Австриецот Доминик Тим избори финале на Завршниот турнир во Лондон, совладувајќи го вечерва Србинот Новак Ѓоковиќ.

Во меч што траеше безмалку три часа, Тим го доби првиот сет со 7:5, во вториот беше 7:6 за Ѓоковиќ по тај-брејкот (12:10). И во решавачкиот трет сет се играше тај-брејк, овојпат Тим беше поуспешен со 7:6 (7:5).

Во финалето Тим ќе игра со победникот од мечот Данил Медведев – Рафаел Надал.

Наградниот фонд на АТП турнирот во британската престолнина изнесува 5,7 милиони долари.

The post Тим го победи Ѓоковиќ и оди во финале appeared first on plusinfo.mk.

Зверев тргна кон првото освојување на Гренд Слем, имаше 2:0 во сетови, направи брејк во третиот сет, но следуваше пад во играта на Германецот и Тим на крајот се радуваше.

Австриецот во четвртиот гејм на третиот сет направи брејк, а истото го направи и во десетиот за 6:4 и го намали резулатот. После тоа тргна големиот пресврт.

Во четвртиот сет и двајцата тенисери беа сигурни на своите сервиси, а клучниот брејк Тим го направи во осмиот гејм, зголеми на 5:3 и во следниот го потврди својот сервис за 2:2 во сетови.

Одлучувачкиот сет беше драматичен. Започна со брејкови на двете страни. Зверев повторно му го зема сервисот на Тим и зголеми на 5:3, но Австриецот со два брејка се врати и поведе со 6:5, a потоа Александер израмни.

Победникот беше одлучен со тај-брејк во кој подобар беше Тим. Во 13. гејм беше 8:6 за Австриецот кој стана првиот тенисер во историјата кој од 0:2 во сетови успеал да се врати и да освои Гренд Слем.

За Тим ова е прва победа на Грен слем турнирите. Воедно тој е првиот Австриец кој триумфирал на турнирот во Њујорк.

It’s Dominic Thiem’s moment.

The point that made him a Grand Slam champion pic.twitter.com/uYMplH3TF7

— US Open Tennis (@usopen) September 14, 2020

Покрај тоа, претходно само еден австриски тенисер има освоено Грен слем – во 1995 година, Томас Мустер стана победник на Ролан Гарос.

Годинава наградниот фонд на УС Опен изнесуваше 53,4 милиони долари.

The post Епска победа на Тим! Тој е првиот Австриец кој го освоил УС Опен appeared first on plusinfo.mk.

Австрискиот тенисер Доминик Тим, рангиран на третото место на светската ранг-листа, не беше инспириран од идејата водечките тенисери во светот, финансиски да ги поддржуваат пониско рангираните играчи за време на пандемијата на коронавирус.

Минатата недела лидерот на ранг-листата Новак Ѓоковиќ ги повика другите играчи од ТОП 100, да се вклучат со донации за фондот. Според Тим, генерално има празнини во заедницата на кои им треба многу итна помош од слични послаби тенисери.

– Нема тенисер кој се бори за заздравување. Дури и оние што се во долниот дел на ранг-листа, ниту еден од нив не гладува, изјави 26-годишниот Тим.

Според него, голем дел од играчите на пониско ниво не се занимаваат професионално во тенис, и затоа не заслужуваат помош од најдобрите.

– Има многу, многу играчи кои не го ставаат спортот на прво место први и не живеат како професионалци. Јас навистина не гледам причина зошто да им дадам пари, истакнува Тим.

Во својата кариера, Доминик Тим има три настапи во финалето на Грен слем турнирите, но ги загуби сите три.

The post Тим контра Ѓоковиќ: Никој не гладува од пониско рангираните тенисери appeared first on plusinfo.mk.