Катар ја предупреди Европа дека би можел да го суспендира извозот на течен природен гас (LPG) доколку Европската Унија не ја олабави Директивата за длабинска анализа на одржливоста на корпорациите (CSDDD), која се однесува на контролата на сите синџири на снабдување.

Ова го изјави министерот за енергетика на Катар и раководител на „КатарЕнерџи“ (QatarEnergy) Сад Шерида ел Кааби, на конференцијата на ADIPEC.

– Доколку Европа навистина не види како може да го ублажи или откаже CSDDD, и продолжи со воведување казна од 5% од вкупниот промет на енергетски производи, сигурно нема да испорачуваме LPG во Европа – рече тој.

Ел Каби, исто така, истакна дека земјата нема да може да постигне нулта емисија на јаглеводороди во атмосферата во блиска иднина.

Претходно, Катар испрати писмо до белгиската влада во кое предупредува за можно намалување на испораките на LPG поради директивата CSDDD.

Доколку мерките не се олеснат, катарските власти ќе разгледаат „алтернативни пазари“ за продажба на гас.

Од 2022 година, Катар задоволува околу 12-14% од потребите на Европската Унија за овој извор на енергија.

Директивата CSDDD е дел од европскиот план за постигнување нулти емисии до 2050 година. Таа ги обврзува големите компании што работат во ЕУ да ги идентификуваат и елиминираат потенцијалните и реалните негативни влијанија врз човековите права и животната средина што произлегуваат од нивното работење, вклучувајќи ги и нивните подружници и деловни партнери. Компаниите што ги прекршуваат овие прописи се соочуваат со казни од најмалку 5% од годишниот приход.

The post НА ЕВРОПА МОЖЕ ДА Ѝ СЕКНЕ УШТЕ ЕДНА СЛАВИНА ЗА ГАС Катар ќе го запре извозот, ако ЕУ не ги ублажи еколошките казни appeared first on plusinfo.mk.

Европскиот парламент усвои измени на директивите за возачки дозволи со кои се меѓу другото во сите земји се воведува дигитална возачка дозвола и покус рок на важење на возачките за постарите од 65 години.

Земјите-членки на ЕУ ќе имаат пет и пол години да ја имплементираат оваа дигитална опција, додека граѓаните сè уште ќе имаат право да побараат физичка верзија на дозволата.

Промената која предвидува земјите-членки да воведат пократок рок на важење на возачките дозволи за лица над 65 години предизвика загриженост и реакции, особено од организациите што ги штитат правата на постарите лица.

AGE Platform Europe, чадор организација што ги собира здруженијата за правата на постарите лица од цела Европска Унија, реагираше на новата одредба.

– Ваквите мерки не се засноваат на научни докази што би го оправдале автоматското скратување на важењето на возачката дозвола по одредена возраст. Наместо тоа, потребна е индивидуална проценка на способноста, без оглед на возраста – велат од Организацијата.

Според нив, многу постари граѓани сè уште активно, одговорно и безбедно учествуваат во сообраќајот, па неоснованите ограничувања би можеле негативно да влијаат на нивната мобилност, независност и квалитет на живот.

Секоја земја-членка ќе одлучи индивидуално дали и како да ја примени одредбата за пократко траење на возачките дозволи за постарите возачи.

Според статистиката, постарите возачи се вклучени во значителен број сообраќајни несреќи. Во првите седум месеци од 2024 година, лицата над 65 години предизвикале 2.688 несреќи, во кои 779 лица биле повредени, а 24 лица од оваа возрасна група ги загубиле животите.

The post НОВИ ПРАВИЛА ЗА ВОЗАЧИТЕ ВО ЕВРОПСКАТА УНИЈА Се воведуваат дигитални дозволи и нови обврски за постарите од 65 години appeared first on plusinfo.mk.

– Практикантството може да биде одлично прво работно искуство за младите, но овие стажирања мора да бидат квалитетни, со јасна компонента за учење, а исто така мора да бидат платени – изјави европскиот комесар за труд Николас Шмит на презентацијата на директивата.

Донесувањето на директивата, според очекувањата на Брисел, треба да го подобри недостигот на квалификувани работници.

Според податоците на Комисијата, во 2019 година имало повеќе од 3 милиони практиканти во ЕУ, од кои околу половина биле неплатени.

Но, според она што е познато за директивата предвидени се исклучоци кои се можни доколку постојат „објективни причини“ практикантите да бидат платени поинаку од другите вработени. Според информациите, тоа може да биде случај, ако задачите на практикантот вклучуваат помала одговорност или помал интензитет на работа.

Исто така, треба да се осигура дека практикантството не е замена за редовните работни места. Компаниите исто така треба активно да соопштуваат колку слободни работни места имаат, колку трае практиката и какви се условите за работа.

