Повредените лица од пожарот во клубот „Пулс“ во Кочани, преку писмен допис до јавноста, упатија реакција на најавените кадровски промени во Општата болница со проширена дејност, кои, како што предупредуваат, сериозно ќе влијаат на нивниот третман и лекување.

„Чувствуваме должност и потреба да се обратиме јавно поради сериозна и загрижувачка промена во нашата здравствена нега. Ја информираме јавноста дека од понеделник, 1 јуни, докторката Катерина Паниќ – нашата докторка Кате, која беше наш главен доктор и поддршка во целиот период на опоравување – повеќе нема да биде дел од ЈЗУ Општата болница – Кочани. Таа заминува во друга болница, иако никој не може да ја замени. Сè уште немаме информации кој ќе дојде на нејзино место и каков ќе биде понатамошниот пристап кон нашето лекување“, се наведува во дописот.

Повредените истакнуваат дека живеат во страв и неизвесност и се чувствуваат напуштени од државата.

„Вистината е – не знаеме што нè чека утре. Никој не ни кажува кој ќе дојде после неа или како ќе изгледа нашата понатамошна грижа. Се прашуваме дали пак ќе останеме сами? Повеќе не веруваме. И сакаме сите да знаете – не е исто. Не е исто кога некој само ја пополнува смената, и кога некој навистина се грижи. Ние тоа го чувствуваме секој ден, на секој преглед, во секој здив од болка. Докторката Кате не беше само лекар – таа беше наша надеж, сила и стабилност. Начинот на кој ни пристапуваше со човечност, посветеност и разбирање не може да се замени. Во неа стекнавме длабока доверба – доверба што не доаѓа лесно кога се поминува низ траума и неизвесност“, додаваат повредените.

Од Општата болница во Кочани потврдија дека докторката Катерина Паниќ Мирчовска уште на почетокот од годинава поднела лично барање за прекин на работниот однос, поради нов ангажман во градската болница „8 Септември“ во Скопје. Според болницата, нејзиното заминување не било поврзано со пожарот, бидејќи било најавено многу порано.

Одлуката за нејзиното прераспределување била потпишана од поранешниот министер за здравство Арбен Таравари. Сепак, нејзиниот престој бил продолжен благодарение на реакцијата на заменик-министерот Јовица Андовски, кој ја запрел примената на решението – со цел докторката да остане во Кочани сè додека пациентите имаат потреба од нејзината здравствена нега.

The post ЗАМИНУВА ДОКТОРКАТА КОЈА ИМ БЕШЕ НАДЕЖ Повредените од трагедијата во „Пулс“ бараа таа да остане, надлежните веднаш реагираа appeared first on plusinfo.mk.

Во раните утрински часови во петокот, како што правеше секој ден, д-р Алаa ал-Наџар се поздрави со своите 10 деца пред да ја напушти куќата. Најмалото, Сајден, старо шест месеци, сè уште спиеше. И како секој ден, со војната што беснееше во Газа и израелските напади што се одвиваа само на неколку метри од нејзината населба во Кан Јунис, Наџар беше загрижена да ги остави дома без неа.

Но, 35-годишната Наџар немаше голем избор. Една од сè помалиот број медицински лица во Газа, почитувана педијатарка во медицинскиот комплекс, Насер, мораше да оди на работа за да се грижи за повредени бебиња кои едвај ги преживеале израелските напади. Никогаш не можеше да замисли дека тоа поздравување со нејзиното семејство ќе биде последно, пренесува Гардијан.

Неколку часа подоцна, во нејзината болница пристигнаа изгорените тела на седум од нејзините деца, убиени во израелски воздушен напад врз Кан Јунис. Две други тела, вклучувајќи го и она на Сајден, останаа под урнатините. Од нејзините 10 деца, само едно преживеа, заедно со нивниот татко, Хамди ал-Наџар, 40, исто така лекар. И двајцата сега се во болница.

