Како што посочуваат, на располагање се ставени сите капацитети за потребите на оваа акција, чија цел да е открие евентуални неправилности и нелегални активности во работењето на овие објекти.

„Акцијата се фокусира на утврдување на финансиски проневери, избегнување на даночни обврски, нелегално работење и други неправилности во финансиското работење на угостителите“, соопшти финансиската полиција.

Паралелно со ова, се додава во соопштението, истражните органи се насочени кон откривање на сите аспекти кои би можеле да доведат до санкционирање на оние кои не ги почитуваат законите и регулативите.

„Во тесна координација сме со сите институции и работиме посветено на целосно отстранување на сите неправилности во насока на обезбедување на почитување на законите и регулативите. Се преземаат сите потребни мерки и активности за санкционирање на секој вид на неправилности кои ќе бидат утврдени во текот на акцијата“, се вели во соопштението од Управата за финансиска полиција.

The post И ФИНАНСИСКАТА ПОЛИЦИЈА ГИ ПРОВЕРУВА ДИСКОТЕКИТЕ Се бараат финансиски проневери, нелегално работење, избегнување данок… appeared first on plusinfo.mk.

Од 22 вакви објекта, за кои вчера беше соопштено дека имаат активни лиценци, инспекцијата кај 12 ги проверувала техничките услови, при што е утврдено дека овие 3 објекти не ги исполнуваат. Продолжува теренската контрола на Пазарниот инспекторат за техничката контрола и на останатите десетина објекти кои поседуваат лиценца.

Новите сознанија од терен денеска на прес-конференција ги соопшти владината портпаролка, Марија Митева.

Таа информираше дека веднаш до Министерството за економија ќе биде испратено барање за одземање на лиценцата за трите објекти, забрана за вршење дејност и, како што рече, „ќе бидат преземени сите казнени одредби кои се возможни согласно закон“.

– Последните инспекции потврдија сериозни регулаторни прекршувања. Доказите се јасни. Од вчера направената контрола на 12 објекти со активна, важечка лиценца, до овој момент е утврдено дека 3 од нив не исполнуваат минимум технички услови, а сепак имаат активна лиценца за вршење дејност. За останатите 9, сѐ уште во тек проверката на документацијата и во текот на денот дополнително ќе информираме – рече Митева.

Посочи дека теренските проверки продолжуваат денеска и утре и ги вршат над 10 тима.

– Ќе се проверат сите, до детаљ. Направен е план и за проверка на оние кои немаат важечка лиценца, а работеле во минатото. Она што се случи во Кочани не е само изолирана трагедија, туку е симптом на расипан систем наследен од долгогодишна корупција. Ниту ќе замижуваме, ниту ќе заштитуваме. Ја разбираме фрустрацијата, луѓето бараат правда и ќе ја добијат – истакна Митева.

На прашање кои се трите објекти кои не работеле прописно, а имале лиценци, одговори дека би сакала да ги каже градовите, а и објектите, но дека во овој момент тоа се информациите со кои располага.

Во врска со информации дека сопственици на вакви објекти интервенираат и отстрануваат инвентари за да се скријат траги дека работеле, портпаролката одговори дека „кружат такви информации и шпекулации“ и оти сите ќе бидат проверени.

– Сите, буквално до еден, ќе бидат проверени согласно законите за најмалку услови што мора да ги исполнат за да работат. Секој ден ќе има информации за текот на контролата – додаде Митева.

На прашање дали во дискотеката „Пулс“ во Кочани, која од 2023 имала лиценца за работа, биле проверувани техничките услови, што е дел од годишните планови на Пазарниот инспекторат, таа рече дека токму тоа е дел од истрагата и не може да изнесува детали.

– За тоа како е постапувано години наназад, согласно планот за работа, би сакала да споделам податоци, но токму плановите за работа се дел од истрагата и не можам ништо дополнително да кажам за да не ја нарушам – одговори Митева.

