ДКСК во објава на нивната веб-страница се повикува на член 11 од Законот за патни исправи за да појасни дека „право, а не привилегија“ е тоа што претседателката на Комисијата, Татјана Димитровска, добила од МНР дипломатски пасош, а нејзините шест колеги членови поднеле барање за да го добијат.

Откако Димитровска деновиве тоа го соопшти во ТВ-интервју, по што имаше реакции во јавноста, ДКСК денеска во објавата, цитирајќи го членот 11 од Законот, наведува: „дипломатски пасош се издава на избрани и именувани лица, раководни државни службеници и раководни работници во државни органи; на дипломатско-конзуларни службеници вработени во Министерството за надворешни работи или упатени на работа во дипломатско – конзуларните претставништва на Република Северна Македонија во странство;……..“

„Дипломатскиот пасош според закон не е привилегија, туку е само право кое служи единствено за извршување на службената должност на членовите на ДКСК и тоа право никогаш нема да се употребува за приватни цели. Ова право не си го доделува самата ДКСК, туку законот кој го донел парламентот и министерот кој е овластен со процедура според законот. За да нема дилеми во јавноста и поради крајна транспарентност, го повикуваме и новиот министер за надворешни работи да ја преиспита одлуката за дипломатските пасоши на ДКСК, а исто така и пратениците самиот закон доколку сметаат дека има потреба од тоа“, истакнува ДКСК во објавената реакција.

Во соопштението посочуваат дека во новиот состав на Антикорупциска работат „врвни професионалци избрани од Собранието со консензус од сите политички партии“ и дека „Собранието е првото место за контрола и оценка на нашата работа, а јавноста секогаш ќе биде навремено информирана за нашата работа“.

„Во оваа насока, а наспроти популизмот, наскоро на јавноста ќе и го презентираме извештајот за извршената внатрешната ревизија на институцијата, при што ќе побараме од сите надлежни институции да постапат согласно своите законски надлежности“, пишува во објавата на ДКСК.

Комисијата нагласува и дека е „целосна дезинформација“ веста дека побарале нови возила за секој член на Комисијата и „одговорно изјавуваат“ дека „до ниту една државна институција никогаш не е испратено барање за доделување службени автомобили на членовите на ДКСК, вклучувајќи ја и претседателката Димитровска“.

„Во рамките на ребалансот на Буџетот на РСМ, ДКСК не побарува финансиски средства за купување автомобили. ДКСК како институција има потреба од службени возила и за нив ќе се бара соодветно решение, но потенцираме ниту се побарани, ниту ќе бидат барани одделни возила за членовите на ДКСК“, се додава во соопштението.

Во објавата која е насловена „Бројот на успешно затворени предмети ќе биде единствената ’морална вертикала“ според која јавноста ќе може да ја оцени нашата работа“, ДКСК истакнува и дека единствено со факти ќе ја презентираат успешноста на нивната работа, „наспроти популизмот наметнат во јавноста“.

„Сметаме дека возењето велосипеди или одењето со автобус на работа е чист популизам со кој не се оправдува бројот на незатворени предмети од претходниот состав на ДКСК. Дополнително, поранешната претседателка во јавноста беше присутна со паушални поединечни изјави за секакви случаи без претходно да се провери документацијата и да се направи проценка дали има основи за отворање предмети. Ваквиот начин на работа не треба да биде мерило за успешност или можеби треба бидејќи факт е дека на претходната ДКСК за цел мандат и беа прифатени исклучително мал број иницијативи за поведување постапка за кривично гонење од страна на Јавното обвинителство“, наведува ДКСК во реакцијата.

Според Комисијата, иако според претходниот состав на ДКСК тоа се должело на несоодветната работа на Јавното обвинителство, „можеби причините треба да се бараат во немањето доволно аргументи, површноста и квалитетот на иницијативите“.

Новиот состав на ДКСК (Татјана Димитровска – претседател и Цвета Ристовска, Софија Спасова Медарска, Бесник Џемаиљи, Билјана Каракашова Шулев, Сервет Демири и Зоран Богоевски – членови) мандатот го почна на 8 февруари 2024. Оттогаш, како што информираат во објавеното соопштение, затвориле 21 предмет од областа на судир на интереси, 61 предмет од областа на спречување корупција и 107 предмети од следење имотна состојба.