За Европската конфедерација на синдикати (ETUC), предложената директива не е доволно строга. Според синдикатите неплатеното стажирање би ги исклучило талентираните млади луѓе од работничката класа од многу занимања бидејќи тие нема да можат да си дозволат да работат бесплатно.

-Предложената директива не прави многу за да се надмине тоа – вели  Теа Жарк од ETUC.

Земјите-членки на ЕУ и Европскиот парламент сега мора да најдат заеднички јазик за предлозите и заедно да преговараат за компромис. По што планираниот закон може да стапи во сила.

The post ПРАКТИЧНАТА РАБОТА ЌЕ СЕ ПЛАЌА Европската комисија подготвува нова директива appeared first on plusinfo.mk.

Реформата би опфатила и усогласено и полесно признавање на возачките дозволи што потекнуваат од трети земји, како и можност земјите членки на ЕУ да ја намалат минималната возраст за возачите на автобуси на 18 години, без ограничување на растојанието што можат да го возат. Досега таа граница беше 50 километри.

Новата реформа предизвика и спротивставени дискусии токму во европските институции.

Комитетот за транспорт на Европскиот парламент (ТРАН), експертски комитет за прашања за патниот транспорт, уште на крајот на минатата година најави големи реформи  во областа и намалување на прагот на полагање испит за возачи на камиони и автобуси на 17 години, но  Европскиот совет за безбедност на транспортот (ЕТСЦ) силно се спротивставува на идејата малолетници да се најдат зад воланот на неколку тони тешките возила

Дискусиите одат до таму што се претпоставува дека ќе се создаде хаос на патиштата доколку се дозволи 14.000 тинејџери се најдат зад воланот на тешки товарни возила, што пак за подлога ги има искуствата од дел од земјите и науката.

Податоците од Финска, Германија и од Полска покажуваат дека најмладите возачи на камиони (на возраст од 18 до 19 години) предизвикуваат многу повеќе несреќи отколку постарите возач. во прилог одат и научните сознанија според кои на овие години младите не се созреани.

Меѓународната унија за патен транспорт (ИРУ) пак, оценува дека кампањата против директивата се заснова на лажни информации.
– Младите професионални возачи и младите возачи не се исти. Професионалните возачи возат за живот. Тие се целосно мотивирани и обучени стотици часа да возат внимателно за да го одржат своето постоење. Покрај тоа, тие нема да возат сами како 17-годишници, туку цело време ќе се едуцираат од искусни ментори – изјави Ралука Маријан во име на организацијата.

Конечната одлука за старосната граница на возачите на камиони и автобуси треба да ја донесе Европскиот парламент следниот месец.

Европската Унија уште во 2006 година препорача ограничување од 21 година за возачите на камиони и 24 години за возачите на автобуси. Но во последниве години, индустријата за патен транспорт, која сериозно страда од недостиг од кадар, го детектира намалувањето на старосната граница за возачите како евтин и брз начин за решавање на проблемот. Лобирањето во индустријата наскоро се покажа успешно, а некои земји од Европската Унија оттогаш ја намалија старосната граница на 18 години.

The post И 17-ГОДИШНИЦИ ЌЕ ВОЗАТ КАМИОНИ И АВТОБУСИ? Европа бара чаре како да најде шофери appeared first on plusinfo.mk.

За да стапи во сила оваа директива мора да биде одобрена од Европскиот совет и објавен во Службениот весник на ЕУ. Секоја земја-членка потоа има 2 години да го имплементира во своето законодавство.

Новите правила се обврска и на сите земји-кандидати за членство во Европската унија.

Како што е наведено на веб-страницата на Европскиот парламент, на постојната листа на забранети деловни практики на територијата на Европската Унија ќе се додадат голем број проблематични пазарни практики поврзани со „зелено перење“ и рано расипување на производите.

Директивата инсистира на појасни и повистинити информации за потрошувачите при етикетирање на производите, со што се забранува употребата на општи еколошки тврдења како што се „еколошки производ“, „природен“, „биоразградлив“, „климатски неутрален“ и „еколошки“, доколку постои нема докази за барањето.

Регулирано е и означувањето на производите со барања за одржливост, а во иднина тоа ќе биде дозволено само доколку тоа се заснова на официјални сертификати или ако е врз основа на процедури утврдени од институциите.

Директивата става акцент на времетраењето на стоката, па во иднина информациите за гаранцијата ќе треба да бидат повидливи, а ќе се креира и нова усогласена ознака за да се истакнат производите со продолжен гарантен рок.