Во однос на екипираноста на Државниот пазарен инспекторат и дали има доволно кадар за над 10 теренски тимови, портпаролката рече дека во тимовите за контроли учествуваат и експерти од други надлежни институции, вклучувајќи ги и МВР, искусни градежни работници, од Трудовиот инспекторат, УЈП и Финансиската полиција, како што рече, „сите што може да придонесат во утврдување на условите“.

На прашањето дали ќе се проверуваат работата и условите и за други угостителски објекти, освен за кабареа, ноќни и диско клубови, Митева одговори дека се актуелни тие со лиценци бидејќи „од таму и започна целата ситуација“.

-Но, ревносни сме во постапките дека се ќе се провери, додаде портпаролката на Владата.

На прес-конференција вчера таа информираше дека во околу 50 контроли што Државниот пазарен инспекторат (ДПИ) ги извршил на 16 и 17 март на територијата на државата во угостителски објекти со лиценца за кабаре, ноќен клуб, диско клуб и за диско клуб на отворен простор, утврдено е дека 22 имале лиценци, на 15 им била истечена, а за неколку немало податоци дека воопшто поседувале лиценца.

The post ЌЕ СЕ ЗАТВОРААТ НОЌНИ КЛУБОВИ Инспекторите тресеа 12 објекти, 3 од нив ќе останат без лиценца appeared first on plusinfo.mk.

На име кабаре се дадени 20 лиценци, 2 лиценци се за дискоклуб и 2 лиценци се за дискоклуб на отворен простор.

Од Министерството за економија велат дека во постапка на доделување лиценца се 5 барања.

Владата најави робустна акција за утврдување на фактичката состојба со кабареата и дискотеките, по трагедијата во Кочани во која во ноќниот клуб „Пулс“ избувна пожар во кој загинаа 59 млади, а 155 беа повредени.

Државнио пазарен инспекторат денеска на целата територија на државата почна акција за контрола на овие дејности.

Премиерот Христијан Мицкоски денеска рече дека ќе се затворат сите ноќни клубови кои не ги исполнуваат условите.

– Согласно Законот за угостителство, се лиценцираат кабареа, отворени и затворени дискотеки. Нивната бројка е многу поголема од тие кои имаат законски документ. Во 2007 година е сменет законот, во тие измени документите кои ги доставува правното лице кое бара лиценца, тврди под морална, материјална и кривична одговорност дека ги исполнува условите. Проблемот е што екс-официо не се проверени тие документи. Така што, овој објект од 500 и нешто квадратни метри не може по ниту една основа да биде кабаре и да бара лиценца. Тука е дополнително проблемот правен затоа што за дискотеките сумата која треба да се плати, надоместокот е поголем од тие што се лиценцираат за кабаре. Се истражува и бидете сигурни дека ниту еден објект кој не ги исполнува, како што стои во законот, минимум техничките услови, нема да биде оставен да функционира. Со сиот ризик и критика која потоа Владата ќе ја трпи – рече Мицкоски.

Како се добива лиценца?

Министерството за економија ги издава лиценците за сите угостителски објекти во кои спаѓаат и лиценците за ноќен бар, кафе бар, кабаре, дискоклуб, согласно Законот за угостителска дејност на 1 година.

Угостителот е должен исполнувањето на условите и започнувањето со работа да го пријави на Државниот пазарен инспекторат, на градоначалникот на општината, а во градот Скопје на градоначалникот на општината на подрачјето на градот Скопје според местото и седиштето на објектот, односно според местото каде што се даваат услугите, најмалку 15 дена пред почетокот на работењето на угостителскиот објект. Доколку работи на отворен простор треба да обезбеди и согласност од Министерството за внатрешни работи дека ги исполнува условите за заштита на јавниот ред и мир и безбедноста во сообраќајот.

Согласно Законот за угостителската дејност, градоначалникот на општината, а во градот Скопје градоначалникот на општината на подрачјето на град Скопје, води евиденција на угостителите кои отпочнуваат со работа на нивното подрачје.

Ноќен бар, кабаре и дискоклуб не може да се врши во деловна просторија која се наоѓа во колективна станбена зграда.

