Американското министерство за финансии синоќа објави дека САД и Украина потпишаа договор за формирање „инвестициски фонд за реконструкција“. Договорот следува по неколку недели тешки преговори за пристапот на САД до природните ресурси на Украина.

„Како признание за значајната финансиска и материјална поддршка што народот на САД ѝ ја даде на Украина за време на инвазијата од Русија, ова економско партнерство ги доведува нашите две земји да соработуваат и да инвестираат заедно, за да се осигура дека нашите ресурси, таленти и способности можат да ја забрзаат економската реконструкција на Украина“, се навдува во соопштението, без да се наведува содржината на договорот.

Во Киев вчера беше објавено дека Украина е подготвена да го потпише овој важен договор за минералните ресурси со САД.

Администрацијата на претседателот Доналд Трамп вршеше притисок за склучување на договорот. Трамп долго време изјавува дека ги сака украионските ретки минерали за САД како услов за натамошна помош за оваа земја во војната со Русија, што трае повеќе од 3 години.

The post САД И УКРАИНА ГО ПОТПИШАА ДОГОВОРОТ ЗА РЕТКИ МИНЕРАЛИ Економско партнерство за обнова на земјата appeared first on plusinfo.mk.

Американскиот претседател Доналд Трамп, кој кратко чекаше пред Белата куќа пред да го поздрави својот украински колега Володимир Зеленски, беше запрашан од новинар дали смета дека тоа ќе биде добар состанок. Трамп не даде зборови како одговор, и наместо тоа гo крена палецот нагоре.

Зеленски пристигна во Вашингтон за да разговара со Трамп за потпишувањето на договорот за користење на ретките минерали на Украина и за безбедносните гаранции кои Киев ги бара од Вашингтон, но за кои досега не доби никаква потврда ниту зелено светло.

LMAO! President Trump pokes at Zelensky for showing up to the White House dressed like he’s going hiking

“Oh look, he’s all dressed up today!” pic.twitter.com/aRKwyN0yiy

— Nick Sortor (@nicksortor) February 28, 2025

– Зеленски е добро облечен – им рече Трамп на новинарите непосредно пред двајцата лидери да се пробијат внатре во Западното крило на Белата  куќа.

Трамп го игнорираше прашањето која е неговата порака до рускиот претседател Владимир Путин.

Би-Би-Си пишува дека ракувањето меѓу Трамп и Зеленски било пократко од ракувањето што Трамп претходните денови го имаше со францускиот претседател Емануел Макрон и со британскиот премиер Кир Стармер.

Трамп на средбата со Стармер го одби британскиот предлог за обезбедување американски безбедносни гаранции за Украина, велејќи дека договорот за минералите е доволен. Трамп повеќепати во минатите денови ја повтори пораката дека Европа е таа која треба да ги обезбеди гаранциите.

Трамп и Зеленски моментално разговараат. Внатре во Овалната соба, Зеленски му порача на Трамп дека не треба да има „компромиси“ со рускиот претседател Владимир Путин во преговорите за мировен договор.

Тој му покажа на Трамп слики од наводни воени злосторства во Украина велејќи:

– Мислам дека претседателот Трамп е на наша страна.

The post 📽️ ЗЕЛЕНСКИ ПРИСТИГНА ВО БЕЛАТА КУЌА, ТРАМП ГО КРЕНА ПАЛЕЦОТ Ќе го потпишат ли договорот за ретките минерали? appeared first on plusinfo.mk.