Поради сомневање за перење пари, судските власти ги претресуваат зградите на Дојче Банк во Франкфурт на Мајна и Берлин.

Како што објави државното обвинителство во Франкфурт, истрагата се спроведува против засега непознатите членови на одборот и вработените во најголемата германска банка, објави tagesschau

Истрагата ја спроведува државното обвинителство за економски криминал во Франкфурт, заедно со Федералната канцеларија за криминална полиција (BKA).

Причина за истрагата се претходни деловни односи на банката со странски компании за кои постои сомневање дека се поврзани со перење пари. Се спроведуваат претреси за собирање дополнителни докази.

Портпаролот на банката ги потврди претресите.

„Банката целосно соработува со државното обвинителство. Ве молиме за разбирање дека не можеме понатаму да коментираме“, се вели во соопштението.

Зидојче Цајтунг објави дека претресите биле поврзани со рускиот олигарх Роман Абрамович, кој е предмет на санкции од ЕУ.

Според весникот, Дојче Банк наводно доставила предоцна еден или повеќе извештаи за сомнителни активности во врска со перење пари поврзани со компаниите на олигархот до властите.

Дојче Банк во минатото беше обвинета дека не го испитувала доволно внимателно перењето пари и дека предоцна поднесувала извештаи за сомнителни активности..

Акциите на Дојче Банк паднаа за околу 3% на берзата.

The post ДОЈЧЕ БАНК ПОД ИСТРАГА ЗА ПЕРЕЊЕ ПАРИ Се проверува деловната соработка со странски компании appeared first on plusinfo.mk.

Анонимни жртви сексуално злоставувани од познатиот Џефри Епштајн, решија да тужат две познати светски банки, Дојче Банка и Џеј Пи Морган дека му ги одобрувале трансакциите и замижале пред својот клиент дури и по 2008 година кога тој беше осуден за сексуалните напади и трговија со луѓе, пишува Би-Би-Си. Богатиот финансиер кој почина под неразјаснети околности е познат по тоа што во својот луксузен авион ги носел своите жртви, а притоа се дружел и со Доналд Трамп и други личност од американскиот џет-сет.

Како му прогледувале низ прсти познатите банкари на Епштајн? Па, Епштајн беше клиент на Џеј Пи Морган околу 15 години пред да го исклучат во 2013 година. Директорот Стејли негувал блиски врски со Епштајн и го посетил за време на неговото 13-месечно затворање поради пресудата за трговија со малолетна проститутка во Флорида во 2008 година.

Стејли, исто така, лобирал во банката Епштајн да биде задржан како клиент. Во 2013 година, Стејли го напушти Џеј Пи Морган за да се приклучи на американскиот хеџ фонд Блу Маунтен Капитал и го презеде раководството на Баркли кон крајот на 2015 година. Во 2020 година, британските финансиски власти започнаа истрага за неговите врски со Епштајн, при што Стејли, следствено, поднесе оставка како извршен директор на Баркли минатата година.

Врските пак, со Дојче банка датираат од 2013 година. Дојче банк му обезбедувала приватно-банкарски услуги на Епштајн помеѓу 2013 и 2018 година. Во 2020 година, Одделот за финансиски услуги на Њујорк ја казнил банката со 150 милиони долари поради неуспехот да ги следи активностите на нејзиниот клиент, кој беше регистриран за сексуален престапник.

Инспекторитете забележале сомнителни редовни повлекувања и плаќања во готовина во вредност од милиони долари, што Дојче банка требало да ги забележи, а не ги забележала.

Анонимните жртви во своите две тужби велат дека двете банки избрале да го игнорираат криминалното досие на Епштајн за да остварат профит од надоместоците за управување со неговите сметки. Притоа, тие учествувале во неговите операции за сексуална трговија со луѓе.

Епштајн почина во затвор во Њујорк во 2019 година додека го чекаше судењето за обвиненијата за сексуална трговија. Американските власти тврдеа дека тој извршил самоубиство. Во текот на својот живот, тој се дружеше со некои од највлијателните луѓе во светот, од американскиот претседател Бил Клинтон до принцот Ендру, па сѐ до основачот на Мајкрософт, Бил Гејтс.

КЛИНТОН И ТРАМП ДИВЕЕЛЕ ВО АВИОНОТ НА ПЕДОФИЛОТ ЕПШТАЈН „Го познавам Џефри, одлично момче“

The post ДОЈЧЕ БАНКА И ЏЕЈ ПИ МОРГАН МУ ПОМАГАЛЕ НА ЕПШТАЈН? Познатиот сексуален злосторник имал одврзани раце за своите милионски трансфери appeared first on plusinfo.mk.

За првиот човек на Дојче Банка високата инфлација во ЕУ ја предизвикале нарушените глобални синџири на вредност и снабдување, заедно со тесното грло на пазарот на трудот и недостигот на гас и електрична енергија што доведува до зголемени трошоци.

– Како резултат на тоа, повеќе нема да можеме да спречиме рецесија во Германија. Сепак, ние веруваме дека нашата економија е доволно издржлива за добро да се справи со оваа рецесија,  под услов централните банки сега да дејствуваат брзо и решително – наводно изјавил Севинг.

Шефот на Дојче истакна дека, засега, многумина во Германија сè уште имаат заштеда од пандемијата на кои треба да се вратат за да ги задоволат вртоглавите трошоци за енергија, додека повеќето компании остануваат „доволно финансирани“.

– Но, колку подолго инфлацијата е вака висока, толку е поголем притисокот и поголем потенцијалот за социјален конфликт – предупреди тој.

Севинг, исто така, ги повика германските лидери да го забрзаат одвојувањето на Германија, односно нејзината економија од Кина. Тој посочи дека Кина сочинува околу 8 отсто од германскиот извоз и 12 отсто од увозот, додека повеќе од една десетина од продажбата на компаниите котирани на германскиот берзански индекс DAX оди во Кина.

– Намалувањето на оваа зависност ќе бара промена не помалку фундаментална од одвојувањето од руската енергија – рече извршниот директор.

The post НЕИЗБЕЖНА Е РЕЦЕСИЈАТА ВО ГЕРМАНИЈА Првиот човек на Дојче Банка проговори за економската криза appeared first on plusinfo.mk.

Како што е наведено, банката ја оправдува оваа мерка со тоа што смета дека тоа е фер, затоа што оние кои работат од дома заштедуваат пари и не плаќаат во системот како оние што го напуштаат домот за да одат на работа.

Во Велика Британија, Дојче банк смета дека преку данокот ќе се соберат 6,9 милијарди фунти годишно, што може да исплати грантови од 2.000 фунти годишно на работници со ниски примања и на оние кои се изложени на ризик од технолошки вишок.

– Со години ни требаше данок за работа на далечина. Ковид-19 го направи тоа очигледно, рече стратегот на Дојче банк, Лук Темплмен.

Од почетокот на пандемијата на коронавирусот, голем број работници се пренасочени да работат од дома

The post Дојче банк предлага да се воведе нов данок за работа од дома appeared first on plusinfo.mk.