82-годишниот Ненад Ѓермановиќ од селото Станари, кај Добој, кој е уапсен поради убиството на својата сопруга Винка (76), сам ја повикал полицијата и го пријавил злосторството, пренесуваат локалните медиуми од Република Српска.

Страшниот настан се случил синоќа (понеделник) околу 20:30 часот, во дворот на нивната семејна куќа во Станари.
Како што објави ATV, убиецот по делото ја повикал полицијата и пријавил дека ја удрил сопругата неколку пати со секира во главата. Според информациите, мирно го почекал пристигнувањето на полицајците, кои го уапсиле и го спровеле на понатамошна криминалистичка обработка.

Засега не е познато што точно се случило во домот на семејството Ѓермановиќ. Полицијата интензивно работи на утврдување на сите околности и на мотивите на овој ужасен чин. На местото на настанот бил извршен увид, а пронајдена е и секирата со која било извршено убиството. Тоа ќе го потврди вештачењето.

„Постојат основи на сомнение дека Н.Ѓ. во вечерните часови, во дворот на семејната куќа на подрачјето на општината Станари, усмртил женско лице со употреба на остар предмет – секира“, соопшти Полицијата во Добој.

Од таму додаваат дека увидот го водел дежурниот обвинител од Окружното јавно обвинителство во Добој. По негов налог се преземаат сите мерки и дејствија за утврдување на околностите и расчистување на кривичното дело. Телото на жртвата е испратено на обдукција, а осомничениот Ѓермановиќ, по завршената криминалистичка обработка и со извештај за сторено кривично дело – тешко убиство, ќе биде предаден на ОЈО Добој за понатамошна постапка.

The post ЈА УБИЛ СОПРУГАТА СО СЕКИРА, ПА ПОВИКАЛ ПОЛИЦИЈА 82-годишник од Добој мирно почекал да го уапсат appeared first on plusinfo.mk.

Во Добој, северна Босна и Херцеговина, во Паркот на народни херои, вчеравечер се урна рингишпил при што беа повредени децата кои се наоѓаа на него, објави босански Фактор.

Четири деца се повредени, а нивните родители ги пренеле на раце во блискиот Здравствен дом.

Екипите за итна помош пристигнале за 2-3 минути, но родителите веќе ги однеле децата.

На местото на настанот имало и полицајци кои заедно со родителите под конструкцијата на рингишпилот извлекле повредени деца.

„Она што ме шокираше како репортер беа сцените со мајките и татковците кои си ги довикуваа децата. Пофалби за сите присутни кои веднаш со свои раце ја подигнаа конструкцијата додека ги извлекуваа децата. Имаше и млади полицајци кои со раце извлекуваа повредени деца. Лелеците на мајките, кои ги повикуваа своите деца, беа шокантни“, објави новинар, кој бил од местото на настанот, на социјалната мрежа Фејсбук.

Според изјавата на дежурната лекарка во „Здравствениот дом Добој“, Ивана Дедиќ, децата првенствено биле згрижени и по протокол веднаш биле пренесени на дијагностичко-терапевтско лекување во болницата „Добој“.

Станува збор за отворени повреди на главата и на лицето, но сите деца биле свесни. Нивните животи не се во опасност.

The post 📷 МАЈКИТЕ ЛЕЛЕКАА ПОВИКУВАЈЌИ СИ ГИ ДЕЦАТА Се урна рингишпил во БиХ, има повредени appeared first on plusinfo.mk.

Судот наведува дека вечерта девојката измешала неколку таблети „треан“ со лимонада и му дала на својот татко да се напие. Лекот за неа претходно го набавила нејзината тетка, односно сестрата на нејзината мајка. Потоа, Кулишиќ го заклале неговата 32-годишна сопруга и нејзиниот 19-годишен љубовник.

Тамара, ќерката на Саша од првиот брак, вели дека никој ниту во своите најлуди соништа не можел да замисли вакво злосторство.

– Сето тоа се случило на спиење… Тааа монструм жена, на татко ми му турила таблети за спиење и тој ги испил. Бил дезориентиран и тоа момче од 19 години го удрило татко ми три пати со боксер во главата и така изгубил свест – изјави Тамара за Мондо.

Таа вели дека чувствува и тага и гнев откако открила што се случувало со нејзиниот татко.

– Не можам да ја опишам мојата состојба, чувствувам и тага и гнев. Откривајќи кој и на кој начин го убил татко ми… Не знам. Она што 100% сигурно можам да го кажам е дека мотивот за ова убиство се пари! Користољубие и ништо друго. Па, тоа 19-годишно момче, само еден ден пред да се случи сѐ, на Инстаграм ги објави парите и напиша: „стигна платата, дали некому му треба ситно“. Страшно! – вели ќерката на убиениот Саша Кулишиќ.

Судот детално опиша како сопругата и љубовникот го убиле Кулишиќ. Во се учествувала неговата малолетна ќерка, неговата сопруга Андреа Кулишиќ и нејзиниот љубовник Дражен Лазаревиќ. Првите резултати од истрагата укажуваат дека Андреа и Дражен решиле да извршат кривично дело за да можат да ја продолжат љубовната врска, за што, како што пишува Кликс, неодамна дознал и нејзиниот сопруг.

Не е исклучена можноста зад сѐ да стои користољубие, односно дека осомничените сакале да го присвојат имотот на Кулишиќ, убедени дека кога него ќе го нема, ним ќе им остане куќата и бизнисот. Телото на убиениот Саша Кулишиќ е пронајдено во шума во околината на Добој. Тој бил гол и врзан за дрво со јаже и со селотејп.

„Осомничените се обвинети дека имале намера да му го одземат животот на Кулишиќ, на 29 јануари попладне откако малолетната А.К.(14), ќерка на осомничената Андреа и убиениот Саша, според претходен договор, здробила поголем број таблети „треан“ од 10 мг, кои по барање на осомничените ги купила сестрата на Андреа, и ги измешала со вода.

Според договорот со осомничените, малолетничката вечерта отишла во семејниот дом на нејзиниот татко, каде што направила лимонада со вода во која имала искршени таблета, која му ја дала на својот татко со намера да го успие. Мајката и ќерката претходно му дала на Кулишиќ од тие таблети без тој да знае за тоа“ – стои во судското известување.

Откако апчињата почнале да делуваат и тој заспал, ќерката ја оставила отклучена влезната врата од куќата, известувајќи ги осомничените кои дошле и влегле внатре.

„По влегувањето во внатрешноста на куќата, на малолетната ќерка и било кажано да оди во дневната соба и да ја затвори вратата, а осомничените влегле во просторијата во која спиел Кулишиќ, главата му ја залепиле со селотејп, а нозе и рацете му ги врзале со јаже и му задале неколку удари од кои искрварил, а потоа го извадиле од куќата и со моторно возило го однеле во шумата во непосредна близина на блиското излетничко место. Таму осомничените со непознат предмет му нанеле четири убодни рани и од повредата и загубата на крв настапила смрт, а потоа во таква состојба го оставиле во шума и се упатиле во непознат правец“ – соопшти Судот изнесувајќи ги во јавност стравичните детали од грозоморното убиство.

The post 📷 ЌЕРКАТА ГО ТРУЕЛА, МАЈКАТА И ЉУБОВНИКОТ ГО ЗАКЛАЛЕ Откриени стравични детали за грозоморното убиство во Добој  appeared first on plusinfo.mk.