Целосно се завршени анализите на мострите од вода земени од ОУ „Димо Хаџи Димов“ и физичко-хемиската анализа и микробиолошката анализа се во рамките на реферетните вредности, а тешки метали не се пронајдени, соопшти денеска Институтот за јавно здравје (ИЈЗ).

„Како што претходно известивме за резултатите од мостри од храната и од работните површини, најдени се фекални бактерии enterobacteriacea во мусаката и на неколку површини од кујната и училиштето кои укажуваат на нехигиена во училиштето и во кујната. Од добиените 7 примероци на биолошки материјал кои ги имаме примено во ИЈЗ од децата кои јавиле симптоми, 6 се позитивни на норовирус“, се вели во соопштението од ИЈЗ.

Во текот на викендот, приправни и дежурни екипи од ИЈЗ се на работа и ги анализираат добиените мостри, како и биолошкиот материјали добиени претходните денови од училиштата, со цел брзо,точно и ефикасно справување со ситуацијата.

За дополнително пристигнатите мостри од другите 9 училишта од општина Карпош, ИЈЗ ќе информира во понеделник.

„ИЈЗ е во постојана комуникација со другите надлежни институтиции и за сите дополнителни инфромацвии ќе ја информира јавноста“, се наведува во соопштението.

Норовирусот, познат и како зимски стомачен вирус, предизвикува акутен гастроентеритис – воспаление на желудникот и на цревата. Болеста се јавува нагло, со повраќање и воденаста дијареја

Досега вкупно 13 деца побарале медицинска помош.

Пред 3 дена повеќе деца од училиштето „Димо Хаџи Димов“ од Влае се пожалија на стомачни тегоби, со повраќање. Институциите се посомневаа на труење со храна, ја затворија училишната кујна и спроведоа тестирања на мостри од храната, од вработените и од разни површини.

The post ШЕСТ ОД ДЕЦАТА ОД „ДИМО ХАЏИ ДИМОВ“ ПОЗИТИВНИ НА СТОМАЧЕН ВИРУС Водата во училиштето е безбедна appeared first on plusinfo.mk.

Директорката на Институтот за јавно здравје, Марија Андоновска во изјава за медиумите попладнево истакна дека сè уште не може целосно да се заклучи од што е пожалувањето на стомачни тегоби кај децата од ООУ „Димо Хаџи Димов“ во Општина Карпош, бидејќи сè уште траат испитувањата. Но досега, како што потенцира, кај носот на една вработена најден е Стафулококус ауреус.

Таа потенцира дека на три чешми се најдени бактерии од групата Ентеробактериаце грам-негативна бактерија. Кај едно од децата засега е најден норовирус.

Андоновска информира дека досега имаат 29 пријави и плус една наставничка која се пожалила на стомачни тегоби. Потенцира дека во Детската клиниката биле сместени пет дечиња, а денеска се донесени плус две деца. Информира дека сите деца се во добра здравствена состојба и се стабилни.

Едно од донесените деца е сестричка на едно од овие пет деца коишто веќе претходно лежеа таму и кај токму таа особа е присутен, т.е. испитан и докажан норовирус во фецес. Таа соопшти дека по координација со Центарот за јавно здравје разговарале дека постојат епидемиолошки индикации за вонредна дезинфекција во училиштето и тие веќе се подготвуваат и екипа од ЦЈЗ ќе изврши вонредна дезинфекција во училиштето најбрзо што може.

Андоновска нагласи дека за да утврдат за што станува збор, ќе треба да се направат одредени иследувања и да заврши целокупната анализа, за да се добијат резултатите од сите земени примероци и од сите оние коишто им стигаат и во текот на денешниот ден, како од децата кои се на домашно лекување, така и од децата кои се на Детската клиника.

Директорката на ИЈЗ истакна дека од земените брисеви од работните површини, од кваките, од чешмите, од садовите во кои јаделе и од пултот, од девет земени површини три се веќе позитивни, те. позитивни се чешмите. Потенцира дека на овие површини најдени се бактерии од групата Ентеробактериаце.

