Премиерот Христијан Мицкоски изјави дека како Влада работат темелно и посветено на остварување на целите што ги имаат зацртано во насока на развој на државата и на процесот на нејзина евроинтеграција. Имаат план и стратегија на чие остварување работат без да ветуваат чуда, туку да ги постават работите на здрава основа.

– Ние работиме темелно, посветено, чесно и напорно. Резултатите полека доаѓаат. Тоа што е наша стратегија за реализирање на овие цели, полека се случува. Се разбира дека јавно нема многу да зборувам за деталите. Како човек очекувам да имаме добрососедски односи со сите соседи. Како претседател на Влада ќе сторам сè што е во наша моќ, прво да го заштитам интересот на граѓаните, да го заштитам идентитетот и интересот на државата. И второ, нормално, да градиме добрососедски односи со сите наши соседи врз основа на принципот на двонасочна улица. Затоа што за секоја работа во животот треба најмалку двајца – рече Мицкоски во одговор на новинарско прашање што може да се очекува од најавените утрешни средби на претседателката Гордана Сиљановска Давкова и министерот Тимчо Муцунски со бугарската претседателка Илијана Јотова.

​Не знам која би била евентуалната содржина на средбите, вели премиерот, но нагласи дека Владата има план и стратегија и работи на нивно исполнување.

– Ние чуда никогаш не сме ветиле. Затоа што ние не сме чудотворци. И секој којшто ветува чуда лаже, не ја говори вистината пред граѓаните. ​Ние само ветувавме напорна работа, тоа што и го правиме. Јас знам дека можеби има некои очекувања за некои работи да се случуваат побргу, но ова што денеска го зборувам, го зборував и во кампањата за изборите во 2024 година и ќе го зборувам и понатаму, бидејќи мора работите да се постават на здрава основа за генерациите после нас да немаат главоболки какви што ние имаме – рече Мицкоски во одговор на новинарски прашања по поставувањето камен-темелник на училиште во Ѓорче Петров.

The post КАКО ЧОВЕК ОЧЕКУВАМ ДОБРОСОСЕДСКИ ОДНОСИ, КАКО ПРЕМИЕР ДА ГО ЗАШТИТАМ ИНТЕРЕСОТ НА ДРЖАВАТА Мицкоски за најавената средба на Сиљановска Давкова со Илијана Јотова appeared first on plusinfo.mk.

Говорејќи за грчката надворешна политика, Сакеларопулу нагласи дека „најголемото и највлијателно достигнување беше членството Европската Унија, а потоа и во еврозоната“.

– Всушност, тоа, како ниеден друг настан, го дефинираше и го промени секојдневниот живот на Грците, решително придонесе за подобрување на животниот стандард и консолидација на меѓусебната поврзаност на европскиот и грчкиот идентитет. Постоеше промена на парадигмата во нашата модерна историја, бидејќи го консолидираше нашиот политич , општествен и вредносен хоризонт. Европа не може да се замисли без Грција и Грција е нејзин нераскинлив дел, не само историски, туку и активно, како рамноправен партнер и столб на Унијата во регионот на Балканот и Источниот Медитеран, посочи грчката претседателка.

Нагласи дека Грција секогаш се стремела кон добрососедски односи со сите земји од регионот. За Турција рече дека „и покрај повремените кризи и провокации од Турција, Грција покажа искрена посветеност на дијалогот како средство за решавање на проблемите и градење иднина на мир и просперитет за двата народа“.

– Во исто време, никогаш не ги прифативме опасните ревизионистички доктрини, закани за употреба на насилство или незаконски акти на терен. Нашиот национален суверенитет, територијален интегритет и суверени права никогаш не биле и нема да бидат ставени за преговарање – истакна Сакеларопулу.

The post ГРЦИЈА Е СТОЛБ НА ЕУ НА БАЛКАНОТ И НА ИСТОЧНИОТ МЕДИТЕРАН Атина ги поддржува балканските држави на европскиот пат appeared first on plusinfo.mk.

По самитот во Вашингтон во ексклузивно интервју за Македонската телевизија, премиерот Христијан Мицкоски испрати порака дека државата сака да гради добрососедски односи, но да се темелат на двонасочна улица. Во разговорот направен во Њујорк, каде имаше средба со македонските иселеници, премиерот вели дека жали што од самитот каде што требаше да се испратат пораки на обединување, има политичари што сè уште мислат на поделби.

