„Бамби“, една од најпознатите кондиторски компании во регионот, е нов принципал во портфолиото на компанијата Нелт СТ, членка на Нелт Група. Со оваа соработка, Нелт СТ ја започнува дистрибуцијата на производите на Бамби на пазарот во Северна Македонија.

Партнерството на компанијата „Бамби“ со силен регионален бренд и на компанијата Нелт СТ, која располага со исклучителна локална експертиза во областа на дистрибуцијата и развојот на пазарот, претставува цврста основа за долгорочен раст, унапредување на достапноста на производите и создавање дополнителна вредност за трговските партнери и крајните потрошувачи.

– Со преземањето на дистрибуцијата на брендот „Бамби“ продолжуваме со проширување на портфолиото на стратешки принципали, потпирајќи се на силен дистрибутивен систем и долгорочни партнерства. Силата на Нелт Група произлегува од принципиелната соработка со лидери во различни категории и од високите стандарди што ги одржуваме во секој дел од операциите. Убеден сум дека и соработката со компанијата „Бамби“ ќе биде успешна и долгорочна, бидејќи ги споделуваме истите вредности – квалитетна услуга, професионален пристап и јасен фокус на потрошувачите – изјави Драган Димоски, менаџер на дивизија Нелт СТ.

Компанијата „Бамби“ е дел од групацијата Coca-Cola HBC Србија, а ја одликува силна пазарна препознатливост, широка база на потрошувачи и значителен потенцијал за понатамошен раст на пазарот во Северна Македонија.

Нелт Група и „Бамби“ веќе со години успешно соработуваат на пазарите во Србија и во Босна и Херцеговина, а новата соработка во Северна Македонија дополнително ја продлабочува регионалната соработка. Фокусот на заедничките активности ќе биде насочен кон зајакнување на позицијата на брендот Бамби, развој на портфолиото и проширување на достапноста на производите преку силната дистрибутивна мрежа на Нелт СТ.

The post НЕЛТ ГРУПА ЌЕ ДИСТРИБУИРА ПРОИЗВОДИ НА „БАМБИ“ ВО МАКЕДОНИЈА Брендот има многу потрошувачи и потенцијал за раст на македонскиот пазар appeared first on plusinfo.mk.

Во јуни годинава ќе биде распишан тендер за избор на универзален снабдувач со електрична енергија, информираше претседателот на Регулаторната комисија за енергетика и водни услуги, Марко Бислимовски. Како што посочи тој, иако тендерот е отворен, досега речиси секогаш се пријавувал државниот производител ЕСМ, кој нуди цена далеку под пазарната.

– Од најавите кои ги слушам, најверојатно ќе се оди со истата цена од 62 евра за мегават-час – изјави Бислимовски во гостување во емисијата Топ Тема на ТВ Телма.

Тој потсети дека од пред година и половина, цените за пренос и дистрибуција ќе се определуваат во ноември и декември, по што ќе се одредува и крајната цена на универзалниот снабдувач.

Во однос на тоа дали ќе има промени во цената на електричната енергија за граѓаните, Бислимовски оцени дека не се очекува поскапување.

– Јас не очекувам дека ќе има промена на електричната енергија за домаќинствата и малите потрошувачи – истакна тој.

Според него, фактор кој влијае на производната цена на ЕСМ е зголемениот увоз на јаглен, кој е присутен во последните неколку години.

The post НЕМА ДА ИМА ПОСКАПУВАЊЕ НА СТРУЈАТА Бислимовски најави стабилни цени и нов тендер за универзален снабдувач appeared first on plusinfo.mk.

По иницијатива на претседателот на ЗЕЛС, Орце Ѓорѓиевски, во соработка со НУБ ,,Св. Климент Охридски” – Скопје, почнува акција за дистрибуција на примероци од Правописот на македонскиот јазик во сите основни училишта низ државата.

„Оваа активност е важен придонес кон подобрување на наставниот процес, подигнување на јазичната култура кај учениците и зачувување на македонскиот јазик како суштински дел од нашиот национален идентитет. Акцијата следи откако во депоата на Националната и универзитетска библиотека „Св. Климент Охридски“ – Скопје беа откриени 2.600 примероци од второто издание на Правописот, кои цели седум години не биле дистрибуирани и биле чувани во несоодветни услови, иако првично биле наменети за сите јавни установи и институции, како и за лекторатите и библиотеките во земјава и странство, се наведува во соопштението од Кабинетот на Ѓорѓиевски.

