Во последното интервју (поткастот на Плусинфо) претседателскиот кандидат на ДУИ Бујар Османи најмалку пет пати повтори како ја спасил Македонија од настрвените Бугари, а истовремено нема храброст да прифати одговорност и пласира шпекулација дека предлогот за промена на Уставот му бил „шепнат“ од висок претставник на една голема опозициона партија, пишува амбасадорот Зоран Дабиќ од Македонскиот дипломатски синдикат, кој истовремено е член на ГК на ВМРО-ДПМНЕ.

„Во еден момент Османи се фали како тој успеал да ги помести бугарските барања од колосек на идентитетски прашања на колосек на човековите права, признавајќи дека ете тоа е токму тој што официјално им понудил на Бугарите да бидат внесени во преамбулата на македонскиот Устав.

Веднаш во следниот момент, тој се оградува од својата „инвентивност“ и иницијативност“, кажувајќи дека предлогот за промена на Уставот му бил „шепнат“ од висок претставник на една голема опозициона партија.

Не му е прв пат на Османи да нема храброст да прифати целосна одговорност за кажаното и да оди чекор напред, чекор назад. Така беше и со Францускиот предлог, кога тој го прескокна целото МНР и го прифати предлогот, патем лажејќи дека „високите дипломати“ го разгледале. Што ќе рече, се согласиле со него, зашто ете никој не му се спротивставил. Но не било баш така, на тој 5 јуни 2022 година на Османи му се спротивстави Македонскиот дипломатски синдикат, кога јавно, на говорница пред Собранието на Република Македонија, поради ова невистинито тврдење побара негова оставка. Прв и единствен случај на светот, активни дипломати да бараат оставка од својот министер! Нема сомнение, по нешто ќе остане запомнат во историјата како прв, па макар само во онаа дипломатската“ – пишува Дабиќ во колумна за Мкд.мк.

Дабиќ исто така го коментира спомнувањето од страна на Османи на „уникатното искуство со претседавањето со ОБСЕ“.

„При тоа, не кажа ништо за испуштената шанса на земјите учеснички барем малку да им ги доближи проблемите на Македонија што ги продуцира источниот сосед, не го спомна неговото бесрамно саморекламирање дека ќе ги решавал споровите Србија-Косово, Ерменија-Азербејџан па дури и Израел-Хамас, па дури и дека тој го спасил ОБСЕ од распаѓање! Да не е смешно, би било жално.

Удирањето во гради нема да ја крене довербата за Османи кај граѓаните на Македонија. Имаше можност да биде професионален прв дипломат, но тој одбра да биде чист партиски војник: да ја урниса македонската дипломатија со претворање на МНР во трло на ДУИ, да ги полни амбасадите и конзулатите со неспособен партиски кадар без око да му трепне за бројните јавни критики и да се бори повеќе за некои соседни земји, отколку за Македонија“ – пишува амбасадорот Дабиќ.

The post ОСМАНИ БЕШЕ И ОСТАНА ЧИСТ ПАРТИСКИ ВОЈНИК ВО ДИПЛОМАТИЈАТА Удирањето во гради и изнесувањето невистини нема да му помогнат, пишува амбасадорот Дабиќ appeared first on plusinfo.mk.

За Генерален конзул во Мелбурн, Австралија, МНР предлага целосно анонимна личност, на која единствена квалификација ѝ е дека била дел од безбедносниот тим на премиерот Димитар Ковачевски – алармира Македонскиот дипломатски синдикат.

Синдикатот реагира против, како што вели, растечкиот тренд на разбивање на професионалноста и внатрешните регулативи во Министерството за надворешни работи.

„По скандалозните именувања на партиски кадри во текот на минатата недела на клучни позиции во дипломатската мрежа, денеска се соочуваме со нов „дипломатски бисер”. Имено, за Генерален конзул во Мелбурн се предлага целосно анонимна личност, на која единствена квалификација, според медиумите, е дека била дел од безбедносниот тим на премиерот Димитар Ковачевски.

