„Оставете нѐ да се европеизираме на патот, да станеме компатибилни со она што го бараат Копенхашките критериуми. Како? Не губејќи го времето на решавање на историски прашања бидејќи тие се исклучени од идентитетските, од конститутивните акти на ЕУ, преку членот дека ќе се почитуваа националниот и културниот идентитет, и да се концентрираме на европеизацијата“.

Вака истакна претседателката Гордана Сиљановска – Давкова во мега интервјуто за МИА, што ќе биде објавено викендов.

Во однос на прашањето за нејзината порака од Бугарија каде што учествуваше на самитот на шефови на држави и влади на ПСЈИЕ, дека процесот на проширување на ЕУ мора да се темели на Копенхашките критериуми, таа одговори дека не може европскиот конституционализам да опстои ако не ги почитува сопствените вредности.

– Членот 2 на Договорот за ЕУ, повикува на почит на дигнитетот, слободата, еднаквоста, демократијата, владеењето на правото, на човековите права, вклучувајќи ги и малцинските. Тоа е нешто што е врзано директно за Копенхашките критериуми од 1993-тата година – вели претседателката Гордана Сиљановска Давкова и додава дека на овој член се повикува членот 49 од Договорот за ЕУ кога вели дека нивното исполнување е услов, и тоа не само политички, туку и правен услов за членство.

Уште поважен, можеби и порелевантен за нашиов случај, како што рече, е членот 4, став 2, „нешто што ние во уставното право го нарекуваме клаузула на национален идентитет, бидејќи јасно се вели дека Унијата ќе ја почитува еднаквоста на сите членки, не само на тие внатре, туку и на оние коишто сакаат да влезат внатре“.

– Зошто? Бидејќи се однесува на националниот идентитет, на културниот идентитет и ова најважното – инхерентен на фундаменталните политички и уставни структури на државата, додаде претседателката.

Значи, вели таа, ЕУ ќе ги почитува уставните и политичките структури.

– А тука е и логиката на другата група држави, кои велат дека ова се однесува само на членките кои се внатре во ЕУ. Апсурдно е дека вие не мора да ги исполнувате овие критериуми кога аплицирате, ама откако ќе влезете… е, тогаш мора. Па ако е така, тогаш кога ќе влезат државите, сигурно ќе ги менуваат уставите. Има држави, како Италија и Холандија, кои немаат ниту еден збор за Европската Унија. Има држави коишто внесуваат најчесто една глава во Уставот што се однесува на односот меѓу уставното право, домашното, националното и акито, односно европското право. Ама ние со децении се хармонизираме. Со што се хармонизираме? Па точно со овие принципи бидејќи тие кореспондираат со Копенхашките критериуми и не случајно се утврдени – истакна Сиљановска Давкова.

Таа напомена уште еден важен член, членот 4, ама сега ставот 3, бидејќи тој вели дека се поттикнува или се бара искрена соработка, па и во Договорот за пријателство и добрососедство со Бугарија, основниот принцип е bona fide.

– Значи, пријателство и добрососедство, не непријателство и вето. И суштината на пријателството и на добрососедството е во преамбулата на Договорот. И таа вели дека нашиот сосед ќе нѐ помага на патот со сопствените искуства, исто така ќе ни го отвори патот кон Европската Унија и тоа некако звучи скандинавски. Ама не е така – рече претседателката, притоа укажувајќи и на последниот релевантен член – членот 49, кој се однесува на тоа кога вие можете да влезете, кога може да станете членка на Европската Унија.

Таа појасни дека тој член многу убаво се осврнува на претходните што ги наброја – дали членката, кандидатката ги исполнува.

– И понатаму следи она што го слушам деновиве и не го разбирам. Следи одлуката на парламентот, значи на македонскиот парламент со двотретинско мнозинство, кој треба да го чуе, преку пратениците, гласот на граѓаните. Како? Не само со двотретинското мнозинство, туку и со референдум на којшто граѓаните ќе одлучат дали се за членство во Европската Унија по ратификацијата од другите членки. Значи ние предложивме решение коешто не би го предложиле другите држави. Решение дека ајде и по 37-ми пат ќе менуваме Устав, рече претседателката Сиљановска Давкова, алудирајќи на тоа дека проблемот со нашето членство во ЕУ не е Уставот, зашто тој има веќе 36 амандмани, 36 пати е менуван и секогаш под влијание на меѓународната заедница.

Наместо уставен патриотизам, таа смета дека ние честопати се одметнувавме или префериравме не само уставен релативизам, туку дури и уставен нихилизам.

– Зошто? Несоодветно однесувајќи се кон законот на законите, кон највисокиот закон секаде, ама и кон најсуштинската општествена повелба меѓу граѓаните. Општествен договор, што би рекол Жан-Жак Русо. Доказ? Тоа се 36 амандмани, најголем дел од нив иницирани од надвор. Прашањето е сега дали суверенитетот, при промените на Уставот, имавме предвид дека извира од граѓаните и им припаѓа ним, бидејќи обично сите преамбули ова го изразуваат и со првата реченица од преамбулата „Ние, народот…“ итн., а само кај на игледа е: „Ние, народот и меѓународната заедница“, или „Ние, народот и Европската Унија“, или… Но, зборуваме за Устав. И јас затоа секогаш потенцирам дека припаѓам на групата конституционалисти кои кога ги читаат темелните извори или уставните извори на Европската Унија, се разбира дека ги читаат не само низ очите на членките на ЕУ, туку и низ очите на кандидатите, сметаат дека тие треба европеизирани да отвораат поглавја, кластери или да бидат веќе со европски капацитет кога ќе влезат внатре, истакна претседателката Сиљановскa Давкова во интервјуто за МИА.

