Здружението на новинарите на Македонија (ЗНМ) ја нагласува потребата изборот на раководните позиции, директор и заменик-директор, во Македонската радио-телевизија (МРТ) да се спроведе низ транспарентен, инклузивен и кредибилен процес, со јасен фокус на квалитетот на кандидатите и заштитата на јавниот интерес.

„Имајќи предвид дека рокот за оваа постапка истече на 15 април, сметаме дека е од особена важност целиот понатамошен тек на постапката да се води транспарентно и во целосна согласност со законските одредби, со доследно почитување на институционалните процедури и принципите на правната сигурност“ – се вели во соопштението на ЗНМ.

ЗНМ апелира изборот да се води врз основа на професионален интегритет, релевантно искуство на кандидатите, јасна визија и реален капацитет за унапредување на работата на јавниот сервис.

„Истовремено, неопходно е Законот за аудио и аудиовизуелни медиумски услуги да се почитува целосно и доследно во сите аспекти на постапката, без селективен пристап и без отстапки, со цел да се обезбедат легитимност, правна сигурност и доверба во постапката.

Квалитетниот и внимателно спроведен изборен процес е суштински предуслов за справување со предизвиците со кои се соочува јавниот сервис во служење на јавниот интерес. Само на тој начин може да се придонесе кон зајакнување на професионалните стандарди, независноста и севкупниот капацитет на МРТ да работи во интерес на граѓаните.

Оттука, очекуваме новото раководство со одговорен и стратешки пристап да придонесе кон унапредување на јавниот сервис, преку јасни развојни приоритети, професионално управување, посветено зајакнување на дописничката мрежа и јасна определба за работа во јавен интерес“ – вели ЗНМ во соопштението и додава дека останува конструктивен партнер во следењето на овој процес и во поддршката на сите напори што водат кон силен, независен и професионален јавен радиодифузен сервис.

The post КОЈ ЌЕ БИДЕ ДИРЕКТОР, А КОЈ ЗАМЕНИК-ДИРЕКТОР НА МРТ? ЗНМ апелира на законска и фер постапка appeared first on plusinfo.mk.

Директор на ученички дом во Крива Паланка заработил прекувремени часови додека бил на годишен одмор, поради што против него е поднесена кривична пријава.

Според информациите од полицијата, пријавениот Б.Т.(66), како директор на Општински ученички дом „Боро Менков“, во текот на 2024 година пријавил 63 часа работа подолга од полното работно време иако во тој период користел годишен одмор.

Со тоа, како што се наведува, се стекнал со противправна имотна корист од 23.945 денари, на штета на буџетот на установата.

Кривичната пријава ја поднела Надворешна канцеларија за криминалистички работи Крива Паланка, поради сомнение за злоупотреба на службената положба.

The post ДИРЕКТОР ЗАРАБОТУВАЛ ДОДЕКА БИЛ НА ОДМОР Кривична за лице од Крива Паланка кое наплатило прекувремени додека бил отсутен appeared first on plusinfo.mk.

По кратко боледување денеска во Скопје почина долгогодишен културен работник Никола Глигоров, директор на Дирекцијата за култура и уметност на град Скопје, објави дирекцијата на својата Фејсбук-страница.

„Неговата посветеност и придонес во развојот на културниот живот на Скопје ќе останат трајно врежани во нашата организација и во културната меморија на градот“ – се вели во соопштението.

Никола Глигоров беше ангажиран на организацијата на повеќе фестивали и манифестациии, како што се: Скопско лето, Музичката есен, Денови на европско Скопје, Матурска парада, како и на дочеците на на Нова Година на плоштадот Македонија.

The post ПОЧИНА ДОЛГОГОДИШНИОТ КУЛТУРЕН РАБОТНИК НИКОЛА ГЛИГОРОВ Беше директор на Дирекцијата за култура и уметност на град Скопје appeared first on plusinfo.mk.

