Меѓу петте новоименувани в.д. директори во јавните претпријатија на Град Скопје паѓаат во очи двајца кои се од редовите на ДУИ и кои се блиски до функционерите на таканаречената „Огнена група“, тврди ТВ 21.

Саид Саиди, кој е именуван за директор на ЈП „Улици и патишта“, според јавните фотографии на неговиот Фејсбук профил, доаѓа од огранокот на ДУИ во Чаир. Од друга страна, за директор на ЈП „Паркови и зеленило“ е именуван Зухејр Реџепи. Тој доаѓа од огранокот на ДУИ во Сарај, додека на јавните фотографии на неговиот Фејсбук има заедничка фотографија со незадоволните членови на ДУИ – Муса Џафери и Блерим Беџети. Инаку, новиот директор Реџепи е син на поранешниот поглавар на ИВЗ Сулејман Реџепи, објави ТВ21.

Останатите тројца нови директори кои денеска беа именувани се Радмила Пешева во ЈП „Лајка“, Крсте Петревски во „Паркинзи“, а за директор на „Дрисла“ е назначен Александар Кузинаков. Директорката Косана Мазнева ќе продолжи да раководи со „Комунална хигиена“, со ЈСП, Александар Стојковски, а на раководната позиција на „Водовод“ останува Марјан Митевски.

The post ДАНЕЛА АРСОВСКА СЕ „ПОТПРЕ“ НА КАДРИ ОД ДУИ? Двајца од именуваните директори се дел од фракцијата која е против Артан Груби appeared first on plusinfo.mk.