Во интервјуто Макрон зборува за неговата посета на Вашингтон и за зајакнувањето на Франција како најстар сојузник на САД, особено за време на војната меѓу Русија и Украина.

– Добриот мир не е мир што двете страни нема да го прифатат на среден и долг рок – рече Макрон одговарајќи на новинарско прашање за неговата визија за успешни мировни преговори.

– Мислам дека претседателот Путин направи голема грешка со започнувањето на оваа војна – рече Макрон, спомнувајќи ги договорите од Минск меѓу Украина и Русија по 2014 година во обид да се спречи војна. Путин оттогаш кажува дека не го признава тој договор.

– Имаше политички и дипломатски процес во кој беше вклучена меѓународната заедница. И тој одлучи сам, врз основа на лажен наратив, велејќи дека НАТО ќе ја искористи Украина за да ја нападне Русија, што е сосема неточно – рече Макрон.

На прашањето дали човек кој е способен да донесе таква погрешна одлука е способен да преговара за мир, Макрон одговори дека „сепак се надева дека Путин ќе биде рационален во преговорите за ставање крај на војната”.

– Путин е долго време на чело на Русија, го познава својот народ. Згреши што ја нападна Украина. Можно ли е враќање на преговарачка маса со Путин? Мислам дека сè уште е можно – изјави Макрон за Еј-Би-Си.

The post ПУТИН НАПРАВИ ГОЛЕМА ГРЕШКА Макрон за руската инвазија на Украина appeared first on plusinfo.mk.