Мобилните царински тимови во текот на 2025 година оствариле 271 случај на заплени, при што во 39 случаи запленети се 5.500 штеки цигари и 27,5 килограми тутун за наргиле, во четири случаи запленети се 195,5 килограми дрога, во 14 случаи запленети се 230.000 евра, а запленети се и над 39.000 парчиња лекови, соопшти Царинската управа.

Постигнат е и значителен напредок за заштита на правата од интелектуална сопственост, при што во 39 случаи запленети се повеќе од 112.000 парчиња производи со потпис на познати трговски марки.

Извршени се повеќе од 8.000 прегледи на возила при што спречени се 28 кривични дела, како и прекршочни дела во кои утврдените избегнати давачки изнесуваат 8 милиони денари (околу 130.000 евра).

Постапувано е и по 30 барања за асистенција, при што во последен случај со помош на царинско куче од К9 единицата пронајдени се 10 килограми кокаин.

Мобилните царински тимови учествуваа и во 3 поголеми меѓународни акции – Shield VI, Stop IV, и ARMSTRONG XI. Станува збор за меѓународни акции чија цел е спречување на нелегална трговија со фалсификувани лекови и анаболици и заштита на правата на интелектуална сопственост преку спречување нелегална трговија со фалсификувани стоки, како и спречување на обиди за тероризам.

The post СЕКОЈ ДЕН ПО ЕДЕН СЛУЧАЈ НА ЗАПЛЕНА Мобилните царински тимови лани учествуале и во 3 меѓународни акции appeared first on plusinfo.mk.

Мене ми се оди дома, би се одморал. Нема да ми недостига летото, туку сакам само да спијам, вели прваче од Хрватска, во прилог за телевизијата РТЛ.

Неговата изјава за првиот ден на училиште стана вирална во регионот и пошироко.

Еве што вели детето:

 

View this post on Instagram

 

A post shared by RTL DIREKT (@rtldirekt)

The post 📽️ МЕНЕ МИ СЕ ОДИ ДОМА И МИ СЕ СПИЕ Прваче од Хрватска ги кажа своите маки appeared first on plusinfo.mk.

Од Лондон деновиве ни стаса веста дека на Светските награди за книги за готвење, GOURMAND AWARDS: The Best Cookbooks in the World, наградата за најдобра дијаспорска книга за готвење ја доби книгата „Дома“, на Спасиа Пандора Динковски, родена во Англија, од родители-Македонци и најголем амбасадор на Македонија во оваа земја. Наградата беше доделена во рамките на Светскиот самит за храна во Португалија.

GOURMAND AWARDS: The Best Cookbooks in the World се основани во 1995 година од Едуар Коантро. Секоја година, тие ги наградуваат најдобрите книги за храна и за вино, печатени или дигитални, како и телевизии специјализирани за храна.
Во 2024 година, имаат учесници од 221 земја и региони кои учествуваат на овие престижни награди, единственото меѓународно натпреварување во секторот.

Повеќе за ова прочитајте ТУКА.

The post ЗА МАКЕДОНСКАТА КУЈНА НИЗ ЗБОРОВИ И СЛИКИ „Дома“ на Спасиа Динковски, најдобра дијаспорска книга за готвење на светот appeared first on plusinfo.mk.

Продажните цени на индустрискиte производи, вкупно (на домашниот и на странскиот пазар), во март 2025 година во однос на претходниот месец се зголемени за 0,4%, а во однос на март минатата година за 7%, покажуваат податоците на Државниот завод за статистика (ДЗС).

На странските пазари, во март 2025 година продажните цени на индустриските производи се зголемени за 0,5% во однос на претходниот месец, а за 7,3% во однос на истиот месец од претходната година.

Во март во однос на февруари ДЗС регистрира намалување на продажните цени на индустриските производи, вкупно, се намалени за 0,1% во секторот „рударство и вадење на камен“ и за 0,2% во „снабдување со електрична енергија, гас, пареа и климатизација“.

Повисоки цени имаат производите во секторот  „преработувачка индустрија“ и тоа за 0,4%.

Кај цените во секторот „снабдување со вода; отстранување на вода, управување со отпад и дејности за санација на околината“, нема промени.

На годишно ниво, пак, во март година во однос на март лани, продажните цени на производителите на индустриски производи, вкупно, се зголемени за 19,1% во секторот „снабдување со електрична енергија, гас, пареа и климатизација“, за 12,8% во „рударство и вадење на камен“, за 6,2%, во „преработувачка индустрија“ и за 4,8% во секторот „снабдување со вода; отстранување на вода, управување со отпад и дејности за санација на околината“.

Цените на компаниите за производство на производите за широка потрошувачка вкупно, за еден месец се зголемиле за 0,3% додека на годишно ниво нивниот раст е од  4,2%.

Цените на компаниите за прехранбените производи вкупно (на домашен и на странски пазар), пак, бележат раст од 0,2% на месечно ниво и раст од 8,1% за една година. Цените на компаниите за пијалаците за еден месец пораснале за 1,2%, а во однос на март 2024 година тие се зголемиле за 4,9%.

