тејл е уапсен поради носење скриено огнено оружје и поради поседување забранета муниција која може да пробие панцир, соопшти канцеларијата на шерифот. По апсењето, детективите во домот на мажот пронашле уште огнено оружје и „повеќе тетратки со загрижувачки изјави“.

Осомничениот е идентификуван како Жанин Џон Тејл (38) од Дауни, Калифорнија и е задржан со кауција од 250.000 долари, а се очекува да се појави на суд на 26 август. Тејл е обвинет за поседување нерегистрирана пушка со кратка цевка, што е кривично дело коешто носи задолжителна минимална казна од 10 години во сојузен затвор, според соопштението на Канцеларијата на американскиот обвинител за Калифорнија.

„Иако сè уште ги истражуваме мотивите на ова лице, благодарни сме што е уапсен пред посетата на претседателот. Сојузните и локалните сили за спроведување на законот интервенираа рано и го спречија она што можеше да биде опасна ситуација. Оваа истрага е сè уште во тек“, соопштени првиот помошник на американскиот обвинител Бил Есајли.

Инцидентот во голф-клубот се случил во неделата, соопшти службата на шерифот, еден ден пред да биде објавено дека американскиот претседател Доналд Трамп оваа седмица ќе го посети својот имот во градот Ранчо Палос Вердес, близу Лос Анџелес, на вечера на Републиканскиот национален комитет.

The post УАПСЕН ВООРУЖЕН МАЖ ВО ГОЛФ-КЛУБОТ НА ТРАМП ВО ЛОС АНЏЕЛЕС Имал забранета муниција што може да пробие панцир appeared first on plusinfo.mk.

Франција со партнерите работи на план за одговор во случај САД да ја исполнат својата закана за преземање на Гренланд, изјави денеска француски министер, додека Европа се обидува да се справи со амбициите на американскиот претседател Доналд Трамп околу островот.

Американското воено преземање на Гренланд од долгогодишниот сојузник Данска би ги разбранувало односите меѓу двете страни на Атлантикот, испраќајќи силни бранови низ НАТО алијансата и продлабочувајќи го јазот меѓу Трамп и европските лидери. Министерот за надворешни работи Жан-Ноел Баро рече дека темата ќе биде покрената на состанокот со министрите за надворешни работи на Германија и на Полска подоцна во текот на денот.

– Сакаме да преземеме акција, но сакаме да го направиме тоа заедно со нашите европски партнери – изјави Баро.

Европските и канадските лидери ги збија редовите околу Гренланд оваа недела и инсистираат дека арктичкиот остров им припаѓа на луѓето што живеат таму.

Трамп деновиве повтори дека сака САД да ја преземат контролата врз Гренланд. Тоа е идеја што првпат ја изнесе во 2019 година за време на неговиот прв мандат во Белата куќа. Тој вели дека островот е клучен за американската воена стратегија и дека Данска не прави доволно за неговото обезбедување.

• НИКОЈ НЕМА ДА МРДНЕ СО ПРСТ, ЗА ДА НИ ПОМОГНЕ Итен состанок во Данска за судбината на Гренланд

Белата куќа вчера соопшти дека Трамп разговара за опции за стекнување на Гренланд, вклучително и за потенцијално користење на американската војска и покрај европските приговори.

Баро сугерира дека министерот за надворешни работи на САД ја исклучил можноста за американска воена операција.

– Вчера лично разговарав со американскиот државен секретар Марко Рубио, кој потврди дека ова не е пристапот што е преземен. Тој ја исклучи можноста за инвазија на Гренланд – рече тој.

Американската воена операција во текот на викендот во која беше заробен венецуелскиот претседател предизвика загриженост дека Гренланд би можел да се соочи со слично сценарио.

Висок американски функционер, зборувајќи под услов да остане анонимен, деновиве изјави дека Трамп и неговите советници разговараат за различни начини за стекнување на Гренланд, вклучително и за купување. Гренланд и Данска одговорија дека островот не е на продажба.

Данскиот министер за надворешни работи Ларс Локе Расмусен и неговата колешка од Гренланд, Вивијан Мотцфелд, побараа итен состанок со Рубио за да разговараат за ситуацијата.

– Аргументот мора да отстапи место на дијалогот. И тоа веднаш – напиша Расмусен во објава на социјалните мрежи.