По остварената средба меѓу претседателот на ЗЕЛС, Орце Ѓорѓиевски со директорот на НУБ ,,Св. Климент Охридски” – Скопје, Јовица Никчевски, како што се наведува во соопштението, се става крај на евидентираната институционалната негрижа и се обезбедува сите училишта во државата да поседуваат Правопис, ставен во функција на образовниот процес и грижата за македонскиот јазик.

НУБ ,,Св. Климент Охридски” ќе достави 1000 примероци на ЗЕЛС кои ќе бидат распределени во сите основни училилишта во земјава, а ќе бидат опфатени и сите 950 на централните и подрачните училишта.

The post СИТЕ ОСНОВНИ УЧИЛИШТА ЌЕ ДОБИЈАТ ПРАВОПИС 2.600 примероци стоеле во депоа 7 години appeared first on plusinfo.mk.

– Ни претставува огромно задоволство што ова напредно решение после пазарите на Србија, Босна и Херцеговина и Црна Гора успеавме да го имплементираме и на пазарот во  Македонија со што продолжуваме да го следиме нашето заложување за примена на најсовремените технологии и процеси во секојдневното работење. Наш партнер, кој од самиот почеток ги препозна сите бенефити кои ги носи овој нов процес и безрезервно нè поддржа во оваа имплементација е Рамстор. Денес, со Рамстор имаме имплементирано комплетно дигитализиран процес од нарачка до испорака и архивирање на документација во дигитален формат – вели Методија Христовски, менаџер на логистика во Нелт СТ и додава: Нелт СТ како дел од Нелт Група, ќе продолжи да биде целосно фокусиран на потребите на нашите клиенти, постојано подобрување на нивното искуство од нивото на нашите услуги, воведувајќи решенија кои ќе придонесат за заеднички развој.

Клучната причина за оваа трансформација е елиминирање на хартиената форма на фактурите и корективните документи кои досега ја следеа стоката или настануваа при самата испорака. Сега, сите тие детали се управуваат во реално време преку таблетите на доставувачите. Секое неопходно коригирање се прави при самата испорака за време на процесот на проверка на количини, а на крајот двете страни ги потврдуваат деталите во таблетот. Така финализираните податоци се испраќаат во системот на Нелт каде што се генерираат фактурите во дигитална форма врз основа на реално примените количини кај купувачот.

Дигиталните фактури се електронски потпишани, архивирани и испратени директно до клиентите преку е-пошта која тие ја споделуваат. Покрај системот на Нелт, дигиталните фактури дополнително се архивираат и чуваат од страна на овластен архивар (Инбокс) на територијата на Македонија со што се овозможува максимална безбедност.

– Особено важно да се спомене е дека заедно со компанијата Инбокс развивме Cloud платформа која овозможува лесен начин за клиентите да го потврдат приемот на дигиталната фактура или да пријават какви било неправилности, со што процесот не завршува додека сите прашања не бидат разрешени. Ова ја подобрува точноста и ефикасноста, придонесува за точно задолжување во секое време и ослободување на кредитен лимит, дава пристап на клиентите и купувачите до платформата Track & Trace (следење во живо), дава исправни фактури и сторно документи истиот ден без употреба на корективни документи, а и значително ја намалува и употребата на хартија. Нелт СТ свесно и одговорно се залага за одржливост и заштита на животната средина – велат од компанијата.

Нелт Група во претходната година забележа неделно намалување на потрошувачката од 160.000 листови хартија, што претставува 800 килограми хартија. Со заштеда од речиси 65 проценти во делот на корективните документи, годишно се трошат 40 тони помалку хартија, со што се зачувани 1.000 дрвја кои инаку би се користеле за производство на хартија. На овој начин, Нелт Група се стреми да ги зачува природните ресурси и да го намали својот еколошки отпечаток, а со тоа да придонесе за одржлив развој на бизнисот и заедницата.

Нелт Груп е еден од најуспешните деловни системи во регионот Адриа во областа на логистика и дистрибуција на стоки за широка потрошувачка, тутун и фармацевтски производи. Како меѓународна групација, вработува повеќе од 5.500 луѓе во 14 компании, на 12 пазари во Европа и Африка. Водечката позиција и успесите постигнати во текот на 30 години бизнис се резултат на постојано инвестирање во едукација и развој на вработените, иновации и примена на нови технологии, а инклузивната и отворена корпоративна култура е заштитен знак на компанијата.

