Министерството за правда на САД го одложи целосното објавување на „Епштајновите досиеја“, предизвикувајќи жесток политички судир меѓу демократите и републиканците. Дел од документите, според најавата на заменик-државниот обвинител Тод Бланш, ќе бидат достапни уште вечерва, но остатокот – дури во следните недели.

– Ќе објавиме неколку стотици илјади документи од сите истраги поврзани со Џефри Епштајн – изјавил Бланш, појаснувајќи дека приоритет е заштитата на жртвите. „Секое име и секој идентитет мора да остане безбеден.“

Иако законски Министерството е обврзано да ги објави сите досиеја до денес, демократскиот лидер Чак Шумер го обвини Трамп дека намерно го прекршува законот потпишан токму од него.

– Ова е обид да се скрие вистината – рече тој, барајќи итна интервенција на Конгресот.

Пратеникот Томас Маси, еден од авторите на Законот за транспарентност, се огласи на мрежата Икс:

„Времето истече. Објавете ги документите. Ако нема имиња на мажи обвинети за сексуални злосторства, значи нешто е скриено“.

Демократите Роберт Гарсија и Џејми Раскин најавија тужба против администрацијата, тврдејќи дека Министерството „свесно ги крши федералните обврски и го заштитува кругот на моќни соучесници“.

Во меѓувреме, Одборот за надзор во Конгресот објави нови фотографии од имотот на Епштајн – патни документи, дневници и архиви што наводно покажуваат контакти со јавни личности, без наведување на контекст. Републиканците реагираа дека „сликите без докази се политички театар“.

Демократите во надзорниот комитет на Претставничкиот дом објавија нова серија фотографии без датум и без наслов. Фотките вклучуваат стихови од Лолита напишани на женско тело и ги прикажуваат познатиот милијардер Бил Гејтс и познатиот интелектуалец Ноам Чомски.

Законот „Epstein Files Transparency Act“, усвоен со двопартиска поддршка во ноември, бара Министерството да ги објави сите некласифицирани материјали во рок од 30 дена.

The post ПРЕСВРТ ВО САГАТА „ЕПШТАЈН“ Американското министерство не ги објави сите документи, Демократите бесни appeared first on plusinfo.mk.

Дали децата во ОУ „Коле Неделковски“ учат во дива доградбa?, го прашува партијата ЗНАМ актуелниот градоначалник на општина Центар Горан Герасимовски, по наводите во медиумите дека доградбата на училштето нема технички прием.

Портпаролот на ЗНАМ, Никола Мемов, најави дека од денес партијата почнува со серија прес-конференции со кои, како што вели, партијта ќе го разобличи „навидум невиното, скромното и наивно лице на Градоначалникот на СДСМ од општина Центар“.

Во продолжение го пренесуваме соопштението од пресот на Мемов:

„Четири години општината беше заложник на неспособноста, дволичноста и хипокризијата на Горан Герасимовски, кои се главни карактеристики на СДСМ во практикување на власта.

Наместо ред – безредие.
Наместо законитост – дивоградби.
Наместо грижа за граѓаните – грижа за лични и партиски интереси.
Дури и училиштата на нашите деца ги претвори во жртви на неговата неспособност.

Нема ништо поважно од безбедноста на нашите деца.
Но за жал, во изминатите четири години, градоначалникот на СДСМ Горан Герасимовски ја претвори Општина Центар во полигон за дивоградби – дури и во училиштата.
Наместо да обезбеди здрави и сигурни услови за нашите најмлади, дозволи импровизации и незаконски градби што го загрозуваат нивното секојдневие.

Го прашуваме градоначалникот на СДСМ, Герасимовски:

• Зошто децата во основното училиште „Коле Неделковски“ од 1 септември годинава учат во дограден и надграден објект, за кој не е извршен технички прием и за кој нема правосилно решение за измени во тек на градба?

• Дали децата во ОУ Коле Неделковски учат во дива доградбa?