Лиценцата за вршење на угостителската дејност во ноќен бар, кабаре, дискоклуб и диско-клуб на отворен простор се одзема со решение на органот на државната управа надлежен за работите од областа на угостителството (Министерство за економија) во случаи кога носителот на лиценцата не ги исполнува условите утврдени согласно со овој закон.

Што треба да се исполни за да се добие лиценца?

Според законот за угостителска дејност за отворање ноќен клуб, кабаре, дискотека треба да се исполнат пропишаните минимално-технички услови и дополнителните услови: објектот да може да се употребува, санитарно-здравствени услови, условите за заштита при работа, заштитата и унапредување на животната средина, противпожарна заштита и условите за заштита од бучава пропишани со закон

Минимум техничките услови се пропишани во посебен правилник , според кој, меѓу условите за вршење угостителска дејност е објектот да обезбеди рационално користење на просторот, да биде приклучен на вода, канализациска мрежа, да биде приклучен на електрична мрежа, да има телефонски и интернет врски, да може да обезбеди затоплување до 19 степени. Објектите треба да работат во согласност со прописите за заштита од пожар, според кои во угостителските објекти треба да има апарати и друга опрема за гаснење пожар. Вработениот персонал треба да биде оспособен да ракува соодветно со тие апарати и опрема.

Во правилникот се предвидува и висината на просториите но само за рестораните, а не и за диско клубовите и за ноќните барови. Во угостителските објекти височината од подот до таванот треба да изнесува најмалку 2,4 метри во собите, 2,6 метри во заедничките простории за престој, просториите за послужување и кујните.

Во минимум-техничките услови за ноќните барови, дансинг баровите, диско клубовите и сличните објекти кои се во затворен простор треба да биде обезбеден простор за играње и простор за изведување музички и слични програми.

Објектите треба да имаат клима-уред и соодветна вентилација која обезбедува промена на воздухот 20 пати во еден час.

Објектите треба да имаат соодветна звучна изолација во согласност со прописите за заштита од бучава.

Во објектите треба да има најмалку еден излез за итни ситуации за капацитет од 100 гости, а за поголем број лица соодветен број помошни излези.

Опремата на угостителските објекти се состои од седечки гарнитури или маси со столови, пулт, шанк со дозер за точење на алкохол и безалкохолни пијалаци.

Диско клубот на отворен простор треба да биде оддалечен од станбените објекти во радиус од најмалку 300 метри воздушна линија.

Минималните услови за работа на дискоклуб на отворен простор е да има простор од најмалку 300 метри квадратни и да има обезбеден простор за играње и простор за изведување на музички и слични програми.

Објектот треба да има обезбедено и помошни излези и тоа најмалку по еден за капацитет од 200 посетители. Овој вид објект после 1 часот може да користи музика со максимално дозволено ниво на бучава до 35 децибели.

Кај објекти кои нудат услуги за забава треба да постојат посебни простории кои ќе бидат означени како гардероби за уметничките групи.

Во угостителските објекти, без оглед на називот, во кои гостите покрај пулт или шанк се послужуваат со храна и пијалаци, како и оние угостителски објекти кои даваат и услуги за забава – танчарски, музички и кабаре програми (ноќен бар, дансинг бар, кабаре, дискоклуб и други слични ноќни објекти), треба да биде обезбеден простор од најмалку 0,8 метри квадратни по еден гостин несметајќи го просторот зафатен со опремата (пулт, шанк и слично).

Во правилниот се утврдува и какви и колку тоалети треба да има во објектите и како треба да бидат поставени масите.

Надоместок до 10.000 евра за дискотеките

Законот за угостителска дејност пропишува и дека за добивање на лиценцата угостителот е должен да поднесе барање за издавање  лиценца на образец за платен надоместок до Министерството за економија за давање услуги за: кабаре од 2.500 до 5.000 евра во денарска противвредност, за ноќен бар од 5.000 до 7.000 евра и за дискоклуб и дискоклуб на отворен простор од 7.000 до 10.000 евра.

