Лажна е дојавата за бомба на скопскиот аеродром и аеродромот продолжил со редовна работа околу 6 часот наутро, соопштија од Министерството за внатрешни работи.

Антитерористичката единица при МВР извршила проверки на „Меѓународниот аеродром Скопје“ откако лице во 02:41 часот по полноќ, во саботата, 16 август, на телефонскиот број 112 пријавило дека наводно е поставен експлозив во авион кој требало да лета за Турција.

За случајот се огласија и од ТАВ Аеродроми потврдувајќи дека се работи за лажна пријава. Во написот се вели дека кога пристигнала дојавата биле активирани сите планови и процедури за постапување при вакви настани.

По претресот на полицијата аеродромот продолжил со работа.

„Нема откажани летови на Меѓународен аеродром Скопје, но сообраќајот беше времено запрен до 6:00 часот утринава, односно сé додека МВР не извести дека е безбедно операциите на аеродромот да продолжат по редовниот распоред“, велат од скопскиот аеродром.

The post ЛАЖНА Е ДОЈАВАТА ЗА БОМБА НА СКОПСКИОТ АЕРОДРОМ, НЕМА ОТКАЖАНИ ЛЕТОВИ Полицијата извршила претрес откако некој синоќа се јавил на 112 appeared first on plusinfo.mk.

„Србијавоз“ денеска го прекина целиот патнички железнички сообраќај поради анонимна дојава за поставени експлозивни направи на сите возови и пруги. Според соопштението објавено на официјалната веб-страница на компанијата, мерката ќе остане во сила сè додека надлежните институции не ги извршат сите безбедносни проверки.

– Сообраќајот на сите патнички возови е суспендиран до понатамошно известување – велат од „Србијавоз“, при што се потенцира дека алармантната дојава се однесува на сите правци и линии.

Ова не е прв пат српскиот железнички сообраќај да биде блокиран, во март годинава, исто така беше суспендиран меѓуградскиот сообраќај поради масовен протест во Белград.

Нова ескалација е најавена за 28 јуни, кога студентите од блокадата повикуваат на голем граѓански протест во центарот на Белград. Тие бараат распишување предвремени парламентарни избори и правна одговорност за трагедијата во Нови Сад, при уривањето на настрешница во која загинаа 16 лица.

Во пресрет на протестот, Србија ја тресе нова безбедносна криза. Во изминативе денови низ државата се вршат апсења – досега се уапсени седум лица во две акции. Еден студент од Универзитетот во Белград е обвинет за „повикување на насилна промена на уставниот поредок“, додека останатите се товарат за обид за „насилно рушење на власта“.

Граѓански активисти и дел од опозицијата предупредуваат дека власта се обидува да ја застраши јавноста пред најавените масовни демонстрации. Надлежните најавуваат нови апсења, а тензиите растат додека Србија влегува во најтурбулентниот политички викенд ова лето.

The post ПАНИКА ВО СРБИЈА, БОМБИ ВО СИТЕ ВОЗОВИ Стопиран патничкиот сообраќај по дојавите, полицијата проверува appeared first on plusinfo.mk.

Од Министерството за внатрешни работи информираат дека на 8 април 2025 година, училиштата добиле пораки на своите електронски адреси со наводи за поставена експлозивна направа. Веднаш по приемот на пријавите, полицијата спровела проверки на терен.

„Преземени се сите потребни мерки и активности и по извршените проверки е утврдено дека се работи за лажни пријави“, велат од МВР.

The post ЛАЖНИ ДОЈАВИ ЗА БОМБИ ПОВТОРНО ГО ТРЕСАТ СКОПЈЕ Две училишта цел на ново „бомбашко“ сценарио appeared first on plusinfo.mk.

Дојавата за поставената бомба пристигнало на електронската пошта на училиштето „Гаврило Принцип“, а учениците се безбедно евакуирани надвор од зградата.

Во тек е полициска проверка.

The post ДОЈАВА ЗА БОМБА ВО УЧИЛИШТЕ ВО ЗЕМУН Наредена е итна евакуација appeared first on plusinfo.mk.