 Индекси на продажните цени на производителите на индустриски производи, вкупномарт 2025 година, (2021 = 100)

The post МЕСЕЧЕН И ГОДИШЕН РАСТ НА ЦЕНИТЕ НА ИНДУСТРИСКИТЕ ПРОИЗВОДИ Еве колкави се зголемувањата на цените по гранки appeared first on plusinfo.mk.

Американскиот претседател Доналд Трамп ги повика американските компании да се вратат дома како што тоа го строи Епл која деновиве ја повлече својата филијала од Кина. За воврат, како што напиша на својата социјална мрежа Truth Social ќе добијат приклучок за енергија и нема да плаќаат даноци.

„Ова е одлично време да ја преместите вашата компанија во САД, како што тоа го прават Apple и многу други во рекорден број. Нула данок и речиси моментално поврзување со електрична енергија и одобренија за енергија. Нема чекање. Не чекајте, направете го сега“, напиша Трамп.

Кина најави дека од утре ќе ги оданочува американските стоки со царинска стапка од 84% што претставува зголемување од 50% во однос на претходните кинески царини, како одговор на последната царинска стапка што ја одреди Трамп за кинеските производи која се искачи на 104%.

The post ТРАМП ГИ ПОВИКА КОМПАНИИТЕ ДА СЕ ВРАТАТ ДОМА Кина возврати со повисока царина appeared first on plusinfo.mk.

– Сега има поголема дисциплина и се бара работа. Сите оние политички амнестирани и привилегирани неработници од било која политичка партија кои не одат на работа, а земаат плата, нема повеќе да одат на работа и нема повеќе да земаат плата. Без разлика дали се Македонци, Албанци, Турци, Срби, Власи, Роми, Бошњаци или од било кој друг етникум – потенцираше премиерот Мицкоски.

Премиерот Мицкоски нагласи дека или ќе работат за таа плата или нема да работат и посочи дека во рамки на институциите нема дисипација на енергија, кадри или било што.

Во однос на тоа како граѓаните ја гледаат работата на владата, премиерот Мицкоски истакна дека расте задоволството од работата на оваа влада, односно дека многу е поголем процентот на задоволни граѓани споредено со минатата влада.

– Ако направиме компарација од овие шест месеци на оваа влада и пред една година претходната влада ќе видите дека дури и мнозинството Албанци сега се позадоволни, во коефициент 2 повеќе од тоа што било порано, а генерално 3,5 пати повеќе граѓаните се позадоволни од минатото – изјави премиерот.

The post НЕМА ПОВЕЌЕ НИШАЈ ВРАТА, ЗЕМАЈ ПЛАТА Мицкоски вели дека никој нема да биде привилегиран во администрацијата appeared first on plusinfo.mk.

Никогаш не сум ималa намера да започнам бизнис, но се случи, вели Спасиа Динковски, авторка на книгата со традиционални вкусови и модерни рецепти од Македонија и од Балканот, во воведот на нејзината прва книга насловена како „Дома“ која ја напиша на предлог на британската издавачка куќа DK која неодамна и ја издаде.

Станува збор за кулинарска книга на англиски јазик, со оглед на тоа што авторката е по раѓање Британка, а по потекло, горда Македонка, втора генерација на балканската дијаспора во Англија, која со неверојатна љубов која не можеме да ја почувствуваме кај многу родени Македонци, зборува за Македонија и за Скопје како за свој дом.

„Дома“ е сѐ само не е обична кулинарска книга со рецепти, туку книга која освен рецепти содржи и интересни приказни поврзани со секој од рецептите што се наоѓаат на нејзините страници, инаку, тоа се цели 250 страници со прекрасни фотографии направени од фотографката Кејтлин Исола.

Инаку, Спасиа, освен што е вешта во својата кулинарска професија, во книгата се покажа и како одличен раскажувач. Таа многу вешто, топло и во прво лице, со многу лични впечатоци и емоции кон луѓето од овие вистински приказни, ги раскажала и ги поврзала со рецептите, оние традиционалните, но и оние кои таа ги модернизирала и како што вели, им дала „британски тач“.

Повеќе за ова на „Арт кујна“.

The post „ДОМА“ СТАСА ДОМА, НА МЕСТОТО НА ЗЛОСТОРОТ Најзначајната книга со рецепти од нашите краишта appeared first on plusinfo.mk.

Ангеловска-Бежоска рече дека е позитивно тоа што согласно меѓународните финансиски институции, се проектира натамошен пад на цените на храната оваа година, а стабилизирање на нивното ниво наредната година, што остава простор за одредени корекции.

-Ако се погледне движењето на светските цени на храната од средината на 2022 година, има речиси континурано намалување, но според последните податоци, уште не се вратени на предпандемиското ниво и се повисоки за околу 17 – 18 %. Доколку овие трендови ги споредиме со трендовите во домашната економија, може да констатираме дека не се целосно синхронизирани. Кај нас, растот на цените на храната почна подоцна од растот на светските цени на храната и се уште не гледаме позначителни надолни прилагодувања кај цените на храната – рече Ангеловска Бежовска.