Покрај тоа, треба да се достави и решение за упис во трговскиот регистар издадено од Централниот регистар на Република Северна Македонија, одлука за определување на висината на надоместокот за кабаре, ноќен бар, дискоклуб и дискоклуб на отворен простор, донесена од советот на општината, а на град Скопје, советот на општината на град Скопје и пријава за исполнување минимално-технички услови за вршење угостителска дејност. Потребна е согласност од органот на државната управа надлежен за работите од областа на внатрешните работи дека се исполнети условите за заштита на јавниот ред и мир и безбедност на сообраќајот и последно –  доказ за платена административна такса од 50 денари.

Висината на надоместокот ја определува советот на општината, а за градот Скопје, Советот на градот Скопје. Уплатените пари од надоместокот 50% одат на сметка на општината, а во градот Скопје на сметката на градот Скопје, а 50% се уплатува во државниот буџет.

Работно време на кабареата и на дискоктеките

Според законот за угостителска дејност, ноќен бар и кабаре можат да работат од 20 часот до 4 часот наредниот ден, во деновите петок и сабота, спроти празнични денови и празнични денови, како и во периодот од 1 јуни до 31 август и во периодот од 25 декември до 15 февруари можат да работат од 20 часот до 5 часот наредниот ден, а на 31 декември до 20 часот наредниот ден, 1 и 2 јануари до 6 часот наредниот ден.

Дискоклуб и дискоклуб на отворен простор може да работи од 19 до 4 часот наредниот ден, во деновите петок и сабота, спроти празнични денови и празнични денови, како и во периодот од 1 јуни до 31 август и во периодот од 25 декември до 15 февруари можат да работат од 19 часот до 5 часот наредниот ден, а на 31 декември до 19 часот наредниот ден, 1 и 2 јануари до 6 часот наредниот ден.

Казната за непоседување лицанца е само 4.000 евра

Кои се казните за сопствениците на кабареата и дискотеките кои работат без лиценца? Законот утврдува казна од 4.000 евра за правно лице. Истата казна е пропишана и за работа без упис во трговскиот регистар, непридржување кон пропишаното работно време, за пренесување лиценца и за служење алкохол и алкохолни пијалаци на лица под 18 години.

Казната за одговорното лице е во висина од 30% од глобата која ќе му се одмери на правното лице.

Законодавецот предвидел и дека прекршочна постапка по прекршоците предвидени во овој закон не може да се поведе, ниту да се води, ако поминат 18 месеци од денот кога е сторен прекршокот.

The post ВО СКОПЈЕ САМО 2 КАБАРЕА РАБОТАТ ЛЕГАЛНО Од 2017 година досега се издадени дури 215 лиценци за ноќни клубови низ целата земја appeared first on plusinfo.mk.

„На денешната вонредна владина седница по трагичниот настан во Општина Кочани каде во несреќен случај при пожар на дискотека животот го загубија 59 млади лица, а над 100 луѓе се хоспитализирани и им се укажува лекарска грижа, Владата донесе одлука за прогласување 7-дневна жалост на територија на целата држава. Секој да се придржува до одлуката, бидејќи казните за непочитување ќе бидат ригорозни. Во овие денови Министерството за надворешни работи ќе отвори книга на жалост во рамки на министерството за огромната несреќа која се случи“, информираше владината прес-служба.

Исто така, посочено е во соопштението, на владината седница се донесе одлука со која се задолжува Државниот пазарен инспекторат во наредните три дена да изврши вонреден инспекциски надзор врз угостителски објекти (кабаре, ноќен клуб, дискотека и дискотека на отворен простор), на територијата на Република Северна Македонија и за наодите од надзорот веднаш да ја известат Владата, за да се утврди фактичката состојба дали истите работат според стандардите ги исполнуваат условите согласно законите и прописите на државата.