– Ова е една од најсрцекршачките трагедии од почетокот на конфликтот. И тоа ѝ се случи на педијатарка која го посвети својот живот на спасување деца, само за да ѝ биде украдено мајчинството во момент на оган и заглушувачка тишина – рече Мохамед Сакер, раководител на оддел во болницата Насер.

Снимките што ги сподели Министерството за здравство на Газа и ги потврди „Гардијан“ покажуваат изгорени, распарчени тела на деца како се извлекуваат од урнатините на зградата на Наџар во близина на бензинска пумпа, додека пламените јазици сè уште го голтаат она што останало од домот на семејството.

Али ал-Наџар, 50, постариот брат на Хамди, сопругот на Ала, рече: „Кога слушнав дека куќата е бомбардирана, инстинктивно се стрчав кон мојот автомобил и се упатив кон местото бидејќи знаев дека мојот брат и неговите деца се внатре. Кога пристигнав, бев шокиран. Го најдов мојот внук Адам, кој преживеа, како лежи на патот под урнатините. Беше покриен со саѓи, облеката му беше речиси искината, но душата беше сè уште во него. Мојот брат лежеше од другата страна, обилно крварејќи од главата и од градите, а раката му беше отсечена. Сè уште дишеше со тешкотии“.

Али повикал медицинскиот тим и ги однел двајцата преживеани во болница. Потоа почнал да ги бара своите девет исчезнати внуци.

– Куќата беше многу тешка за расчистување бидејќи таванот беше паднат. Почнав да пребарувам низ куќата надевајќи се дека ќе најдам некое од децата бидејќи претпоставував дека бомбардирањето можеби ги фрлило надвор од куќата. Но, за жал, потоа се појави првото изгорено тело. Откако целосно го изгаснавме пожарот, ги најдовме и останатите – некои беа осакатени, а сите изгореа – рече тој.

Алаа ал-Наџар се упати кон местото на експлозијата додека спасувачите го извлекуваа телото на нејзината ќерка Реван од урнатините. Со солзи во очите, таа ги молеше спасувачите да ја остават да ја држи уште еден последен пат.

– Нејзиното тело [на Реван] беше целосно изгорено од горниот дел, ништо не остана од нејзината кожа или месо. Сè уште има две тела на децата на мојот брат што не можевме да ги најдеме, најстарото, 12-годишно момче, Јахја, и шестмесечното девојче, Сајден – рече братот Али.

Наџар се врати во болницата за да ги провери својот син Адам, 11, и нејзиниот сопруг. Извори од болницата Насер, кои ги префрлија телата на децата едно по едно во мртовечницата, рекоа дека нивната мајка не можела да ги идентификува, бидејќи изгорениците биле многу лоши.

Имињата на децата беа Јахја, Ракан, Руслан, Џубран, Ева, Реван, Сајден, Лукман и Сидра.

– Алаа отиде во мртовечницата, ги држеше своите деца во раце, го рецитираше Куранот над нив и се молеше за нив – рече д-р Ахмед ал-Фара, директор на детската зграда во медицинскиот комплекс Насер.

– Другите докторки околу неа колабираа од тага и од бес, но д-р Алаа остана смирена. Бог испрати мир на нејзиното срце. Откако беа погребани, таа отиде директно да ги провери сопругот и синот и почна да се грижи за нив – вели директорот.

Колегите во болницата ја опишаа Наџар како посветен, учтив и етички лекар, способен да издржи огромен притисок, лекувајќи десетици деца и пациенти дневно, а во исто време грижејќи се за големо семејство.

– Таа беше во постојана грижа за своите деца додека беше во болница. Кога слушна дека е бомбардирана куќа во населбата Кизан ал-Наџар, нејзиното мајчинско срце почувствува дека нешто не е во ред – рече Фара.

Тој рече дека нема зборови за нејзината загуба.

