Фантомска медуза голема колку еден автобус се појави пред камерите на научна експедиција во Јужниот Атлантик, блиску до Аргентина.

Истражувачкиот тим на Океанскиот институт Шмит ја документираше ретката Stygiomedusa gigantea на длабочина од околу 250 метри. Видот важи за еден од најретко забележаните желатинозни организми на планетата.

Има џиновски бледо тело со раце долги како бродски јажиња.

Не пече, туку лови

Оваа медуза може да достигне дијаметар до 1 метар. Четирите раце, во нијанси на бледо розово, се протегаат и до 10 метри. За разлика од повеќето медузи, тие не служат за убод. Тие фаќаат плен. Риби и планктон завршуваат во тивка заседа, без електрични удари.

Научниците објаснија дека ваквиот начин на лов ја издвојува фантомската медуза од нејзините роднини. Таа лебди. Чека. И делува бавно, но прецизно.

A team of researchers documenting the deep sea off the coast of Argentina discovered a jellyfish that can “grow as long a school bus.” The footage shows a rarely seen giant phantom jellyfish at 820 feet below sea.

The belly of the jellyfish can grow up to 3.3 feet in diameter… pic.twitter.com/h9hnyNMtI9

— CBS News (@CBSNews) February 4, 2026

Уште 28 нови видови?

Истата експедиција донесе уште едно изненадување. Тимот идентификуваше 28 потенцијално нови видови. Меѓу нив има корали, морски ежови и морски анемони.

Снимката првично беше објавена на социјалната мрежа Икс и брзо се прошири меѓу научната јавност.

The post 📽️ МЕДУЗА ГОЛЕМА КАКО АВТОБУС На 250 метри под Јужниот Атлантик живеат необични видови appeared first on plusinfo.mk.