Flex Group добива ново засилување, откако компанијата официјално го најави влезот на светски познатиот шпански бренд Kave Home на македонскиот пазар. Со оваа стратешка експанзија, компанијата го проширува своето портфолио во сегментот на современиот внатрешен дизајн и мебел.

Kave Home е бренд основан во Шпанија, кој денес е присутен во повеќе од 80 земји низ светот. Препознатлив е по својот медитерански пристап кон уредувањето на ентериерите, комбинирајќи современ дизајн, функционалност и природни материјали во решенија наменети за модерни домови и деловни простори.

Од Flex Group информираат дека со воведувањето на Kave Home, македонските потрошувачи ќе добијат пристап до широк асортиман производи, меѓу кои мебел, осветлување, декоративни елементи, како и решенија за дворови и градини.

Компанијата посочува дека производите на брендот се создаваат со акцент на квалитетот, долготрајноста и одржливото производство, при што секое парче мебел е осмислено да понуди функционалност и безвременски изглед.

Според Flex Group, Kave Home не нуди само производи, туку концепт за создавање пријатни и автентични простори во кои дизајнот и практичноста се во рамнотежа.

Со ова партнерство, Flex Group продолжува со стратегијата за развој и збогатување на домашниот пазар со меѓународно признати брендови, со цел да понуди современи решенија и поголем избор за потрошувачите.

Од компанијата најавуваат дека повеќе информации за новиот бренд ќе бидат достапни преку официјалните профили на Kave Home на социјалните мрежи Facebook и Instagram.

The post FLEX GROUP ГО ОСВОЈУВА ПАЗАРОТ НА ЛУКСУЗЕН ЕНТЕРИЕР Светскиот бренд Kave Home официјално пристигнува во Македонија appeared first on plusinfo.mk.

Претставници на Советот на ЕУ и на Европскиот парламент утрово постигнаа договор за новите правила за циркуларност на дизајнот на возилата и за начините за нивниот третман откако ќе престане нивното користење.

Со директивата ќе се бара новите возила произведени во ЕУ да бидат дизајнирани на начин што ќе овозможи повторна употреба на нивните делови, рециклирање и обнова, како дел од напорите за транзиција на европскиот автомобилски сектор кон поцирклуарен модел.

Документот пропишува мерки за целиот „животен циклус“ на возилата, од нивниот дизајн и производство, па до третманот на „крајот од животниот век“, со цел подобра заштита на животната средина и обезбедување правилно функционирање на единствениот пазар на Унијата.

Директивата, која се однесува на автомобилите, лесните комерцијални комбиња, камионите, мотоциклите, како и сите возила за посебна намена, предвидува тие да бидат дизајнирани на начин што ќе го олесни рециклирањето, повторната употреба на нивните составни елементи и нивно користење за производство на нови делови и компоненти, за што се предвидува поголема застапеност на рециклирана пластика.

За таа цел, за 6 години од стапувањето во сила на директивата, рециклирана пластика треба да биде застапена со 15% во возилата, а за 10 година со 25%.

Се предвидува во рок од 1 година да биде изработена и Студија за изводливост, а дополнително да бидат поставени и цели за процентуална застапеност на рециклиран челик, алуминиум, магнезиум и други ретки суровини во возилата.

Клучен фокус во директивата е ставен на справување со постојаниот проблем на „исчезнување“ на возилата, преку подобрен систем за нивно следење и зајакнати контролни мерки.

Според расположливите податоци, годишно во ЕУ „без трага исчезнуваат“ околу 3,5 милиони возила, кои се извезуваат во трети земји, се расклопуваат или се уништуваат илегално.

За ставање крај на ваквите појави, со директивата се дефинираат норми кога едно возило се смета за отпад и кога тоа ќе ги исполни тие критериуми ќе мора да биде третирано од овластен субјект за третман и не ќе може легално да се извезува или да се препродава „на старо“.

Дополнително се проширува одговорноста на производителите на возилата со тоа што се обврзуваат да обезбедат бесплатен соодветен третман на сите возила по „крајот на нивниот животен век“ и се забранува извоз на половни возила кои не се во возна состојба.

Директивата, исто така, воспоставува и строги правила за пренос на сопственост на возилата од економски оператори на физички лица.