– Ако некој сака да сподели мислење, прво нека замисли дека тоа му се случува – одеднаш да ја изгуби секоја личност поврзана со него – додаде Фара.

Откако се збогуваше за последен пат со безживотните тела на нејзините седум деца, Алаа отиде на одделението каде што се лекуваше нејзиното преживеано дете.

– Нејзиниот сопруг страдаше од тешки повреди – оштетување на мозокот и фрактури предизвикани од шрапнели, заедно со рани од шрапнели и фрактури во градите. Тој беше ставен на вентилатор и му беа поставени медицински цевки. Состојбата на нејзиниот син беше релативно подобра – неговите повреди се движеа од умерени до тешки – рече Фара.

Колегите и пријателите на Наџар рекоа дека нејзините деца имаат египетско државјанство и дека Алаа и Хамди планирале да заминат за Египет и да ги запишат своите деца на Универзитетот Ал-Азхар во Каиро.

Израелските одбранбени сили соопштија: „Вчера (23.05.2025), авион на ИДФ погоди голем број осомничени кои беа идентификувани како дејствуваат од структура веднаш до трупите на ИДФ во областа Кан Јунис. Областа Кан Јунис е опасна воена зона. Пред да започнат операциите таму, ИДФ евакуираа цивили од оваа област за нивна сопствена безбедност. Тврдењето во врска со штетата врз незаинтересираните цивили е во фаза на разгледување.“

Министерството за здравство на Газа вели дека речиси 54.000 Палестинци, вклучувајќи 16.503 деца, се убиени во израелските напади низ целата територија.

Фара рече: „Мојата единствена надеж е дека оние што беа убиени не се само имиња на хартија. Ние сме создадени исто како секое друго човечко суштество на овој свет. И како секое друго човечко суштество, имаме право да живееме.“

The post 📽️ ВО ЕДЕН ДЕН УБИЕНИ 9 ДЕЦА НА ДОКТОРКАТА НА ДЕЦАТА Едно по едно ѝ ги носеле изгорените тела во болницата appeared first on plusinfo.mk.

Поради евидентирање на пациенти на снимката, како и корисници на домот за стари лица каде таа работела, против неа е поведена постапка пред етичката комисија, пренесуваат медиумите во соседството.

E moja doktorka…. pic.twitter.com/nSfmf2BdbR

— Lovac na neke od njih! (@Sabljalo) September 16, 2024

На видеата, кои Д.Т. ги објавила на профилот, таа е во преден план и им се обраќа на следбениците додека го опишува своето работно место, проследено со движења на риалити ѕвезда, стои во написите.

Имено, на видеото кое е снимено во дом за стари лица, докторката на почетокот е во бел мантил со стетоскоп, каде го претставува своето работно место и пациентите.

Таа одеднаш се појавува во виолетов фустан и објавува дека е време за излегување.

– Ајде да видите доктор во друга верзија, да ги разбиеме предрасудите дека сите доктори се стари, досадни, грди. Па не е така, има некои интересни – вели таа на почетокот на снимката во домот.

– Прекрасни сте, многу ми е мило. Дали сте добро згрижени овде? – ги прашува докторката, мислејќи на лицата згрижени во домот.

Видеото продолжува во возило кое се движи кон болницата. Зад неа, во задниот дел од автомобилот, каде што најчесто се превезуваат пациенти, е снимено едно лице.

Откако снимките се проширија на мрежите, а докторката беше изложена на осуди, таа брзо ги отстрани сите снимки, пренесуваат медиумите во регионот.

The post 📽 „НЕ СЕ СИТЕ ЛЕКАРИ ГРДИ“ Докторка од Итната помош во Белград се снимаше на работното место appeared first on plusinfo.mk.

По несреќа во шума, која се случила во јануари оваа година, 33-годишен пациент бил пренесен во Универзитетската болница во Грац со сериозни повреди на главата, пренесува британски „Телеграф“.