The post ИСТОРИСКИТЕ СПОРОВИ СЕ ГУБЕЊЕ ВРЕМЕ Македонија треба да се европеизира преку реформи и владеење на правото appeared first on plusinfo.mk.

The post БЕЗ ГАРАНЦИИ, НЕМА УСТАВНИ ИЗМЕНИ Најмалку што може Софија е да ги исполни пресудите appeared first on plusinfo.mk.

Оваа состојба во која сега се наоѓа Македонија е резултат на потпишувањето на контроверзни анекси на Договорот за добрососедство со Бугарија од страна на СДСМ и ДУИ, вели пратеник во Собранието и член на ИК на ВМРО-ДПМНЕ Антонио Милошоски.

Тој се осврна на Извештајот од Европскиот Парламент и предлогот во него да се потенцираат македонскиот јазик и идентитет.

– Предлогот во ЕП не доаѓаше од македонски пратеници, туку од европратеник известител за Македонија, кој е пратеник од Австрија. Известителот проценил дека тоа би требало да биде дел од Извештајот. И од една страна на Комисијата за надворешна политика во ЕП тој предлог-извештај помина во почетната форма, а потоа видовме што се случи на пленарната седница – рече Милошоски во гостување на Сител.

Според Милошоски, трошењето на ресурси немаше да се случи доколку претставници и функционери на претходната влада на СДСМ и ДУИ не потпишуваа контроверзни анекси надоврзани на Договорот за добрососедство со Бугарија.

– Нам не ни треба нечија потврда за постоењето. Нам ни треба само една потврда за вистинските искрени или скриени намери на соседна Бугарија. И да бидам уште појасен. Ова веројатно немаше да биде воопшто потребно, ваквото трошење на ресурси, дипломатски, политички, државни, на оваа тема, доколку Зоран Заев, Никола Димитров, Бујар Османи, Бојан Маричиќ и другите лековерно не ги потпишаа Договорот за добрососедство и сите непотребни, би рекол и контроверзни анекси кои што ги надоврзаа на истиот – вели Милошоски.

Тој додаде дека Владата има основана доза на скептицизам дали Бугарија ќе го прифати предлогот за заедничка резолуција во Европскиот Парламент. Скептицизмот, вели Милошоски, се темели на изјави дадени од страна на официјални лица на Бугарија, за кои рече звучат слично како изјавите на официјалните лица на Москва за самобитноста на украинскиот народ и јазик.

– Имаме основана доза на скептицизам, бидејќи изјавите на повеќе официјални лица на соседна Бугарија звучат слично како изјавите на официјалните лица на Москва за самобитноста на украинскиот народ и јазик. Во 21. век не би требало нормалниот човек тоа да го очекува, но, за жал, сè уште има рецидиви од минатото – рече тој.

Додаде и дека кога би биле во позиција на некоја од скандинавските земји, каде што нема негирање на самобитноста на еден народ и јазик, ние не би имале потреба од заедничка резолуција.

– Но, кога гледаме дека Бугарија дипломатски и политички атакува на самобитноста на македонскиот народ и посебноста на македонскиот јазик ваквите иницијативи можат да бидат корисни. Има скептицизам дали ќе биде прифатено или не, доколку биде прифатено би било позитивно за Македонија, а доколку биде одбиено тогаш барем ќе знаеме на што сме, дали имаат искрени и чесни намери или задни намери. Наша обврска е да понудиме нешто разумно и аргументирано, нешто што ќе значи взаемна почит на македонскиот народ кон бугарскиот и обратно. Дали ќе биде прифатено или не, да почекаме во следниот период – рече Милошоски.

Тој додаде дека критиките се добредојдени од јавноста, но последиците се поради претходната власт, која го загрози идентитетот и самобитноста на македонскиот народ.

– Затоа прифаќаме критика и од академската фела, прифаќаме сугестии и од јавноста. Но, во секој случај, се обидуваме да поправиме одредени штетни последици, коишто настанаа како резултат на ваквите лесни потписи во име на државата, а коишто сега ги трпиме како штета на идентитетот и самобитноста на македонскиот народ и нашиот јазик – рече Милошоски.

The post НЕ НИ ТРЕБА ПОТВРДА ЗА ПОСТОЕЊЕТО, ТУКУ ЗА ВИСТИНСКИТЕ НАМЕРИ НА БУГАРИЈА Лековерните потписи на Заев, Димитров и Османи донесоа штетни последици appeared first on plusinfo.mk.

На патот кон ЕУ нема да виткаме кичма, нема да коленичиме, нема да попуштаме пред ултиматуми и нема да отстапиме од заштитата на интересите на народот, благодарение на кој ние денес сме тука, за чесно да му служиме, рече денеска премиерот Христијан Мицкоски на прес-конференција во Владата по повод 100 дена владеење. Тој е категоричен дека ќе нема уставни измени доколку тие не се со одложено дејство и не сакаше да ги коментира изјавите на вицепремиеот Изет Меџити дека Бугарите ќе бидат вметнати во Уставот до крајот на оваа година.

Премиерот предложи да се измени Договорот за добрососедство со Бугарија по урнек на Преспанскиот договор со Грција, кој е условен договор.