Усогласениот текст на директивата сега треба да биде и формално одобрен од Советот на ЕУ и Европарламентот и таа ќе стапи во сила 2 години по нејзиното усвојување.

The post ВОЗИЛАТА ЌЕ ТРЕБА ДА СЕ ДИЗАЈНИРААТ ЗА ЛЕСНО РЕЦИКЛИРАЊЕ Европската унија воведува нови правила за авто-индустријата appeared first on plusinfo.mk.

Во свет каде технологијата постојано ја редефинира иднината, Avenga Academy (Авенга Академи) веќе 15 години го гради мостот меѓу знаењето и реалните вработувања. Како дел од глобалната групација Avenga, академијата претставува еден од највлијателните центри за едукација во областа на ИТ, дизајн и бизнис, создавајќи заедница од над 20.000 алумни и 200 искусни ментори.

Под мотото „When I complete Avenga Academy, I won’t tell, but there will be signs“, Академијата „Авенга“ ја лансира својата нова кампања посветена на студентите кои преку труд, знаење и истрајност ги градат своите кариери – без големи зборови, но со видливи резултати. Токму врз максимата „Делата зборуваат посилно од зборовите“ се потпираат новите комуникациски активности на едукативниот центар специјализиран во сферата на бизнисот и ИТ индустријата.

„Во време кога сите зборуваат, ние решивме да оставиме делата на студентите да зборуваат наместо нас. Нашата нова кампања ја симболизира суштината на она во што веруваме — дека вистинскиот успех не се декларира, туку се гледа преку резултати. Во изминатите 15 години изградивме заедница од над 20.000 студенти и 200 ментори кои секојдневно докажуваат дека знаењето и посветеноста значат повеќе од празни зборови и ветувања“, велат од менаџерскиот тим на Avenga Academy.

Avenga Academy е носител на меѓународни лиценци и сертификати од светски брендови како Microsoft, Cisco, CompTIA, EC-Council, ISTQB, Kryterion, ACI, Certiport и Meazure, преку кои ги спојува највисоките образовни стандарди со практично искуство за да ги подготви студентите за иднината на работата, каде технологијата и човечкиот потенцијал одат рака под рака.

Годинава, едукативниот и тренинг центар ја прошири својата програма со уште две нови академии: програмирање со примена на вештачка интелигенција и продукт и проектен менаџмент, но постои и надополнување на постоечките програми со модули на примена на вештачка интелигенција, како и алатки кои се побарувани на пазарот. Дополнително, отворени се и уписите за: Web Design и Front-End Development, Graphic Design со Figma и Video Content Creation, Game Design и Production, UI/UX Design, Sales & Business Development, Computer Networks & ITOps, Cyber Security, Software Testing со Playwright и AI, DevOps, Data Science и Digital Marketing.

Со силен фокус на иновација, практична примена и партнерства со индустријата, академијата претставува мост меѓу образованието и професионалниот свет, подготвувајќи ги идните генерации за вистинските предизвици на пазарот.

„Авенга Академи“ (поранешен Сеавус Едукативен и Развоен Центар) е пионер на модерното неформално образование и дел е од глобалната групација „Авенга“.

The post 🎥 „AVENGA ACADEMY“ СО СТРУЧНОСТ И ПОСВЕТЕНОСТ ГИ ИЗДИГНУВА СВОИТЕ СТУДЕНТИ Едукативниот и тренинг центар ја проширува својата програма appeared first on plusinfo.mk.

Под мотото „Рециклирај, креирај, блескај“, на 17 и 18 мај, Дајмонд мол ќе биде домаќин на едукативно-забавен дводневен настан, со цел да се подигне свеста за повторната употреба и рециклирањето на отпадот, особено меѓу најмладите.

Настанот опфаќа креативни работилници, модна ревија од рециклирани материјали, советувалиште за модни стилови, танцови перформанси, како и поставување специјални контејнери за рециклирање текстил во соработка со компанијата „Тексомак“.

На 17 мај (сабота), од 12 до 14 часот, децата од 5 до 12 години ќе имаат можност да учествуваат на забавни и интерактивни работилници каде ќе учат како да изработуваат накит, декорации и нови парчиња облека од стар текстил. Целта е да се поттикне креативното размислување и да се едуцираат децата за важноста на рециклирањето.

