Еден од најголемите скандали на Светското првенство се заканува да ја засени групната фаза, откако ремито 3-3 меѓу Алжир и Австрија предизвика сериозни сомнежи дека двата тима практично се договориле за резултат кој им одговараше и на двете селекции.

Во центарот на вниманието се најде најдобриот алжирски фудбалер Ријад Марез, чија изјава по натпреварот дополнително ја разгоре полемиката.

Алжир во 93. минута поведе со 3-2 токму преку Марез, резултат кој ќе ја елиминираше Австрија, но само три минути подоцна Австријците израмнија, додека алжирската одбрана реагираше крајно пасивно.

Дополнителен сомнеж предизвикаа снимките на кои може да се види дека дел од соиграчите на Марез негодуваат веднаш по неговиот погодок, како да не биле задоволни што Алжир дошол до водство.

Наместо да ги намали сомнежите, Марез со својата изјава практично призна дека голот не бил во интерес ниту на неговиот тим.

– Морав да го почитувам фудбалот. Топката дојде до мене и морав да шутирам. Знам дека беше непријатно, но тоа е фудбалот. Добро е што на крајот и тие постигнаа гол и двата тима продолжија понатаму – изјави Марез.

Imagina tener que justificar en una rueda de prensa por qué has marcado un gol.

Le ha pasado a Mahrez con su gol en el descuento.

Imposible que este Mundial pueda considerarse el mejor. pic.twitter.com/RvBpGZ3Kh1

— GRADA B pro (@GradaBpro) June 28, 2026

Токму овие зборови предизвикаа лавина реакции на социјалните мрежи, каде многумина сметаат дека Алжир и Австрија практично играле за резултат што ќе им обезбеди пласман во осминафиналето.

Најголемата жртва од ваквиот епилог беше Иран, кој остана без место во нокаут-фазата.

Арнаутовиќ жестоко реагирал кон Петковиќ

Контроверзниот финиш продолжил и по последниот судиски свиреж.

По израмнувачкиот гол на Австрија избувнала вербална расправија меѓу Марко Арнаутовиќ и дел од алжирските фудбалери, по што морале да интервенираат селекторите на двата тима.

LE SCANDALE QUI FAIT TREMBLER LE MONDIAL 2026 : CE QUI S’EST VRAIMENT PASSÉ ENTRE L’ALGÉRIE ET L’AUTRICHE

Après enquête sur les images, les déclarations et le déroulé du match :

Le 27 juin 2026, l’Algérie et l’Autriche s’affrontent dans un match décisif du groupe…

— Philippe T (@brain_stimulus) June 29, 2026

Според информациите што ги објавуваат медиумите, Арнаутовиќ директно му се обратил на селекторот на Алжир, Владимир Петковиќ.

„Владимир, зошто дадовте гол за 3-2?“, наводно му рекол Арнаутовиќ, алудирајќи дека двата тима претходно практично го контролирале резултатот.

pic.twitter.com/ngcmb5Lvpm

Tempers boiled over after Mahrez’s goal…

A viral clip shows a heated exchange between Marko Arnautović and members of Algeria’s bench following Riyad Mahrez’s third goal.

Reports circulating in the media claim Arnautović was furious because…

— Pitch Wire (@wire_pitch) June 28, 2026

Петковиќ се обидувал да ги смири своите играчи, додека австрискиот селектор Ралф Рангник го оттурнал Арнаутовиќ за да спречи поголем инцидент.

И покрај огромните сомнежи и бројните реакции, засега нема официјална истрага од организаторите на Светското првенство.

The post 📽️ СКАНДАЛ ГО ТРЕСЕ МУНДИЈАЛОТ Алжир и Австрија договориле реми, изјавата на Марез ги засили сомнежите appeared first on plusinfo.mk.