– Нам ни се вели дека договорите мора да се почитуваат, Pacta sunt servanda. Ние го почитуваме Преспанскиот договор и користиме Северна надвор, при заклетви. Францускиот предлог не е договор. А каде во договорот со Бугарија стои дека мора да го смениме Уставот? Преспанскиот договор е условен, стои дека ќе поминат уставните измени, но ќе бидат ефективни кога грчкиот парламент ќе го ратификува пристапниот протокол за влез на Македонија во НАТО. Го сакаме ли овој Пакта? Ајде така да го примениме и со Бугарија, дека уставните измени ќе станат ефективни кога Бугарија ќе го ратификува пристапниот договор за ЕУ. Што е различно? Или за ова може, за она не може? А зошто не може? Зашто се собрале тројца корумпирани политичари кои потпишале сѐ и мислеле дека сѐ ќе им биде заборавено – рече премиерот Мицкоски.

Тој додаде дека не сака политика со двојни стандарди и со ултиматуми. Тоа не се европски вредности, потенцира Мицкоски, туку како што вели, треба да се разговара.

– Тоа понуди унгарскиот премиер Виктор Орбан. Рече, ние претседаваме со ЕУ, да седнеме да разговараме. Јас прифатив, жалам што источниот сосед не прифати. Но, јас стојам на располагање. Нема да влеземе во процес што не ни гарантира успешен крај – рече Мицкоски.

На критиките на опозицискиот СДСМ дека новата влада го сопрела евроинтегративниот пат на Македонија, премиерот рече дека е навикнат од нив да слуша дифузни и збунувачки ставови.

– Жалам што се претворија во ова, им посакувам побрзо да излезат од летаргијата – рече Мицкоски.

На прашањето што конкретно ќе преземе за патот на државата кон ЕУ Мицкоски рече дека граѓаните ќе мора да се навикнат на политичари што не коленичат, кои работат чесно и одговорно, без да ги ограбуваат граѓаните.

– Останува фокусот кон ЕУ. Не сме сами, имаме многу пријатели. Ако мислите дека треба да ги полираме чевлите на политичарите во ЕУ, со мене не може така, јас сакам дискусија со аргументи. Не слушнав ниту еден аргумент зошто да не бидеме дел од ЕУ, а слушнав многу вештачки аргументи. Остануваме посветени, со партнерства и пријателства. Денеска во очите на многу земји членки ние сме тие кои апсолутно имаме аргументи, а другата страна нема. Не е аргумент дека тие се внатре, а ние сме надвор. Дикат не прифаќам, сѐ додека граѓаните нѐ поддржуваат – рече Мицкоски.

Премиерот во обраќањето по повод 100 дена Влада повторно нагласи дека владината коалиција е стабилна и дека и покрај различните мислења за одредени прашања, сепак сите коалициони партнери се обединети околу стратешките прашања.

Тој ги оцени како успешни изминатите 100 дена од работата на Владата и рече дека она што го прави горд и задоволен е тоа што сите оние кои добиле шанса, во најголем дел ја исполниле дадената можност без разлика од која политичка партија доаѓаат.

– Коалицијата има двотретинско мнозинство, ова не е коалиција што се бори за својата стабилност. Хармонијата и колегијалниот дух владеат во коалицијата, на моменти нормално е да постојат и различни мислења, но тоа не значи дека не се согласуваме за стратешките прашања – рече Мицкоски.

На опозицијата ѝ порача да биде конструктивна и силна и наместо со обвинувања, да се натпреварува со политики кои ќе донесат подобар стандард на граѓаните.

– Има такви кои велат дека ВМРО-ДПМНЕ направило премногу отстапки на коалиционите партнери и такви кои велат дека ВМРО-ДПМНЕ ги поништи своите коалициони партнери. Ги слушам сите тие гласови кои доаѓаат од опозицијата од кои едната се обидува да опстане на политичката сцена, а другата преку националистичка реторика се труди да се врати на политичката сцена. Тие мислат дека ако испраќаат такви пораки ќе внесат раздор и недоверба во таа коалиција. Можам да ги разочарам и да им кажам дека не само што не се успешни, туку таквото нивно однесување го зајакнува заедничкиот дух. Не смееме да се вратиме кон овие политичари кои поминаа децении во македонската политика, а ќе останат запаметени по корупција и многу предавства на сметка на личните интереси. Нема да навлегувам зошто ДУИ во изминатите 21 година не успеа да ги постигне стратешките цели, зошто СДСМ на лага се обидуваше да ја задржи својата власт. Имам да им порачам на двете партии дека имаме потреба од силна и конструктивна опозиција со која ќе се напреваруваме за политики кои ќе донесат подобар стандард на граѓаните – рече Мицкоски.

The post ПРЕСПАНСКИОТ ДОГОВОР Е УСЛОВЕН, ЗОШТО ДА НЕ БИДЕ ТАКА И СО ДОГОВОРОТ СО БУГАРИЈА? Мицкоски не отстапува од предлогот за одложена примена на уставните измени appeared first on plusinfo.mk.

Радев денеска упати остро предупредување до политичарите во Македонија во кое наведе дека Република Бугарија не прифаќа изјави и однесување кои се во спротивност и со Договорот за пријателство, добрососедство и соработка од 2017 година и со другите меѓународни договори што Македонија ги има потпишано.