Следниот ден, на 18 мај (недела), ќе се одржи модна ревија со креации од отпад, детска модна ревија, советувалиште за модни стилови и танцова изведба на „Скил фактори“, исто така во терминот од 12 до 14 часот.

Покрај забавните активности, Дајмонд мол заедно со „Тексомак“ овозможува граѓаните да придонесат кон заштита на животната средина, со тоа што ќе можат да го одложат својот отпаден текстил во посебни рециклажни контејнери поставени на неколку локации во молот.

„Со овој настан сакаме да испратиме порака дека секој може да придонесе за поздрава животна средина, без разлика дали е дете или возрасен. Преку креативност и едукација, сите заедно можеме да направиме позитивна промена“, велат од Дајмонд мол.

The post ДЕЦАТА ЌЕ СОЗДАВААТ ЧУДА ОД СТАРИ ФАРМЕРКИ Дајмонд мол организира уникатен еко-настан што не се пропушта appeared first on plusinfo.mk.

Полн со енергија: моќен надворешен дизајн со новиот Opel Blitz

Новата Frontera веќе воодушевува на прв поглед со својата моќна интерпретација на смелата и елегантна дизајнерска филозофија на Opel. Подигната силуета и уникатните пропорции кај новата Frontera комбинираат функционална и просотрна кабина со смел и издржлив, но и модерен впечатлив изглед.

Црниот Vizor со новиот амблем Opel “Blitz” му дава на предиот дел на Frontera уникатен идентитет и беспрекорно ги интегрира Intelli-LED предните светла со автоматско долго светло. Кај Vizor можете да најдете трапезоиден отвор за ладење на третина од долниот дел и го нагласува цврстиот и робусен став на автомобилот. Добро познатиот потпис на Opel во форма на крила сјае во модерна интерпретација со три светлосни блока на вертикалната оска. Страничниот дел открива карактеристичен С-столб, кој визуелно ја дели пространата кабина. Додека изразените лакови на тркалата и калниците цврсто го држат автомобилот на патот, а исто така му даваат цврст и модерен изглед.

Паметни решенија за поврзување и удобна и флексибилна кабина

Модерниот изглед и чувство продолжуваат во внатрешноста каде паметниот дизајн се спојува со практичноста. Широките хоризонтални декоративни елементи на инструмент таблата и вратите визуелно ја прошируваат и онака воздушната кабина. Типичниот целосно дигитален Pure Panel cockpit на Opel со 10” информативен дисплеј за возачот и, опционално, подеднакво голем инфозабавен дисплеј е исто толку привлечен како и елегантниот нов управувач. За клиентите кои претпочитаат да користат мобилен уред, почетната верзија доаѓа со иновативна, практична станица за паметни телефони како стандард наместо централен екран. Opel повторно ги прави достапни иновациите за седиштата за широк спектар на купувачи со новата Frontera благодарени на патентираната функција Intelli-Seat. И во согласност со пристапот „Greenovation“ на Opel, опционално достапните Intelli-Seats се направени од рециклиран и одржлив материјал.

Забавата и удобноста кај овој модел дополнително се зголемени со низа паметни решенија кои започнуваат од безжичен полнач до максимум пет USB-C прикучоци достапни кај верзијата со седум седишта. Поголемите уреди, како што се таблетите, за кои вообичаено е потешко да се најде место во кабината, може безбедно да се складираат кај централната конзола благодарение на флексибилната лента што ги држи на место. Кај џебовите за паметни телефони на задниот дел од потпирачите за грб на предните седишта заедно со другите отворени места за складирање во кабината можете да ги сместите секојдневните предмети и имаат гумена облога што спречува тропакање и лизгање

Покрај тоа, новата Frontera импресионира со својот флексибилен капацитет на товарење. Со преклопени задни седишта се овозможува багажен простор до околу 1.600 l со дополнителна разноврсност што ја обезбедува задната клупа со поделба 60:40. По пристигнувањето на својата дестинација, Frontera која е погодна за семејства, лесно може да товарите шатор на кровот благодарение на кровните носачи каде може да поставите товар до 240 kg.