И покрај обидите за прикривање на информацијата за назначувањето на г-ѓа Елена Брајковска за генерален конзул, користејќи креативни флоскули од типот „нема таква точка на отворената седница“ иако овие одлуки се носат на затворени седници, денеска именуваната веќе ги собира потребните потписи во МНР пред отпочнување на подготвителните процедури за упатување.

Веќе укажавме, Македонскиот дипломатски синдикат бил и ќе продолжи да биде последниот бедем и механизам за зачувување на угледот и професионалните стандарди во дипломатската служба. Затоа повикуваме за итна ревизија на овие упатувања и враќање на дипломатските стандарди во државата.

На крајот, сè уште чекаме одговор од министерот Бујар Османи за флагрантното кршење на Законот за надворешни работи при упатувањето на г-дин Мухаби Синани како генерален конзул во Њујорк.

Пред да го добиеме одговорот, упатуваме на целосно читање на Законот, односно да се обрне внимание на член 5, од истата измена која беше наведена како основ за ова упатување (Сл. Весник 226/2015) со која се додава нов член 35-а кој гласи: „Најмалку една третина од вкупниот број на шефови на дипломатско-конзуларни претставништва се именуваат од редот на дипломатско-конзуларните службеници со високи дипломатски звања во Министерството.“

Со оглед на ова, прашуваме кое е дипломатското звање на Синани и дали се крши Законот за надворешни работи“ – се вели во соопштението на Макеоднскиот дипломатски синдикат.

The post НАЈГОЛЕМА КВАЛИФИКАЦИЈА – РАБОТЕЛА ВО ОБЕЗБЕДУВАЊЕТО НА КОВАЧЕВСКИ!? Дипломатите реагираат на уште едно скандалозно назначување генерален конзул appeared first on plusinfo.mk.

„Еклатантен пример за непочитување на внатрешните регулативи е упатувањето на г-нот Мухаби Синани на местото Генерален конзул во Њујорк, истото она место на кое министерот Османи не успеа да ја упати во тоа време ТВ презентерката Бесмира Ејупи. Имено, г-нот Синани, којшто од скоро е вработен во МНР од приватна фирма не исполнува услови за упатување во странство. Тој минатата недела веќе ги има одбрането тезите за упатување без притоа да има стекнато високо дипломатско звање кое е законски услов за именување на генерален конзул. Дополнително имаме информација и дека оваа недела Синани треба забрзано да полага испити во МНР за унапредување од три нивоа нагоре, како неговото упатување би било приспособено на законските барања за упатување на ниво на генерален конзул. Ваквото забрзано полагање за унапредување од низок во висок ранг на дипломат е противзаконско и спротивно на сите принципи на кариерно напредување, кое што е во директна спротивност со на градењето квалитетна и сериозна дипломатија“, се вели во соопштението.

Исто така, наведено е таму, дознаваме дека се подготвува упатување на г-нот Илми Селами од Чаир за амбасадор во Будимпешта, поради подигање на партискиот рејтинг на господинот Османи во населбата Чаир.

„Како дипломатски синдикат не се согласуваме со хипер партизацијата на дипломатијата и нејзина служба во приватни или партиски интереси, особено пред избори. Професионалните стандарди мора да бидат светост за секое идно раководство на МНР. Забележуваме дека министерот Османи забрзано ги упатува своите најблиски соработници во странство, па така повеќе директори и други политички личности се упатуваат за амбасадори надвор од законски уредената процедура (без презентирање на тезите пред собраниската комисија за надворешна политика), а речиси целиот негов Кабинет забрзано се празни и заминува на различни позиции во странство, што навестува дека актуелното раководство се подготвува за големи промени во Министерствоито за надворешни работи. Следното раководство на МНР треба да ја прекине ваквата пракса и да обезбеди континуитет на раководењето на нашата институција“, наведено е во соопштението на МДС.