„Преговарачката рамка, за информирање на одговорните институции во РСМ, нема да се ревидира“, се наведува во соопштението на претседателството, пренесе Њуз.бг.

„Веќе во првата реченица од ставот на бугарскиот претседател се напишани сите карактеристики на нашиот западен сосед – Република С. Македонија (РСМ), јасно наспроти демонстрациите што вчера ги направи Гордана Силјановска, која положи заклетва како нов претседател на земја, но без изговарање на меѓународно признатото име државата“, се вели во дел од соопштението и се додава:

„Бугарија постојано и јасно го кажа својот став дека договорите мора да се исполнат“, подвлекува шефот на државата Румен Радев и експлицитно потсетува дека Република С. Македонија е земја членка на НАТО, од која произлегуваат соодветните обврски и одговорности“.

The post БУГАРИЈА НЕ ПРИФАЌА ИЗЈАВИ СПРОТИВНИ НА ДОГОВОРОТ ЗА ДОБРОСОСЕДСТВО По Мицотакис, на говорот на Сиљановска Давкова реагираше и Радев appeared first on plusinfo.mk.

Во одговор на прашање на порталот Плусинфо, Министерството за надворешни работи на Република Бугарија ја реафирмира позицијата соопштена на 16 јули, во која, меѓу другото, се предупредува  дека Софија очекува „совесно исполнување на сите преземени обврски, а не обиди да се толкува дали процесот на европска интеграција бара нивно исполнување“.

Плусинфо вчера (8 август) до Министерство за надворешни работи на Република Бугарија го постави следното прашање:

„Министерот за надворешни работи на Северна Македонија, г-дин Бујар Османи, во последните неколку дена повеќе пати јавно изјави дека Договорот за добрососедство меѓу двете земји и двата протокола поврзани со овој договор не се дел од поглавјата на Преговарачката рамка за преговорите меѓу Северна Македонија и Европската Унија, дека тие се во нејзиниот општ дел и дека Европската комисија нема да гласа за исполнување на обврските кои произлегуваат од овие документи и дека нема да бидат презентирани писмени извештаи.

Министерот Османи ја убедува македонската јавност дека по усвојувањето на уставните измени, Република Бугарија нема формални можности да ги блокира преговорите со Северна Македонија врз основа на оценката дека не се исполнуваат обврските преземени со Договорот за добрососедство.

Би сакале да го пренесеме ставот на бугарското Министерство за надворешни работи по ова прашање“.

Од бугарското МНР утрово (9 август) го добивме следниот одговор:

„Во врска со вашето барање, сакаме да ве информираме дека официјалниот став на Министерството за надворешни работи на Република Бугарија е објавен на 16 јули 2023 година на официјалната веб-страница на Министерството за надворешни работи“.

Под наслов „Позиција на Министерството за надворешни работи на Република Бугарија“, на веб-страницата на оваа институција е објавен текст со следната содржина:

„Во врска со многуте прашања од медиумите во врска со природата на европскиот компромис постигнат во 2022 година за европскиот пат на Република Северна Македонија, Република Бугарија сака да потсети на следново:

Основен принцип на меѓународното право е Pacta sunt servanda. Договорите мора да се спроведуваат, без разлика дали се мултилатерални или билатерални. Неспроведувањето на потпишаните договори ја поткопува довербата, конзистентноста и предвидливоста во односите меѓу државите и предизвикува контрамерки. Од нашите пријатели во Северна Македонија секогаш очекувавме совесно исполнување на сите преземени обврски, а не обиди да се толкува дали процесот на европска интеграција бара нивно исполнување.

Патот на Северна Македонија кон членството во ЕУ има јасно дефинирани параметри. Неодговорно и контрапродуктивно е да се нарушува тешката и деликатна рамнотежа со несоодветни и тенденциозни толкувања кои отстапуваат од критериумите јасно утврдени од Советот на ЕУ за оваа работа. Посебно опасни се обидите манипулативно да се претстават веќе договорените и опишани во компромисот од 2022 година како некои нови барања на Република Бугарија.

Преговарачката рамка, која според одлуката на Советот на ЕУ ќе ѝ биде предадена на Северна Македонија по завршувањето на фазата на отворање на преговорите, експлицитно ги утврдува принципите што ќе ги дефинираат преговорите за членство. Во точката 5 се нагласува дека напредокот на земјата апликант ќе се мери според јасно дефинирани услови, меѓу кои се критериумите од Копенхаген, Процесот за стабилизација и асоцијација и ‘… Посветеноста на Северна Македонија за добрососедски односи и поблиска регионална соработка, вклучително и преку постигнување на опипливи резултати и совесно спроведување на билатералните договори, вклучително и […] Договорот за добрососедски односи со Република Бугарија од 2017 година, како и годишните прегледи и мерки за негово ефикасно спроведување согласно чл. 12 од овој договор’.

Бугарија нема нови услови кон Северна Македонија. Напротив, таа искрено сака да го види својот сосед како напредува кон полноправно членство, преку успеси во реформскиот процес и напорите за градење добрососедски односи. Го очекуваме првиот чекор во овој процес, согласно обврските потпишани од Скопје во јули 2022 година – ‘… стапување во сила на измените на Уставот на Северна Македонија за оние нејзини граѓани кои живеат на територијата на оваа земја и се дел од други народи, како што е бугарскиот народ, според внатрешните процедури, вклучително и преку уставен закон за нивно спроведување’“.