Секогаш електифицирана: Frontera Electric или Frontera Hybrid со 48-v технологија

За да се обезбеди одговорно задоволство при возење, клиентите можат да изберат помеѓу електрична и високоефикасна hybrid со 48-volt технологија верзија. Frontera Hybrid е опремена со 1.2-литарски турбо бензински мотор од 74 kW (100 КС) дизајниран специјално за hybrid верзијата. Ова работи во комбинација со 21 kW (28 КС) eлектричен мотор и eлектрифициран шест-степен менувач со двојна спојка, така што потрошувачката на гориво и емисијата на CO2 се значително пониски во споредба со моделите со мотор со внатрешно согорување. Frontera Hybrid е достапна и во комбинација со 1.2 турбо бензиски мотор од 100 kW (136 KС).

Клиентите во Германија кои сакаат да патуваат без емисии можат да ја нарачаат Frontera Electric со 83 kW (113 КС), 44 kWh (употребливо) батерија и опсег до 305 km (според WLTP). Како верзија со „долг опсег“, новата Frontera Electric ќе може да помине до околу 400 km (прелиминарен опсег според WLTP) со едно полнење.

Нивоата на опеменост на Frontera се подеднакво дизајнирани за клиентите. Овој модел е достапен како Frontera Edition или како Frontera GS. Дури и почетното ниво е богато опремено со функции како стандардна опрема како што се: 10” дисплеј за возачот, станицата за паметни телефони, OpelConnect со различни телематски услуги и Intelli-LED предните светла со помош за долго светло. GS нивото на опременост доаѓа со Pure Panel cockpit со системи како што е мултимедијалниот инфозабавен систем со 10” екран на допир во боја и интегрирана навигација, предниот parking pilot и камера за возење наназад. Во дополнителните функции се вклучени LED предните и задните светла, како и автоматскиот клима уред. 17” алуминиумските фелни кои се исто така привлечни кај GS. Има избор од вкупно шест бои за надворешноста. Кровот може да се избере во боја на каросеријата или во контрастна црна или бела боја.

Со својот впечатлив нов изглед, паметните и забавни решенија заедно со едноставниот избор од целосно електрична или hybrid верзија, новата Opel Frontera уште еднаш покажува дека германскиот бренд сериозно го сфаќа ветувањето за електрификација, а истовремено и привлекува широк спектар на клиенти.

• Избор за клиентите: електрична верзија или ефикасен hybrid со 48-volt технологија
• Впечатлива надворешност: моќна интерпретација на дизајнерската филозофија на Opel со Opel Vizor и новиот Blitz
• Паметни решенија: станица за паметни телефони, безжично полнење, eргономска Intelli-Seats карактеристики и многу повеќе
• Изобилство на простор: до околу 1,600 l товарен простор, за верзијата со седум седишта
• Интелигентни решенија: безжично полнење и проекција на паметниот телефон, дополнителни USB приклучоци и повеќе

Комбинирани вредности за Opel Frontera Electric според WLTP: потрошувачка на енергија 18.2-18.5 kWh/100 km, емисија на CO2 0 g/km; CO2 ознака: A.
Комбинирани вредности за Opel Frontera Hybrid 1.2 турбо бензиски мотор со директно вбризгување од 74 kW (100 КС) и шест-степен автоматски менувач со двојна спојка според WLTP: потрошувачка на гориво 5.5 l/100 km, емисија на CO2 122-123 g/km; CO2 класа: D.
Комбинирани вредности за Opel Frontera Hybrid 1.2 турбо бензиски мотор со директно вбризгување од 100 kW (136 КС) и шест-степен автоматски менувач со двојна спојка според WLTP: потрошувачка на гориво 5.2-5.3 l/100 km, емисија на CO2 118-120 g/km; CO2 класа: D.

The post 📷 НОВАТА OPEL FRONTERA Електричен, просторен и забавен SUV appeared first on plusinfo.mk.

Компанијата „Хот и Хот“ пред трговскиот центар Ист гејт синоќа ја презентираше својата нова иновација НОММАД, која нуди уникатни решенија за изградба на домови во природа без комплицирани административни процедури.

Овој проект претставува одговор на потребите на современите граѓани за удобен и еколошки живот, и има за цел да понуди безброј можности за создавање идеално живеалиште.