„Владата донесе заклучок за активирање на механизмот за барање на меѓународна помош. Воедно, владата ја информира јавноста дека во соработка со Министерството за внатрешни органи и другите институции надлежни за целосно расчистување на случајот се прибираат материјални докази и дека секој еден којшто е инволвиран во овој трагичен настан и свесно придонел за загрозување на човечките животи ќе биде изнесен пред органите на правдата и соодветно ќе одговара. Никој не е над законот. Изразуваме длабоко сочувство до семејствата на жртвите, во овој трагичен настан не постои збор кој може да ја ублажи болката за ненадомесливата загуба. Целиот здравствен и медицински тим во сите здравствени установи е на располагање и пружи здравствена нега и помош за брзо закрепнување на повредените. Воедно, во овие исклучително тешки и тажни моменти за целиот македонски народ, замолуваме да не се политизира случајот, за институциите да можат навремено и соодветно да го расветлат случајот. Ниту една информација нема да биде скриена од очите на јавноста“, се вели во владиното соопштение.

The post ВЛАДАТА ПРОГЛАСИ 7-ДНЕВНА ЖАЛОСТ НА ТЕРИТОРИЈА НА ЦЕЛАТА ДРЖАВА Ќе биде отворена и книга на жалост appeared first on plusinfo.mk.

„Послужување алкохол на малолетни лица е кривично дело, а казните за оние угостители што ќе бидат затекнати како послужуваат алкохол на малолетни лица се ригорозни и се движат до 4.000 евра. Освен парични казни, се изрекуваат и казни за забрана за работа во период од еден месец. Апелираме до угостителите да постапуваат во согласност со обврските кои произлегуваат од Законот за угостителска дејност, по кој се должни да ја утврдат возраста на лицето на кое се послужува алкохол! Доколку Пазарниот инспекторат утврди нерегуларности, најригорозно ќе постапува!“, наведуваат од ДЗИ.

Од Државниот пазарен инспекторат истакнувата и дека заедно со останатите надлежни институции и понатаму ќе продоли да спроведува заеднички акции кои ќе ги спречат дејствата поврзани со послужување алкохол на малолетници.

The post ИНСПЕКТОРИ ЌЕ „ЧЕШЛААТ“ КАФУЛИЊА И ДИСКОТЕКИ Казни и забрани за работа поради алкохол за малолетници appeared first on plusinfo.mk.

– Изразуваме голема благодарност до медиумите, јавноста, градоначалничката на Скопје Данела Арсовска, Советот на Град Скопје, министерот Оливер Спасовски заедно со Секторот за внатрешни работи на Скопје и министерот за економија Крешник Бектеши кои придонесоа да добиеме дозволи за работа за 2022 година и ни овозможија како и во минатите 30 години да им понудиме на младите во Скопје ноќен живот после полноќ – се наведува во соопштението на Здружението на летни клубови – Скопје.

The post НОЌНИОТ ЖИВОТ ВО СКОПЈЕ СЕ ВРАЌА Дискотеките повторно отворени appeared first on plusinfo.mk.

– Ноќните клубови се практично биолошки бомби за ширење на коронавирусот. Младите луѓе можеби нема да се заразат, но голема е веројатноста болеста да ја донесат дома и да се заразат повозрасни луѓе. Исто така, сметам дека треба сите луѓе во затворен простор да носат заштитни маски. Освен во продавници и во трговски центри, луѓето кои влегуваат во разни други установи одбиваат да стават маска на лицето. Тие сметаат дека членови на една иста фамилија и дека нема потреба да носат заштитни маски, а всушност тие луѓе ја шират болеста. Затоа, апелирам до луѓето да не се групираат, а ако веќе мора да се групираат, тогаш да носат заштитни маски и да држат дистанца – вели д-р Пановски.

The post НОЌНИТЕ КЛУБОВИ СЕ БИОЛОШКИ БОМБИ ЗА ШИРЕЊЕ НА ВИРУСОТ Микробиологот Пановски бара да се затворат дискотеките до Нова година appeared first on plusinfo.mk.