Во наведениот текст позицијата на бугарското МНР е јасно соопштена. Во неа прецизно се наведени следните ставови:

• Постигнување опипливи резултати и совесно спроведување на Договорот за добрососедски односи со Република Бугарија од 2017 година, како и годишните прегледи и мерки за негово ефикасно спроведување согласно чл. 12 од овој Договор, е „јасно дефиниран услов“ (еден од повеќето) според кој ќе се мери „напредокот на земјата апликант“ (Македонија);
• Софија јасно нагласува дека „неспроведувањето на потпишаните договори ја поткопува довербата, конзистентноста и предвидливоста во односите меѓу државите и предизвикува контрамерки“.
• Софија предупредува: „Неодговорно и контрапродуктивно е да се нарушува тешката и деликатна рамнотежа со несоодветни и тенденциозни толкувања кои отстапуваат од критериумите јасно утврдени од Советот на ЕУ за оваа работа“.
• Софија како „посебно неодговорни“ ги смета „обидите манипулативно да се претстават веќе договорените и опишани во компромисот од 2022 година како некои нови барања на Република Бугарија“.

По одговорот на Софија, јасно и недвосмислено може да се заклучи дека тоа што министерот Османи го црташе на табла, објаснувајќи дека за остварувањето на преземените обврски од билатералниот договор со Бугарија и за два протокола немало да се гласа и немало да има писмени извештаи, е манипулативно толкување на членот 5 од Преговарачката рамка.

Османи сега на својата ученичка табла треба да напише: „Договореното со Бугарија е услов според кој ќе се мери напредокот на Македонија кон ЕУ“. Тоа е вистината.

The post ОСТВАРУВАЊЕТО НА ДОГОВОРЕНОТО СО БУГАРИЈА Е УСЛОВ СПОРЕД КОЈ ЌЕ СЕ МЕРИ НАПРЕДОКОТ НА МАКЕДОНИЈА КОН ЕУ Позицијата на Софија е јасна и непроменета, Бујар Османи манипулира на ученичката табла! appeared first on plusinfo.mk.

Имам необичен хоби да ги истражувам, секако аматерски, етимолошкото значење на имињата,  од кои често се изведени и презимењата. Пред речиси една година го анализирав името Бујар, на нашиот министер за надворешни работи. Во колумната наведов дека името Бујар  е синоним на великодушност, широкоградост, несебичност, галантност, милосрдност, толерантност и племенитост. За еден  хирург тоа се очекувани доблести, што е во склад и со Хипократовета заклетва. Но, во дипломатијата постојат поинакви аршини, бидејки тоа е друга професија.

Во толкувањата на Спогодбата за пријателство со Бугарија од 2017 година и на т.н. француски предлог усогласен со Берлин, а породен во бугарското собрание (пред тоа, по  дипломатски пат, со ова запознаен и Брисел, односно сите држави членки на ЕУ), министерот Османи покажа значителен дел на потеклото на своето лично име. Пред се, галантност и широкоградост во однос на бугарските барања. Истовремено, со прифаќањто на преговарачката рамка со потпишаните протоколи, од кои на еден и самиот го ставил својот потпис, Османи покажа милосрдие и толеранција.

Инаку, името Осман, од кое е изведено и презимето Османи, има арапско потекло со повеќе значења, меѓу кои   и младенче на змија. По толкувањето на името Осман, се наведуваaт личности  предодредени за големи височини во кариерата, така што многумина се прашувале како успеваат да се справат со различини проблеми. Тоа, пак, покажува дека нашиот министер е силна личност со голема самодовеба и има шанси да стане изразен лидер, дури да води и држави, како своевремено неговиот имењак, Султанот Осман Први, творец на Османлиското  царство.

Што се однесува на лидерските амбиции, тој веќе беше министер за здравство, вицепремиер за ЕУ-интеграции и сега е актуелен министер за надворешни работи во најчувствителниот период на најновите позционирања на светската политичка сцена.

Министерот Османи до таа мера е племенит и великодушен, што дури и на дебатите околу промената на нашиот Устав и влегување на Бугарите во Уставот, гледа хамлетовски. Тие што се против промената на Уставот под диктатот на Бугарите ги класифицира  како руски ботови, а ти што се „за“ ги глорифицуира како Европејци, при што прави две изнудени (Вашингтон и Брисел) грешки.

Прво, непотребно ја иритира Русија (таквите дипломатски гафови кај нас се редовни, своевремено ги избркавме  Кинезите од Скопје), која нѐ вброи во непријателски држави, со што се блокира и активноста на нашата амбасада во Москва, посебно дејноста на нашиот амбасадор, кој сега тешко може да влезе во монументалната сталинистичка грдосија на Садовоје каљцо, кадешто е сместено руското МНР. Со тоа  се обезвреднува  нашето председавање со ОБСЕ, институција која веќе го изгубила  реномето и станала прибежиште на добро платени чиновници и функционери, посебно на врвните на кои им отскочна штица на напредување во меѓународните гремиуми.