– Изградбата на дом на вашата посакувана локација никогаш не била полесна. Нашите модули не само што се луксузни, туку се и енергетски ефикасни и еколошки. Тоа значи дека можете да уживате во природа, а да не ја загрозите животната средина – велат претставниците на компанијата.

Како што споделија пред присутните, модулите НОММАД се дизајнирани да бидат брзо инсталирани на секое слободно место. Овие самоодржливи контејнери може да се постават без комплицирани процедури, а нивниот современ дизајн совршено се вклопува во природата. Компанијата осигурува транспорт и инсталација на модулите, што значи дека клиентите можат да се фокусираат на уживањето во својот нов дом.

– Флексибилноста на нашите модули е уште една од главните предности. Ако модулот од 27 м² не е доволен, можете лесно да додадете уште еден и да добиете малку поголема викендичка. Ова е одлично решение за сите оние кои сакаат да создадат простор за семејство и за пријателите – истакнаа од компанијата.

Покрај индивидуалните клиенти, НОММАД нуди и можности за угостителски објекти, кои можат да ги зголемат своите капацитети и да понудат нови содржини за своите гости. Со минималистичкиот и софистициран дизајн, модулите се идеални за интеграција во градските и во природните средини.

– Наша цел е да помогнеме на луѓето да создадат домови што ќе бидат во согласност со современите стандарди за живеење, а притоа да ја заштитиме природата. Со НОММАД, вашиот идеален дом ве очекува – порачаа од компанијата.

Како дел од новата ера на одржливо живеење, НОММАД не само што нуди практични решенија, туку и промовира одговорен однос кон животната средина. За сите заинтересирани, оваа иновација може да биде клучот за создавање совршен дом во природа.

Компанијата „Хот и Хот“ најави дека со вакви објекти ќе гради ресорт во Охрид.

The post 📽️ 📷 НОВА ЕРА ВО ЖИВОТОТ НА ОТВОРЕНО Компанијата „Хот-Хот“ го претстави иновативниот дом НОММАД appeared first on plusinfo.mk.

– Нашата Mokka е бестселер. Смела, чиста и непогрешлива – автомобил полн со карактер што се истакнува во толпата. Токму затоа само нежно го нагласивме нејзиниот современ дизајн со новиот Opel Blitz и графички елементи. Најголемата промена може да се види во внатрешноста. Кокпитот сега изгледа уште појасно и го пренесува графичкиот дизајн на Opel Vizor од предниот дел на возилото. Дополнително, возачот и патниците на новата Mokka можат да уживаат во следната генерација на инфоразвој. Нарачките се отворени за новата Mokka – рече генералниот директор на Opel, Florian Huettl.

Карактерот нагласен: Новиот Opel Blitz, осветлувачки „блокови“и графички акценти

Со своите смели и јасни линии, вклучувајќи го Opel Vizor, Mokka веќе остави свој белег. Тоа беше првиот модел кој ја воведе карактеристичната бренд фација, која сега го краси секој нов модел. Овој самоуверен дизајн инспирира многу клиенти – и затоа Opel не ја преработи комплетно надворешноста на Mokka, туку суптилно ги нагласи нејзините визуелни сили. Новиот Opel Blitz во центарот на Opel Vizor помага дополнително да се нагласи карактерот на Mokka. Црниот Vizor визуелно ги интегрира новиот Blitz и светлата во еден елемент. Како на новиот Opel Frontera, познатиот потпис на LED светлата напред и назад свети во по-модерна интерпретација со три „осветлувачки блокови“ што обезбедуваат безкомпромисен изглед.

Детокс и Greenovation: Новата Mokka – внатрешноста свети во ново светло

Новата Opel Mokka продолжува со својата ресурсно-економична стратегија во внатрешноста. Сите ткаенини се направени од материјали со рециклиран состав. Визуелно, „детокс“ пристапот – јасната фокусираност на основните елементи – зазема централна сцена.

Централната конзола помеѓу предните седишта, во мат сребрена нијанса, сега е уште појасна од порано. Целиот дизајн на кокпитот сега изгледа посвежо и посакувано, како од повисока класa на возила. На пример, дизајнот на преостанатите прекинувачи за електричната паркирачка сопирачка и селектируемите начини на возење (на Mokka Electric и автоматските верзии) доаѓа од новиот Opel Grandland.

