Не стивнуваат реакциите по објавувањето на видеото на кое се гледа лекарот Ненад Цоневски од Македонија, вработен на Воено-медицинската академија во Софија, како прегазува куче излегувајќи со возилото од зграда.

Според бугарските медиуми, докторот Цоневски бил испрашуван во 3-та регионална станица на Полициската управа во Софија, по што бил ослободен. Против него е покрената постапка и привремено е суспедиран од работното место во Воено-медицинската академија, додека трае истрагата.

Според бугарскиот Кривичен законик, доколку се докаже вина, му се заканува казна затвор до пет години за сурово постапување кон животни.

На снимките од надзорните камери се гледа како човекот со автомобил го прегазува кучето, излегува од автомобилот, го набљудува повреденото животно, а потоа повторно влегува во возилото и заминува, минувајќи и со задните тркала преку неговото тело.

Инцидентот предизвика лавина реакции во јавноста и бурни осуди на социјалните мрежи. Покрената е он-лајн петиција со која се бара затворска казна за хирургот со повеќе од 200.000 потписи.

Жителите од маалото, кои се грижеле за кучката Маја, стара 12 години и позната како мирна и кротка, организираа протест со барање сторителот да биде најстрого казнет. На местото на настанот, соседите испишале натпис „Убиец“ на гаражата во која паркирал.

„Како може доктор кој треба да спасува животи да направи нешто толку сурово? Шокирана сум,“ изјави една од жителките во зградата.

Очевидци тврдат дека Цоневски набрзо по инцидентот се иселил од станот во кој живеел под кирија околу 4 месеци. Според бугарски „Телеграф“, тој се вратил кај своите родители во неговиот роден град Делчево, откако ја преминал границата со својот македонски пасош. Весникот тврди деа Цоневски имал двојно државјанство, бугарско и македонско.

Во меѓувреме во македонскатаа јавност се појави он-лајн група за поддршка на д-р Цоневски, која објави писмо во кое се нагласува дека тој е успешен лекар, експерт за торакална хирургија, кој спасил многу човечки животи. Познат е по својата посветеност, хуманост и скромност, што особено дошло до израз за време на трагичниот настан во дискотеката „Пулс“ во Кочани, каде, како што се пишува во објавата, „беше меѓу првите кои понудија помош —од транспортот на повредените на аеродром до давање медицински информации на семејствата, а донираше и крв и финансиски средства за повредените македонски деца низ цела Бугарија“. Групата апелира до јавноста да се воздржи од осуди и навреди и да земе предвид дека неговата ненамерна грешка, била резултат на збунетост, која може да му се случи на секој возач.

(ВОЗНЕМИРУВАЧКО) СКАНДАЛОЗНО ОДНЕСУВАЊЕ НА МАКЕДОНСКИ ЛЕКАР ВО СОФИЈА Прегазил куче, го погледнал и повторно поминал преку него

The post ЛЕКАРОТ ШТО ЗГАЗИ КУЧЕ „ПРЕГАЗЕН“ ВО ЈАВНОСТА Доби отказ, му се заканува затвор, побегна во Македонија… appeared first on plusinfo.mk.

Дали познат доктор и поранешен градоначалник одбил функција во раководството на СДСM затоа што не го смета Филипче за релевантен?, прашува Валентин Манасиевски од ВМРО-ДПМНЕ на партиска прес-конференција.

„Информации кои од Бихаќка стигнаа до нас, велат дека познат доктор и поранешен градоначалник, одбил функција во раководството на СДСМ, само затоа што не го смета Филипче за релевантен политичар?“, вели Манасиевски.

Тој тврди и дека јадрото во СДСМ продолжува да се распаѓа по катастрофалниот резултат на локалните избори, на кои освоија 120.000 гласови и само 6 општини.

„СДСМ е во тежок политички ‘нокдаун’, а процесот на консолидација никако да му појде од рака на Филипче.

Дека Филипче има проблеми со консолидацијата и зачувување на онака малото членство, говори и фактот што поранешни активисти, но и функционери и поддржувачи на СДСМ, јавно не се поистоветуваат и со Филипче и СДСМ, или пак не даваат поддршка на политиките и бараат одговорност во нивната партија“.