Со законот за дополнување на Законот за здравствената заштита, кој Собранието го усвои денеска по скратена постапка, се укинува дискрециското право на директорите при избор за вработување медицински кадар во јавното здравство.

Во решенијата предвидени во Законот за здравственатата заштита ќе се овозможи ефикасна примена на начелата на потребата од стручност и компетентност за работните позиции за кои кандидатот конкурирал и ќе се овозможи избор на најдобриот кандидат за вработување во здравствените установи, а со тоа ќе се врати довербата во здравствените институции и ќе се дестимулира одливот на дефицитарен медицински кадар од државата, велат предлагачите на законските измени.

Исто така Собранието денеска го усвои Дополнителниот протокол кон Конвенцијата за договорот за меѓународен патен превоз на стоки усвоен во 2008 година, кој предвидува дигитализирање на транспортните активности преку електронска документација, како и електронска размена на регулаторните информации меѓу транспортните оператори – бизнисот и надлежните државни органи. Ова е познато како електронски товарен лист или eCMR.

The post СЕ УКИНУВА ДИСКРЕЦИСКОТО ПРАВО ПРИ ВРАБОТУВАЊЕ ВО ЗДРАВСТВОТО Директорите нема да имаат последен збор при избор на кандидатите appeared first on plusinfo.mk.

Муамер Сефери официјално ја презеде функцијата вршител на должноста директор на Јавното претпријатие „Паркови и зеленило“. Тој доаѓа на оваа позиција како кадар на Коалицијата Вреди, односно од Движењето БЕСА.

​Информацијата ја потврди самиот Сефери преку објава на социјалните мрежи, нагласувајќи дека оваа позиција за него претставува „голема доверба и сериозна обврска“.

​Во своето прво обраќање, новиот в.д. директор најави дека ќе работи во интерес на јавното добро.

– Оваа функција претставува голема доверба и сериозна обврска да работам со посветеност, транспарентност и професионализам во служба на граѓаните и јавниот интерес. Убеден сум дека преку чесна работа, ефикасно менаџирање и институционална соработка, ќе постигнеме конкретни резултати во подобрувањето на зелените површини и јавните услуги – порача новиот в.д. директор Сефери.

The post МУАМЕР СЕФЕРИ Е НОВ В.Д. ДИРЕКТОР НА „ПАРКОВИ И ЗЕЛЕНИЛО“ Вети дека ќе работи чесно и посветено во интерес на јавното добро appeared first on plusinfo.mk.

Полицијата во Гостивар поднесе кривична пријава против 64-годишниот А.С. од селото Ростуше, поради сомнение дека ја злоупотребил службената положба додека ја извршувал функцијата директор на основно училиште.

Според истрагата, во периодот од 2024 до 2025 година, пријавениот овозможил вработување на наставници кои не ги исполнувале законските услови за изведување настава. Станува збор за лица без завршени соодветни студии, кои предавале на ученици во основното училиште во Ростуше, како и на одделенски ученици во селата Велебрдо и Требиште.

Нестручниот кадар бил ангажиран спротивно на Законот за наставници и стручни соработници, со што, како што наведува полицијата, бил загрозен квалитетот на наставниот процес и правото на учениците на соодветно образование.

Неправилностите биле утврдени при инспекциски надзор извршен од Државниот просветен инспекторат на 19 септември 2025 година, по што случајот бил пријавен и до надлежните полициски служби.

По документирањето на настанот, против директорот е поднесена кривична пријава, а предметот ќе го разгледува надлежното обвинителство.

The post НАСТАВНИЦИ БЕЗ ДИПЛОМИ ИМ ПРЕДАВАЛЕ НА ДЕЦА Директор од Ростуше дозволил нестручни лица да држат настава appeared first on plusinfo.mk.

По спроведена истражна постапка, Основното јавно обвинителство Скопје поднесе Обвинителен акт против две лица, кои се товарат дека како соизвршители сториле кривично дело – Загрозување на животната средина и природата со отпад од член 230 став 1 во врска со член 22 од Кривичниот законик.