Интелигентен, интуитивен, прилагодлив: надграден инфоразвојен систем

Новиот мултимедијален и навигациски инфоразвојен систем исто така ја носи новата Mokka на следното ниво. Понатаму развиениот бестселер сега нуди 10-инчен дигитален дисплеј за информации за возачот и исто така голем екран на допир како стандард. Истиот може лесно да се управува преку модули, како преку паметен телефон – алтернативно и во комбинација со опционалниот навигациски систем, едноставно „Хеј, Opel“ е доволно за користење на природното препознавање на глас. Двата дисплеја можат да се персонализираат на многу начини. Системот го препознава личниот профил на возачот на поврзаниот паметен телефон; поврзаноста е секогаш безжична во новата Mokka.
Апликацијата myOpel исто така може да се користи за лесно испраќање на дестинацијата и соодветната рута до возилото.
Дополнително, инфоразвојниот систем на Mokka Electric нуди EV рутирање со прикажување на станиците за полнење. Покрај тоа, паметните телефони можат да се полнат безжично.

Детоксирана понуда

Новиот модел ќе биде достапен во две нивоа „Edition“ и „GS“ и може дополнително да се прилагодат со два индивидуализирани пакета. Компактниот SUV ќе биде достапен и како модерен хибрид со 48 V технологија и како електричен, исклучиво со 115 kW (156 hp) електричен мотор и 54 kWh батерија. Со автономија до 403 km (WLTP2) без емисии. Локацијата на батеријата под подот овозможува низок центар на гравитација и гарантира дека новиот Mokka Electric стабилно стои на патот.
Клиентите кои претпочитаат алтернативен погон можат да ја изберат новата Mokka Hybrid со 48V технологија со 100 kW (136 hp) 1.2-литарски турбо бензински мотор со 21 kW (28 hp) електричен мотор и нова електрифицирана шестстепена двојна спојка.

Оптимизираниот систем помага значително да се намали потрошувачката на гориво и CO2 емисиите во споредба со соодветно конвенционално управувано возило. А при ниски брзини, возачите на Mokka Hybrid можат дури и да управуваат со својот SUV низ градскиот сообраќај исклучиво електрично и без емисии.

Со новата Opel Mokka, Opel Frontera и Новиот Grandland, Opel нуди навистина модерно, современо и фокусирано кон иднината SUV трио што ги исполнува сите желби на различни типови на клиенти.

The post ПООСТРА, ПОМОДЕРНА И ДИГИТАЛНА Погледнете ја новата Opel Mokka appeared first on plusinfo.mk.

Со откривањето на PEUGEOT 408 во јуни 2022, PEUGEOT ја донесе allure fastback силуетата на врвот во С сегментот. Неочекувано поинаков, 408 се издвојува со мачкестиот изглед, динамичните линии кои овозможуваат повисока позиција на возење и софистициран дизајн до најситните детали.

Двата електрични погона, PLUG-IN HYBRID 180 КС e-EAT8 и PLUG-IN HYBRID 225 КС e-EAT8,  го означуваат првиот чекор на електрификација на 408. Претходно оваа година се приклучи 48V HYBRID 136 e-DCS6 на моделот 408. Новиот PEUGEOT E-408 ја подига стратегијата за електификација на повисоко ниво со погон од 157 kW/210 КС за возење без емисии заедно со 58,2 kWh (употрблива) NMC батерија.

Лансирањето на PEUGEOT E-408,го означува чекорот напред во амбицијата на PEUGEOT да стане лидер за електрични возила во Европа. Новиот PEUGEOT E-408 ќе се произведува во фабриката во Mulhouse и ќе има придобивки од ALLURE CARE програмата со гаранцијата од 8 години/160.000 км која е најдолга од кој било европски бренд, но во одредени земји.

Неочекуван fastback дизајн

Иновативен и неочекуван fastback дизајн кој совршено се вклопува кај новиот PEUGEOT E-408. Платформа која овозможува целосна електрификација без да има влијание врз стилот, динамиката или комфорот во внатрешноста.

