Во руски напад со наведувана бомба врз автобуска станица во Краматорск утрово загинаа 33 лица, а 18 се ранети, соопшти гувернерот на Доњецката област, Вадим Филашкин.

Според првичните информации, погодени се два автобуса. Филашкин на Телеграм објави фотографии од местото на нападот, на кои се гледа најмалку еден целосно изгорен автобус.

– Русија носи смрт на украинска земја. Ги напаѓа нашите градови, ги убива нашите луѓе и секој ден ги зголемува своите злосторства – изјави гувернерот.

Воените управи на Краматорск и Славјанск по нападот наредија целосен прекин на јавниот превоз. Филашкин појасни дека цивилните цели биле намерна мета.

– Русите гаѓаат цивили. Автобус полн со патници за нив е привлечна мета токму затоа што со еден удар можат да убијат што повеќе луѓе – рече тој.

Според податоците на гувернерот, и пред нападот врз Краматорск, во останатиот дел од Доњецката област до утрово во руски напади загинале уште четири лица, а шест се ранети. Руските сили во изминатите 24 часа вкупно 31 пат гранатирале населени места во регионот.

Од првата линија на фронтот се евакуирани 256 лица, меѓу кои и 32 деца.

Украинските воздухопловни сили одделно соопштија дека Русија во текот на ноќта на 8 октомври ја нападнала Украина со 142 дрона од типот „Шахед“. Воздухопловните сили наведуваат дека 82 дрона имале млазен погон, а противвоздушната одбрана соборила или со електронско дејствување онеспособила 126 од нив.

Краматорск е еден од стратешки најважните градови во украинскиот дел на Доњецката област. Од 2014 година, откако градот Доњецк падна под контрола на проруските сили, Краматорск де факто е административен центар на областа.

Today, russians killed 30 people in Kramatorsk in an instant and injured another 18 in a targeted strike on a public bus.

Russia deliberately disregards every conceivable rule of warfare and the norms of international humanitarian law. It chooses targets where it can kill as many people as possible.

This is not a war. This is genocide.

— восхищённый болгарин (@dedzaebal) October 8, 2026

33 KILLED, 18 INJURED IN RUSSIAN STRIKE ON PASSENGER BUS IN KRAMATORSK, DONETSK OBLAST, STATE EMERGENCY SERVICE SAID.

The attack sparked fires in two buses and the surrounding area. Emergency crews assisted the wounded and extinguished the fires.

DSNS/Telegram https://t.co/TVxMW20NaX

— Denys from Ukraine (@GlushkoDenys) October 8, 2026

The post МАСАКР НА ЦИВИЛИ ВО УКРАИНСКИОТ ГРАД КРАМАТОРСК Русите разнесоа автобуска станица, најмалку 33 мртви, 18 ранети appeared first on plusinfo.mk.