„Вечерва околу 20 часот и 47 минути е пријавена бомба во системот 192 во Народното собрание. На местото на настанот веднаш се испратени контрадиверзантски екипи кои ќе извршат целосен увид на овој објект“, изјави министерот Дачиќ.

Вечерва заврши бурната седница на српското Собрание, а членовите на Управата за криминалистичка полиција ќе спроведат увид на лице место откако три пратенички беа повредени, од кои едната доби и мозочен удар, кога пратениците од опозицијата за време на седницата фрлаа димни бомби, јајца, започнаа тепачка и запалија ракети.

The post ДОЈАВА ЗА БОМБА ВО СРПСКОТО СОБРАНИЕ Бурниот ден не заврши со мирна ноќ appeared first on plusinfo.mk.

Полицијата евидентирала над 240 дојави за поставени бомби во училиштата и за сите е утврдено дека се лажни, изјави денеска директорот на Бирото за јавна безбедност Александар Јанев од Тетово. По шест часа од првата дојава и работа на терен тој оцени дека безбедноста низ целата држава е стабилна и солидна.

– Нема потреба за паника, граѓаните, и родители и сите наставници во училиштата треба да бидат спокојни. Се работи за лажни дојави, за бомби секаде кај што го направивме. Ова се работи и сите проверки укажаа дека се работи за лажни дојави за бомби. Се работи за повеќе од 240 дојави. Сите припадници на македонската полиција, реагираа совесно, брзо и сталожено без да се крева паника. Пристапија во училиштата, разговараа со директорите на училиштата, извршија проверки таму кај што требаше да извршат проверки. Имаме соодветен протокол и алгоритам по којшто ние постапуваме. Таму каде што параметрите беа позитивни, односно во зелена зона – наставата продолжи, таму каде што имаше одредени параметри во други зони се извршија дополнителни проверки и секаде се работи за лажни дојави – истакна Јанев.

Се истражува која е целта и заднината на овие лажни дојави.

– Веќе сме во соработка со нашите партнери од Интерпол и од Европол. Имаме одредени траги еве ако може така да се изразам и имаме комуницирано и со колегите од Хрватска и со колегите од Унгарија коишто Хрватска пред неколку дена се соочи со истото а Унгарија, мислам дека некаде околу 23 јануари се има соочено со истите ситуации. Полицијата дополнително со сите директори на училиштата разговараат и точно добива ќе добијат во текот на денот јасни инструкции како и што понатаму треба да се прави во иднина, доколку се појави сето тоа – посочи Јанев.

МВР ќе ги преземе сите превентивни и репресивни мерки доколку има потреба и ќе открива зошто се прават вакви лажни дојави, рече директорот на новинарските прашања.

– Веќе има дополнителни состаноци помеѓу повеќе министерства, ќе соработуваме во иднина како што треба, задоволен сум дека немаше паника. Секогаш има на некого на којшто не му одговара да бидеме стабилни и безбедни, односно преку едни вакви хибридни или симулација на одредени напади или дојави за да може да направат или да го дефокусираат безбедносниот систем во државата. Македонската полиција, сите агенции за спроведување на законот во изминатите месеци покажаа јасна и неселективна и одлучна борба против сите видови на криминал – истакна Александар Јанев во Тетово.

На градскиот плоштад во Тетово во организација на Бирото за јавна безбедност денес се одржи караванот „До вас, за вас“ со цел едукативни интерактивни активности за граѓаните на тема превенција на криминалот во државата, како и грижа на заедницата.

The post НАД 240 ДОЈАВИ ЗА ЛАЖНИ БОМБИ НИЗ ЦЕЛАТА ЗЕМЈА Директорот Јанев оценува дека состојбата е стабилна appeared first on plusinfo.mk.

На прес-конференција претпладнево, таа соопшти дека утрово МОН формирали меѓуресорска група за поефикасно справување со ситуацијата откако во повеќе основни и средни училишта денеска имало дојави за поставени експлозивни направи.