„Хирургот тогаш ѝ дозволила на својата ќерка тинејџерка да учествува во операцијата, која вклучувала отворање на черепот на пациентот“, пишува австрискиот весник „Кронен цајтунг“.

Операцијата наводно поминала без компликации, но анонимна пријава со обвиненија стигнала до државното обвинителство дури во април. Потоа, полицијата во јули го информирала наводниот пациент за случајот.

„Кронен цајтунг“ пренесува дека таа и уште еден специјалист кој бил присутен за време на операцијата биле отпуштени.

Адвокатот на оштетениот, Петер Фрајбергер, изјави: „Лежиш таму, беспомошно, без свест и стануваш експеримент. Ова не би требало да биде возможно. Ова не би требало да се случи“. Тој додаде дека сите кои биле присутни за време на операцијата треба да понесат одговорност.

Адвокатот најави тужба против целиот тим кој присуствувал на операцијата и побара обештетување. Исто така, адвокатот додаде дека никој од болницата не стапил во контакт со пациентот за да се извини или објасни, што тој го смета за отсуство на почит.

Болницата во Грац изјави дека истрагата против хируршкиот тим е во тек, но дека нема конкретни докази дека ќерката на лекарката навистина учествувала во операцијата. Тие изразија длабоко жалење за инцидентот и упатија извинување.

The post СКАНДАЛ ЈА ТРЕСЕ АВСТРИЈА Докторка дозволила нејзината 13-годишна ќерка да направи отвор во череп на пациент appeared first on plusinfo.mk.

Министерот за здравство д-р Фатмир Меџити денеска ја посети донорката на матични клетки, млада девојка, воедно и докторка, на која ѝ се заблагодари на извонредната храброст и несебична посветеност да спаси туѓ живот.

– Нејзиниот чин на хуманост и солидарност е надеж, потсетувајќи нè на моќта на заедницата и љубезноста во моментите кога тоа е најпотребно. Им честитам и на колегите од Клиниката за хематологија кои ја практикуваат оваа современа метода во медицината со која еден човек има шанса за нов почеток – изјави министерот Меџити.

Директорката на клиниката за хематологија изјави дека станува збор за редок пример, донорот на матични клетки и пациентот кој треба да ги прими да не се во роднинска врска, ниту се познаваат, а нивните клетки да се совпаѓаат.

– Денешниот чин на докторката е уште еден чекор до задоволството да се биде лекар и да се спасуваат животите на луѓето. Младата докторка која е донор на матичните клетки, во Македонскиот регистар на доброволни дарители на коскена срцевина при Институтот за имунологија и хумана генетикиа, се пријавила уште кога била студент по медицина, а минатиот месец беше идентификувана како евентуален донор. Не се двоумеше ниту миг, веднаш се согласи да му даде шана за живот на пациент кој не го познава, а боледува од акутна леукемија – изјави д-р Ирина Пановска Ставридис.

The post МЛАДА ДОКТОРКА ДОНИРАШЕ КЛЕТКИ ЗА ПАЦИЕНТ СО ЛЕУКЕМИЈА Не се роднини, ниту се познаваат appeared first on plusinfo.mk.

Докторката од Трејси Сент Џулијан и болницата сега се соочуваат со тужба за трагичното пордување во јули годинава.

Случајот доби големо внимание во американските медиуми кои пренесуваат детали од трауматичниот настан.

-Кога се отвори утробата, стапалата излегоа, телото излезе, а главата ја немаше. Д-р Трејси Сент Џулијан додека се обидуваше да го породи бебето, толку силно ги повлече главата и вратот на бебето што коските на черепот, лицето и вратот се искршија – изјави Родерик Едмонд, еден од адвокатите на родителите на бебето.

