Како што соопшти претседателката на Европарламентот, Роберта Мецола, на денешното објавување на лауреатите, 16 септември 2022 година ќе остане запаметен по убиството на 22-годишна Џина Махса Амини, што претставуваше поттик за движењето на правата жените во Иран, кое испиша историја.

– Светот ги слушна повиците „жена, живот и слобода“, три збора кои станаа поттик за сите оние кои се залагаат за еднаквост, достоинство и слобода во Иран. Затоа, денеска да им оддадеме почит на храбрите и пркосни жени, мажи и млади луѓе во Иран, кои го зголемија притисокот за промени – истакна Мецола, додавајќи дека Европскиот парламент ги слушна, а светот ги виде овие барања.

Иранската активистка за женски права Амини беше уапсена и претепана од припадници на т.н. „морална полиција“ при нејзината посета на Техеран во септември 2022 година, затоа што „го носела хиџабот на неправилен начин“. Таа почина неколку дена подоцна, што предизвика масовни протести во Иран предводени од жени под слоганот „Жена, живот, слобода“. Демонстрантите протестираа против Законот за хиџаб и другите законски акти со кои се дискриминираат жените во Иран.

Покрај, овогодишните добитници, во конкуренција за освојување на наградата беа и борците за човекови права Вилма Нуњез де Ескорсија и бискупот Роландо Хозе Алварез Лагос од Никарагва, како и застапничките за легализација на абортусот Јустина Видрињска од Полска, Морена Херера од Салвадор и Колин Мекниколас од САД.

Одлуката за овогодишните добитници на наградата ја донесе Конференцијата на претседатели на Парламентот, што ја сочинуваат Мецола и лидерите на пратеничките групи во ЕП. Тие избираа меѓу финалистите избрани од страна на комисиите за надворешни работи и за развој, врз основа на предложената листа на номинирани кандидати. Право на номинирање на кандидати за наградата „Сахаров“ имаат пратеничките групи во Европарламентот или најмалку 40 европратеници.

Наградата за слобода на мислата „Сахаров“ ја доделува Европскиот парламент секоја година од 1988-та на поединци или организации кои ги штитат човековите права и основните слободи. Таа е именувана по советскиот физичар и политички дисидент Андреј Сахаров и нејзиниот паричен надомест изнесува 50.000 евра.

Инаку, покрај избраните финалисти за овогодишната награда „Сахаров“ беа номинирани и технолошкиот магнат и сопственик на „СпејсИкс“, „Тесла“ и „Х Корп“ (поранешен „Твитер“), Илон Маск, еколошката активистка од Уганда, Ванеса Накате и поранешната грузиска јавна правобранителка Нино Ломжарија.

Минатата година наградата „Сахаров“ му беше доделена на украинскиот народ, а меѓу досегашните нејзини лауреати се и Нелсон Мандела, Малала Јусафзаи, Кофи Анан, Александар Дупчек, Алексеј Навални, Ибрахим Ругова, Обединетите нации, организацијата Репортери без граници и демократските опозиции во Белорусија и Венецуела.

The post УБИЕНА ИРАНСКА АКТИВИСТКА ДОБИТНИЧКА НА НАГРАДАТА „САХАРОВ“ Движењето „Жена, живот, слобода“ е синоним за слобода на мислата appeared first on plusinfo.mk.

Добивката вреди 33 милиони евра.

Единствената добитничка, чие име не се споменува, купила лоз за 1,20 евра со претходно пополнети броеви. Но, го заборавила добитното ливче во својата чанта, како што пренесува „Скајњуз“. Бројките биле извлечени на 9 јуни, според „Лото Баерн“.

Среќната жена потоа споделила дека билетот го пронашла сосема случајно и кога дознала дека ги погодила седумте броеви, почувствувала вртоглавица.

– Парите се повеќе од доволно за мене, мојот сопруг и ќерка ми да се чувствуваат добро и да не се грижат за ништо повеќе – рече таа.

Сега среќничката ветува дека никогаш повеќе нема да купи лото-ливче, ќе води мирен живот и ќе се обиде да направи повеќе за природата.

The post Во чантата со недели шетала 33 милиони евра, не знаела дека има добитно лото ливче appeared first on plusinfo.mk.

Матевска Атанасова која е дипломиран психолог, е авторка уште и на романите „Тамбовските снегови“ и „Писмата во библиотеката“, кој е награден на конкурсот за поддршка на млади талентирани автори на фондацијата „Македоника“ и УНЕСКО.

Учесничка на регионални и меѓународни конкурси, добитник на повеќе награди меѓу кои најзначајни се наградите во 2015 и 2016 година, на реномираниот и традиционален конкурс за краток расказ што го распишува весникот „Нова Македонија“ за насловите „Двете дланки“ и „Нештовина“.

Во 2018 нејзиниот расказ „Индигото на бесот“ влегува во збирката на регионалниот конкурс „Бибер 2“ и е преведен на три јазици.

Нејзиниот расказ „Гладоморје“ стручното жири што ги оценуваше пристигнатите трудови го избра за најдобар во конкуренција на 71 дела, со образложение дека се работи за „расказ што претставува нов тип истражувачко искуство во македонската проза засновано врз принципот на асоцијативност, имагинативност со можна алегорија која упатува на универзални концепти на современото живеење во кое насилството хиерархиски се издигнува над другите примитивни човекови опстојби“.

На годинешната добитничка наградата ќе и биде врачена на традиционалната манифестација „Вечер на Чинго“ што секоја година се одржува на 13 август во родното место на Чинго, селото Велгошти.

The post Јована Матевска Атанасова е добитничка на наградата за најдобар расказ „Живко Чинго“ appeared first on plusinfo.mk.