The post МИНИСТЕРОТ ОСМАНИ ЗАБРЗАНО ГО ПРАЗНИ СВОЈОТ КАБИНЕТ Македонскиот дипломатски синдикат обвинува дека кој стигнe станува амбасадор appeared first on plusinfo.mk.

Македонскиот дипломатски синдикат реагира на вчерашната дебата во врска со закупувањето на посебна Резиденција за амбасадорот во Вашингтон, САД.

„Зградата на македонската амбасада во Вашингтон беше вселена во ноември 2005 година. Согласно архитектонскиот планот, одобрен од тогашната министерка, на последниот, втор кат на зградата беше уредена Резиденција за амбасадорот. Идејата беше покрај заштедување средства за изнајмување Резиденција, новата амбасада да добие на тежина и значење со тоа што внатре би била и Резиденцијата на амбасадорот. Така, сите три претходни амбасадори на Македонија во САД престојувале во Резиденцијата цел мандат, без исклучок. Впрочем, Резиденцијата во Амбасадата е и регистрирана како таква во службата за Протокол на Стејт Департмент на САД. Оправдувањето на МНР дека Резиденцијата во амбасадата била зафатена од друг дипломат, не држи вода. Имено, во дворот на амбасадата, Македонија има уште два стана за дипломати, од кои еден подолг период е празен. МНР тоа го премолчува. Дипломатот, кој за неколку недели секако се враќа во Македонија лесно можел за краток период да се префрли од Резиденцијата во празниот стан, особено бидејќи бил запознаен со тајмингот на пристигнувањето на амбасадорот Попов“, се вели во реакцијата.

Но, тоа не било сторено, додаваат оттаму, како резултат на очигледната желба на амбасадорот да живее надвор од амбасадата и поддршката од министерот Османи кој го имал последниот збор, без оглед на тоа што таквата желба ја чини државата значителни дополнителни средства.

„Ова е само кулминација на недомаќинското работење на раководството на МНР. Ќе потсетиме дека во периодот 2019-2020, двајца вршители на должност од МНР во НАТО престојувале во амбасадорската Резиденција во Брисел, без оглед што нивниот лимит за станарина е двојно помал од рентата за амбасадорска Резиденција. Но за тоа потоа. Сите ќе си бидат повикани на одговорност за злоупотреба на службена должност“, се вели во соопштението.

The post ПЛАЌАМЕ КИРИЈА ВО ВАШИНГТОН САМО ПОРАДИ АЗДИС Македонскиот дипломатски синдикат го критикува недомаќинското работење во амбасадите appeared first on plusinfo.mk.

Имајќи предвид дека имаме издадено повеќе соопштенија на оваа тема, без никаква реакција од господинот Бујар Османи, ниту пак резултат, го повикуваме министерот некогаш да прошета низ ходниците и канцелариите на институцијата што ја води веќе три години и да се запознае подобро со состојбите – се вели во отвореното писмо до министерот од Македонскиот дипломатски синдикат.

„Прво што ќе му падне во вид е шареноликоста на персоналот, но не според познавање јазици или дипломатски афинитети, туку според облекувањето, поради кое се стекнува слика дека сте во некоја дискотека од пониска категорија, а не во најконзервативната институција во земјата, домот на дипломатијата каде што дрес кодот е препознатлив.

Второ што ќе може да види г-нот Османи се валканите ѕидови. Верувале или не, тие ниту еднаш не се варосани од изградбата на новата зграда. Навистина, во неколку наврати беа парцијално варосани само ходниците со скалите, веројатно зашто тука поминуваат странски делегации. Најголемиот дел, а особено канцелариите никогаш.

Трето што ќе може да види г-нот Османи се катастрофалните тоалети. Испокршени капаци на пожолтените шолји, тешка смрдеа и хроничен недостиг на основни хигиенски средства како сапун, хартија и сл. Да не зборуваме за џогерите, кофите и останатите средства за чистење кои стојат на отворено, веднаш до лавабоата. Се на се, идеални услови за ширење ешерихија коли или некоја друга заразна бактерија.