• Дали катноста на училиштето не одговара на урбанистичкиот план во тој дел од Центар?

• Дали со цел да се заобиколи законот, извршена е промена на намената на простории од училници во т.н. „технички простории“?

• Дали во тие „технички простории“ денес се изведува настава за нашите деца?

• Дали договорите за градба склучени меѓу Општина Центар и изведувачот Вардарградба ДОО Скопје во 2023 и 2024 година, во вредност од над 45 милиони денари или 735.000 евра, а според засегнатите и над 850.000 евра, содржат повреди на тендерската постапка?

Додека секој граѓанин мора строго да ги почитува процедурите за градба, изгледа дека за Општина Центар тоа не важи – дури и кога станува збор за објекти во кои учат нашите деца.

Ова е врв на безобразие и лицемерие, наместо да обезбеди безбедни услови за учениците, Герасимовски дозволил доградби и надградби без технички прием и без правосилни решенија.

Со кој морал Герасимовски и со кое право се фали со ‘успешни проекти’, кога во реалноста ги става децата во ризик и ја гази законитоста?!

Ова ли е визијата за Центар, импровизирани училници, дивоградба и злоупотребени пари на граѓаните?!

Наивноста и скромноста што сака да ја демонстрира Герасимовски се само маска.

Зад таа маска се крие човек кој во 4 години мандат дозволи дивоградби, незаконитости, нетранспарентни тендери и непочитување на елементарни процедури.

Затоа на 19 октомври ова ќе прекине!
Граѓаните ЗНААТ, и Центар ЗНАЕ!“, велат од ЗНАМ.

The post ЗНАМ РАСПАЛИ ПО ГЕРАСИМОВСКИ ЗА НАДГРАДБАТА НА ОУ КОЛЕ НЕДЕЛКОВСКИ „Зошто децата учат во објект без технички прием?“ appeared first on plusinfo.mk.

– Издадов налог и денеска ќе се изврши вонреден инспекциски надзор во болницата. Ќе се проверува сета документација врзана со новороденчињата. Се надевам дека во текот на утрешниот ден ќе имаме извештај за надзорот на инспекторатот – рече Лазов.

Јавниот обвинител при прилепското основно јавно обвинителство Стевчо Биноски ја побарал документацијата од болницата и од службата на Итната помош која интервенирала во семејниот дом во прилепското село Славеј од каде било пријавено дека бебињата се во тешка здравствена состојба и била побарана лекарска помош.

– Се чека наодот од обдукцијата на бебињата. Ја очекувам и медицинската документација од болницата и од службата за итна помош за потоа да побарам искази – рече Биноски.

Од Центарот засоцијални работи информираа дека нивна екипа и денеска го посетила семејниот дом на младите родители во Славеј за да видат во какви услови е домаќинството каде сега се другите три деца на младата брачна двојка.

Бебињата, машко и женско се родиле на 30 декември во прилепската болница како недоносени, во 34 гестациска недела и со тежина помала од два килограми. Како што информираа од Болницата, на 10 јануари мајката, на своја одговорност, заминала со бебињата од болницата кои биле во добра општа состојба. Во четвртокот родителите повикале Итна помош зашто бебињата биле во тешка здравствена состојба. Едното бебе, машко, починало во домот, а другото во прилепската болница. Лекарите се обидувале да го реанимираат и да го затоплат, но безуспешно.

– На 16 јануари во 10,45 часот, на одделот за детски болести е донесено женското новороденче во тешка здравствена состојба како резултат на премрзнување. Според достапните информации, машкото новороденче е претходно починато дома од истата причина. По приемот на женското новороденче, веднаш е преземена интензивна медицинска интервенција. Извршена е реанимација, новороденчето е интубирано, поставено во топли ќебина и применети се дополнителни мерки за затоплување. И покрај сите преземени обиди од страна на медицинскиот персонал, состојбата продолжи да се влошува. Во 13 часот, за жал, е констатирана смртта на женското новороденче – известија во петокот од Болницата за трагичниот случај.