@scibodytherapy Dr Tracey St Julian is being sued for gross negligence by Jessica Ross and Treveon Taylor, whose son died at Southern Regional Hospital during a complicated birth. #anatomy #educationalpurposes #obgyn #news ♬ original sound – Josh Cottle

Родителите сега ја тужат докторката Трејси Сент Џулијан, болницата и неколку медицински сестри кои учествувале во породувањето. Тие се товарат за крајно невнимание и прикривање на случајот.

Адвокатот Едмонд открива и други уште повознемирувачки детали за тоа што се случило во родилната сала.

-Откако бебето било цврсто завиткано, главата била ставена на ќебето за да изгледа дека главата на бебето е закачена, иако не била – открива адвокатот.

Според адвокатот, докторката Џулијан и медицинскиот персонал во болницата не го пријавиле грозоморниот инцидент во полиција. Родителите од погребалното дознале дека нивното бебе е обезглавено.

-Д-р Џулијан дури тогаш му кажа на семејството што всушност се случило. До тој момент тие го убедуваа семејството да го кремира бебето. Нивните соништа и надежи се претворија во кошмар – рече адвокатот.

Полициската управа на округот Клејтон отвори истрага за смртта на бебето. Случајот доби дополнителен заплет бидејќи од регионалната болница во Клејтон во која се случил трагичниот настан во официјално соопштение за медиумите тврдат дека докторката Сент Џулијан која го извршила породувањето, никогаш не бил вработена во болницата.

Dr Tracey St. Julian was suppose to deliver a baby but instead she didn’t follow procedures which led to a baby head being pulled off during delivery. This happened at Southern Regional in Riverdale, GA. pic.twitter.com/HnNCq7vl2j

— Steph (@Stephquees) August 10, 2023

The post ТРАГИЧНО ПОРОДУВАЊЕ ВО САД Докторка му ја откинала главата на бебето appeared first on plusinfo.mk.

Официјална причина за смртта се уште нема, бидејќи се чекаат резултатите од обдукцијата, но родителите се убедени дека станува збор за лекарска грешка.

Еве дел од нивната исповед.

„Прво додека девојчето ја примаше инфузијата, си заспа, и се беше во ред. Му се врати бојата, и му се стоплија рацете, бидејќи претходно му беа ладни. Кога дојде инфузијата до пола, девојчето почна да се жали на болка во стомакот и во нозете. Станав да ја побарам докторката, сестрата ми рече дека докторката не е тука, дека работи. Ја викнав сестрата, таа рече дека е нормално да има грчеви, од што повраќала. И потече раката. Докторката и ја помести инфузијата на другата рака. Девојчето се тресеше од болки. Сестрата ни рече дека ќе дојде докторката, само да заврши работа. Девојчето цело време велеше дека има болки и не може да издржи повеќе, јас и ја држев раката, за да не се измести инфузијата. А докторката не дојде ни еднаш да праша како е Јана“, рече мајката.

Таткото кажа дека тој бидејќи чекал во ходникот и поминал тука, дека докторката најверојатно била во некоја просторија од болницата.

„Бидејќи седев во ходникот, тука поминав, има една просторија, дали чистеа внатре, се смееја, дали чистачка беше внатре, цело време беше во таа просторијата, нешто преместуваа, правеа таму“, вели тој.

Мајката рече дека кога девојчето веќе не можело да издржи од болки, ги замолила децата тука на пракса да одат да ја викат докторката, бидејќи имало уште малку од инфузијата.

Повеќе детали на овој ЛИНК.

The post ПОТРЕСНА ИСПОВЕД НА РОДИТЕЛИТЕ НА ЈАНА Ситуацијата ѝ се влоши по истекување на половина од инфузијата appeared first on plusinfo.mk.

Трипат Сахи, докторка која работи со тешко болни и стари лица, на својот профил на TикТок открива зошто, според нејзиното искуство од работата во болницата со пациенти кои умираат, луѓето најмногу жалат пред да умрат.

