Две лица се повредени откако непознат сторител фрлил рачна бомба кон угостителски објект во тетовското село Добарце. При увидот на местото на настанот, полицијата пронашла и чаури од пиштол, а во тек е потрага по сторителот.

Според информациите од Министерството за внатрешни работи, случајот бил пријавен на 8 јули 2026 година околу 1:20 часот во Полициското одделение Групчин.

Сопственикот на угостителскиот објект, Д.Ф. (51) од селото Добарце, пријавил дека од патничко возило „Цитроен“, кое било во движење, била фрлена рачна бомба кон ресторанот, лоциран покрај локалниот пат во селото.

Од силната експлозија била предизвикана материјална штета на објектот, а повредени биле Е.А. (57) од селото Чифлик и Г.Ф. (60) од Добарце, кои во моментот на нападот се наоѓале во дворот на ресторанот.

Повредените веднаш биле пренесени во Клиничката болница во Тетово, каде што им била укажана лекарска помош.

Увид на местото извршила увидна екипа на СВР Тетово, при што, покрај трагите од експлозијата, биле пронајдени и чаури од пиштол.

За случајот е известен јавен обвинител од Основното јавно обвинителство Тетово, а полицијата презема интензивни мерки и активности за идентификување и пронаоѓање на сторителот, како и за целосно расчистување на случајот.

The post ЕКСПЛОЗИЈА ПРЕД РЕСТОРАН, ПОВРЕДЕНИ ДВЕ ЛИЦА Рачна бомба експлодираше пред угостителски објект во тетовско appeared first on plusinfo.mk.

Два дена трае борбата на пожарникарите кај Добарце, и покрај тоа што имаат помош од општината со механизација.

– Противпожарната единица Тетово само денес имаше 11 пожари, а од вчера се справуваме со пожарот кај депонија кај Добарце. Се ангажираше општината со фирми, донесоа багери и механизација, се трудиме да се гаснеме, со вода а тие потоа затрупуваат со земја. Навистина не можеме да се справиме со сите овие толку големи пожари. Цел Полог гореше, сите ние треба да ги изгасиме, ниедна институција не излегува на пресрет, за да ни помогнеме, ни ЦУК ни ДЗС, а сите се на отворено – информираше Авни Амети, командир на ТППЕ Тетово.

Според Амети, голема трагедија е спречена на пожарот на отворено над Тетово, односно улицата „146“.

– Најтешкиот беше на улица „146“ каде на отворено гореше, голем пожар за малку ќе фатеше неколку куќи, а сите таму се залепени објекти. Денес беше чудо. Намерно палат за забава и оставаат огнови, па после ние се бавиме со шумски пожари. Ќе имаме тополи денови да не се палат огнови на отворено, се надевам на дожд затоа што е премногу за нас. Многу е ризично, сушно е, а не сфаќаат дека е сериозна работата, со палење на сметот по ниви и во шуми – изјави Амети.

Поради повеќето пожари на смет, повторно и низ Тетово се чувствува смрдеа, а има и чад.

The post ТЕТОВО ДВА ДЕНА СЕ ГУШИ ВО ЧАД ОД ДЕПОНИИТЕ Само денес имаше 11 пожари, најголемиот во Добарце appeared first on plusinfo.mk.