Помалиот син на премиерот Христијан Мицкоски е меѓу затруените ученици со храна во основното училиште „Димо Хаџи Димов“ во скопската населба Влае, потврди за СДК Марија Митева, портпаролката на Владата.

Тој и соучениците се чувствуват подобро.

– Точно е дека и детето на премиерот е меѓу затруените со храна што ја конзумирале учениците во ОУ „Димо Хаџидимов“. И тоа беше беше меѓу хоспитализираните деца, но сега е пуштено на домашно лекување. Им посакуваме на сите деца од училиштето кои добија труење од храна што поскоро да оздрават, да им помине и да се вратат назад на училиште – изјавила портпаролката на Владата.

Околу 40 ученици од Основното училиште „Димо Хаџи Димов“ во скопската населба Влае во Општина карпош се пожалиле на стомачни болки, соопшти денеска Агенцијата за храна и ветеринарство (АХВ).

Кујната во училиштето е привремено затворена додека ќе се спроведе епидемиолошка анкета, а ќе бидат земени мостри од инкриминирана храна, работни површини, прибор и машини за лабораториско тестирање, рекоа од Агенцијата.

Вонредни инспекции денеска во училиштето извршија АХВ во координација со Државниот санитарен и здравствен инспекторат, Институтот за јавно здравје и Центарот за јавно здравје.

The post ПОМАЛИОТ СИН НА МИЦКОСКИ МЕЃУ ЗАТРУЕНИТЕ УЧЕНИЦИ ВО ВЛАЕ Пуштен е на домашно лекување appeared first on plusinfo.mk.

Доктор Зекирија Шаини, кој вчера беше ранет при оружен инцидент во центарот на Куманово, денеска е пуштен на домашно лекување од Универзитетската клиника за пластична и реконструктивна хирургија во Скопје.

Директорката на Клиниката за пластична и реконструктивна хирургија, Јасмина Ѓоргиевска Павловска за МИА потврди дека пациентот се чувствувал добро.

– Пациентот е во добра општа состојба. По санирање на раните е пуштен на домашно лекување – изјави Ѓоргиевска Павловска.

Министерството за здравство вчера попладне преку соопштение реагираше дека со вознемиреност ја примиле веста за оружениот напад во Куманово при што повреден бил нивен колега, доктор Шаини.

„Ја известуваме јавноста дека повредите не се животно-загрозувачки и дека докторот е во стабилна состојба и се опоравува. Ќе биде обезбедена целосна поддршка за докторот додека трае неговото опоравување и рехабилитација. Министерството категорично осудува какво било насилство против здравствените работници и потврдува дека нивната безбедност е приоритет. Ќе работиме на унапредување на мерките за заштита на персоналот во здравството, преку соработка со здравствените установи и локалните власти“, потенцираа вчера од Министерството за здравство.

Воедно беше посочено дека активно ќе се соработува со Министерството за внатрешни работи и локалните власти во Куманово, со цел целосно расчистување на случајот.

Доктор Шаини, според соопштението од МВР, вчера беше повреден во оружен инцидент што се случи во 13:54 часот на крстосница од улиците Димитрије Туцовиќ и 11 Октомври во центарот на Куманово, кога две лица во движење, од огнено оружје пукале во патничкото возило „фолксваген голф “, кое тој го управува.

Тој прво беше пренесен во Кумановската општа болница на медицински иследувања, по што беше префлен на скопските клиники.

The post РАНЕТИОТ ДОКТОР ШАИНИ ПУШТЕН НА ДОМАШНО ЛЕКУВАЊЕ Пациентот е во добра општа состојба appeared first on plusinfo.mk.

Половина од пациентите кои се лекуваат во странство би можеле да се вратат дома во следните две недели, додека четворица од нив остануваат во критична состојба, информираше портпаролката на Владата Љатифи Азизи на прес-конференција. Таа истакна дека денеска, понеделник,  16 пациенти кои се лекуваат во Македонија ќе бидат пуштени на домашно лекување.

Портпаролката истакна дека тим од хирурзи ќе се погрижи пациентите да не мора да патуваат до болниците и дека дополнително штипската болница поседува 4 хирурзи за поддршка.

– Според последните податоци денеска од болниците ќе бидат испишани 16 пациенти кои се лекувале во земјата и лекувањето ќе го продолжат во домашни услови. Очекуваме во рок од две недели половина од пациентите кои се лекуваат во странство да се вратат во Македонија и се преземаат сите потребни чекори за нивно соодветно лекување. Во моментот во странство се лекуваат 116 пациенти, а оваа недела очекуваме 8 од нив да се вратат и да продолжат да се лекуваат дома. Состојбата на некои пациенти и понатаму останува сериозна. Четири од пациентите кои се лекуваат во странство се во критична состојба, но правиме сè за да го обезбедиме потребниот третман за подобрување на нивното здравје. Покрај негата обезбедивме тим од хирурзи за поддршка пациентите кои се лекуваат дома за тие да не морат да патуваат. Исто така штипската болница поседува 4 хирурзи кои ќе бидат во постојана комуникација за давање поддршка на пациентите. Здравствените установи се максимално посветени за обезбедување квалитетен третман и целосна рехабилитација на сите пациенти. Ќе продолжиме да информираме за состојбата на сите пациенти – изави портпаролката.