Извештајот од вонредниот инспекциски надзор на Државниот санитарен и здравствен инспекторат ќе го очекува и основното јавно обвинителство.

The post СМРТТА НА НОВОРОДЕНИТЕ БЛИЗНАЧИЊА ГО ТРЕСЕ СИСТЕМОТ Во тек инспекциски надзор и истрага од обвинителството appeared first on plusinfo.mk.

– По темелно и стручно прегледување на целокупната документација, процес кој траеше два месеци, Извештајот е готов и фактите потврдени од професионалци и искусни правници, вработени во Министерството за култура и туризам, говорат дека Универзална сала е преземена од град Скопје во Министерството за култура и туризам на незаконски начин, во постапка која е проблематична, со прекршувања на повеќе закони – рече Љутков со ветување дека Скопје ќе има Универзална сала која ќе биде готова до 2028 година, но дека таа ќе биде изградена на законски и легален начин.

Министерот објасни дека е констатирано дека склучениот договор од страна на Министерството за култура и Град Скопје има контрадикторни одредби, не е заверен на нотар, не содржи таксативно кои права и обврски се предаваат и што всушност се предава, а договорот и решението за реконструкција од 22 март годинава издадено од општина Центар, не се запишани во Катастарот на недвижности. На Министерството за култура не му биле пренесени во целост правата и обврските согласно закон (за втора фаза од реконструкцијата).

Потоа Љутков обелодени дека во постапката Министерството не ги исполнило сите услови за да се стекне со статусот инвеститор.

– Министерството за култура и туризам условно исполнило само еден од двата кумулативни законски услови предвидени во член 70 од Законот за градење, за да може да се стекне со статус на инвеститор, а тоа е: со склучување на посебен договор помеѓу претходниот и новиот инвеститор, да ги преземе правата и обврските кои претходниот инвеститор ги имал со учесниците во градењето, додека не го исполнил и вториот законски услов, а тоа е да биде носител на правото на градење – рече Љутков, додавајќи дека постапките по јавни набавки кои се распишани и спроведени од страна на поранешното раководство на Министерството за култура и туризам, имајќи ги во предвид констатираните недостатоци и пропусти во постапката Министерството за култура да има статус на инвеститор на реконструкцијата, се поништени.

Целата документација е предадена на Основното јавно обвинителство, а министерот се надева дека истражните органи ќе постапат согласно нивните надлежности, вели министерот.

Во врска со пожарот кој ја зафати металната конструкција на Универзалната сала Љутков изјави:

– Во тек е подготовка на стручен извештај со податоци за изврешните и неизвршените градежни работи на објектот, како и за евентуална потреба од изведување на дополнителни градежни работи предизвикани од пожарот што го зафати овој објект. Во меѓувреме до Владата се доставени измени на постојниот Закон за култура со кои ќе се номинира надлежноста на Министерството за култура и туризам да го врши правото на реконструкција и над објекти кои се во општинска сопственост.

Осврнувајќи се на сработеното во првите 100 дена од работењето, министерот рече дека затекнале состојба на долгови за неисплатени плати за културните работници, девастирани и неосигурани институции со раководства без стратегија, проекти без утврдени приоритети и динамика на реализација, скратени средства за програмски активности и неисплатена чланарина за континуирано функционирање на библиотечно-информацискиот систем COBISS.MK.

– Оваа година Министерството за култура и туризам како последица на неефикасното и недомаќинско работење ќе плаќа поскапа струја бидејки предходното раководство повеќе се грижело за набавка на куфери отколу за навремено објавување на Јавната набавка за електрична енергија, која требало да биде  спроведена  во април годинава – рече Љутков.

Според Љутков, се работи на продолжување на стопираните или заглавени проекти како што се реконструкцијата на Музејот на Македонија, изградбата на театарот во Струмица, изградбата на Турскиот театар и на Театарот и библиотеката во Тетово и реконструкцијата на Театарот во Куманово….