The post ДИГИТАЛНА ИСПРАТНИЦА – РЕШЕНИЕ ЗА ПОЕФИКАСНА ИСПОРАКА Нелт СТ поставува нови стандарди во дистрибутивните процеси appeared first on plusinfo.mk.

Од МВР информираат дека граѓаните ќе можат да ги подигнат во најблиската станица за технички преглед.

Налепниците се бесплатни, а треба да ги набават сите сопственици на возила чии регистарски ознаки немаат никаква ознака или имаат ознака МК.

Промената на ознаката МК во NMK на регистарските таблички е обврска од Преспанскиот договор која треба да се реализира до 12 февруари.

Дел од станиците за техничките преглед на возила со кои контактиравме велат дека не ги добиле налепниците, но очекуваат во текот на денот да ги добијат.

Налепниците, како што рекоа, ќе ги добие секој граѓанин кој има возила, а треба со себе да понесе лична карта и сообраќајна дозвола за возилото.

Налепници наместо целосна замена на регистраските таблички побараа превозниците за да не ја менуваат целосната документација за камионите, приколките и полуприколките, но деновиве реагираа дека поради доцнењето на налепниците со новотo име на државата ќе трпат огромни загуби бидејќи нивните возила нема да можат да излезат од земјава.

Реагираа и туристичките превозници кои имаат сопствен превоз и автобуските превозниcи кои сообраќаат на релации во странство.

Камионските и автобуските превозници бараат поорганизирана распределба на налепниците за да немаат застој во договорите за превоз на стока и na патници.

Сега имаат 3 дена да ги набават налепниците до последниот рок 12 февруари.

The post ПОЧНА ДИСТРИБУЦИЈАТА НА НАЛЕПНИЦИТЕ NMK Граѓаните можат да ги подигнат во станиците за технички преглед appeared first on plusinfo.mk.

– Регулаторната комисија за енергетика со новата одлука во декември ќе стартува да ја применува ЕУ практиката според која како обврска на регулаторот е дефинирање на тарифите за пренос и дистрибуција, а крајната цена во која влегуваат сите елементи ќе ја соопшти Универзалниот снабдувач – ЕВН хоум – изјави денеска за МИА претседателот на РКЕ Марко Бислимоски.

Тој прецизира дека РКЕ ќе направи проверка дали цената е соодветно пресметана и ќе укаже каде има потреба од корекции ако има отстапувања. Но формулата, како што истакнува, е јасна за сите енергетски компании.

Ниту едно регулаторно тело, вели Бислимовски, не ја кажува крајната цена, освен во Србија, можеби и Косово.

– Регулаторот е да регулира тарифи за пренос и дистрибуција. Ќе ја објави ЕВН хоум , а претходно ќе ја контролира РКЕ каде ќе се проверува дали ќе бидат правилно применети тарифните системи – објаснува Бислимоски.

Како што изјави вчера, ќе нема промена на опсегот на четирите блок тарифи за електричната енергија на регулираниот пазар и покрај забелешките на Меѓународниот монетарен фонд (ММФ).

– Блоковите и нивниот опсег нема да се намалат. Не е тоа решение. Блоковите даваат резултати. Воведената реформа има ефект и има заштеди од 16 отсто. Дури и тоа што беше потопла зимата има удел, но сепак до овој процент е стигнато со штедење на домаќинствата и факт е дека потрошувачката е намалена – рече Бислимоски во ТВ гостување.

Според него, намалувањето на субвенциите што ги даваше Владата за електричната енергија е логичен след затоа што, како што рече, оваа година, по завршувањето на грејната сезона немаме потреба од ТЕЦ Неготино и големите набавки завршија. Воедно, посочи тој, имаме и постабилна и попредвидлива состојба со цените на електричната енергија на берза.

The post ДРУГИ ЌЕ ЈА ДОНЕСАТ, А НИЕ САМО ЌЕ ЈА ПРЕСМЕТАМЕ Бислимоски вели дека цената на струјата ќе ја одредува ЕВН Хоум, а не Регулаторна appeared first on plusinfo.mk.

Таа нагласува дека ЕСМ во изминатиот период во целост го заврши отстранувањето на опожарениот топловод на мостот „Беласица“, а новите топловодни цевки се веќе пренесени на локација и додава дека се во постојана комуникација со Град Скопје, бидејќи мостот е под надлежност на градот.