PEUGEOT E-408 се базира на E-EMP2 (Eфикасната модуларна платформа), со вкупна должина од 4,69 м и ширина од 1,85 м (со преклопени ретровизори) и со меѓуоскино растојание од 2,79 м. Овие обемни димензии овозможуваат батеријата да се постави под каросеријата, под подот помеѓу тркалата, со што се зачувува просторот во кабината и се намалува центарот на гравитација кај  PEUGEOT E-408 за динамично возење и зголемено задоволството при возење.

Оваа архиктетура ја комбинира динамичната елеганција на fastback, однесувањето на патот достојно за најдобрите лимузини и лесно покачената позиција за возење што го подобрува секојдневното уживање, безбедност и удобност.

Мачкаст изглед

Со ширина на возен трап, 1,59 м напред и 1,60 м назад, PEUGEOT E-408 цврсто стои на патот. И покрај тоа што е издигнат, овој модел нуди елегантен и спортски изглед благодарение на ограничената висина од 1,49 м, што ја подобрува аеродинамиката.

Мачкастиот изглед на PEUGEOT E-408 е нагласен со уникатните и остри линии на површината на каросеријата, особено се забележува на задниот дел  со задниот спојлер во форма на мачкини уши, капакот на багажникот, и обликот на крилјата, создавајќи остри страни дизајнирани да си играат со светлината.

Страничната заштита на каросеријата и лаковите на тркалата се прошируваат во робусен црн заден браник, кој со дијагонално „сечење“ на бојата на каросеријата ја нагласува динамиката на задниот дел. Големите 19” Graphite фелни со иновативен дизајн добиваат 225-50R19 пневматици со многу низок отпор на тркалање (A+ класа).

Модерен индентитет

Со обработката, решетката во боја на каросеријата кај PEUGEOT E-408 се „претопува“ така што се вклопува во целокупната форма на браникот. Знак за генерациска промена и ера на електрификација на гамата на Peugeot.

Индентитетот на брендот е повидлив од кога било преку константното осветлување. На предниот дел се сместени LED многу тенки и ефективни предни светла кои го формираат изгледот на PEUGEOT E-408: смелиот изглед на PEUGEOT. Светлосниот потпис се протега надоле со две LED ленти во форма на лавовски заби кон браникот. На задниот дел, индетитетот на PEUGEOT кој е во форма на три LED лавоски канџи, внесуваат поголема динамика.

Достапни се пет бои за новиотPEUGEOT E-408: бела Okenite, сина Obsession, сива Selenium, црвена Elixir и црна Perla Nera.

Уникатно искуство при возење

Врвниот PEUGEOT i-Cockpit® oвозможува исклучителна ергономија. Компактниот управувач го продобрува задоволството при возење овозможувајќи уникатна агилност и прецизност при движење. Позиционирана во висина на погледот на возачот, веднаш зад управувачот, дигиталната инструмент табла вклучува целсоно приспособлив 10” 3D дигитален панел.

Задоволството при возење е во гените кај новиот PEUGEOT E-408, овозможени од радиусот на вртење од раб до раб од 11.18 m. Цврстината на каросеријата е оптимизирана со поврзување на структурните елементи за да се подобри вибрачката удобност.

Перформансите придинесуваат за задоволството при возење

Новиот PEUGEOT E-408 е опремен со синхронизиран електричен мотор со постојани магнети кој испорачува моќност до 157 kW (210 КС) и вртежен момент од 345 Nm. Овој мотор е произведен во франција, во Trémery, со заедничко вложување со STELLANTIS-NIDEC. Редукторот со кој е поврзан е произведен од STELLANTIS во Valenciennes (Франција).

Потребно време за полнење

На 7.4kW ѕиден полнач (32 A) и со 7.4kW еднофазен вграден полнач за целосно полнење потребно е 1 час и 40 минути.

На засилен приклучок (14 A) и со 3.7kW еднофазен бграден полнач за целосно полнење е потребно 3 часа и 55 минути.

На стандарден приклучок (8A) и со едофазен вграден полнач (3.7kW) за целосно полнење е потребно 7 часа и 05 минути.

Еден hybrid мотор е достапен кај PEUGEOT 408

HYBRID 136 e-DCS6: погон на 2 тркала /комбинација од 136 КС турбо мотор (100kW) и 48V батерија споено со 6-степен e-DCS6 автоматски менувач.