Второ, како председавач на ОБСЕ, министерот Османи  презентираше некаков план во девет точки за нормализација на ситуацијата на Косово ( на 3 јуни о.г.). На веб-страницата на ОБСЕ нема никаква информација за тоа. Тој план не е план на ОБСЕ, туку на владата на Република Северна Македонја и негов личен став, како што самиот наведува, напоменувајќи дека негова  улога е како претседавач со ОБСЕ да понуди решение за деескалација и дека  е еден од комплементарните обиди со останатите меѓународни организации да се деескалира и да се нормализира ситуацијата и двете страни да му се вратат на дијалогот започнат во Охрид. Што, пак, значи дека неговиот план е  фолоу-ап од средбата во Охрид (18 март о.г.) меѓу српскиот претседател Вучиќ и косовскиот премиер Курти, во присуство на Борел, висок претставник на ЕУ за надворешната и безбедносната политика  и Лајчак, специјален пратеник на ЕУ за дијалогот меѓу Белград и Приштина.

Се разбира дека во вилата „Билјана“ најзадоволни беа премиерот Ковачевски и министерот Османи, пред сѐ поради изборот на градот на средбата, што асоцира на успешниот  Охридски договор од 2001. Се разбира  задоволен беше и Ескобар, специјален пратеник на САД за Западен Балкан, пред се што клучниот збор на Вашингтон – нормализација  на односите меѓу Белград и Приштина – во Охрид беше усмено прифатен од сите страни.

Со оглед дека ЕУ ја води играта на Косово и има дадено три предлози за деескалација, планот на министерот Османи личи на самопромоција на големиот надворешно-политички стратег, чии што крајните амбиции не се целосно исполнети. А кои се тие – наскоро ќе видиме.

Трудољубљивиот министер Османи успева сѐ да постигне. Портпарол е на зелената партија, решава кадровски проблеми во ДУИ, гаси пожари предизвикани од „огнените“ и го едуцира народот за безопасноста на измените на Уставот и за бенилноста на преговарачката рамка и на потпишаните протоколи, со засукани ракави на белата кошула со што покажува американски стајлинг, цртајќи на школската табла од времето кога јас сум одел на училиште.

Во рамките на добрососедските односи, министерот Османи можеше да го замоли претседателот Вучиќ да му ја позајми скапата кинеска електронска табла. Тоа можеше да го направи за време на чествувањето на Илинден во манастирот „Прохор Пчињски“, заедно со полубалканецот, претседателот Пендаровски. Во таа прилика  од српскиот владател можеше да добие идеја како да се справиме со Бугарите, цитирајќи ја изјавата на неговит министер Дачиќ дека „ако во Бугарија нема Срби, нема Бугари ниту во Србија, и проблемот со положба на малцинството е решен“. Османи секако не би бил задоволен со ваквиот братски совет.

Наместо да црта и д брише по таблата со илустрации слични на оние во детските списанија за предшколска возраст, министерот Османи, како експерт за функционирање на ЕУ, посебно за пристапниот период, требаше суштински да го објасни проблемот. Имено, сѐ она што сега ни објаснува го прави пост фестум. Објаснува нешто  што владата сама си го подготвила и сега бара чаре.

Проблемот не е кај народот кого го плаши. Проблемот е како да се најде излез од лавиринтот во кој власта влезе самата. Никој не зборува за штетноста на Договорот за пријателство  со Бугарија, од кој сѐ произлезе. Да немаше таков штетен договор, ќе имавме и нормална преговарачка рамка. Се повторува нашето дипломатско дилетанство. При приемот во ООН прифатвме дополнителни услови, со што не се испочитува и Повелбата на ООН. Со Преспанскиот договор ни го сменија името. И не само тоа, сега покрај Копенхашките критерии, ЕУ воведува  до сега непознати услови.

Османи треба да признае дека сегашната ситуација кај нас е пораз на  македонската дипломатија која тој ја предводи. За разлика од Бугарија, која има постојана национална програма, ние немаме национално единство. Се стекнува впечаток дека имаме политичари кои со своите постапки  придонесуваат за кинење на македонско национално ткиво, што им одговара на Бугарите, но не само на нив. Последен е примерот со прославите на Илинден во Република Македонија и во Бугарија.

Промената на министрите за надворешни работи во контекст на партиските пазарања, не го решаваат проблемот. Важна е институцијата со која раководат, а која не функционира. Министрите не мислат на институцијата со која раководат. Тие треба да се креатори, а не послушни  партиски извршители. Само така нашата дипломатија после 30 години може да се извлече од калта.

Станавме министертво за компромитација. Ги наведувам последните два примера.

Официјалното соопштение на МНР дека амбасадорот од Токио е повлечен поради незадоволството со неговата работа, макар што од објавениот текст се стекнува печаток дека се работи за протерување , а не за повлекување. Давање на рок од 5 дена да се врати, во дипломатски жаргон, значи протерување. Всушност, повлечениот ни амбасадор е повеќе од месец дена во Скопје.

Вториот е на линија Мисијата на РМ во Њујорк – МНР. Исплатените пари, дел од сукцесијата од 3,4 милиони долари за продадениот имот на поранешната ни држава, сѐ уште е во касата на Мисијата, веројатно за подобрување на условите за нашите агилни дипломати, што секако е приоритет. Еден поранешен  наш министер за надворешни  во функција на амбасадор во истото претставништво, поради таквата амбиција, даде оставка, што МНР спремно ја прифати. Сегашниот амбасадор молчи.