Maнасиевски вели дека од сите страни се бараат реформи во СДСМ, но и оставка и одговорност од првиот човек на Бихаќка, а, како што велат од ВМРО-ДПМНЕ, само нему таа реалност не му одговара.

„Венко Филипче по сè изгледа е задоволен од целата ситуација и сака да го донесе СДСМ до ниво на статистичка грешка. Им порачуваме на СДСМ да си преземат иницијатива за итни реформи, на Македонија и треба силна опозиција“, се вели во соопштението од прес-конференцијата на ВМРО-ДПМНЕ.

The post ЕКС-ГРАДОНАЧАЛНИК ГО ОДБИЛ ФИЛИПЧЕ ЗА ФУНКЦИЈА ВО СДСМ? Се работи за познат доктор, тврди ВМРО-ДПМНЕ appeared first on plusinfo.mk.

Поранешниот директор на Клиниката за неврологија вели дека ќе продолжи да работи како лекар и дека „ќе живее со своите подеми и падови“

Разрешениот директор на Универзитетската клиника за неврологија, Игор Кузмановски, кој беше во центарот на скандалот со видео на кое меша бела прашкаста материја, вечерва се огласи со јавно извинување преку социјалната мрежа Фејсбук.

– Во врска со објавите на социјалните мрежи, изразувам длабоко каење и се извинувам поради постапката која се има случено далеку пред моето преземање на менаџирање на Клиниката за неврологија. Тоа е постапка со која не се гордеам и сметам дека е момент на моја слабост која не смее да биде пример – вели  Кузмановски.

Тој додаде дека секој човек прави грешки, но важно е да се извлече поука.

– После ова знам дека оваа грешка нема да се повтори и сум подготвен да живеам со сите мои подеми и падови – додава тој.

Кузмановски информира дека се повлекува од функцијата задоволен од резултатите постигнати со својот тим, но најави дека ќе продолжи да работи како доктор.

– Се извинувам на сите кои ги разочарав и ќе продолжам да работам како доктор, она што највеќе го знам, сакам и живеам — да спасувам животи, помагам и работам за доброто на заедницата – истакна Кузмановски.

На социјалните мрежи денеска се појави видео на кое Кузмановски меша бела прашкаста материја во чинија и разговара со друго лице, при што се слушаат асоцијации поврзани со кокаин.

Министерот за здравство Азир Алиу веднаш го разреши Кузмановски од функцијата директор на Клиниката за неврологија, а од Министерството соопштија дека во најкраток рок ќе биде именуван нов директор согласно законските процедури.

Од владејачката ВМРО-ДПМНЕ, чиј кадар е Кузмановски, ја поддржаа одлуката на министерот Алиу и ги повикаа институциите да постапат согласно законот и утврдените процедури.

СКАНДАЛОЗНО ВИДЕО СО ДИРЕКТОРОТ НА НЕВРОЛОГИЈА Кузмановски снимен со кокаин, Алиу го разреши, ВМРО-ДПМНЕ ја поддржа одлуката

The post КУЗМАНОВСКИ СО ЈАВНО ИЗВИНУВАЊЕ ПО СКАНДАЛОТ СО „БЕЛОТО“ Разрешениот директор вели дека тоа бил момент на слабост и дека длабоко се кае appeared first on plusinfo.mk.

Доктор Зекирија Шаини, кој вчера беше ранет при оружен инцидент во центарот на Куманово, денеска е пуштен на домашно лекување од Универзитетската клиника за пластична и реконструктивна хирургија во Скопје.

Директорката на Клиниката за пластична и реконструктивна хирургија, Јасмина Ѓоргиевска Павловска за МИА потврди дека пациентот се чувствувал добро.

– Пациентот е во добра општа состојба. По санирање на раните е пуштен на домашно лекување – изјави Ѓоргиевска Павловска.

Министерството за здравство вчера попладне преку соопштение реагираше дека со вознемиреност ја примиле веста за оружениот напад во Куманово при што повреден бил нивен колега, доктор Шаини.

„Ја известуваме јавноста дека повредите не се животно-загрозувачки и дека докторот е во стабилна состојба и се опоравува. Ќе биде обезбедена целосна поддршка за докторот додека трае неговото опоравување и рехабилитација. Министерството категорично осудува какво било насилство против здравствените работници и потврдува дека нивната безбедност е приоритет. Ќе работиме на унапредување на мерките за заштита на персоналот во здравството, преку соработка со здравствените установи и локалните власти“, потенцираа вчера од Министерството за здравство.