„Истрагата покажа дека во текот на октомври годинава, двајцата обвинети, со пропуштање на вршење надзор над собирањето, со транспортот и со непрописно управување со отпадот можеле да предизвикаат значително оштетување на квалитетот на почвата, воздухот или водата, опасност за животот или здравјето на луѓето или уништување на растителниот или животинскиот свет во поголеми размери.

Вршителот на должноста директор во ЈП „Комунална Хигиена“ Скопје, постапил спротивно на Статутот на претпријатието, на Законот за комунални дејности и не ги спроведувал одлуките и заклучоците на Управниот одбор, не се грижел за спроведување на деловната политика на претпријатието, не ги извршувал работите од неговиот делокруг на работа, не учествувал во утврдување на критериумите за користење и распоредување и за управување со средствата остварени со работењето на претпријатието, не го следел и не го анализирал извршувањето на плановите и договорните обврски и не преземал мерки за нивно остварување и не обезбедил мерки за заштита на животната средина. Како директор на јавно претпријатие кое е давател на комунална услуга бил должен, но сепак давањето на комуналните услуги не го вршел постојано и квалитетно и не се грижел да ги одржува во функционална и исправна состојба објектите, опремата и уредите.

Заедно со вториот обвинет, вработен како Управител за отпад-подгрупа 5, давател на услуги во областа на комунални дејности кој имал Уверение за положен стручен испит за управување со отпад од Министерството за животна средина и просторно планирање, со умисла постапувале спротивно на Законот за животна средина и на Законот за управување со отпад не презеле мерки и активности за заштита на животната средина и не ги спроведувале плановите и програмата за управување со комуналниот отпад на подрачјето на Градот Скопје.

Бидејќи не ја извршиле својата основна дејност за редовно собирање и транспортирање на безопасен отпад, ниту побарале измена на Оперативниот план и Оперативна програма, обвинетите овозможиле да се создадат депонии на јавни и сообраќајни површини со одлагање на комуналниот отпад во непосредна близина на предвидените садови за собирање.

Бидејќи прибирањето на доказите е завршено, а обвинетите веќе немаат можност да влијаат на постапката, јавниот обвинител предложи мерката притвор да им биде заменета со мерки на претпазливост – забрана за напуштање на живеалиште, обврска да се јавуваат повремено во судот и привремено одземање на патна исправа или друга исправа за преминување на државна граница, односно забрана за нејзино издавање. За обвинетиот управител со отпад кој се уште е вработен во ЈП „Комунална хигиена“, обвинителството предложи и дополнителна мерка – забрана за преземање на определени работни активности кои се поврзани со кривичното дело, односно привремено отстранување од работното место“ – се вели во соопштението на ЈОРМ.

The post НЕ ГО СОБИРАЛЕ ЃУБРЕТО, СОБРАА ОБВИНЕНИЈА Директор и управител во „Комуналец“ ќе одговараат за загрозување на животната средина appeared first on plusinfo.mk.

Директорот на средното училиште „Проф. Васил Златарски“ во Софија Александар Евтимов е уапсен вчера по пријава од родители дека поставил камери во тоалетите што ги користат ученичките и учениците, јавуваат бугарските медиуми.

Според првичните информации, во тоалетите биле поставени 20 камери, чии преноси биле насочени на компјутерот на директорот. Минијатурните камери наликувале на обични сензори за движење, па не можеле да бидат препознаени.

По веста дека директорот е уапсен поради поставување камери во тоалетите, ученици, родители и наставен кадар од училиштето синоќа се собраа на протест во училишниот двор.

Поставувањето камери во санитарни простории е грубо прекршување на Општата регулатива за заштита на личните податоци и Законот за заштита на личните податоци во Бугарија.