„На седницата закажана за в среда, 24 јули, ќе бидат разгледувани околу 150 предлог-одлуки по оформени предмети од новиот состав на ДКСК. Дополнително, започнати се и активно се постапува на точно 103 постапки за прекршоци предвидени во Законот за спречување корупција и судирот на интереси“, се наведува во објавата на Антикорупциската комисија.

The post ДИПЛОМАТСКИОТ ПАСОШ Е ПРАВО, А НЕ ПРИВИЛЕГИЈА Антикорупционерите негираат дека барале службени возила, а „удрија“ и по претходниот состав appeared first on plusinfo.mk.

„Непочитувањето на уставното име на државата ја прави ништовна заклетвата на Силјановска. Или повторување на постапката или функцијата претседател на државата треба да ја преземе Јован Митревски (претседател на собрание), како вршител на должноста, наведува Лога во неговата реакција објавена на Фејсбук и споделена во соопштение до медиумите.

Кренар Лога е дел од струјата на Алијанса за Албанците, предводена од Зијадин Села и беше кандидат на коалицијата Европски фронт (водена од ДУИ) во 3-тата изборна единица.

The post „СИЛЈАНОВСКА НЕ КАЖА „СЕВЕРНА“ ЗАКЛЕТВАТА Е НИШТОВНА“ Министерот Лога бара собранискиот претседател да ја презеде функцијата шеф на државата appeared first on plusinfo.mk.

Британското Министерство за надворешни работи одби да гарантира еднаков дипломатски статус и привилегии на амбасадорот на ЕУ, Жоао Вале де Алмеиди и неговите соработници, какви што имаат дипломатите од другите земји.

Како причина за одбивањето на Форин офисот се наведува дека ЕУ не е национална држава.

ЕУ има 143 делегации ширум светот и сите тие имаат статус на дипломатски мисии во државиоте домаќин и имаат целосен дипломатски статус.

– Предлозите на Лондон не се разумна основа за договор, напиша Високиот претставник за надворешни работи и безбедносна политика на Европската унија (ЕУ) Жозеп Борел во писмото до шефот на бриотанската дипломатија Доминик Раб.

Британците на референдум во 2016 година се изјаснија за излегување од ЕУ, а на 31 декември минатата година Обединетото Кралство по 46 години членство ја напушти Унијата.

The post Aмбасадорот на ЕУ нема да добие целосен дипломатски статус во Велика Британија appeared first on plusinfo.mk.

Презентирајќи ги проекциите, гувернерката Анита Ангеловска-Бежоска посочи дека макроекономското сценарио и ризиците околу него пред сѐ се условени од развојот на здравствената криза во глобални рамки, односно од справувањето со пандемијата и нејзините последици врз однесувањето и очекувањата на економските субјекти.

–Проектираниот економски раст за следната година, очекуваме дека би бил поддржан од сите извори на растот, при што домашната побарувачка би имала позитивен придонес. Очекуваме постепено намалување на воздржаноста и зголемување на склоноста кон потрошувачка. Потрошувачката на домаќинствата би била и поддржана преку растот на расположливиот доход и солидната кредитна активност од страна на банките. Очекуваме и зголемена инвестициска активност и зголемена склоност за преземање нови инвестициски одлуки, оцена што е во согласност со натамошен раст на кредитирањето на компаниите, интензивирање на државните инфраструктурни проекти, како и со стабилизирањето на глобалната економија, раст на извозот и зголемени странски директни инвестиции – истакна гувернерката.

Како што соопштуваат денеска од Народната банка, на среден рок, напоменато е и на состанокот, дека се очекува растот на економијата да продолжи, но сепак, неизвесноста и ризиците се и натаму присутни.

Во презентацијата, одржана вчера, Ангеловска-Бежоска одделно посочи дека инфлацијата и натаму останува ниска и стабилна, а дека и покрај шокот предизвикан од пандемијата, надворешната позиција на македонската економија е умерена, при што тековните проекции на билансот на плаќања посочуваат на раст на девизните резерви во периодот на проекција.

На состанокот, гувернерката се осврна на кредитната активност, посочувајќи на нејзиниот досегашен солиден раст, значајно поддржан и од релаксираната монетарна политика и овозможената регулаторна флексибилност од страна на Народната банка. Во следниот период се очекува натамошно зголемување на кредитната поддршка, којашто и натаму ќе биде клучна за закрепнувањето на економијата, а во услови на раст на изворите на финансирање и поповолни очекувања.

