Портпаролката на руското Министерство за надворешни работи, Марија Захарова, во четвртокот изјави дека Москва има право да ги напаѓа воените објекти на земјите што ја снабдуваат Украина за удари длабоко во Русија.

– Русија смета дека има право да го користи своето оружје против воените објекти на оние земји што дозволуваат нивното оружје да се користи против Русија – рече таа на брифинг.

Захарова истакна дека во случај на понатамошна ескалација, Русија ќе одговори „решително и на ист начин“.

– Да потсетиме дека во ноември 2024 година, рускиот претседател Владимир Путин јасно го искажа ставот на Русија за одлуката на западните земји да дадат зелено светло за употреба на нивните системи за удар со долг дострел длабоко во руска територија. Овој став ќе остане непроменет. Русија смета дека има право да го користи своето оружје против воените објекти на оние земји што дозволуваат употреба на нивното оружје против Русија, а во случај на понатамошна ескалација на конфликтот, ние ќе одговориме решително и со ист ефект – рече Захарова.

Германија ќе виде одговорна ако Украина користи „Таурус“

Според неа, доколку Украина ги користи системите „Таурус“ со долг дострел против Русија, германската војска ќе биде директно вклучена во планирањето и во спроведувањето на воени операции против Русија.

– Всушност, германскиот воен персонал ќе биде директно вклучен во планирањето и во спроведувањето на воени операции против нашата земја доколку се користат „Таурус“ или нивните модификации под други имиња – рече Захарова.

Захарова додаде дека без разлика колку Западот се обидува да ги прикрие ваквите планови, нема да може да ги „скрие своите траги“ бидејќи првите ракети, соборени од руските системи за противвоздушна одбрана, бргу ќе овозможат да се утврди каде и како се произведени таквите системи и, што е најважно, да се утврди земјата на потекло.

– Веќе предупредивме за последиците – заклучи дипломатката.

Таа нагласи и дека употребата на германските ракети „Таурус“ од страна на украинската армија би значела директно учество на Германија во борбите.

Претходно, германскиот канцелар Фридрих Мерц вети дека Вооружените сили на Украина (ОСУ) наскоро ќе добијат оружје со долг дострел од германско-британско производство.

Рускиот министер за надворешни работи, Сергеј Лавров, коментирајќи ја изјавата на германскиот канцелар за „исцрпување на дипломатските средства“ за решавање на проблемите во Украина, истакна дека Русија ќе го земе предвид курсот на милитаризација усвоен во Европа во сите области на своето планирање.

МОСКВА НЕ ПОПУШТА ПОД ЗАКАНИ Русија жестоко одговори на ултиматумот на Трамп

The post „РУСИЈА ИМА ПРАВО ДА ГИ НАПАЃА ЗЕМЈИТЕ ШТО ЈА ВООРУЖУВААТ УКРАИНА“ Кремљ ја предупреди Германија да не си игра со оган appeared first on plusinfo.mk.