Воедно беше посочено дека активно ќе се соработува со Министерството за внатрешни работи и локалните власти во Куманово, со цел целосно расчистување на случајот.

Доктор Шаини, според соопштението од МВР, вчера беше повреден во оружен инцидент што се случи во 13:54 часот на крстосница од улиците Димитрије Туцовиќ и 11 Октомври во центарот на Куманово, кога две лица во движење, од огнено оружје пукале во патничкото возило „фолксваген голф “, кое тој го управува.

Тој прво беше пренесен во Кумановската општа болница на медицински иследувања, по што беше префлен на скопските клиники.

The post РАНЕТИОТ ДОКТОР ШАИНИ ПУШТЕН НА ДОМАШНО ЛЕКУВАЊЕ Пациентот е во добра општа состојба appeared first on plusinfo.mk.

Министерството за здравство со вознемиреност ја прими веста за вооружениот напад во Куманово, при кој беше повреден нивниот колега, доктор Зекирија Шаини. Од институцијата информираат дека повредите не се животно-загрозувачки и дека лекарот е во стабилна состојба и се опоравува.

„Ќе обезбедиме целосна поддршка за докторот додека трае неговото опоравување и рехабилитација“, соопштија од Министерството.

Од здравствените власти остро го осудија нападот и испратија порака дека насилството врз здравствените работници е апсолутно неприфатливо.

„Категорично осудуваме било какво насилство против здравствените работници. Нивната безбедност е наш приоритет и ќе работиме на унапредување на мерките за заштита преку соработка со здравствените установи и локалните власти“, порачааод Министерството.

Од таму додаваат дека ќе има интензивна координација со Министерството за внатрешни работи и локалните власти во Куманово, со цел целосно расчистување на случајот и утврдување на одговорноста.

„Апелираме на воздржаност, почитување на приватноста и солидарност кон повредениот и неговото семејство“, стои во соопштението.

Министерството најави дека ќе ја следи состојбата на доктор Шаини и ќе ја известува јавноста за сите значајни промени во неговото здравствено состојание.

НАЈВЕРОЈАТНО НЕМА ПОЛИТИЧКИ МОТИВИ ЗА СТРЕЛАЊЕТО ВРЗ КАНДИДАТОТ ЗА СОВЕТНИК Внимателно се истражува инцидентот во Куманово

ДУИ И ВРЕДИ ВО СУДИР ПО ПУКАЊЕТО ВО КУМАНОВО Двете партии со остри, но различни пораки

ЧЕТИРИ КУРШУМИ ВО ТЕЛОТО НА КАНДИДАТОТ Повредениот од пукањето е пренесен во Скопје и е надвор од животна опасност

The post МИНИСТЕРСТВОТО ГО ОСУДИ НАПАДОТ ВРЗ КОЛЕГАТА Докторот прострелан во Куманово е во стабилна состојба appeared first on plusinfo.mk.

Во моментов, 70% од пациентите што се третираат на терцијарно ниво, всушност припаѓаат на секундарното здравство, истакна денеска министерот за здравство, Азир Алиу, повикувајќи се на проценки од стручни медицински експерти. Изјавата ја даде на прес-конференција во Министерството за здравство, одговарајќи на новинарски прашања.

Прашан како може побрзо да се дојде до термини за преглед кај стручни медицински лица и за дијагностика, министерот рече дека во тек е анализа по која ќе следи воспоставување на систем со реални решенија. Новиот систем ќе биде поврзан со „Мој термин“ и со јасно дефинирани протоколи за упатување на пациентите од примарно кон секундарно и потоа кон терцијарно здравство.

– Ќе воспоставиме јасни индикатори за секој доктор, дали ги нуди услугите што се очекуваат од него во примарното и терцијарното здравство, или само ги пренасочува пациентите од примарно кон терцијарно ниво – нагласи Алиу.

Тој појасни дека податоците, што ќе се обезбедуваат во иднина, ќе одговорат на бројни прашања и предизвици во здравствениот систем, со цел подобрување на квалитетот на услугите и подобра грижа за пациентите.

– Истите тие податоци ќе ни дадат и јасна слика за типот на инфраструктура со кој располага здравствениот систем. Во моментов, на пример, немаме целосна слика за човечките ресурси во здравството – посочи министерот.