– По дојавите за поставени експлозивни направи во основните и средните училишта низ државата, утрово во координација со повеќе институции формиравме меѓуресорска група за поефикасно справување со ситуацијата и преземање мерки за одржување на безбедноста во училишните објекти на соодветно ниво – изјави Јаневска, потенцирајќи дека досегашните проверки потврдиле оти сите дојави се лажни.

Се заблагодари на МВР за брзата реакција и истакна дека жали што некој „вака си поигрува со децата“. Ги повика раководствата на училиштата дојавите да ги пријавуваат во МВР и да ги следат протоколите на полицијата.

Апелираше до наставниците и директорите на училиштата за комуникација да ги користат исклучиво службените електронски адреси креирани од МОН.

Како што рече, според првични информации, дојавите не се добиени на службени, туку на приватни мејлови и затоа тие, рече, не треба да се користат.

Соопшти дека безбедноста е подигната на повисоко ниво со двојна автентикација при користење на службени мејлови.

НОВ БРАН ЛАЖНИ ДОЈАВИ ЗА БОМБИ ВО УЧИЛИШТАТА Полицијата откри детали од проверката и упати важна порака

На општините им препорача ако се во можност да имаат физичко обезбедување и видеонадзор во училиштата, а на училиштата да бидат попретпазливи „кој и како влегува во овој сензитивен период“.

– Жалам што некој се поигрува со нашите деца и ја вознемирува јавноста. Училиштата, во случај на идни дојави за експлозивни направи, веднаш треба да пријават во МВР и да ги следат упатствата и протоколите што ќе ги добијат од стручните лица од министерството – додаде Јаневска.

На прашање дали има сознанија кој ги праќа  дојавите, Јаневска одговори дека за тоа е надлежно МВР, но дека МОН е во постојана комуникација со полицијата.

Министерката апелираше, особено до родителите, да се чувствуваат безбедно бидејќи, рече, сите мерки се преземени.

The post „НЕКОЈ СИ ПОИГРУВА СО НАШИТЕ ДЕЦА“ Јаневска вели дека лажните дојави за бомби ги вознемирија учениците и родителите appeared first on plusinfo.mk.

По големиот број пристигнати пријави за подметнати експлозивни направи во основни и средни училишта низ државата, Министерството за внатрешни работи презема сеопфатни мерки за утврдување на вистинитоста на дојавите и одржување на јавниот ред и мир.

„Надлежните служби дејствуваат според внатрешните процедури за постапување во случај на терористичко загрозување. Се вршат детални проверки, а паралелно се координираме со безбедносно-разузнавачките служби преку формиран оперативен штаб“, информираат од МВР.

Од досегашните активности, надлежните утврдиле дека станува збор за лажни пријави. Министерството апелира до граѓаните да останат смирени и да се воздржат од ширење непроверени информации.

„Овие лажни дојави беа регистрирани и во други земји од регионот, а нивната цел е да предизвикаат вознемиреност. Ги повикуваме граѓаните на смиреност и да не подлегнуваат на дезинформации“, порачуваат од МВР.

Инаку утрово во повеќе градови имаше пристигнато пријави за поставени бомби во образовни институции.

Дојава за бомба, утрово имало во неколку училишта во Аеродром, како и во две училишта во Штип.

Во некои училишта, по извршените проверки од страна на МВР, наставата е продолжена.

Според соопштението на Општина Центар, утринава во ООУ „Киро Глигоров“ , ООУ „Димитар Миладинов“ и ООУ „ Гоце Делчев“ во Општина Центар биле добиени дојави за поставени експлозивни направи.

Веднаш по приемот на пријавите, полицијата излезе на терен и презеде мерки за безбедно евакуирање на учениците и вработените.

Во ООУ „Димитар Миладинов“ биле извршени детални антитерористички проверки, при што е утврдено дека станува збор за лажни дојави, па наставата продолжила редовно. Во ООУ „Киро Глигоров“, учениците беа навремено евакуирани, а наставата е прекината до завршување на целосниот увид. Во ООУ „Гоце Делчев“ каде денеска се прославува патронат и децата се ослободени од настава , во тек е полициска проверка.