– Жалам што од еден ваков самит, од кој требаше да се испрата пораки на обединување, имаме политичари кои сè уште мислат на поделби. Мојата порака ќе биде, каква што е впрочем во целиот овој период, приципиелна, без двојни стандарди, а тоа е дека ние сакаме да градиме добрососедски односи, апсолутно, но тоа мора да се темели на двонасочна улица – рече Мицкоски во интервју за МРТВ.

Премиерот посочи дека во македонската Влада повеќе нема политичари кои се подготвени да ја виткаат кичмата и од петни жили да се трудат да им удоволат на соседите.

– Повеќе за нивна жал, а за добро на македонските граѓани, во македонската влада нема да гледаат политичари кои се подготвени да ја виткаат кичмата, да го ограбуваат својот народ и од друга страна да се трудат од петни жили да им удоволат, без било каква аргументација, на соговорниците, во случајов нашите соседи. Ние сме подготвени со секого да градиме добрососедски односи. Тука немаме фрустрации, ниту има било каква пречка и бариера, но, повторно, тоа мора да биде двонасочна улица – рече Мицкоски.

The post 📽 ТОА МОРА ДА БИДЕ ДВОНАСОЧНА УЛИЦА Подготвени сме да градиме добрососедски односи, вели Мицкоски appeared first on plusinfo.mk.

Техничкиот премиер на Бугарија, Димитар Главчев денеска на НАТО Самитот рече дека разговарал со премиерот на Македонија, Христијан Мицкоски со кого се на исто мислење дека треба да се намалат тензиите, и да се нормализираат односите.

– Јас со него (Христијан Мицкоски) најмногу разговарав, говоревме дека треба да се намали тензијата во реториката. Зад мене е, така да ќе го слушнете и него што ќе каже. Направивме слика, ќе ја пуштиме. Говоревме, на исто мислење сме дека треба да се намалат тензиите во реториката, затоа што знаете вообичаено меѓу граѓаните, меѓу народите, на две соседни земји нема тензии и политичарите ако не помагаат да се развиваат односите, не треба да пречат, тоа е моте сфаќање во принцип. Најдобро е да помагаат. Вчера зборувавме да се нормализираат односите и да се вратат на ниво од 2017-та кога беше потпишан Договорот за добрососедство – вели Главчев.

Тој додава дека нема ништо поубаво и подобро од добри односи со соседите.

– И двајцата истото го мислиме, но ќе видиме што ќе се случи. Нема ништо подобро од убави и добри односи меѓу соседи, за нас може да се каже и дека сме повеќе од соседи со Северна Македонија. Треба да се развие економијата, како и сите други аспекти – вели Главчев.

The post СО МИЦКОСКИ СЕ СОГЛАСИВМЕ ДА ГИ НАМАЛИМЕ ТЕНЗИИТЕ Да ги нормализираме односите како во 2017, рече бугарскиот премиер appeared first on plusinfo.mk.

– На средбата беа разгледани и бројните провокации од групи и поединци во двете земји, кои изминатиов период засилено доминираа во јавниот дискурс. Министрите посочија дека двете министерства ќе работат активно на зајакнување на добрососедските односи, како взаемен интерес на двете земји, и нема да дозволат провокациите да го нарушат овој процес – соопшти МНР.

Заеднички е нагласено дека продолжувањето на дијалогот преку средби, како и преку реализирање на конкретните проекти се единствениот пат кој ќе доведе до  промена на контекстот во кој се дејствува и се влог во создавањето блиски и пријателски односи меѓу двете држави и граѓани.

Во фокусот на оваа нивна прва средба, по назначувањето на министерот Милков на функцијата, во август годинава, беше исполнувањето на заедничките обврски од  Договорот за пријателство, добрососедство и соработка, како и остварената соработка во рамките на процесот на унапредување на односите меѓу двете држави.

Османи го информира Милков за досега реализираните обврски од наша страна со цел имплементација на одредбите од договорот. Меѓу другото, го издвои ангажманот на Меѓуресорска работна група за политичка координација на спроведувањето на мерките од Протоколот од Вториот состанок, со која координира министерот за надворешни работи, како и првите состаноци на тематските подгрупи.

Се разговараше и за регионалната соработка во контекст на европската перспектива на земјите од Западен Балкан, како најдобра гаранција во соочувањето со политичките, безбедносни и економски предизвици врз својот развој, соопшти МНР.

The post БРОЈНИТЕ ПРОВОКАЦИИ НА МАСА Османи и Милков ќе ги зајакнуваат добрососедските односи appeared first on plusinfo.mk.