Таа вели дека истрагата продолжува со целосна посветеност и во соработка меѓу одговорните институции. Портпаролката Азизи нагласи дека Владата е решена да ја открие вистината за одговорните во трагедијата во Кочани и да се погрижи одговорните да одговараат за своите постапки.

The post ЗА ДВЕ НЕДЕЛИ СЕ ОЧЕКУВА ДА СЕ ВРАТАТ ПОЛОВИНА ОД ПАЦИЕНТИТЕ ОД СТРАНСТВО Четворица од нив уште се во критична состојба appeared first on plusinfo.mk.

– Детето на 13-месечна возраст на Инфективното одделение е примено на 27 март, по конзелијарен преглед на одделението за Педијатрија, каде што престојувало еден ден. Имало покачена температура, појава на осип, изолирано во посебна соба, имало знаци и за друго вирусно заболување. Меѓутоа со проширувањето на осипот, со поставеното сомневање дека се работи, дека е можно некое друго исипно заболување, кое е контигиезно и потреба од инфектолошки преглед и изолација на Инфективното одделение, повикан е инфектолог и после прегледот е префрлено на нашето одделение – појасни Шишкова-Гајдарџиска.

Таа посочи дека детето на одделението е префлено со температура, лекувано е со симптоматска терапија и направени се соодветни испитувања во Штип и во Скопје, кои го потврдиле вирусот на морбили.

– Цело време беше со еден добар клинички тек, со пад на температура, со подбрување на општата состојба и после пет дена на одделението го пуштивме дома со даден совет за терапија, изолација и да се јават на контрола оваа недела – додаде Шишкова – Гајдарџиска.

Таа нагласи дека нема опасност за ширење на заразата меѓу здравствениот персонал на Инфективното одделение, бидејќи сите се вакцинирани, а задолжително се носат заштитните маски. Засега не се знае од каде детето се заразило со морбили, но, како што МИА вчера информираше, на ова веќе работат епидемиолозите.

Комисијата за заразни болести во 13 часот во Скопје ќе заседава на оваа тема и за мерките за заштитата.

The post 13-МЕСЕЧНОТО ДЕТЕ СО МОРБИЛИ Е ПУШТЕНО НА ДОМАШНО ЛЕКУВАЊЕ Епидемиолозите се на потег да откријат како се заразило appeared first on plusinfo.mk.

Ова упатство е наменето за лицата со суспектна или лабораториски потврдена инфекција со ковид-19 и се на домашно лекување, како и за членовите на семејството кои доаѓаат во контакт со сомнителен или потврден случај на ова заболување.

Најголемиот број пациенти со ковид-19 имаат некомплицирана или полесна болест (81%), некои развиваат тешка болест со потреба за кислородна терапија (14%), и околу 5% имаат потреба од третман во единица за интензивно лекување и нега.

Пациентите со лесна форма на болест, не мора да се хоспитализираат доколку нема опасност за брзо влошување, при што приоритет треба да се даде на нивната изолација. Поради оваа причина, пациентите со благи симптоми кои немаат некое посериозно хронично заболување, како што се белодробни или срцеви заболувања, бубрежна инсуфициенција или имунокомпромитивни состојби, може да бидат згрижени и во домашни услови.

Матичниот/семеен лекар треба да биде вклучен во надзорот на здравствената состојба со следење на развојот на симптомите преку дневни телефонски повици и доколку е можно, преку посети во домот на пациентот.

Јавете се на вашиот матичен лекар, доколку веќе не сте го известиле дека сте на домашно лекување.

Пациентите и членовите на семејството треба да се едуцираат за мерките за практикување на лична хигиена, спроведување на основните мерки за превенција и контрола на инфекција во домашни услови, за тоа како да се грижат за членот на семејството кој е со потврдена или сомнителна инфекција на ковид-19 што е можно посигурно и да го спречат ширењето на инфекцијата на другите членови од семејството.

I. Препораки за членови на семејството на пациентот во домашна нега:

1. Во периодот на домашна изолација и лекување строго се забранети посети во домот на пациентот!

2. Пациентот да се негува во посебна и добро проветрена просторија.

3. По можност да се одреди едно лице кое ќе биде одговорно за грижа за пациентот. Лицето треба да е во добра здравствена состојба.

4. Членовите на семејството треба да останат во друга просторија или, ако тоа не е можно, да одржат растојание од најмалку 1,5 -2м од болното лице (на пр. спиење во посебен кревет).

5. Исклучок може да се смета мајка што дои. Со оглед на бенефитот од доењето и незначителната улога на мајчиното млеко во пренесувањето на респираторни вируси, мајката може да продолжи со доењето. Мајката треба да носи медицинска маска кога е во близина на своето бебе и да практикува хигиена на рацете пред близок контакт со бебето. Исто така ќе треба да ги примени и другите хигиенски мерки опишани во ова упатство.