Тој најави дека веќе се работи на тоа прашање и дека наскоро ќе бидат достапни транспарентни информации за здравствениот кадар.

Министерот повтори и дека секој петок, од 10 до 15 часот, ќе се одржуваат средби од по 15 минути со граѓани кои претходно ќе закажат онлајн. Според него, за наредните три недели, почнувајќи од 4 јули, сите термини веќе се закажани.

The post „МОЈ ТЕРМИН“ СО НОВИ ПРАВИЛА Ќе се знае точно кој каде треба да оди appeared first on plusinfo.mk.

Во својата објава на Инстаграм, која е прегледана речиси 500.000 пати, д-р Дмитриј Јаранов од Мемфис, кардиолог специјализиран за затајување и за трансплантации на срце, предупредува дека следниве фактори играат клучна улога за здравјето на срцето:

спиење,
загадување,
стрес,
орално здравје и
исхрана

– Откако лекував илјадници пациенти со срцева слабост, би сакал сите луѓе да го знаат ова пред да биде предоцна за нив. Ова се работите што навистина влијаат на вашето срце, а за кои никој не зборува – вели тој во виралното видео во кое ги наведува овие пет клучни елементи за здравјето на срцето.

 

View this post on Instagram

 

A post shared by Dmitry Yaranov, MD | Cardiologist (@heart_transplant_doc)

– Кардиоваскуларното здравје не е само вежбање и јадење салати. Спиењето, стресот, воздухот што го дишете, па дури и цревата се важни – вели тој.

Сон, воздух, стрес, заби…

Спиењето помалку од осум часа навечер може да го зголеми ризикот од срцева слабост, мозочен удар или ненадејна смрт – предупредува тој.

Крвниот притисок обично се намалува за време на спиењето, но лошиот сон го нарушува овој процес, предизвикувајќи постојано висок крвен притисок, што е клучен фактор за срцеви заболувања, според експертите од Британската фондација за срце.

Д-р Јаранов, исто така, истакнува дека секојдневното изложување на загаден воздух и отежнатото дишење што произлегува од тоа, може да ги стврдне крвните садови и да доведе до таложење на плаки, лоша циркулација и поголем ризик од срцев удар.

Тој објаснува и дека живеењето во постојан стрес може да ги зголеми нивоата на кортизол, главниот хормон на стрес, кој потоа делува како причина за висок крвен притисок и воспаление што ги оштетува крвните садови.

Оралното здравје е уште еден помалку познат фактор што може да предизвика срцеви проблеми, што д-р Јаранов го вклучи на својата листа. Неправилната грижа за забите и оралното здравје воопшто, може да предизвика заболување на непцата, а воспалението поврзано со тоа може да го зголеми ризикот од срцев удар.

Сè повеќе смртни случаи од срцев удар кај помладите луѓе

Кардиологот истакнува уште едно важно прашање на кое луѓето треба да обрнат поголемо внимание, а тоа е подобрувањето на здравјето на цревата, бидејќи цревниот микробиом помага во регулирањето на крвниот притисок и холестеролот.

Тој додава и дека живеењето во области каде што здравата храна е слабо достапна води до лоши кардиоваскуларни исходи. Во овој поглед, тој минатата година предупреди за епидемијата на срцеви заболувања кај младите луѓе.

– Дебелината, дијабетесот и недијагностицираниот висок крвен притисок денес го поништуваат напредокот постигнат во претходните години, а сè повеќе гледаме случаи на предвремени кардиолошки смртни случаи – истакнува д-р Јаранов.

The post ПОЗНАТ КАРДИОЛОГ ТВРДИ: НЕ Е СЀ ВО ВЕЖБАЊЕТО И ЗЕЛЕНЧУКОТ „Сум видел илјадници смртни случаи што можеле да се спречат“ appeared first on plusinfo.mk.

Во СВР Скопје синоќа малолетничка од виничко, која била згрижена во клиника во Комплексот клиники „Мајка Тереза“, пријавила дека околу 21 часот во тоалетот на болницата била допирана по телото од страна на доктор во клиниката.

Како што информираат од МВР, се преземаат мерки за расчистување на случајот.