– Додека траат активностите за поставувањето на новите цевки на мостот Беласица ќе се користи алтернативниот вод на железничкиот мост кој има капацитет да се врши континуирана испорака на топлинска енергија до потрошувачите вклучувајќи ги и количините кои ќе ги испорачува ТЕ-ТО, вели Маројевиќ во интервјуто за МИА.

Маројевиќ вели дека компаниите формирани од страна на акционерското друштвото АД ЕСМ, како и подружницата Енергетика се подготвени за сигурно, безбедно и континуирано производство, дистрибуција и снабдување со топлинска енергија во претстојната грејна сезона за потрошувачите на подрачјето на дел од градот Скопје.

Од вкупно 63.000 потрошувачи (домаќинства, деловни објекти и институции), 61.000 се снабдуваат со топлинска енергија преку новоформираните фирми на ЕСМ за Производство, Дистрибуција и Снабдување, додека 2.000 потрошувачи се снабдуваат преку подружницата ЕСМ-Енергетика.

Таа вели дека од страна на потрошувачите и заедниците на сопственици е во интерес на сите страни за да се обезбеди навремена и квалитетна испорака на топлинската енергија.

– Токму затоа ЕСМ во изминатите денови неколку пати апелираше до потрошувачите, заедниците на сопственици и управителите да ги обезбедат потребните услови за непречена испорака на топлинска енергија во објектите по почетокот на грејната сезона. Во моментов во 225 колективни станбени објекти сè уште не се обезбедени потребните услови, односно имаат дефекти во внатрешна инсталација, оневозможен е пристап на екипите на компанијата до топлинските станици или немаат електрична енергија во топлинските станици – додава Маројевиќ

Во врска со опожарениот мост „Беласица, ЕСМ е во постојана комуникација со Град Скопје, бидејќи мостот е под надлежност на градот.

– Во изминатиот период во целост го завршивме отстранувањето на опожарениот топловод на мостот „Беласица“ а новите топловодни цевки се веќе пренесени на локацијата. Поставувањето на новите цевки и подготовката на мостот за нивна монтажа е комплексна активност и бара сериозна посветеност и работа. Очекувам дека набрзо ќе започнат и активностите на терен и ќе се вложат максимални напори за санацијата да заврши во најкус можен рок. Додека траат активностите за поставувањето на новите цевки на мостот Беласица ќе се користи алтернативниот вод на железничкиот мост кој има капацитет да се врши континуирана испорака на топлинска енергија до потрошувачите вклучувајќи ги и количините кои ќе ги испорачува ТЕ-ТО. Граѓаните да бидат спокојни, радијаторите ќе бидат топли, парно ќе има – вели помошник директорот за топлина на АД ЕСМ Александра Маројевиќ.

The post РАДИЈАТОРИТЕ ЌЕ БИДАТ ТОПЛИ, ПАРНО ЌЕ ИМА Од АД ЕСМ им порачуваат на скопјани да бидат спокојни пред грејната сезона appeared first on plusinfo.mk.

Топланите и дистрибутивната мрежа се 100 отсто функционални, односно кај нив не се евидентирани никакви дефекти, изјави денеска помошник директорката за производство од АД ЕСМ Александра Маројевиќ.

Таа појасни дека секој почетокот на грејната сезона е период кога се јавуваат многу дефекти во потстаниците, како и кај внатрешните инсталации во домовите на потрошувачите.

Во текот на вчерашниот ден и денеска претпладне, како што информира Маројевиќ, пријавени се околу 600 дефекти од корисници на топлинска енергија, а најголем број дефекти се однесуваат на истекување од внатрешни инсталации.

– Овие дефекти не можат да се предвидат од наша страна, ниту од страна на корисниците. Во моментов се направени 77 такви интервенции. Во таков случај нашите екипи ја прекинуваат испораката на топлинска енергија во тие потстаници се додека кај корисниците не се отстранат дефектите од истекувањето, појасни Маројевиќ, која денеска заедно со сервисна екипа беше во посетата на станбена зграда во скопската населба „Пролет” од каде имале пријава за ладни радијатори.

Таа појасни дека причина за ладни радијатори се дефекти во топлински потстаници, како и најразличлни запушувања на радијаторите, запушување на воздух, запуштен пречистувач, откажување на пумпи итн.

– Тие интервенции веднаш се проследуваат на терен. Приоритет на сервисните екипи на терен имаат рекламациите за течење, со оглед дека тие можат да предизвикаат материјална штета во домовите. Сите останати рекламации за немање греење, односно ладни радијатори се извршуваат од сервисните служби на терен по редослед „прв јавен, прв услужен” – рече Маројевиќ.