6. Да се ограничат движењето на пациентот и да се минимизира користењето на заедничкиот простор. Да се обезбеди добра проветреност така што прозорците на заедничките простори ќе ги чувате почесто отворени (на пр. кујна, купатило).

7. Лицето кое го негува пациентот, треба да носи обична медицинска маска прицврстена на лицето кога е во иста просторија со заболеното лице. За време на употребата, маските не треба да се допираат. Ако маската се навлажнува или се извалка со секрети, веднаш треба да излезете од просторијата на заболениот и да ја промените со нова. Употребената маска правилно се отстранува, веднаш се фрла во ќеса и корпа со отпадоци со капак. По вадење на маската веднаш се мијат рацете со сапун и вода најмалку 20 секунди.

8. Да се мијат рацете со сапун и вода по секој контакт со заболено лице или по контакт со предмети од нивната непосредна околина. Исто така, да се мијат рацете пред и по подготвување на храна, пред јадење, после употреба на тоалетот. По потреба може да се употреби дезинфекциско средство со алкохолна основа за чистење на раце.

9. Кога се користи сапун и вода, пожелно е користење на хартиени брисачи. Ако не се достапни, да се користат крпи/пешкири кои треба да се менуваат најмалку еднаш дневно. Секој член од семејството треба да користи сопствен пешкир/крпа.

10. Респираторната хигиена треба да ја практикуваат сите во домот, а особено заболените лица во секое време. Респираторната хигиена се однесува на покривање на устата и носот за време на кашлање или кивање со употреба на медицински маски, маски од ткаенини, проследено со миење на рацете. Доколку во моментот немате маска или шамивче устата и носот да се покријат со внатрешната страна од лактот!

11. По кашлањето и кивањето медицинските маски треба да се правилно да се отстранат како што е наведено во точка 7. Ако се користат платнени маски и шамивчиња за да се покријат устата или носот потребно е да се отстранат во посебна корпа и да се исперат со детергент на температура од 60-90 степени.

12. Да се избегнува директен контакт со телесни течности, особено орални или респираторни секрети и столица. Да се користат ракавици за еднократна употреба при грижа за заболеното лице и при контакт со столица, урина и отпад. Да се измијат рацете пред и по отстранувањето на ракавиците.

13. Ракавиците, маските и отпадот треба да бидат сместени во посебна корпа и посебна ќеса за отпадоци во просторијата на заболеното лице пред да бидат отстранети со другиот отпад од домаќинството.

14. Да се избегнува допир со контаминирани предмети во непосредна околина на заболеното лице (на пр. избегнувајте споделување на четки за заби, цигари, прибор за јадење, садови, пијалоци, пешкири или постелнина).

15. Приборот и садовите за јадење треба да се чистат со сапун или детергент и вода после употреба и може повторно да се користат наместо да се исфрлаат.

16. Секојдневно да се чистат и дезинфицираат честопати површините кои се допираат, како што се масите и другиот мебел во собата на заболеното лице со вообичаено средство за дезинфекција кое содржи средство за белење.

17. Да се чистат и дезинфицираат површините во бањата и тоалетот барем еднаш дневно со редовно средство за дезинфекција кое содржи средство за белење.

18. Да се пере облека, постелнини, пешкири на заболени лица со машина за перење на 60-90°C со детергент и темелно да се исушат.

19. Да се избегнува тресење на облеката и постелнините од заболеното лице поради можен директен контакт на кожата и облеката со контаминираните материјали.

20. Заболениот треба да остане дома најмалку 14 дена од почетокот на домашното лекување или сè додека не се опорави, а тоа да се утврди после спроведени клинички прегледи или лабораториски наод (два негативни тестови направени со растојание од најмалку 24 до 48 часа).

21. Сите членови на семејството треба да се сметаат за контакти и нивното здравје треба да биде под постојан надзор.

22. Бидејќи членовите на семејството не смеаат да излегуваат од домашната изолација, потребните намирници за семејството кое живее со пациентот треба да се достават пред врата од трето лице (пријател, роднина, соседи и сл.), или Црвен крст. Алтернативно може да се врши нарачка и преку „online“ сервисите за достава.

The post Еве како да постапувате ако дома имате пациент со лесни симптоми на ковид-19 appeared first on plusinfo.mk.

Миистерот за здравство Венко Филипче, вечерва одговори дека поранешната директорка на Кожната клиника е пуштена на домашно лекување од Клиниката за инфективни болести.

Оваа докторка беше една од првите заболени со коронавирусот во земјата. А од околу 200 лица кои беа во самоизолација бидејќи контактирале со неа цела недела откако таа се вратила од Италија, досега е потврдено дека од неа се заразиле шестмина колеги доктори.

Јавното обвинителство покрена истрага за овој случај  спрема поранешната директорка на Кожната клиника.

Клиниката за кожни болести, по две недели застој, од денеска почна да работи.

The post Поранешната директорка на Кожната клиника е на домашно лекување appeared first on plusinfo.mk.