Но, конечно да се вратам на насловот од летнава колумна. Министерот Османи повеќе пати предпредува дека невлегувањето на Бугарите во Уставот може да ги наруши меѓуетничките односи. Сега, кога Албанците кај нас ја доживуваат Периклевата ера на националната афирмација, сега кога кога доминираат на македонската политичка сцена, тие шират непотребна  фобија меѓу граѓаните на нашата држава. Членство во НАТО и во ЕУ не ги елиминира можните етнички недоразбирања па дури и судири. Согласно на  значењето на презимето Османи, нашиот уште малку министер треба да биде градител на европската архитектура, која очигледно не е завршена, како впрочем и францускиот архитект баронот Жорж-Ежен Осман, кој урбанистички  е  творец на градот на светлината.

На насс ни се потребни градители на македонскиот идентитет, со сите атрибути што му припаѓаат.

The post Османофобија appeared first on plusinfo.mk.

– Да ја затвориме темата, дека утре може некоја бугарска влада да каже имаме нов услов. Нема нов услов. Преговарачката рамка е затворена. Во преговарачката рамка има три патокази. Во едниот од патоказите има Акциски план за малцинствата, тоа е единствениот услов, којшто е влезен во бенчмарковите за отворање и затворање на поглавјата. Тој Акциски план не се однесува само на бугарската заедница, туку се однесува на сите заедници во државата. И се разбира тука ќе треба да се исполнат сите тие услови по однос на подеднакви права на сите граѓани независно од етничката припадност – истакна Османи.

Тој потсети дека во Преговарачката рамка се и Преспанскиот договор и Договорот за добрососедство со Бугарија, во генералниот дел, каде се проценуваат добрососедските односи, а не во делот на патоказите.

– Се надеваме дека ќе изградиме односи, во кои добрата волја ќе го води процесот, во кои ќе создадеме разбирање еден за друг, почит еден за друг и дека двете страни нема да бидеме со калкулатор в рака и да проценуваме, кој што направил од договорите. Јас се надевам на таков однос со Бугарија – рече Османи.

Во однос на уставните измени тој нагласи дека во моментов работат на две паралелни патеки – едната е со опозицијата во целина, другата е со пратениците во Собранието.

За тоа до кога ѝ дале рок на опозицијата да размисли во однос на уставните измени, Османи истакна дека сѐ до првото гласање во Собранието отворен е простор за договор со опозицијата. Министерот за надворешни работи истакна дека самиот процес на измена на Уставот има конкретни рокови и процедури и нагласи дека шанса за договор со опозицијата постои до моментот кога ќе дојде на ред првото гласање.

– До денот кога на пленарна седница ќе ги има првото гласање отворени се опциите за да има договор со опозицијата во однос на уставните измени, вклучувајќи го и планот од три точки, кој го претставив вчера. Се надевам дека во наредниот период драфтот ќе биде препратен од Владата до Собранието и тука ќе почне одбројувањето на роковите – рече Османи.

Османи се надева на зајакнување на дијалогот со Бугарија и дека односите ќе бидат конструктивни. Шефот на дипломатијата изјави и дека со новата бугарската министерка за надворешни работи Марија Габриел договориле мошне брзо да имаат средба во Скопје или во Софија.

Османи во однос на тоа дали на Преспа форумот оваа година има високи претставници на Бугарија и на Грција посочи дека тој ја поканил бугарската министерка да присуствува, но оти таа побарала од него да има разбирање, бидејќи штотуку стапила на функцијата, па се договориле да се сретнат во најскоро можно време. На овогодишниот Преспа форум, со кој се одбележуваат и пет години од потпишувањето на Преспанскиот договор, како што рече Османи, има претставник од бугарското МНР, а од страна на Грција, која како што рече е во изборен процес, присуствува директорот на грчкото МНР.

Во однос на присуството на високи претставници на ЕУ, Османи рече дека преку видео порака ќе се обрати претседателот на Европскиот совет Шарл Мишел, а во Струга лично се присутни други високи претставници на Унијата.

The post ВЛАСТА ПРИТИСКА НА 2 ПАТЕКИ ЗА УСТАВНИТЕ ИЗМЕНИ И да сака Бугарија не ќе може да бара нови услови, тврди Османи appeared first on plusinfo.mk.

„Од секогаш сум тврдел дека македонското прашање може да се затвори само тогаш кога ќе е во корист на Македонија и на македонскиот народ и само тоа ќе донесе траен мир и стабилност на Балканот, наспроти аспирациите на некои соседи. И сè додека тоа не се случи, не само што ќе стои отворено, туку ќе предизвикува многу меѓудржавни проблеми, инциденти меѓу сензибилизираното население и многу други непосакувани ситуации“, пишува поранешниот македонски премиер Никола Груевски во подолг коментар за сутацијата со Бугарија.

Тој вели:

„Не случајно, колку и да го посакувавме тоа за да немаме пречки на патот кон ЕУ, долго време владата која ја предводев не постигна договор со Република Бугарија за текстот на договорот за пријателство ниту пак прифати заеднички чествувања кои и тогаш ни ги бараа.

Намерите и стапиците беа така очигледни што секој што барем малку разбира политика и историја можеше да ги види. Уште повеќе кога како и секоја сериозна влада ќе извршеше консултации со научните работници од сверата на историјата.

Актуелната власт лекоумно и брзоплето влезе во авантура на потпишување на договорот со Бугарија за само два месеци по нивното доаѓање на власт. Последиците ги гледаме денес и допрва ќе ги гледаме. Тогаш важно беше да се покаже некаков наводен брз успех и да се каже дека ние сме биле виновни за сè, а не бил проблемот кај Бугарија и нивните несоодветни барања и условувања.