Таа потсети дека ценовната политика е детерминирана од повеќе фактори.

The post ХРAНAТА ВО СВЕТОТ ПОЕВТИНУВА Кај нас е двојно поскапа appeared first on plusinfo.mk.

Денес (4 април 2024) излезе од печат книгата „Дома“ на нашата Спасиа Динковски, девојката која во последните четири години доживеа речиси филмски успех и стана славна речиси како членовите на кралското семејство во Англија. А Спасиа е всушност, од наша гора лист, што би рекле Србите.

Нејзините родители се Македонци, а таа е родена во Англија, но е поголема Македонка дури и од оние што си заминале оттука пред само неколку години, а покрај неа, научија за Македонија многу дури и оние кои не знаеја ништо.

Користејќи го знаењето кое се пренесувало од колено на колено низ нејзиното семејство, Спасиа направи беспрекорна формула и почна да ги продава своите огромни пити бурек преку Инстаграм, пакувајќи ги во кутии за пица и продавајќи ги низ градот. И сето тоа, во време на пандемијата со вирусот корона.

Повеќе за ова прочитајте ТУКА.

The post ТАА Е НАЈГОЛЕМ АМБАСАДОР НА МАКЕДОНИЈА ВО АНГЛИЈА Нејзината книга „Дома“ е вистинска ода на македонската кујна, полна со радосни приказни и вкусна храна appeared first on plusinfo.mk.

И натаму се очекува пад на цените во 2024 година, се наведува во новата економска оценка на Народната Банка.

Инфлацискиот притисок „попушта“. Новите мерења на ФАО покажуваат забавување на ценовниот раст, кај одредени прехранбени производи дури и намалување на индексот на цените и на годишно и на месечно ниво. Единствено цените на шеќерот се во пораст и на месечно и на годишно ниво. Движењата на цените на основните прехранбени производи и суровини на светските берзи и пазари го одредуваат курсот на движење и на цените кај нас, меѓу другото, и поради големата увозна зависност на земјава во прехранбениот и преработувачко-кондиторскиот сектор.

Според новите податоци од ФАО, во февруари во однос на јануари индексот на цените на храната е намален за 0,7% додека на годишно ниво падот е за 10,5%.

Конкретно, индексот на цените на житарките на месечно ниво е намален за 5% додека во однос на лани истиот период падот изнесува 22,4%.

„Меѓународните цени на сите главни житни култури се намалуваат од месец во месец. Главен фактор се очекувањата за големи жетви во Аргентина и Бразил, заедно со конкурентните цени понудени од Украина, која сака да го искористи непреченото одвивање на поморската трговска рута. Се намалија и светските цени на јачменот и на оризот“, се наведува во новата анализа на ФАО.

И цените на растителното масло за јадење се во пад – на месечно ниво се намалени за 1,3% а на годишно за дури 11%. Но, тренд на ценовен раст има кај останатите прехранбени производи и суровини. Конкретно во јануари во споредба со февруари индексот на цените на млечните производи е зголемен за 1,1% но во однос на истиот период лани има пад за 13,4%.

„Во февруари, најмногу се зголемија светските цени на путерот. Цените на полномасното млеко во прав продолжија да растат, иако бавно, главно поради зголемената побарувачка за увоз, особено од Кина. Цените на сирењето се зголемија минимално“, се наведува во Извештајот на ФАО.

Во февруари во однос на јануари годинава цените на местото се зголемиле за 1,8% додека во однос на февруари лани падот е за 0,8%. Цената на шеќерот е зголемена и на месечно ниво, за 3,2%, и на годишно, за 12,5%.

„Во февруари 2024 година, годишната стапка на инфлација и натаму забавува сведувајќи се на 3%. И натаму се очекува пад на цените во 2024 година“, оценува Народната банка во новиот економски извештај.

Домашната статистика веќе регистрираше дека во февруари годинава во однос на јануари лани инфлацијата изнесувала само 0,4% но сепак трошоците за храна и пијалаци во однос на јануари се зголемиле за 0,5% додека во однос на февруари 2023 година за 1,5%.

Според оценките дадени во анкетите што ги направила НБМ, следува период на ценовна стабилизација, но сепак под ризик на неколку фактори.

„Цените на примарните производи на берзите и натаму се приспособуваат надолно, а воедно и прогнозите за следниот период се надолно ревидирани. Сепак, сè уште отсуствува поизразен пренос на берзанските движења врз домашните цени кај храната, а постои и неизвесност поради актуелните воени конфликти, како и поради престанокот на привремените мерки за дел од домашните прехранбени производи

Од 1-ви март престана да важи мерката „гарантираните“ цени на основните прехранбени производи поради што се очекуваше нов ценовен удар но трговците одлучија да не посегнат по поголеми ценовни корекции во услови кога потрошувачката е воздржана а граѓаните пазарат селективно.

The post ОЛАБАВУВА ЦЕНОВНИОТ ПРИТИСОК Житарките поевтинија, но цените на месото, млечните производи и на шеќерот и натаму растат appeared first on plusinfo.mk.