PEUGEOT HYBRID 48V системот се состои од најновата генерација на 136 КС бензински мотор надополнет со 6-степен менувач со двојна спојка и кој работи заедно со електричен мотор. Благодарение на батеријата која се полни додека возите, оваа технологија обезбедува дополнителен вртежен момент при ниски вртежи и намалување на потрошувачката на гориво до 15% (5.2 l/100 km според WLTP комбиниран циклус). При возење во градски подрачја, новиот 408 Hybrid 136 e-DCS6 може да вози до 50% од времето во 100% eлектричен режеим без емисии.

The post НЕОЧЕКУВАН ОД СЕКОЈ АГОЛ, 100% ЕЛЕКТРИЧЕН! „Пежо“ ја комплетира гамата електрични возила со новиот Е-408 appeared first on plusinfo.mk.

„Alef Aeronautics“ го претстави летечкиот автомобил „Alef Model A“ претходно оваа година, што предизвика огромен интерес. Сега објавија дека досега добиле над 3.200 нарачки за овој модел кој има почетна цена од околу 300.000 долари.

„PUCARA Aero“ и „MYC“ со искуство во производство на воздушни делови за „Boeing“ и „Airbus“ започнаа заедничко вложување и потпишаа договор за производство на делови за „Alef“. Првите примероци на овој летечки автомобил треба да бидат произведени до крајот на следната година.

Калифорниската компанија поддржана од „Space X“ на Маск го претстави својот прв автомобил на почетокот на оваа година – „Model A“. Тоа е двосед кој во режим на пат функционира како електричен автомобил опремен со четири електрични мотори.

Во подот под телото на саќето има осум пропелери. Во режимот на лебдење, кабината се ротира за 90 степени, така што предниот и задниот дел на возилото делуваат како крило. Според најавите на производителот, автомобилот треба да може да помине до 320 километри на пат и до 180 километри во воздух.

Да потсетиме, минатата година Федералната управа за авијација му додели на „Alef“ специјален сертификат за воздухопловство и му дозволи да лета за ограничени цели. Одделно, „Alef“ работи на автомобил со четири седишта, „Model Z“, кој треба да биде лансиран до 2035 година по цена од само 35.000 долари.

The post 📽️ НАД 3.000 ЛИЦА УПЛАТИЛЕ КАПАР ЗА ПРВИОТ ЛЕТЕЧКИ АВТОМОБИЛ Наскоро ќе започне производството на ова футуристичко возило appeared first on plusinfo.mk.

Според написот Ангелина Аќимовиќ била девојка со многу интереси и афинитети, а еден од нив несомнен била модата. Нејзинит татко го изјавил следното за нејзините погледи на светот.

– Ангелина беше уметничко дете и ова е врвот на остварувањето на нејзиниот сон, да има своја модна ревија. Таа не успеа да ги оствари своите соништа за време на нејзиниот живот, но од неа наследивме огромно уметничко богатство, а наша задача е да ги реализираме нејзините соништа. Таа беше чудесно дете кое Бог ни го даде, бевме благословени да живееме со неа 14 години и таа нè научи многу и ни го збогати животот. Колку е талентирана покажа со својот талент, скромноста, но и големата продорност. Не ни знаевме како да ги оцениме, но во модната куќа „Диор“ за нејзините дела рекоа дека се – фантастични и извонредни. Направија и два фустани според цртежите на Анџелина и вечерва тие се тука – изјави Анѓелко Аќимовиќ.

Сите фустани се на продажба, а сите пари ќе бидат собрани и пренасочени во новооснованата фондација „Ангелина“ чија основна задача е да се спречи повторување на трагедиите какви што лани ја обвија во црно Србија.

– Нашата цел е да пропагираме дека семејството е основата на нашето општество, да ги научиме луѓето што може да го зајакне и дека кога ќе нè нема, фондацијата ќе продолжи да работи – рече таткото на Ангелина.

The post 📽️ СОНОТ НА АНГЕЛИНА ОД РИБНИКАР Е ОСТВАРЕН 17 дизајнери од светот се инспирираа од цртежите на покојното девојче appeared first on plusinfo.mk.