Како што веќе е и соопштено, главниот надолен ризик за проекциите се поврзува со евентуалното повторно воведување строги рестриктивни мерки за спречување на ширењето на вирусот, како и евентуалното побавно справување со вирусот од тековните очекувања. Но, од друга страна, позитивен ризик се побрзиот напредок во третманот на корона-вирусот, како и во развивањето вакцина се фактори на оптимистичката страна. Оттука, и во рамки на состанокот беше нагласено дека доколку заканата од корона-вирусот се надмине побрзо од очекуваното, зајакнатата доверба би можела значително да ја поттикне економската активност.

Презентирањето на макроекономските проекции пред дипломатскиот кор и претставниците на меѓународните финансиски институции е традиционална практика, а овој пат, имајќи ги предвид околностите со пандемијата, за првпат се одржа преку видеоконференциска врска.

The post Видеоконференциски состанок на НБ со дипломатскиот кор: Растот следната година очекуваме да биде поддржан од сите извори appeared first on plusinfo.mk.

– Петнаесет амбасади во државата се претставија на македонската публика со кратка најава за својата земја и парче класична музика, која потекнува од земјата која се претставува на концертот, информираат од „Добредојде“ Македонија Welcome Центар.

Добротворниот дипломатски концерт се одржа премиерно на националниот телевизиски сервис, МРТ 1, вчера во 17:45 часот и репризно ќе биде прикажан денеска од 20:45 часот.

Оваа година, посочуваат организаторите, почесен претседател на „Добредојде“ Македонија Welcome Центар е амбасадорот на Бугарија во земјава Ангел Ангелов.

Сите заинтересирани граѓани и компании кои сакаат да бидат хумани и да помогнат на децата кои се сместени во Клиниката за детска онкологија, можат да донираат на телефонските броеви А1 – 143-133 и на Т-Мобиле 143-999.

– Дa им помогнеме на децата заболени од канцер и опремување на Родителската куќa, каде се сместени родителите на децата пациенти кои доаѓаат од внатрешноста на земјата!, апелираат од „Добредојде“ Македонија Welcome Центар.

The post Добротворен дипломатски концерт по повод Меѓународниот ден на детето appeared first on plusinfo.mk.

– Од  нашето формирање минатата година се поставивме како партнер на Министерството, кој што нема да се самоцензурира кога се во прашања теми што не засегаат сите нас. За жал и покрај првичните уверувања од негова страна, министерот и неговиот кабинет во ниту еден момент не се поставија партнерски, туку ривалски, како да се чувствуваат загрозени од нашите ставови. А нашите ставови се на линија на остварување на работните права, дигнитетот на вработените и угледот на дипломатијата.

Со исклучувањето на присуството на претставници на Македонскиот дипломатски синдикат од комисиите за упатување на дипломати на работа во странство, значително е намален степенот на критичката опсервација за тоа кој сѐ се упатува во дипломатските претставништва и не претставува сите нас во странство. Поради тоа, не нѐ зачудува што во последниот период како печурки се множат скандалите во нашата дипломатска мрежа, па така секој ден читаме за Минхен, Стразбур, Софија, Тирана, кои како да се мотивирани од пошироките скандали во општеството со поштенски маркички, филмски продукции и сл.

Исто така, зачудени сме и од нереагирањето на МНР во однос на навредите од именувани владини функционери кон пријателски земји и народи, каков што беше случајот со пријателска Хрватска и соседна Албанија. Згрозени сме од фактот дека со леснотија се дозволува нарушување на угледот на државата, без повикување на одговорност на владините функционери, соопшти Синдикатот.

Од таму апелираат наши претставници да бидат вклучени во постапките за избор на дипломати и амбасадори во странство, како би дале придонес во враќањето на нарушениот углед и дигнитет на претставата за поимот македонски дипломат. Со сите сили ќе се бориме да не дозволиме десетина теледиригирано испратени дипломати по амбасадите и конзулатите да го валкаат угледот на секој од нас.

The post Дипломатски синдикат: Нарушување на односите со пријателски земји од регионот appeared first on plusinfo.mk.