„Слушајте ја личноста која работи со пациенти кои умираат секој ден. Буквално, со луѓе кои се на смртна постела и кои ја чекаат смртта. Престанете да се грижите за тоа што другите луѓе мислат за вас. Престанете да се грижите што ќе мислат за вас ако се обидете да направите нешто храбро, што ќе ги оствари вашите соништа“, вели таа.

Прочитајте повеќе на порталот „Мајка и дете“.

The post ЗА ШТО НАЈМНОГУ ЖАЛАТ ЛУЃЕТО ВО ПОСЛЕДНИТЕ ЧАСОВИ? Престанете да се грижите што ќе кажат другите! appeared first on plusinfo.mk.

Симона и втората бременост, како и првата, ја држеше во „тајност“.

Пејачката и доктор дерматолог во 2018 се омажи за претприемачот Крис Поповски, со кого лани во април го добија првиот син, Никола.

Годинава, му направија прекрасна роденденска прослава на првородениот син.

 

View this post on Instagram

 

A post shared by 𝓓𝓻. 𝓢𝓲𝓶𝓸𝓷𝓪 𝓟𝓸𝓹𝓸𝓿𝓼𝓴𝓪 (@simonapopovskaofficial)

ФОТО: Инстаграм

The post СИМОНА ПОПОВСКА СТАНА МАЈКА ПО ВТОРПАТ Доби уште еден син appeared first on plusinfo.mk.

Поранешниот фудбалер, кој има 71,4 милиони следбеници на таа социјална мрежа, изјави дека сака да ја истакне „неверојатната работа“ на медицинскиот персонал кој работи среде руската инвазија. Доктор Ирина, која раководи со регионалниот перинатален центар во текот на неделата објавила исечоци и фотографии на инстаграм-профилот на Бекам, покажувајќи како војната влијаела на работата на нејзиниот тим.

„Денес ќе ви покажам како работиме за време на војната и кои станавме во текот на овие воени денови“, рекла таа. Ирина сподели видеа на кои се гледа подрумот каде што бремените жени и новопечените мајки биле евакуирани во првите денови од инвазијата, единицата за интензивна нега каде што се лекуваат бебињата и генераторите на кислород донирани од УНИЦЕФ. Ирина рекла дека сега работи „24/7“ и дека: „Веројатно си ги ризикуваме животите, но воопшто не размислуваме за тоа. Ја сакам својата работа“. Таа објави и приказна за Јана и нејзиниот син Михајло, кој е роден на вториот ден од војната со проблеми со дишењето, а чија семејна куќа била уништена за време на борбите. Таа рече дека детето е „подобро сега“.

Поранешниот играч на Манчестер Јунајтед и Реал Мадрид, Бекам (46) е амбасадор на УНИЦЕФ од 2005 година. Тој ги повика своите придружници да донираат за добротворна организација која работи во Украина за да им обезбеди на семејствата пристап до чиста вода и храна, да обезбедат продолжување на услугите за заштита на децата и да ја следат ситуацијата со бегалците во соседните земји.

 

View this post on Instagram

 

A post shared by David Beckham (@davidbeckham)

„Благодарение на вашите донации, генераторите на кислород што ги добија им помагаат на новороденчињата да преживеат во ужасни услови“, рече Бекам.

Харков, вториот по големина град во Украина, веќе три недели е цел на руските напади.

David Beckham gave his Instagram account to Ukrainian doctor Irina Kondratova so that she could show the whole world the work of the perinatal center in #Kharkiv

David’s audience is over 71 million subscribers.

David and his wife donated a $1 million to #Ukrainian children. pic.twitter.com/JKEwPDQOkK

— NEXTA (@nexta_tv) March 20, 2022

ФОТО: Инстаграм

The post БЕКАМ ГО ОТСТАПИ СВОЈОТ ИНСТАГРАМ НА УКРАИНСКА ДОКТОРКА Неверојатен гест на фудбалерот (ФОТО) appeared first on plusinfo.mk.