Народната банка успешно се справи со шоковите во изминатите години, намалувајќи ја инфлацијата, додека силната регулативна рамка и кредибилноста на централната банка придонесоа за задржување на финансиската стабилност.

Ова беше посочено на средбата на заменикот на генералниот директор на Меѓународниот монетарен фонд, Бо Ли, со македонската делегација во чиј состав се гувернерката на Народната банка, Анита Ангеловска-Бежоска и вицегувернерката Емилија Нацевска.

На сребата, како што соопштија од Народна банка, гувернерката Ангеловска-Бежоска посочила дека мерките што ги презеде Народната банка, заедно со намалувањето на цените на примарните производи на светските берзи, придонесоа за намалување на инфлацијата од 19,8% во октомври 2022 година на 2,6% во септември 2024 година.

„Се очекува просечната стапка на инфлација во 2024 година да биде блиску до проекциите на Народната банка од 3,5%. Ова е слична слика со последните прогнози на ММФ, коишто покажуваат просечна инфлација во 2024 година од 3,3%“, се наведува во соопштението.

Ова според Ангеловска-Бежоска е резултат на обемниот сет на мерки што ги презема централната банка преку интервенции на девизниот пазар, каматните стапки и задолжителната резерва.

– Од една страна, се спречи прекумерното задолжување на граѓаните и компаниите, а од друга се зајакна довербата во домашната валута. Овие мерки придонесоа и за зацврстување на билансите на банките, што е основа за задржување на стабилноста и создавање простор за справување со можните неповолни промени – истакна Ангеловска-Бежоска.

На средбата со заменикот на генералниот директор на ММФ, Бо Ли, била истакната и улогата на одржувањето на високото ниво на кредибилитет во работењето и независноста на Народната банка, како едни од најважните фактори коишто придонесоа за успешно остварување на целите и макроекономската стабилност во изминатите години во текот на неколку последователни кризи.

„Според анализата во ММФ, Народната банка е меѓу највисоко рангираните во регионот и цела Европа според новоизработениот индекс на независноста на централните банки. Независноста на Народната банка, придружена од транспарентноста и отчетноста, ѝ овозможува на централната банка високо ниво на доверба од страна на јавноста“, се вели во соопштението.

За јакнење на своите практики во поглед на транспарентноста во работењето, додаваат, Народната банка зеде учество во пилот-проектот за оцена на усогласеноста со новиот Кодекс на ММФ за транспарентноста на централните банки на ММФ, како прва централна банка во регионот.

The post ПРОСЕЧНАТА ИНФЛАЦИЈА ГОДИНАВА ЌЕ БИДЕ ОКОЛУ 3,5% Народна банка имаше успешни мерки за справување со инфлацијата appeared first on plusinfo.mk.

Резултатите од анкетата покажуваат дека 42 отсто од испитаниците позитивно ги оценуваат активностите на Бајден како претседател. Во јануари тој беше поволно оценет од 45 проценти. Истражувањето покажува и зголемување на незадоволни граѓани од работата на претседателот од 55 отсто во јануари сега на 57 проценти.

Покрај тоа, 67 отсто од анкетираните оцениле дека здравствената состојба на Бајден не му дозволува ефикасно да ги извршува своите должности, а за 65 проценти од испитаниците тој не влева доверба.

Севкупно, само 32 отсто од анкетираните рекле дека Бајден заслужува да биде реизбран. Поддршката за Бајден е најмала кај Американците помлади од 35 години. Само 26 отсто од нив изјавиле дека Бајден е достоен за реизбор.

Анкетата беше спроведена пред да биде обвинет поранешниот претседател Доналд Трамп.

The post БАЈДЕН ЈА ГУБИ ДОВЕРБАТА НА ГРАЃАНИТЕ Вкупно 57% од Американците се незадоволни од неговата работа appeared first on plusinfo.mk.