Во речиси сите основни и средни училишта во Штип утринава има дојави за бомби по електронски пат. Учениците се евакуирани и има проверки на објектите од страна на полицијата. Градоначалникот на Општина Штип, Иван Јорданов вели дека станува збор за лажни дојави на бомби.

– Наставата продолжува да тече, нормално пријавено е во сите релевантни институции, СВР-Штип се на терен во сите училишта да ги извршат своите потребни контролни мерки. Ве уверувам дека станува збор за сајберски напад, кој има цел да предизвика немир кај наставниците и учениците и прекин во наставата – вели Јорданов.

Дојави за бомби има пријавено и во училишта во Охрид и во Куманово. Во едно основно училиште во Куманово во населбата Карпош имало дојава за наводно поставена бомба потврдија од СВР Куманово. Од полицијата потврдија дека антитерористичките единици на МВР вршат проверки. Учениците се пуштени дома, информираа родителите од училиштето „Магдалена Антова“.Од СВР Куманово најавија детали во текот на денот.

Портпаролот на СВР Тетово потврди дека имало дојави за бомби во повеќе образовни институции во тетовско-гостиварскиот регион.

The post НОВ БРАН ЛАЖНИ ДОЈАВИ ЗА БОМБИ ВО УЧИЛИШТАТА Полицијата откри детали од проверката и упати важна порака appeared first on plusinfo.mk.

Дојава за бомба, според информации на МИА, утрово имало во неколку училишта во Аеродром, како и во две училишта во Штип.

Во некои училишта, по извршените проверки од страна на МВР, наставата е продолжена.

Според соопштението на Општина Центар, утринава во ООУ „Киро Глигоров“ , ООУ „Димитар Миладинов“ и ООУ „ Гоце Делчев“ во Општина Центар биле добиени дојави за поставени експлозивни направи.

Веднаш по приемот на пријавите, полицијата излезе на терен и презеде мерки за безбедно евакуирање на учениците и вработените.

Во ООУ „Димитар Миладинов“ биле извршени детални антитерористички проверки, при што е утврдено дека станува збор за лажни дојави, па наставата продолжила редовно. Во ООУ „Киро Глигоров“, учениците беа навремено евакуирани, а наставата е прекината до завршување на целосниот увид. Во ООУ „Гоце Делчев“ каде денеска се прославува патронат и децата се ослободени од настава , во тек е полициска проверка.

Во речиси сите основни и средни училишта во Штип утринава има дојави за бомби по електронски пат. Учениците се евакуирани и има проверки на објектите од страна на полицијата. Градоначалникот на Општина Штип, Иван Јорданов за МИА  вели дека станува збор за лажни дојави на бомби.

-Наставата продолжува да тече, нормално пријавено е во сите релевантни институции, СВР-Штип се на терен во сите училишта да ги извршат своите потребни контролни мерки. Ве уверувам дека станува збор за сајберски напад, кој има цел да предизвика немир кај наставниците и учениците и прекин во наставата – вели Јорданов.

Дојави за бомби има пријавено и во училишта во Охрид и во Куманово. Во едно основно училиште во Куманово во населбата Карпош имало дојава за наводно поставена бомба потврдија од СВР Куманово за МИА. Од полицијата потврдија дека антитерористичките единици на МВР вршат проверки. Учениците се пуштени дома, информираа родителите од училиштето „Магдалена Антова“.Од СВР Куманово најавија детали во текот на денот.

Портпаролот на СВР Тетово потврди дека имало дојави за бомби во повеќе образовни институции во тетовско-гостиварскиот регион.

МВР најави повеќе информации во текот на денот.

The post ДОЈАВА ЗА БОМБИ ВО УЧИЛИШТА ВО ПОВЕЌЕ ГРАДОВИ Во дел од нив децата се вратени во клупите по извршената проверка appeared first on plusinfo.mk.

Полицијата е на терен.

Дојавата за бомба била испратена на електронската пошта на еден од порталите со седиште во „Сава Центар“.

The post ДОЈАВА ЗА БОМБА ВО „САВА ЦЕНТАР“ Српската полиција го пребарува теренот appeared first on plusinfo.mk.