„Се дозволува организирање и одржување на семинари, обуки, курсеви, состаноци, работилници, конференции и слично, во затворениот дел на објектите до 50 отсто исполнетост од капацитетот на просторот. Се дозволува работа на барови и ноќни клубови – дискотеки, како и на угостителските објекти кои се регистрирани за прослави (веселби, свадби, родендени, крштевки и слично) во затворениот дел на објектите до 50 отсто исполнетост од капацитетот на просторот. Се дозволува влез во секаков вид на објекти од отворен и затворен тип, угостителските објекти (кафетерии, ресторани, барови, ноќни клубови-дискотеки), во угостителскиот објект/дел за исхрана во угостителските објекти за сместување (хотел, мотел, хостел, пансион и друг објект за сместување), на бензинските станици, во казината и обложувалниците, во други објекти кои во склоп на истиот даваат угостителски услуги, во угостителските објекти кои се регистрирани за прослави (веселби, свадби, родендени, крштевки и слично), како и се дозволува влез каде што се одржува настан од секаков друг вид (концерти, семинари, обуки, курсеви, состаноци, работилници, конференции, културни или спортски настани), на посетители / гости / лица, со поседување и приложување на еден од следните документи: до 14 ноември 2021 година е потребно сертификат/потврда за извршена имунизација (вакцинација) од вирусот, односно примена најмалку прва доза на вакцина против заразната болест ковид-19, а од 15 ноември 2021 година сертификат/потврда за извршена имунизација (вакцинација) од вирусот, односно примени две дози на вакцина против заразната болест ковид-19 или сертификат/потврда за прележан ковид-19 во последните 45 дена, сметајќи од денот на оздравувањето“, наведено е во владиното соопштение.

Исто така, Владата донесе Одлука за изменување и дополнување на Одлуката за превентивни препораки, времени мерки, наредени мерки, наменски протоколи, планови и алгоритми за постапување за заштита на здравјето на населението од заразната болест ковид-19.

The post НОВО ОЛАБАВУВАЊЕ НА МЕРКИТЕ Дискотеките и рестораните за свадби ќе примаат гости во затворениот дел, ама со половичен капацитет appeared first on plusinfo.mk.

– Заклучно со вчерашниот ден трендот на опаѓање на бројките продолжи. Претходната недела имаше седум, па шест, а вчера пет пациенти на 100.000 граѓани што дефинитивно е знак дека нема промени – рече Филипче.

Тој додаде дека надлежните се многу внимателни во однос на следењето на состојбата со коронавирусот, пред сѐ со индискиот сој на вирусот кој се појави во повеќе земји.

Ние, како што рече, можеме да го спречиме ширењето со тоа што нема локално да се групираме. Тој потенцира дека е многу важна свеста на граѓаните и почитувањето на мерките кои беа на сила, оценувајќи дека сите научивме да живееме со мерките кои ги препорачува Владата и Комисијата за заразни болести.

–  Трендовите на намалување на бројките продолжи и нормално е кога има такво намалување на бројките да има попуштање и обратно – ако има некакво зголемување или најава, ќе воведеме некакви рестрикции, рече Филипче.

Министерот за здравство рече дека сѐ уште нема дозвола за работа на затворените дискотеки и веројатно нема ни да има во текот на летото. Тој потенцира дека сега е лето и работат дискотеките на отворено, па нема потреба да се дава екстра простор за групирање.

The post Филипче: Дискотеките во затворен простор нема да работат летово appeared first on plusinfo.mk.

Мерките, кои стапуваат во сила денеска и ќе важат две недели, се воведени откако во Каталонија во последните 14 дена беа регистрирани околу 8.000 нови случаи, додека во истиот период се регистрирани нешто повеќе од 16.000 новозаразени во цела Шпанија.

Претходно донесените мерки, кои, меѓу другото, вклучуваа и забрана за собирање на повеќе од 10 лица на јавно место, ќе важат уште една недела, по што локалните власти ќе проценат дали ќе ги продолжат.

Епидемијата во Шпанија се забави во јуни, по што беше укината вонредната состојба, но оттогаш вирусот повторно се прошири во 280 жаришта, при што Каталонија бележи најголем број нови случаи.

The post Нема журкање во дискотеки и ноќни клубови во Каталонија appeared first on plusinfo.mk.