Официјалната интернет-страница на Белата куќа била во прекин околу еден час во текот на ноќта меѓу четврток и петок, при што на неа бил прикажуван необичен лајв-стрим со непознат млад маж, објави „Блумберг“.

Според информациите, во рубриката Live News на сајтот нешто пред полноќ се појавил видео-пренос на кој се гледа помлад маж со брада и слушалки, како седи пред микрофон. Стримот во текот на следниот час наизменично се појавувал и исчезнувал од страницата.

Засега не е познато дали станува збор за хакерски напад врз официјалната веб-страница на Белата куќа или за интерна техничка грешка и случајна објава. Од Белата куќа сè уште нема официјално соопштение со објаснување за инцидентот.

Настанот предизвика внимание на социјалните мрежи, каде корисниците шпекулираат за безбедноста на дигиталните системи на американската администрација, но и за можната природа на прикажаната содржина.

The post НА САЈТОТ НА БЕЛАТА КУЌА СО ЧАСОВИ ОДЕШЕ ДИРЕКТЕН ПРЕНОС ОД НЕПОЗНАТ „ГОСТИН“!? Не се знае дали е хакерски напад или почетничка техничка грешка appeared first on plusinfo.mk.

Доколку сакате да набљудувате нечиј живот директно преку безбедносна камера, интернетот ви нуди начин за минување на времето. Начинот е легален, иако големи се шансите „жртвите“ од снимката да не се свесни дека некој ги набљудува.

Сега можете да гледате луѓе, пејсажи и ред други места низ целиот свет, па дури и во живо да ја гледате кутијата во која живее јапонска џиновска летечка верверичка.

Веб-страницата „Insecam“ дозволува директен пренос од многу камери ширум светот. Според информациите наведени на веб-страницата, камерите не се хакирани, туку се отворени за пристап и секој може да побара отстранување на погледот од одредена камера.

На менито можете да пребарувате локации, да ја кликнете сликата со одредената локација и да гледате „низ камерата“.  Подолу има дополнителни информации за координатите каде што се наоѓа камерата, временската зонa, производителот на камерата и др.

Можете да ја подредите листата од камери според популарност. Меѓу најпопуларните камери се камерите кои снимаат во Токио. Многу корисници на веб-страницата веројатно сакаат да гледаат директен пренос од камери од Токио.

Се поставува прашањето за приватноста на луѓето кои може да бидат предмет на набљудување. Сепак, овие камери не се домашни, туку се камери поставени на јавни простори во јавни институции, компании, бутици, месарници…

Но, повеќето не се информирани за постоењето на оваа веб-страница, па нема да побараат отстранување на преносите од одредени камери.

Има само една камера од Македонија, а таа е од селото Брвеница.

The post 🎥 ИМАТЕ ЧУВСТВО ДЕКА НЕКОЈ ВЕ НАБЉУДУВА? Безбедносните камери не се баш најбезбедни – проверете дали ве гледа цел свет без ваше знаење appeared first on plusinfo.mk.