Четврто, валкани канцеларии. Тие никогаш вистински не се чистат, туку само се собираат покрупни отпадоци од подот. За чистење на бироата да не зборуваме. Прашина до гуша.

Петто и како капак на се, на фасадата на МНР пред еден месец се истакнати два огромни банери кои го рекламираат нашето претседавање со ОБСЕ во 2023 година. Тие покриваат околу една третина од површината на зградата. Ајде што тие чинат доста пари, ајде и тоа што не разбираме зошто дома би го рекламирале сопственото претседавање (освен за рејтингот на г-нот Османи), а не во странство, но она што е катастрофално е дека тие банери целосно покриваат две вертикали со прозорци од канцеларии кои сега се затемнети и немаат природна светлина. Уште полошо, вработените не смеат да отворат прозорец поради огромната смрдеа од пластиката и боите на банерите, па така седат и без воздух и без доволно светлина.

Господине Османи, немојте да барате дежурни виновници во женичките хигиеничарки што го чистат министерството. Проблемот не е во нив туку во организацијата на работата и грижата за институцијата. Ако ви е навистина важна, вработете уште толку, бидејќи не се доволни. Исто така, не ги обвинувајте вработените дека имаат лоши навики во тоалетите и дека намерно кршат капаци. Купете поквалитетна опрема, определете хигиеничарки чија надлежност ќе бидат исклучиво тоалетите и направете да светкаат. Исто како што светкаат во сите други министерства за надворешни работи во светот. Или барем како во хотелите. Тоа не е толку тешко.

Како министер, редно е да покажете малку грижа за вработените. Како што вели слоганот на двата банери: „За луѓето се работи!“ Да не испадне дека нашите вработени не се луѓе“ – се вели во соопштението на Македонскиот дипломатски синдикат потпишано од амбасадорот Зоран Дабиќ.

The post СМРДЕНИ ТОАЛЕТИ, ВАЛКАНИ ЅИДОВИ И КАНЦЕЛАРИИ, ГЛУПИ БАНЕРИ ОД КОИ НЕ МОЖЕ ДА СЕ ОТВОРИ ПРОЗОРЕЦ… Синдикалците се жалат дека МНР личи на прчварница appeared first on plusinfo.mk.

„Но, тоа е само врвот на брегот од мраз. Неколку години наназад, како претседател на дипломатската синдикална организација укажувам дека со своето водење и постапки долгорочно ги разнебитувате министерството и дипломатската служба преку брутална централизација, партизација, корупција, клиентелизам и деспотизам.

Во дипломатијата мора да има нулта толеранција за корупцијата и слични злоупотреби. Таква е природата на службата. Притоа, првиот човек на едно министерство мора да биде моралната вертикала, светилник кој на останатите ќе им служи за пример и водилка. А вие водите цела една државна дипломатија, па дури годинава и претседавате со ОБСЕ, организација која во својата суштина, меѓу другото се занимава и со корупцијата, доброто владеење и севкупната демократизација.

Со кое лице ќе барате од земјите учеснички во ОБСЕ да се справуваат со корупцијата, како еден од најбитните предуслови за зајакнување на демократијата, министре? Како ќе го погледнете во очи оној амбасадор во Виена што ќе ве праша за состојбите во Македонија, кога незаконие владее во вашето министерство?

За „позајмување“ на еден туѓ автомобил се оди во затвор. За „позајмување“ на десетина автомобили, ако е сторено од висок функционер, за жал нема последици. Тоа е законски пропуст што ќе мора да се исправи. Но, она што не може да се исправи е вашиот трајно нарушен углед министре. Време е да се прочистат Авгиевите штали на МНР“ – пишува амбасадорот Дабиќ.

The post СРАМНО Е МИНИСТРЕ, КАКО ГИ ГЛЕДАТЕ ДИПЛОМАТИТЕ ВО ОЧИ? Првиот човек на дипломатскиот синдикат до Бујар Османи appeared first on plusinfo.mk.