Директорот Евтимов бил назначен на функцијата во февруари лани, а претходно бил на раководни функции во училишта во Софија и во Софиската област. По веста за неговото апсење, се појавија голем број шпекулации за него, вклучително дека од најзначувањето за директор во училиштето, изрекол суспензии за 40 наставници.

The post ДИРЕКТОР НА СРЕДНО УЧИЛИШТЕ ВО СОФИЈА ИНСТАЛИРАЛ КАМЕРИ ВО ТОАЛЕТИТЕ Сите биле поврзани со неговиот компутер appeared first on plusinfo.mk.

Директор и раководител во Јавното комунално претпријатие „Брегалница“, ПО Делчево заработи кривична пријава. Основното јавно обвинителство  го сомничи за проневера од над 120.000 евра, односно над 7,5 милиони денари. Според пријавата која ја доставила Управата за финансиската полиција до ОЈО, С.С. три години по ред го пропуштал должниот надзор за тужби за парични побарувања, со што претпријатието било овозможено да изврши наплата.

„Првопријавениот С.С., во својство на директор на ЈКП „Брегалница“ – ПО Делчево, во периодот од 2019 до 2023 година, со пропуштање на должниот надзор, постапил несовесно во вршењето на своите овластувања и должности, на начин што не иницирал и не дал налог за изготвување тужби за парични побарувања од физички и правни лица по основ на користени услуги, потрошена вода, подигнат смет и закуп на простории од ЈКП „Брегалница“ – ПО Делчево, поради што настапила застареност на паричните побарувања, со што претпријатието било оневозможено да изврши нивна наплата“.

Како второпријавен се јавува М.К, раководител на Секторот за општи, правни и финансиски работи во претпријатието, кој, како што се вели во текстот,  иако бил должен, не воспоставил соодветен систем на интерна контрола и редовно не доставувал предлози за поведување постапки за присилна наплата на ненаплатените побарувања до директорот на претпријатието.

„Со горенаведените дејствија причинета е штета на Буџетот на ЈКП „Брегалница“ – ПО Делчево во вкупен износ од 7.588.894 денари“, се вели во пријавата.

Двете осомничелни лица се сомничат за несовесно работење во службата.

The post ДИРЕКТОР И СЛУЖБЕНИК ВО ДЕЛЧЕВО ГО ОШТЕТИЛЕ ЈКП „БРЕГАЛНИЦА“ ЗА 120.000 ЕВРА Се сомничат дека не пропуштале тужби за парични побарувања appeared first on plusinfo.mk.

Градоначалничката на Скопје Данела Арсовска за нов директор на Комунална хигиена Скопје го иманува Александар Јовановски, досегашен инспектор во Секторот за инспекторат, а претходно искуство имал и во Секторот за локален економски развој, соопшти администрацијата на Град Скопје.

„Александар има повеќегодишно искуство во приватниот сектор во трговија како раководител на организациска единица, а со работен ангажман во Здружение за заштита и унапредување на животната средина работел на реализација на еколошки и општествено одговорни проекти.

Јовановски има високо образование за менаџмент на Универзитетот „Гоце Делчев” во Штип, и стекнат меѓународен сертификат за Институционални пристапи за заштита на животната средина.

Со своето образование, професионално искуство и ангажман во јавниот и приватниот сектор, Јовановски ќе придонесе во КХС Скопје за унапредување на стандардите на јавното претпријатие, модернизација на системите за управување со отпад и одржување на чиста, здрава и еколошки одговорна животна средина во Скопје“ – се вели во соопштението на Град Скопје.

АРСОВСКА ИТНО ДА НАЗНАЧИ НОВ ДИРЕКТОР НА „КОМУНАЛНА ХИГИЕНА“! Управниот одбор ја потсети дека само таа има такви ингеренции

The post КОМУНАЛНА ХИГИЕНА ДОБИ НОВ ДИРЕКТОР Александар Јовановски досега беше градски инспектор appeared first on plusinfo.mk.