– Почната е и реконструкцијата на Музејскиот комплекс „Музеј на вода“ во Охрид каде е доекипиран кадарот и извршена е реконструкција на оштететниот систем за надводнување, а за следната година се планира санација на платформата на наколната населба и на покривните покривки на колибите. На Плаошник, во тек се активностите за довршување на изградбата на Светиклиментовиот универзитет… – истакнува Љутков.

Министерот најави и дека се планира и ревитализација на Скопското кале кое со години е затворено за јавноста.

Работната група, како што посочи Љутков, е веќе формирана и обезбедени се средства преку Управата за заштита на културното наследство. До 2028 година за потребите на Скопје – европска престолнина на културата се планира Шалтер салата во објектот на Македонска пошта во центарот на Скопје да прерасне во мултифункционален комплекс.

Во делот на туризмот, кој со реорганизацијата на министерствата, потпадна под Министерството за култура, Љутков рече дека соработката со германскиот туроператор „РСД“  треба да донесе 35 илјади туристи од Европа годишно, почнувајќи од февруари идната година.

The post УНИВЕРЗАЛНА САЛА Е ПРЕЗЕМЕНА НА НЕЗАКОНСКИ НАЧИН СО ЕДЕН КУП ПРЕКРШОЦИ Целата документација е предадена во Обвинителството appeared first on plusinfo.mk.

Според информации добиени од вработени во Фудбалската федерација на Македонија, припадници на МВР во текот на денешниот ден влегле во просториите на ФФМ со цел прибирање на информации за клубови, натпревари и за официјални лица, објави порталот Скопје Инфо.

Акцијата на МВР е спроведена по добиени информации и препораки од „Спортрадар“, тело на Интерпол и УЕФА чија цел е борбата против наместени натпревари. Случувањата во Македонија следат по претходни акции во регионот, но и Европа.

Во истрагата се опфатени 5 македонски клубови – Шкупи, Македонија ЃП, Воска, Академија Пандев (Брера), Силекс, како и второлигашите Победа и Арсими. Под истрага се натпревари кои се одиграни во Македонија и домашните натпреварувања во оваа и во минатата година, пренесува Скопје Инфо.

Пред шест години единаесет лица беа уапсени во меѓународната полициска акција на Словенија, Хрватска и Еуропол насочена против корупцијата во спортот. Слична ваква акција беше спроведена минатата година во соседна Србија, по чие завршување неколку клубови беа исфрлени од Првата лига.

The post ПОЛИЦИСКА АКЦИЈА ВО ФФМ Се „чешла“ документацијата за наместени натпревари, 5 клуба под истрага appeared first on plusinfo.mk.

– Никој не претпоставуваше дека ќе треба да молиме за да ни се предаде целосната документација затоа што и нам, на Министерството за култура, ни следуваат рокови. Ги собравме сите релевантни документи по подолгиот и потешкиот пат – рече Костадиновска Стојчевска на денешната прес-конференција во одговор на новинарско прашање.

Таа посочи дека останува уште да се потпише договорот за банкарска гаранција и веќе наредната недела изведувачот ќе почне со работа. Како што подвлече, процесот е затворен и ќе може да се почне со реконструкција.

– Веќе наредната недела изведувачот ќе почне да го расчистува објектот и да гради, затоа што ги имаме парите, ги обезбедивме и ги завршивме сите потребни процедури и крајно време е таму да започне работата – додаде Костадиновска Стојчевска.

Министерката не даде информација која е фирмата што ќе ја врши реконструкцијата на Универзалната сала и колку ќе чини целиот проект.

The post СЛЕДНАТА НЕДЕЛА ПОЧНУВА РЕКОНСТРУКЦИЈАТА НА УНИВЕРЗАЛНА САЛА Министерството за култура ја собрало целата документација appeared first on plusinfo.mk.