ЧЕТИРИ ЕДНОСТАВНИ ЧЕКОРИ ДО ПРЕВЗЕМАЊЕ НА ГРЕНЛАНД Трамп веќе почна со реализацијата

The post ФРАНЦИЈА СМИСЛУВА ПЛАН ЗА ОДГОВОР АКО САД ТРГНАТ ДА ГО ПРЕЗЕМАТ ГРЕНЛАНД Париз сака да преземе акција, заедно со еропските партнери appeared first on plusinfo.mk.

Доналд Трамп најмалку осумпати патувал со приватниот авион на Џефри Епштајn.   Ова се гледа од  документите за сексуалниот престапник и педофил што ги објави Министерството за правда на САД. Објавени се уште 29.000 страници документи и десетици видеоснимки, од кои неколку биле снимени во затвор.

Мејл од 7 јануари 2020 содржи записи за летовите на Епштајн. Тие покажуваат дека Трамп летал со неговиот приватен авион осумпати од 1993 до 1996. На четири лета била присутна и најблиската соработничка на Епстајн, Гилејн Максвел. Во еден случај од 1993, Трамп и Епштајн се заведени како единствените патници. На друг лет тие биле придружувани од 20-годишна личност, чие име е сокриено.

Трамп не крие дека порано биле пријатели со Епштајн, но тврди дека се скарале околу 2004. Тоа било неколку години пред тој за првпат да биде уапсен. Трамп негира какво било кривично дело во врска со Епштајн.

„Некои од овие документи содржат невистинити и сензационалистички тврдења против претседателот Трамп. Тие беа доставени до ФБИ непосредно пред изборите во 2020. Да бидеме јасни: тврдењата се неосновани и лажни. Доколку имаа барем малку кредибилитет, сигурно веќе ќе беа употребени како оружје против претседателот Трамп“, се вели во соопштението на Министерството за правда.

Како и во претходниот случај, бројни документи и сега се редактирани, односно со покриени имиња и делови од текстот. Министерството за правда претходно кажа дека го задржува тоа право за да се заштитат жртвите и активни кривични истраги.

The post ТРАМП 8 ПАТИ ЛЕТАЛ СО ПРИВАТНИОТ АВИОН НА ЕПШТАЈН На еден лет со нив била и 20-годишна девојка appeared first on plusinfo.mk.

Во Белград денеска се одржа протест под слоганот „Ние сме жив ѕид“ пред зградите на генералштабот каде студенти од белградски факултети и членови на иницијативата Ансамбл Генералштаб побараа укинување на уривањето на тој комплекс.

Собраните на протест нагласија дека „нема мирно“ да го гледаат уривањето на тој комплекс и „газењето на Уставот и законот“. Тие додадоа дека ќе го „бранат со своите тела“ тој симбол на Белград, откако lex specialis беше усвоен во српскиот Парламент оваа недела, со што е овозможено негово уривање. На негово место фирма на Џаред Кушнер, зетот на американскиот претседател Донал Трамп, најави дека ќе гради хотел „Трамп интернешнал“

Студентите и собраните граѓани формираа „жив ѕид“ околу комплексот, и нацртаа симболична црвена линија како порака дека нема да дозволат уривање. Според нив, тоа е „прво предупредување“ до властите.

Во 11:52 часот, сите собрани го завршија протестот со 17 минути молчење во спомен на оние кои загинаа при падот на бетонската настрешница во Нови Сад и на оние кои загинаа при бомбардирањето на оваа зграда во Белград во крајот на април 1999 година.

The post СТУДЕНТИТЕ СО ЖИВ ЅИД ЌЕ ГО БРАНАТ СИМБОЛОТ НА БОМБАРДИРАЊЕТО НА НАТО Зетот на Трамп не смее да го добие Генералштабот во Белград appeared first on plusinfo.mk.

На графиката се наведени три цитати од 45-тиот американски претседател заедно со изјавите на нацистичкиот водач.

„Ќе ги искорениме политичките противници кои живеат како штетници во нашата земја“ – се вели во првиот цитат на Трамп. Тие го поврзуваат гореспоменатиот говор со изјавата на Хитлер дека „Евреите се штетници кои мора да бидат истребени“.

„Имигрантите ја трујат крвта на нашата земја“ – е следната изјава на Трамп. Тимот на Бајден неа ја споредува со тезата на Хитлер дека „контаминацијата на крвта од инфериорна раса ќе доведе до пропаст на Германија“.
„Моите политички противници во нашата земја се многу полоши од диктаторите во Русија и Северна Кореја“, е третата изјава на Трамп. Луѓето на Бајден прават паралела со пораката на Хитлер: „Сите мора да го препознаеме поголемиот внатрешен непријател во Германија“.