Новите правила забрануваат да се прават неосновани тврдења за издржливоста на производот – на пример, дека машината за перење ќе издржи 5.000 циклуси на употреба кога под нормални околности тоа не е точно – потоа ги наведува потрошувачите да го заменат апаратот пред да биде навистина неопходно, што често е куќиште со тонери за печатачи и претставување на производи како поправливи кога не се, се вели во соопштението на Европскиот парламент. 

The post БЕЗ ДОКАЗ НЕМА ЕТИКЕТА „ЕКОЛОШКИ ПРОИЗВОД“, „ПРИРОДЕН“ ИЛИ „КЛИМАТСКИ НЕУТРАЛЕН“ Нова директива за заштита на потрошувачите во ЕУ appeared first on plusinfo.mk.

Во соопштението се наведува дека документот, чија содржина го означи почетокот на Втората светска војна на целата територија на Кралството Југославија, по својата важност за Србија е споредлив со телеграмата со која Австро-унгарската империја му објави војна на Кралството Србија на 28 јули 1914 година.

– Овој документ содржи и експлицитна наредба за спроведување на брутални воздушни напади и деноноќно бомбардирање на Белград, подготвеност да им предадат делови од својата територија на Бугарија и Унгарија по окупацијата на Југославија, како и тоа дека со политички ветувања на Хрватите ќе се заостри внатрешно-политичката тензија во Југославија, се наведува во соопштението.

Во соопштението се додава дека содржината на таа директива резултирала, меѓу другото, и со создавање на сите неопходни предуслови за формирање на независна држава Хрватска, односно за иницирање геноцид врз припадниците на српскиот народ на целата нејзина територија.

The post СРБИЈА ЈА КУПИ НАРЕДБАТА НА ХИТЛЕР ДА СЕ НАПАДНЕ ЈУГОСЛАВИЈА „Директивата бр. 25“ ги содржи и одредбите за окупација на Македонија од Бугарија appeared first on plusinfo.mk.

За членките на Групацијата, постапката која се спроведува за носење на законот во Парламентот е спорна по неколку основи. Тие бараат од Предлог-законот да биде тргнато европското знаме и текстот целосно да биде повлечен, за да се остави простор за широка дискусија, во која бизнис секторот ќе може да ги аргументира своите ставови, со цел носење ефикасен и европски закон.

Од компаниите членки на Групацијата, директно и индиректно редовни примања добиваат околу 54.000 луѓе. Укажувањата се дека ако се изгласа законот како што е предложен, ќе се стави клуч на врата на легалните приредувачи на игри на среќа, но играњето нема да запре, играчите ќе бараат алтернатива и ќе се префрлат на нелегални локации, каде државата ќе нема контрола ниту врз средствата, ниту врз безбедноста на играчите.

„Прво, на новиот Закон за игри на среќа се става европско знаме, иако во Европската Унија не постои посебна Директива која ги уредува игрите на среќа, туку е оставено секоја земја поединечно да го регулира законското работење. Европското знаме на овој нов предлог закон се става само со повикување на Препораката од ЕУ – CELEX32014H0478 која се однесува на заштита на потрошувачите и играчите на интернет игри на среќа и спречување на малолетниците за учество во интернет игрите на среќа. Оваа препорака не е обврзувачка ниту за членките на ЕУ а уште помалку за пристапните земји членки. Преку ставање на ЕУ знаме на Законот, истиот наместо во матичната комисија за финансирање и буџет, ќе биде ставен на разгледување во Комисијата за европски прашања во Собранието на РСМ, а со тоа се оневозможува да се отвори јавна расправа по предлог законот. Второ, иако образложението е дека новиот Предлог-закон се носи со цел да се унапреди дејноста, всушност измените ќе значат тотално гаснење на индустријата на игри на среќа и ќе поттикна сива економија во дејноста, која сега со постојната законска регулатива е на исклучително високо ниво регулирана и усогласена со европските закони“, наведува Комората.

Комората укажува и дека предлог-законот не се носи во транспарентна процедура со што, како што подвлекува, се заобиколува правната сигурност во дејноста во која за своето работење сите компании имаат важечки лиценци за работа со кои се обврзуваат и гарантираат почитување на пропишаните законски прописи, регулативи и норми.

„Во предлог-законот и овој пат е изоставен делот со кој се овозможува приредувачите да организираат онлајн игри на среќа како во сите европски земји. Приредувачите на игри на среќа како општествено одговорни компании продолжуваат и со активни едукативни кампањи и силна финансиска поддршка, поради што постои верување дека укажувањата на бизнисот ќе бидат земени во предвид и во Собранието нема да се изгласа закон чии штетни последици ќе бидат повеќекратни“, истакнува Стопанската комора.

The post 54.000 ВРАБОТЕНИ МОЖАТ ДА ОСТАНАТ НА УЛИЦА Новиот закон за игри на среќа само ќе го поттикне илегалното коцкање appeared first on plusinfo.mk.