Владата која ја предводев се спротивстави на вметнување на фразата „заедничка историја”. Беше јасно дека имајќи ја силата на членка на ЕУ, Бугарија тоа ќе го користи македонската историја да се прикаже за бугарска а македонските револуционери за бугарски и тоа ние да го прифатиме. Од тој договор произлегуваат денешните проблеми и новите барања и условувања на соседна Бугарија со промена на уставот, чествувањата итн, од кој пак произлегуваат непосакувани инциденти, негативна енергија и дополнителни влошувања на меѓудржавните односи.

Кога прашањето за овој дoговор и неговиот текст кој веќе беше испратен на гласање во парламентот го дискутиравме на седница на извршниот комитет во партијата, се сеќавам дека таму кажав дека најголем (иако не и единствен) проблем во договорот е заедничката историска комисија, бидејќи нашите сили се асиметрични имајќи во предвид дека тие се, а ние не сме членка на ЕУ, а сакаме да бидеме, и дека таа комисија ќе се претвори во клучен инквизаторски инструмент за уцена со наводен научен параван кој нема да има никаква врска со историската наука туку ќе биде политички инструмент на нашиот источен сосед за остварување на своите вековни цели, македнската историја, јазик, идентитет и нација да добијат бугарски карактер.

Професорот по историја д-р Никола Жежов дава многу јасен, концизен, конкретен и прецизен приказ на ова прашање, и ова кратко интервју од околу 25 минути вреди да се погледне.

Патем, по информацијата добиена по неофицијални канали, тој е прв на листата од тројца македонски професори – историчари на неформалниот список добиен во македонската влада по смената на власта и потпишувањето на договорот во 2017 година од страна на Бугарија, со барање: „Ставете кого сакате во македонскиот дел од историската комисија, само не овие тројца историчари”.

„Најинтересно е што СДСМ дури и во овој состав потпишувањето на тој договор со Бугарија, како и со подеднакво катастрофалниот договор кој всушност исто така беше класична капитулација со Република Грција ги смета за огромен и неверојатен нивен успех, а нас од тоа време сеуште не портретираат како некакви кочничари на добрососедските односи и кон членството во НАТО и ЕУ“.

За крај два цитати од ова интервју на професорот Никола Жежов:

„Гоце Делчев немал никакви допирни точки во поглед на бугарската историја. Јас немам ништо против ако тие сакаат и сметаат како бугарски народ дека треба да си го празнуваат, нека си го празнуваат во Република Бугарија и нека и објаснуваат на нивната јавност зошто Гоце Делчев е важен за бугарската историја. Меѓутоа, длабоко сум убеден дека заедничко чествување не треба да има. Тоа евентуално задничко чествување, за жал, бугарската политика сака да го искористи и да го прикаже Гоце Делчев како дел од т.н. „заедничка историја“, зашто таа „задничка историја“ тие ја третираат како бугарска историја. И поаѓајќи од тоа, сметам дека заедничко чествување не треб да има“, потенцира проф. Жежов.

“… историската комисија и нејзината работа веќе е ирелевантна и непотребна. Всушност, генезата и изворот на сите овие проблеми, што денеска ги имаме, е тој фамозен Договор потпишан на 1 август 2017 година. Таа несреќена придавка за нас Македонците за „задничка историја“ е генератор на сите проблеми, што ги имаме сега. Македонските и бугарските историчари не можат да најдат никаква заедничка точка за задничко чествување на Гоце Делчев”, пишува Никола Груевски.

The post ЗНАЕВМЕ ШТО ЌЕ БИДЕ АКО ПРИФАТЕВМЕ „ЗАЕДНИЧКА ИСТОРИЈА“ Груевски ја коментира ситуацијата со соседна Бугарија appeared first on plusinfo.mk.

Ова е едно од прашањата  што ги поставува академик Катица Ќулавкова во колумна во „Нова Македонија“. Ќулавкова пишува:

„Зошто толкувањето на историските настани треба да биде ставено во строги временски рамки и под притисок на рокови кои се ирелевантни за науката?

Зошто се поврзуваат историските и образовните прашања, односно науката со образовната политика? Зошто науката треба да им реферира на годишно ниво на владите како да се тие некои повисоки научни инстанци?

Дали се работи за некоја нелегитимна?

Дали членот 8 (од Договорот за добрососедство) создал услови за контрола на научната мисла и однапред ја одредил вистината за ‘заедничката’ македонско-бугарска историја како ‘бугарска’? Геополитичките стратегии, имено, ги предвидуваат потезите однапред, затоа и се темелат врз ‘визијата’, или крајната цел која треба да се постигне на одреден начин, во одредено време, со помош на одредени инстанци, лица и алатки?

Ваквиот договор, со еден израз, ја одредува стратешката цел – ревидирање на ‘заедничката историја’ како автентично и целосно бугарска. Тој израз е рефлексија на новиот пристап кон историјата, кој ќе го одреди и пристапот кон иднината.

Тој нов пристап е политички и геостратешки, тој ја одредува новата епистема или научна парадигма, следствено и ја воведува сѐ до степен на официјално инсталирање – новата слика за историјата, новиот историски наратив на македонската историја како бугарска“.

Целата колумна на академик Ќулавкова:

Убавиот збор и железни врати отвора, нели?

The post КАКО „ЗАЕДНИЧKАТА ИСТОРИЈА“ СТАНА БУГАРСКА Академик Ќулавкова за клучниот член 8 од Договорот за добрососедство appeared first on plusinfo.mk.