По смртта на Доли Партон, повторно се актуелизира едно прашање за нејзиниот речиси шестдецениски брак со Карл Дин – зошто славниот пар никогаш немал деца? Доли низ годините отворено зборувала за тоа, а нејзините изјави покажуваат дека приказната не била едноставна.

Кога се венчале во 1966 година, Доли и Карл всушност очекувале еден ден да станат родители. Во едно интервју таа открила дека дури имале и име за девојче – Карла, според Карл.

– Разговаравме за тоа и сонувавме, но не се случи – рекла Доли во 2014 година. Подоцна додала дека кога остареле, двајцата биле задоволни што немале деца.

Доли пораснала во исклучително големо семејство – била едно од 12-те деца на Роберт и Еви Ли Партон. Како една од постарите, таа заедно со сестра ѝ помагала во грижата за помалите браќа и сестри и, како што самата раскажувала, биле нешто како „втори мајки“.

Можеби токму тоа искуство влијаело на нејзиниот поглед кон мајчинството. Кога во 1966 година се омажила за Карл, двајцата не донеле конечна одлука дека никогаш нема да имаат деца. Во 1977 година Доли дури рекла дека не знае дали еден ден ќе стане мајка, но дека не може да замисли да роди дете и потоа да го остави некој друг да го одгледува додека таа гради кариера.

Тогаш оставила отворена и друга можност. Ако во иднина биде премногу стара за да има свои деца, Доли велела дека можат да посвојат.

Подоцна станало јасно и дека здравјето одиграло важна улога. Доли со години се борела со ендометриоза, а на 38 години била подложена на делумна хистеректомија, по што повеќе не можела да има деца.

Со текот на годините Доли почнала да гледа на целата ситуација како на нешто што можеби едноставно требало да се случи така.

– Бог има план за сè – велела Доли во едно друго интервју. Таа верувала дека можеби нејзиниот пат бил да нема свои деца за да може да им помогне на многу други. И навистина, во 1995 година ја основала Imagination Library, преку која децата добиваат бесплатни книги. Програмата досега има дистрибуирано повеќе од 332 милиони книги низ светот.

Иако немала свои деца, Доли била исклучително блиска со семејството. Нејзините пет помлади браќа и сестри во одреден период живееле со неа и Карл, а таа била многу приврзана и со нивните деца. Внуците и внуките ја нарекувале „Aunt Granny“, име кое совршено ја опишувало нејзината улога во нивните животи.

Во 2020 година, зборувајќи со Опра Винфри, објаснила дека фактот што немала деца ѝ дал слобода целосно да ѝ се посвети на музиката и работата. Таа сметала дека токму тоа е еден од факторите за нејзиниот огромен успех.

Доли и Карл никогаш не зборувале за својата одлука како за нешто за кое жалат. Напротив, со годините знаеле и да се пошегуваат на своја сметка.

– Зарем не сме среќни што немавме деца? Сега немаме деца за кои треба да се грижиме – раскажала Доли дека си велеле еден на друг во подоцнежните години.

На крајот, Доли својот мајчински инстинкт го насочила кон многу поширока публика. Наместо едно семејство со свои деца, таа остави зад себе милиони деца на кои им помогнала преку книги, донации и различни хуманитарни проекти – наследство кое денес, по нејзината смрт, добива уште поголемо значење.

The post 🎥 ЗОШТО ДОЛИ ПАРТОН И КАРЛ ДИН НЕМАА ДЕЦА? Еве како американската легенда во едно старо интервју објасни зошто не станала мајка appeared first on plusinfo.mk.

Причината за смртта на Доли Партон е откриена – легендарната кантри-пејачка починала по кратка битка со рак, потврдиле нејзините претставници. Досега јавноста не знаеше од што починала 80-годишната музичка икона, а сега е потврдено дека зад нејзината смрт стоела тешка болест.

Сепак, останува непознато од каков вид рак боледувала Доли. Нејзините претставници не откриле ниту кој орган бил зафатен, ниту кога точно ѝ била поставена дијагнозата.

– По храбрата кратка битка со рак, Доли денес го напушти својот земен живот во Vanderbilt-Ingram Cancer Center, опкружена со најблиските – стои во соопштението од нејзиниот тим. Токму таму во Нешвил таа ги поминала последните моменти од животот.

Нејзината здравствена состојба во последните денови беше предмет на шпекулации. Само четири дена пред смртта, на 21 август, Доли јавно призна дека се соочува со здравствени проблеми и дека минувала низ тешки периоди со здравјето. Таа тогаш сепак уверуваше дека сака да продолжи со своите проекти и работата.

Претходно TMZ објави дека Партон била примена во болница поради бубрежни и автоимуни проблеми. Таа информација дополнително ја зголеми загриженоста за нејзиното здравје, но сега е јасно дека официјално потврдената причина за смртта е кратката битка со рак.

Веста за нејзината смрт беше објавена на 25 август, кога нејзиниот внук Брајан Сивер соопшти дека починала на 80-годишна возраст. Нејзината смрт дојде околу година и пол по смртта на нејзиниот сопруг Карл Дин со кого беше во брак речиси шест децении.

Доли Партон зад себе остави кариера долга повеќе од 60 години, безброј хитови и огромно музичко и хуманитарно наследство.

Погребот на Доли, според нејзината желба, ќе биде далеку од очите на јавноста. Семејството потврди дека ќе биде организирана мала и приватна церемонија на која ќе присуствуваат само најблиските. Засега не е најавена јавна комеморација на која би можеле да присуствуваат нејзините милиони фанови.

Доли, сепак, уште одамна имала замислено како сака да изгледа нејзиното последно збогување. Во интервју од 2014 година открила дека сака на погребот да биде изведена песната „If We Never Meet Again“, која била омилена на нејзиниот татко и била испеана и на неговиот погреб. Нејзиниот внук открил и дека сакала да биде погребана во „прекрасен кревет од мек памук“. Наместо цвеќе, семејството бара оние што сакаат да ѝ оддадат почит да донираат во нејзината хуманитарна организација Imagination Library.

The post ОТКРИЕНА ПРИЧИНАТА ЗА СМРТТА НА ДОЛИ ПАРТОН Музичката легенда тајно се борела со рак appeared first on plusinfo.mk.