This is not a coincidence pic.twitter.com/oaSDcb0yzs

— Biden-Harris HQ (@BidenHQ) December 20, 2023

Споредувањето на политичкиот противник со Хитлер некогаш било речиси забрането во политичките кампањи, пишува Politico. Сепак, тоа стана рутина за кампањата на Бајден, која се обидува да се оправда со фактот дека некои историчари рекоа дека има сличности меѓу Трамп и реториката на фашистичките лидери.

Кампањата на Бајден неколкупати ги поврзуваше изјавите на Трамп со Хитлер во изминатите неколку недели и ги повика новинарите внимателно да ги разгледаат говорите на поранешниот претседател, особено за имиграцијата.

„Ова не е случајно“ – посочуваа од тимот на Бајден.
Трамп се потсмеа на споредбите. На митингот во вторникот, тој повтори дека имигрантите „ја уништуваат крвта на земјата“ и додаде дека никогаш не го прочитал „Mein Kampf“, манифестот на Хитлер.

Таборот на Бајден не мисли дека Трамп ја кажа вистината.

„Тогаш веројатно слушал аудиокнига“ – одговори советникот на Бајден, Т.Џ. Дакло во објава на Твитер.

Иако Бајден беше повнимателен во однос на извлекувањето јасни споредби меѓу Трамп и Хитлер во неговите јавни изјави, во последниве денови тој сѐ почесто ја користи токму таа реторика. На собирот за донации во вторникот вечерта, Бајден истакна дека јазикот што го користи Трамп „потсетува на јазикот што дојде од Германија во 30-те години“.

-Тој ги нарече „штетници“ оние што му се противат. Викендов зборуваше за труење на „крвта на нашата земја“.
Дури и конзервативните републиканци се изјаснија против тоа – рече Бајден.

The post 📷 ТРАМП КАКО ХИТЛЕР Тимот на Бајден ги спореди изјавите и порача – ова не е случајно! appeared first on plusinfo.mk.

Во писмо членовите на медицински здруженија предупредуваат дека може да се случи нов бран смртни случаи од ковид-19 во текот на зимата и дека ширењето на инфекцијата и бројот на хоспитализирани пациенти може да достигнат на највисоко ниво досега.

Тие потенцираат дека споделувањето информации поврзани со пандемијата е од клучно значење за спасување огромен број животи.

Писмото е испратено еден ден откако Бајден предупреди дека повеќе луѓе можат да умрат доколку претседателот во заминување Доналд Трамп продолжи да ја блокира промената на владата.

Во САД, бројот на заразени надмина 11 милиони во неделата, само осум дена откако беа потврдени повеќе од десет милиони случаи од почетокот на пандемијата. Локалните власти во неколку држави и градови воведоа нови ограничувања во обид да го спречат ширењето на инфекцијата.

The post Американски лекари: Трамп да ги објави клучните податоци за ковид-19 appeared first on plusinfo.mk.

Високиот комесар на ЕУ за надворешни работи и безбедносна политика Жозеф Борел изјави дека е „многу загрижен“  по одлуката на американскиот претседател Доналд Трамп да одобри воведување економски санкции против сите функционери на Меѓународниот кривичен суд (МКЦ), вклучени во истрагите на американските сили.

Тој рече дека ЕУ ќе ги разгледа сите импликации од таа одлука и дека ќе се дискутира на состанокот на Советот на министри за надворешни работи на ЕУ, што ќе се одржи преку видео конференција в понеделник, 15 јуни, и дека е планиран разговор со државниот секретар на САД, Мајк Помпео.

– Објавата дека претседателот Доналд Трамп потпишал указ со кој се одобруваат санкции на САД против персоналот на Меѓународниот кривичен суд вклучени во секоја истрага за активностите на американските сили, можеби за воени злосторства во Авганистан, е многу загрижувачка – рече Борел.

Тој додаде дека ЕУ силно го поддржува Меѓународниот кривичен суд со седиште во Хаг, бидејќи има клучна улога во воспоставувањето на меѓународната правда.

The post Трамп ја загрижи Европа откако одобри санкции за Меѓународниот кривичен суд appeared first on plusinfo.mk.