Министерството за внатрешни работи ги предупреди граѓаните да бидат внимателни и да не отвораат лажни електронски пораки во име на директорот на Бирото за јавна безбедност (БЈБ).

МВР соопшти дека до неколку граѓани, од страна на сторители кои лажно се претставуваат во име на директорот на Бирото за јавна безбедност, се упатени лажни покани во врска со наводна тековна истрага. Во пораките се даваат насоки за 24 часа да се оди до полициска станица или да се испрати повратен е-маил бидејќи наводно примачот на пораката е предмет на кривични истраги за низа кривични дела, како што се детска порнографија, педофилија и трговија со дрога.

МВР ги известува граѓаните дека станува збор за лажни пораки кои не се испратени од страна на Бирото за јавна безбедност при МВР. Овие електронски пораки се класичен обид за измама во кој целта на измамниците е да дојдат до личните податоци на граѓаните, со цел нивна понатамошна злоупотреба. Покани до граѓаните за истражни постапки од страна на МВР не се испраќаат преку е-маил адреси.

„Апелираме до граѓаните да не ги отвораат ваквите пораки, да не се контактира испраќачот и никако да не се споделуваат личните податоци кои ги бараат измамниците. Исто така, апелираме граѓаните да не ги отвораат линковите и датотеките кои се испратени во прилог на било која електронска порака која доаѓа од непознат испраќач, со цел заштита на вашиот компјутерски систем од малициозен софтвер“, се наведува во соопштението од МВР.

The post МАМАТ ГРАЃАНИ ВО ИМЕ НА ДИРЕКТОРОТ ЗА ЈАВНА БЕЗБЕДНОСТ Граѓани добиле лажни мејлови во кои пишува дека за нив се води истрага за дрога или за педофилија appeared first on plusinfo.mk.

The post ПРВИОТ ЧОВЕК НА БЈБ ПОТВРДИ ДЕКА ДИРЕКТОР ЗЕЛ МИТО ОД 20.000 ЕВРА „Девастираниот систем ќе го вратиме во функција“ appeared first on plusinfo.mk.

Министерот за внатрешни работи Панче Тошковски не е задоволен од работата на директорот на Бирото за јавна безбедност Сашо Тасевски, но рацете му се врзани и не може да предложи кадровска промена на оваа позиција. Ова тој го изјави во поткастот на Плусинфо, во разговор со уредникот Бранко Героски.

Министерот Тошковски детално ги објаснува причините за своето незадоволство од начинот на кој техничката влада на Талат Џафери ги комплицира односите во врвот на МВР.

Во разговорот, Првиот човек на овој ресор објавува ексклузивни детали од доверливиот извештај за спроведувањето на операцијата за замена на личните документи и за одговорноста на раководни лица за големите пропусти.

Тема на разговорот се и очекувањата на Тошковски од изборите, посебно во изборната единица број 6, за кои постои загриженост и кај него, но и кај претставници на меѓународната заедница.

Како адвокат по професија и бранител на неколку случаи покренати од поранешното Специјално јавно обвинителство, Тошковски коментира како и зошто дојде до распад на македонското правосудство, но и за тоа како ќе изгледа правдата во Македонија ако ВМРО-ДПМНЕ дојде на власт.

The post 🎥 НЕ СУМ ЗАДОВОЛЕН ОД ДИРЕКТОРОТ НА БИРОТО ЗА ЈАВНА БЕЗБЕДНОСТ, НО НЕ МОЖАМ НИШТО ДА СТОРАМ Министерот за внатрешни работи Панче Тошковски во поткастот на Плусинфо appeared first on plusinfo.mk.