The post СКАНДАЛ НА КЛИНИКА „МАЈКА ТЕРЕЗА“ Малолетничка пријавила дека доктор ја допирал по телото appeared first on plusinfo.mk.

Познатиот продуцент Алесандро Марко Посати  и докторот Антонио Чирла  се во домашен притвор под сомнение дека со години силувале најмалку 6 жени под изговор дека снимале промотивни видеа за лажна гинеколошка ординација, и измамиле уште 135 да дојдат на лажни прегледи во Милано.

Според обвинителството, од 2016 година, Посати и Чирла покануваат актерки и модели, нудејќи им паричен надомест од 150 до 500 евра за снимање едукативни видеа со цел да се промовира наводната гинеколошка ординација.
Меѓутоа, операцијата не постоела, туку била позадина за инсценирани „прегледи“ за време на кои девојките биле сексуално злоставувани. Сè се случило во студио во Милано, во просториите на компанија која не е предмет на истрагата, која ја изнајмиле користејќи лажни документи.

Посати, кој е роден во САД и живее во Венеција, е сопственик на продуцентска компанија основана во 2012 година. Според истрагата, тој дејствувал како снимател во овие продукции. Полицијата пронашла видеа од силувањата во неговиот уред, кои потоа биле споделувани на групите на Телеграм каде што се разменуваат видеа на тема таканаречена „клиничка“ порнографија.

Обвинителството тврди дека Посати и Чирла систематски ги мамеле жените со години и ги наведувале да се согласат на снимање, не знаејќи дека ќе бидат сексуално експлоатирани. Во е-поштата и преписката, тие се претставувале како жени, ветувале присуство на персонал составен исклучиво од жени и користеле лажни идентитети за да ја добијат довербата на жртвите.

Според наредбата на судијата на претходна постапка Матијас Фиорентини, кој го прифати барањето на обвинителите за домашен притвор, Посати и Чирла мора да бидат изолирани не затоа што претставуваат ризик од бегство, туку затоа што постои „безбедност“ за да продолжат со своите криминални активности.

Истрагата започна откако една од девојките го пријавила слуќакот во јуни 2024 година, а досега се идентификувани најмалку 135 жени кои биле измамени и најмалку 6 кои биле сексуално нападнати, од кои некои биле повикани повеќе од еднаш.

The post ПОЗНАТИОТ ПРОДУЦЕНТ МАРКО ПОСАТИ ОБВИНЕТ ЗА СИЛУВАЊЕ НА 6 ЖЕНИ Тој и доктор од Милано измамиле 135 жени да дојдат на „гинеколошки преглед“ appeared first on plusinfo.mk.

Денеска почина д-р Јован Јуруковски, истакнат гинеколог и акушер, чие влијание во медицината и образованието ќе остане запаметено.

Проф. д-р Јуруковски беше редовен професор на Медицинскиот факултет во Скопје, каде што служеше како продекан и шеф на Катедрата за гинекологија и акушерство. Долги години беше и директор на Гинеколошко-акушерската клиника во Скопје, каде што неговите напори доведоа до воведување на современи медицински стандарди и критериуми. Со својата стручност и визија, тој ги постави темелите за развојот на оваа гранка на медицината во Македонија. Проф. д-р Јуруковски беше автор на многу статии од неговата област, како на домашно така и на интернационално ниво, вклучувајќи и истражувања објавени во Оксфорд, Англија, каде што го поминал дел од своето школување и добил понуда за професорска позиција.

Покрај неговата академска и клиничка кариера, проф. д-р Јуруковски беше основач на ПЗУ Јуруковски, приватна здравствена установа која нуди висококвалитетни гинеколошки и акушерски услуги. Неговата посветеност на медицината и образованието го постави како еден од водечките стручњаци во оваа област.

Но, покрај тоа што беше извонреден лекар и професор, тој беше и исклучителен човек – верен пријател, посветен сопруг, грижлив татко и дедо. Со својата добрина, скромност и топлина, остави неизбришливи спомени кај сите што имаа чест да го познаваат.

Останува споменот за еден човек кој несебично го посвети својот живот на медицината и на благосостојбата на другите. Нека почива во мир.

The post ДОЛГИ ГОДИНИ БЕШЕ ДИРЕКТОР НА КЛИНИКАТА ЗА ГИНЕКОЛОГИЈА Почина д-р Јован Јуруковски appeared first on plusinfo.mk.