– Секторот за внатрешни работи Битола до Основното јавно обвинителство Битола, поднесе кривична пријава против Јавното комунално претпријатие „Водовод” – Битола и против П.М.(39) од Битола, в.д. директор на претпријатието, поради постоење основи на сомнение за сторено кривично дело „бесправно градење”, казниво по член 244 од Кривичниот законик. Второпријавениот, во текот на април и мај 2022, без да изготви соодветна документација и проект и без одобрение за градба, дозволил изградба на подземна инсталација на место каде претходно не постоела – велат од МВР.

The post КРИВИЧНА ЗА БЕСПРАВНО ГРАДЕЊЕ Битолски „Водовод“ и директорот дозволиле градење на подземна инсталација без проект и документација appeared first on plusinfo.mk.

Аплицирањето за годишните конкурси за финансирање проекти, како што посочи министерката, за првпат се спроведе на националниот портал за е-услуги и за првпат решенијата за прифатени, одбиени и отфрлени проекти ќе бидат електронски испратени на профилот на корисниците.

– Во електронскиот систем се евидентирани 3 355 релевантни пријави, поради нецелосна документација во согласност со општите услови од конкурсот административно се отфрлени 332 пријави, има и примери кога апликантите не ги насочиле своите проекти во вистинска дејност и аплицирале во дејност каде не припаѓаат, а има и неколку случаи кога наместо документ за тековна состојба на правно лице не постара од шест месеци бил прикачен празен лист, и неколку случаи каде не бил активен статусот на здружението – рече Костадиновска-Стојчевска.

Со целосно аплицирање на електронски начин, како што додаде, значително се зголемила ефикасноста на работата при административната селекција на проектите. Оваа година е избегната практиката констатирана претходно, проекти со нецелосна документација да бидат предмдет на разгелдување од страна на комисиите.

The post ЕВИДЕНТИРАНИ 3.355 РЕЛЕВАНТНИ ПРИЈАВИ Оваа година буџетот за проекти во културата изнесува 12,5 милиони евра appeared first on plusinfo.mk.

– За Луна паркот имаме проектна документација која се изработува, изработувачот треба во наредниот месец да ја достави комплетна. Имаме веќе наследено 7 реквизити кои треба да се постават согласно претходно склучени договори и истите се задржани во проектното решение. Дополнително има 20 нови реквизити кои треба да се тендерираат и да се набават – информираа од Градот.

Од Градот се обезбедени се средства и за партерното уредување и најверојатно по Нова година ќе се отпочне со работа. Набавените реквизити ќе бидат поставени што е можно поскоро и како што ќе пристигнуваат новите, така тие ќе бидат поставувани во Луна паркот, a според очекувањата истиот би требало да започне со работа кон крајот на летото.

The post РИНГИШПИЛОТ ПОВТОРНО ЌЕ ВРТИ До крајот на летото Скопје добива Луна парк appeared first on plusinfo.mk.

– ЈП „Водовод“ започна на својот официјален Фејсбук да ги брише објавите на 3 октомври минатата година каде, имаат објавено дека ќе има приклучок на мрежа на ул. „Варшавска“, што значи дека уште еднаш докажуваат дека претходно било реконструирано и завршено буквално сѐ, а дури потоа била спроведена набавка, што значи дека била наместена истата. Инаку зошто би имало приклучок на нереконструирана и незавршена водоводна мрежа. Меѓу другото нашите информации од совесни вработени во јавното претпријатие говорат дека и во текот на денешниот ден веројатно по налог на тандемот Весковски – Шилегов се вршат уништување на докази за наместената јавна набавка во вредност од 300.000 евра – велат од ВМРО-ДПМНЕ.

Од опозициската партија го повикуваат Јавното обвинителство веднаш да реагира и да влезе во архивата на документи на јавното пре

The post СЕ УНИШТУВА ДОКУМЕНТАЦИЈА ВО „ВОДОВОД“ Опозицијата бара итна реакција на обвинителството appeared first on plusinfo.mk.