– Станува збор за иста фамилија на вируси. Нема простор за паника, сè е под контрола и се следат сите упатства од Комисијата за заразни болести – рече Меџити.

И на Клиниката за пулмологија и алергологија, како што рече медицинскиот директор Дејан Докиќ, има пациенти со грип.

– Има една пациентка во една навистина тешка состојба, со пореметување на самата респирација, но и на свеста, и преговараме со Клиниката за инфективни болести евентуално да ја земат, бидејќи веројатно неа ќе ѝ треба респиратор. Пациентката е позитивна на инфлуенца – појасни директорот.

Не е доцна за вакцинирање, порача д-р Докиќ, укажувајќи дека за да бидат вакцинирани, пациентите мора да бидат здрави. Пациент кој е болен, потенцијално можеби има вирус и во тој случај не би смеело да се вакцинира.

На прашање дали има зголемување кај пациенти пушачи, со заболувања, меѓу кои и канцер, директорот одговори, дека бројот на новодијагностицирани е сличен како и претходните години.

– Со Министерството за здравство се работи програма за рана дијагноза на белодробниот карцином што е број еден карцином по смртност кај мажите, а трет кај жените. Со оваа програма, верувам дека и ние ќе придонесеме рано, во почетните стадиуми да се откријат пациенти со белодробен карцином, за да можат ефикасно и успешно да се лекуваат – рече Докиќ.

Одговарајќи на прашања, Меџити рече дека на Влада поминала физибилити студијата за Клиничкиот центар во Скопје и оти му доаѓа крајот на сообраќајниот метеж, а стручниот извештај за родилката од Делчево, како што рече, сè уште не бил готов.

The post ДЕСЕТИНА ЗАБОЛЕНИ ОД ГРИП ЗАВРШИЛЕ НА ИНФЕКТИВНА Тројца се со ковид, а една пациентка има нарушување на свеста appeared first on plusinfo.mk.

Според него, вирулентноста на британскиот сој на коронавирусот кој доминира во земјава заедно со индивидуалната способност на имуниот систем, потоа факторот на возраста и коморбидитетните состојби, се причина за високата смртност.

– Смртноста кај нас во ковид-центрите на интерните клиники е 25 проценти. Во европски рамки е од 22 до 30, значи ние се наоѓаме некаде на средина од оние бројки коишто се во другите европски земји. Од тие што починале повеќе биле мажи. Старосната група на оние што починале најголем број се меѓу 70 и 80 години, па потоа меѓу 60 и 70, значи не е изненадувачки. Во однос на коморбидни состојби кај тие што починале во најголем процент била застапена хипертензијата или покачениот крвен притисок, па потоа следат кардиоваскуларните заболувања, па дијабетесот, обезноста, респираторните болести, бубрежни болести итн. Тоа се оние статистики коишто ние ги имаме и варијаблата која што е предиктор на смртта е сатурацијата на крвта со кислород на прием. Колку е пониска толку е поголема шансата да умре пациентот. Сите овие состојби заедно со вирулентноста на вирусот придонесуваат да имаме една ваква смртност – рече Докиќ.

Тој подвлекува дека карактеристично за овој мутиран вид на вирусот е што ги напаѓа помладите, а компликаците и влошувања се јавуваат подоцна. Причина за смртноста кај нив се можни проблеми, дефекти на имунолошкиот систем кој не може да се избори со вирусот.

– Оние што пред две недели биле релативно добри, после две недели настанува влошување со можна смрт. Овие бројки сега се одраз на она што се случувало пред две недели. Сега со намалување на бројката, мерките дополнително тоа ќе го подобрат, тие бројки верувам  дека за две недели ќе опаднат –  наведе Докиќ.

Пулмологот подвлекува дека има доволно број на кревети, но исто така и медицински персонал којшто е спремен да биде ангажиран ако има потреба. Очекува епидемијата да опаѓа но дополнителен капацитет има на Институтот за рехабилитација Козле којшто веќе има на приземје 38 кревети околу 36 се веќе зафатени со пациенти, но има уште два ката кои што се комплетно гасифицирани на централен довод на кислород, со  по 38 кревети.

Во однос на вакцинацијата, Докиќ посочува дека се уште мал број на луѓе се вакцинирани во државава и сигурно уште долг низ на месеци ќе нема да го имаме посакуваниот колективен имунитет, но смета дека вакцинирањето е еден од најважните начини да се спречи епидемијата не само кај нас, туку во светски рамки, така што треба да се почитуваат сите препораки за вкацинаирање.  

Освен кај „Астра Зенека“ за која ЕМА и Комитетот за заштита за сигурност на вакцините укажа дека постои редок несакан ефект од вакцинацијата на зголемено згрутчување на крвта, кај вакцините што сега ги имаме и што се најавени дека ќе дојдат, вели, не постои некоја контраиндикација за вакцинирање. Единствено вели, се можни алергиски реакции кај многу мал број на пациенти коишто се алергични на составните делови на вакцините. 

