Добрашинци Archives - plusinfo.mk

Голем пожар на депонијата кај Добрашинци

МИА — Wed, 05 Aug 2020 12:36:25 +0000

Денес напладне голем пожар избувна на депонијата кај селото Добрашинци во која се одлага отпадот од општините Струмица и Василево.

Избувнувањето на пожарот го потврди командирот на Територијалната против пожарна едница на Струмица, Александар Гудев.

-Добивме известување за пожар на депонијата кај селото Добрашинци и наши екипи се упатуваат таму. Според првичните информации пожарот зафатил поголема површина, а силниот ветар го проширува кон акумулацијата „Турија“, рече Гудев.

На терен се веќе екипи на ЈПКД „Комуналец“ од Струмица, кои почнаа со гаснење на пожарот.

Депонија кај селото Добрашинци гореше и на 18 и 19 јуни годинава. Тогаш пожарот беше предизвикан од несовесни граѓани кои се движеле таму.

The post Голем пожар на депонијата кај Добрашинци appeared first on plusinfo.mk.

Пожарот на депонијата кај Добрашинци во најголем дел е изгаснат

МИА — Fri, 19 Jun 2020 07:50:45 +0000

Големиот пожар кој избувна завчера на депонијата кај селото Добрашинци, во која се одлага отпадот од општините Струмица и Василево, во најголем дел е изгаснат, информира Бранко Ѓоргиев од ЈПКД „Комуналец“-Струмица.

– Во најголем дел, околу 80 отсто, пожарот на депонијата е изгаснат. Очекуваме до крајот на денот целосно да го изгаснеме и со тоа да престане чадењето. Во гаснењето е вклучена наша и позајмена механизација, како и камиони со кои истураме песок на најкритичните делови на депонијата коишто се зафатени од пожарот – рече Ѓоргиев.

Според негови информации, депонијата била запалена од неодговорни граѓани, кои таму се движат, а пожарот бргу се проширил.

The post Пожарот на депонијата кај Добрашинци во најголем дел е изгаснат appeared first on plusinfo.mk.