Градоначалникот на Град Скопје, Орце Ѓорѓиевски извести дека денеска заедно со градоначалникот на општина Сарај, Мухамед Елмази, го посетиле просторот покрај реката Вардар, на патот кон селото Рашче, место кое, како што вели до вчера било дива депонија, а денес веќе се чисти и се подготвува да добие сосема нов лик.

„Овој запуштен простор ќе прерасне во голем, модерен и уреден парк, со хортикултурно и партерно уредување, зелени површини и содржини за рекреација, одмор и дружење на жителите од овој дел на Сарај.

Исто така, наскоро започнуваме и реконструкција на мега-паркот во Сарај, кој децении е оставен во негрижа. Ова место има природна убавина, има потенцијал и заслужува грижа. Не заслужува отпад, запуштеност и заборав, туку живот, зеленило и простор во кој граѓаните ќе уживаат. Вложуваме во секој дел од Скопје, затоа што сите наши сограѓани заслужуваат еднакви услови, уредена околина и подобар квалитет на живот“, порача Ѓорѓиевски.

The post 📽️ ГОЛЕМА ТРАНСФОРМАЦИЈА ВО САРАЈ Просторот на дивата депонија ќе се претвори во парк appeared first on plusinfo.mk.

Фирма од Скопје треба да плати казна од 20.000 евра, откако нејзин камион е фатен како незаконски фрла градежен шут на дива депонија во близина на селото Долно Лисиче, информира Општина Аеродром во соопштение.

„При вонреден инспекциски надзор во Долно Лисиче во Општина Аеродром, на локацијата викана „Купишта“, затекнат е камион кој незаконски одлагал отпад од градежен шут, спротивно на Законот за управување со отпад. Од страна на општинскиот инспекторат е издаден прекршочен платен налог за правното лице, согласно член 130 од Законот. За сторениот прекршок е изречена глоба од 20.000 евра во денарска противвредност“, се наведува во соопштението на Општината.

Општина Аеродром додава дека ќе продолжи со засилени инспекциски контроли и нема да дозволи уништување на животната средина, загадување и создавање диви депонии на територијата на општината.

„Апелираме до сите граѓани и компании совесно да постапуваат со отпадот и да ги почитуваат законските прописи. За секое несовесно однесување ќе следуваат санкции“, соопшти Општината.

ГАЗДАТА НА КАМИОНОТ ФАТЕН КАКО ИСТУРА ШУТ Е ОБВИНЕТ ЗА ПРЕГАЗУВАЊЕ НА ЈОРГО ЌУКА Има условна казна за перење пари во предметот „Синџир“

The post 20.000 ЕВРА КАЗНА ЗА ФИРМАТА ЧИЈ ВОЗАЧ БЕШЕ ФАТЕН НА ДЕЛО Беше затекнат на локацијата „Купишта“ во Долно Лисиче appeared first on plusinfo.mk.

Екипите на ЈП Комунална хигиена Скопје денеска исчистија обемна дива депонија лоцирана на паркингот на градските гробишта „Бутел“, во непосредна близина на последната постројка на линијата број 59.

Во рамките на активностите се подигнати и транспортирани приближно 80 кубни метри претежно кабаст и мешан комунален отпад. Воедно, спроведено е рачно и машинско метење, како и машинско миење на паркинг-просторот со автоцистерна.

Град Скопје и ЈП Комунална хигиена апелираат да престане незаконското и несовесно одлагање отпад на јавни површини, со коешто директно се загадува животната средина и се загрозува јавното здравје.

The post 📷 НАМЕСТО КОЛИ, „ПАРКИРАЛЕ“ ОТПАД Паркингот кај гробиштата „Бутел“ претворен во депонија appeared first on plusinfo.mk.

Во гостување во „Само Интервју“ на Канал 5 Арсовска рече дека во „Нова алтернатива“ ќе има спој на луѓе со кои планираат да ги спојат искуството и енергијата, а кои досега не биле дел од политиката.

– Ќе се залагаме за правда, правичност, економски просперитет и борба со корупцијата – рече Арсовска.

Арсовска информираше дека Град Скопје поднел кривични пријави во МВР против неколку лица во врска со голема дива депонија во општина Ѓорче Петров и посочи оти очекува ограните да постапуваат по пријавата.

The post ДА ДОЈДЕА И ОД ВМРО-ДПМНЕ ЌЕ СЕДЕА ВО ПРВ РЕД Арсовска вели дека сите партии биле поканети на конвенцијата на Нова алтернатива appeared first on plusinfo.mk.

Станува збор за депонија создавана со години пред мостот во Долно Лисиче што граничи со Јурумлери. Овој потег преполн со ѓубре, шут и кабаст отпад, покрај тоа што е премногу лоша слика за тој дел од општината, претставува и голема опасност за животната средина и здравјето на жителите.

„Општина Аеродром и градоначалникот Тимчо Муцунски остануваат фокусирани на решавање на горчливиот проблем со дивите депонии. Лоцирани се сите депонии на територијата на Општина Аеродром и активно се работи на нивно расчистување. Општината воведе и сменска работа на инспекциските служби, кои се постојано на терен и ги едуцираат жителите, а во краен случај и ги казнуваат несовесните граѓани што фрлаат шут и отпад на јавни површини. Ова зачестено чистење на депониите дава свој придонес во борбата против загадувањето. Остануваме посветени на одржување и зачувување на јавната чистота затоа што аеродромци заслужуваат да живеат во здрава и хумана средина“, порачаа од Општина Аеродром.

The post СЕ ЧИСТИ ДИВАТА ДЕПОНИЈА КАЈ ДОЛНО ЛИСИЧЕ Натрупаното ѓубре со години ги труеше жителите appeared first on plusinfo.mk.