– На пример полиетилен гликол или некои други конзерванси коишто ја стабилизираат практично вакцината.  Оние коишто се алергични на пеницилин или аналгин или апсирин или на некаква храна, или на некакви други лекови или на полени можат да се вакцинираат па макар имале и потешка клиничка слика тогаш кога биле алергични на соодветниот алерген. Не постои значи контраиндикација но една претпазлвост би требало да постои во смисол на тоа дека тие треба да останат малку подолго време до 30 минути на местото на вакцинацијата, а таму се спремни пунктовите со антишок терапија, бидејќи тоа е пропис и регулатива. Така  што, не верувам и не сум чул дека во Македонија од кога почна вакцинацијата дека има некаква алергиска реакција при вакцинирањето со која било од вакциниве –  вели Докиќ.  

За информациите во некои медиуми дека, наводно долгото носење маска може да предизвика пневмонија кај пацинетите, Докиќ вели дека е апсолутна заблуда мислењето дека носењето маски може да биде штетно по здравјето.

– Пневмонијата настанува ако се секретираат и инхалираат бактерии било од долните дишни патишта или од горните, но не игра улога дали носите маска или не. Правени се испотувања во кои да може да најдете некои бактерии од носот на маската но тие во никој случај не можат да направат ниту  воспаление на горни ниту на долни дишни патишта во смисол на пневмонија. Националниот центар за превенција и лечење во Америка укажува дека доколку правилно се употребуваат маските асолутно не претставуваат некој недостаток кај тие пациенти ниту  може да предизвика некоја болест, но се разбира, да се носат онолку долго колку што се препорачани и правилно да се употребуваат – вели пулмологот, подвлекувајќи дека покрај маската важни се и дистанцата и хигиената на рацете.

The post Докиќ: Смртноста во нашите ковид-центри е 25 отсто, во европски рамки е до 30 отсто appeared first on plusinfo.mk.

– Секој кој доаѓа до болница, треба да се смета како ризичен, затоа што во принцип имаат ниска сатурација на крв. Тие веднаш мора да се стават на висок проток на кислород. Доколку сатурацијата и натаму паѓа, мора да се стават на неинвазивна вентилација. И тие главно имаат проблеми со респираторниот систем. Друга, пак, група, имаа проблеми со коагулацијата. Настанува коагулација на крвта, оштетување на капиларите насекаде во организмот, пред сè на белите дробови, во срцето. Некои добиваат миокардни инфаркти во мозокот или белодробна емболија. Но, она најстрашното е дисеминирана интраваскуларна коагулација, каде што сите крвни садови се зафатени со коагулими и не може да тече крвта. Кај некои настанува крвавење и завршуваат летално – објасни проф. д-р Докиќ.

Тој рече дека вирусот САРС-КоВ-2 е многу непредвидлив и е опасен и за ризичните групи, но и за оние кои немаат коморбидитети.

– Има пациенти со неколку коморбидитети па се извлекле. Јас причината ја гледам во самиот имун систем и на кој начин тој успева да се бори. Вирусот е многу подмолен. Го измамува имуниот систем, кој добива погрешна информација. Тоа ви е како во некој центар на ЦИА, вирус влегува и ја пореметува целата компјутерска мрежа. Идентично се случува тука. Влегува САРС-КоВ-2, го нарушува целиот програм на одбраната и организмот добива сосема погрешна информација и затоа прекумерно реагира со создавање на тие цитокини и таа позната цитокинска бура од која ретко некој се спасува – гласи проф. д-р Докиќ.

Тој порачува да не се зема парацетамол на температура 37,5 и антибиотици на своја рака.

The post Докиќ: Ковид-19 е подмолен, го измамува имуниот систем! appeared first on plusinfo.mk.

Но, поголем дел од пациeнтите ќе имаат потешка клиничка слика, слична на грип. Почнува со јака болка во грлото, а потоа и зацрвените очи. Отежнатото дишење е знак дека пациентот почнува да развива пневномија. Најтешката форма е кога пациентот ќе развие акутен респираторен синдром, што најчесто е смртоносно – рече Докиќ.

Тој изјави дека не очекува пик на случаи како во Шпанија и Италија во однос на заразени и починати од пандемијата од коронавирусот.

– Тоа нема да се случи кај нас бидејќи се преземени мерки коишто на некој начин пикот ќе го обезглават. Тоа ќе биде повеќе како едно ридче, а нема да биде висока стрмна планина и не очекувам тоа да биде енормен број на пациенти. Тој можеби постепено ќе расте, што значи тој врв ќе биде затапен, не очекувам дека тоа ќе биде проблем и ќе предизвика закочување на здравствениот систем и впрочем тоа е целта на мерките за нашите здравствени капацитети да бидат доволни за да ги примат сите оние на кои им потребна хоспитализација и да имаме доволен број на респиратори за да се спасат животи.Затоа некој драстичен врв јас лично не очекувам – вели Докиќ.

Тој смета дека се очекува тој „затапен“ врв во следните неколку недели и секако ќе зависи од и од престојните верските празници.

– Доколку луѓето се собираат во поголеми групи тоа ќе биде фатално во однос на пренесувањето и тоа може нагло да го зголеми бројот на нови случаи – вели Докиќ.

The post Докиќ: Фатално ќе биде ако луѓето се собираат за верските празници, ќе се зголеми бројот на новозаразени appeared first on plusinfo.mk.