Во однос на испораката на топлинската енергија во попладневните часови, таа посочи дека вчера, а најверојатно и денес попладне нема да се врши испорака бидејќи надворешните температури се високи.

– Млаките радијатори во овој период и во наредниот не се дефект, туку се рационална испорака на топлинска енергија согласно правилата, со цел во објектите да се исполни 20+1 степен Целзиусов. Како ќе паѓаат надворешните температури, така и обемот на испорачана топлинска енергија низ грејните тела ќе се зголемува, појасни Маројевиќ.

На прашање во врска со најавата за замена на природниот гас со дизел гориво, Маројевиќ информира дека во овој период топланите се подготвуваат да работат со алтернативно гориво – дизел.

– Во врска со достапноста на дизел горивото за производство на топлинска енергија, освен реконструкциите кои течат сега во производните капацитети, ние сметаме дека има доволно средства да си набавиме сами дизел гориво или да ги користиме расположивите средства во државните резерви, кои според наши информации се околу 105 милиони килограми. Тоа се количини кои ќе ја покријат целата грејна сезона со 50 отсто од нивната количина, рече Маројевиќ.

Анализите, како што посочи, покажале дека дизелот покрај тоа што е подостапен за користење за производство на топлинска енергија, тој е и еколошки поподобен.

Таа рече дека главна определба им е да обезбедат природен гас, кој е најеколошки по добра цена, а дизелот е алтернативно гориво.

– За да нема прекин во снабдувањето со топлинска енергија мора да сме подготвени да короистиме алтернативно гориво, додаде Маројевиќ.

Граѓаните на Скопје од 1965 година се грејат на централен систем кој, како што рече директорката за производство од АД ЕСМ Александра Маројевиќ, е надграден и проширен со цел за негова поголема оптимизација.

The post ЗА 24 ЧАСА ПРИЈАВЕНИ 600 ДЕФЕКТИ Напори на ЕСМ да ja одржи мрежата функционална appeared first on plusinfo.mk.

Со овие одлуки, како што соопшти РКЕ, „Дистрибуција на топлина Балкан Енерџи“ ДООЕЛ Скопје и „Снабдување со топлина Балкан Енерџи“ ДООЕЛ Скопје повеќе немаат лиценца за вршење на енергетска дејност дистрибуција и снабдување на топлинска енергија од страна на регулиран производител.

Од РКЕ потсетуваат дека претходно донеле одлука и за престанок на лиценцата за производство на топлинска енергија.

– Согласно Законот за енергетика, со оглед на тоа дека станува збор за вршење на јавна дејност РКЕ ја известува Владата за овие одлуки, по што треба да се спроведе постапка за избор на вршител на енергетска јавна дејност, производство, дистрибуција и снабдување со топлинска енергија. Откако ќе биде извршен изборот, РКЕ ќе издаде соодветни лиценци – наведуваат од РКЕ.

Се до завршувањето на процедурата БЕГ законски е обврзана да ја врши јавната дејност – производство, дистрибуција и снабдување на топлина, по што обврската ќе ја преземе компанијата што ќе биде избрана во постапката спроведена од Владата, стои во соопштението на РКЕ.

The post ОДЗЕМЕНА УШТЕ ЕДНА ЛИЦЕНЦА НА БЕГ Регулаторна ѝ ja одзеде дозволата на компанијата за дистрибуција appeared first on plusinfo.mk.

Барањето доаѓа со зголемувањето на темпаратурите, а со цел електромрежите да останат стабилни бидејќи имаат проблем да генерираат доволно елекрична енергија.

Молбата на електродистрибуција ги потсети жителите на Тексас на зимата, кога 4,8 милиони жители на оваа американска држава останаа без електрична енергија поради снежна бура, потсетува Гардијан.
Медиумите известуваат дека до крајот на седмицата можни се рестрикции во Тексас.

– Очигледно се движиме кон климатски промени кои ќе донесат повеќе екстремни суши и посилни урагани, кои вршат притисок врз електромрежата. Неделава видовме дека електромрежата во Тексас е едвај подготвена за времето кое е топло за јуни, но веројатно ќе биде уште пожешко во јули и август – изјави Ден Коан, електроинженер и професор на универзитетот Рајс.

The post Тексас се соочува со мрак, граѓаните замолени да перат на раце appeared first on plusinfo.mk.