Дводневната анкета на Ипсос за Ројтерс, покажа дека 54% од испитаниците – вклучувајќи 80% од републиканците на Трамп и 32% од демократите – веруваат дека политиката стои зад  случајот што треба да го сослуша големата порота на Менхетен.

Седумдесет проценти од испитаниците, вклучително и половина од републиканците, рекле дека го сметаат за веродостојно тврдењето дека Трамп и платил на актерката од филмови за возрасни Сторми Даниелс за време на неговата претседателска кампања во 2016 година за да молчи за нивниот наводен сексуален контакт.

Околу 62 отсто од испитаниците, вклучително и една третина од републиканците, рекле дека исто така веруваат дека Трамп фалсификувал деловни досиеја и извршил измама.

Анкетата е во време кога Трамп бара од Републиканската партија повторно да го номинира за Белата куќа во 2024 година. Ниту еден американски претседател досега не се соочил со кривични обвиненија на суд.

Трамп, кој се соочува со потенцијално тешка конкуренција во неговата трета кандидатура за републиканска номинација, негираше дека некогаш имал афера со Даниелс, чие вистинско име е Стефани Клифорд.

Тој во саботата рече дека очекува да биде уапсен во вторникот и побара од неговите поддржувачи да одговорат со давање пари за неговата претседателска кампања. Големата порота во Менхетен треба да одлучи дали ќе поднесе обвинение.

The post 54% АМЕРИКАНЦИ СМЕТААТ ДЕКА ИСТРАГАТА ЗА ТРАМП Е ПОЛИТИЧКИ МОТИВИРАНА Дури 32% од демократите се со ист став appeared first on plusinfo.mk.