– Тоа се грам-негативни бактерии коишто исто така можат да дадат ваква симптоматологија како што има клиничка слика на веќе заболените. Значи, тие можат да дадат ваква клиничка слика и укажува на нехигиена. Едната чешма е во кујната другите две се во училница. Што значи, од девет земени предмети, на три веќе сме нашле. Тоа по рандом се зема. Но, штом е најдено веќе на три површини тоа значи циркулирање и на другите кваки и чешми. Понатака, од три вработени во кујната земени се брисеви од раце, тие се микробиолошки во ред. Земени се брисеви од нос и од грло. Исто така, од овие три вработени, за две брисевите од нос и грло се во ред микробиолошки, но кај едната од вработените во носот е најден Стафулококус ауреус, којшто исто така може да даде ваква симптоматологија, ваква клиничка слика кај оние коишто чувствуваат тегоби во моментот. Вода е земена од шест чешми, испитана е микробиолошки, и испитана физичко-хемиски и испитана е за тешки метали. Досега микробиолошки морам да кажам дека задоволува водата, но сепак ќе почекаме бидејќи по протокол е уште еден ден да почекаме за да бидеме сигурни во резултатот. Ќе чекаме уште еден ден за водата микробиолошки, таа засега е во ред. Физичко-хемиските анализи се завршени и не покажуваат отстапувања од референтните граници. Исто така, водата од шесте примероци е испитана и за тешки метали, каде што исто така не ни укажува дека има присуство на тешки метали. Ова зборувам за оние материјали коишто се земени завчера – рече директорката и потенцира дека оние мостри кои се земени во текот на вчерашниот сè уште мора да се обработуваат.

Освен овие земени мостри, на инсистирање на Институтот, во соработка со Детската клиника побарале дополнителен материјал од фецес и брисеви од грло и нос од децата сместени во болница. Засега до нив пристигнале материјали за две дечиња од фецес, каде што едно од децата е позитивно на норовирус.

– Норовирусот исто така може да даде клиничка слика како што имаат тегоби, а од друга страна информирана сум дека е вирус којшто се пренесува многу лесно и долговреме перзистира на работните површини, масички и столчиња. Земените брисеви од грло и нос, од пет деца, во текот на вчерашниот ден, се негативни за ковид инфлуенца, а чекаме резултати за други вируси. Воедно, во комуникација со Центарот за јавно здравје, бидејќи денеска се пријавени нови случаи на деца коишто покажуваат иста клиничка слика како и претходните, епидемиологот од Центарот за јавно здравје ги препраќа децата, сите оние што сакаат родителите да донесат материјали во Институтот за јавно здравје денеска до крајот на денот, до седум часот. Но ќе работиме како Институт и во текот на утрешниот ден – рече Андоновска.

Од досега изработени резултати од земените мостри покажуваат дека млекото, муслите и кроасанот засега микробиолошки ги задоволуваат условите.

– Завчера беа земени материјали од храната којашто децата ја јаделе. Тоа се оние мостри коишто ни ги оставиле во кујната, не ја земавме директно баш од храната, бидејќи мора да се знае точно како е дојдено до оваа ситуација, што точно испитуваме. Земено беше неколку примероци од храна. Потоа земени беа мостри од работни површини од целото училиште, и од кујната, и од училниците и од тоалетите. Понатаму беа земени мостри и од водата. Од она што досега го изработи Институтот за јавно здравје, можам да кажам дека млекото, муслите и кроасанот засега микробиолошки ги задоволуваат условите. За мусаката се уште се работи и денеска до 16 часот ќе имаме и резултати и за мусаката – рече таа.

Андоновска нагласи дека ИЈЗ ќе иницира промена на законски и подзаконски решенија за унапредување на хигиената и состојбата во градинките и училиштата.

– Морам да потенцирам уште една работа. Веќе како Институт инициравме промена на одредени законски и подзаконски решенија коишто ќе ги ставиме и на јавна дебата, ќе ги предложиме како Институт коишто ќе значат унапредување на хигиената и состојбата со безбедноста на храна во овие најсензитивни институции како што се градинките, училиштата. И навистина тука кога станува збор за јавното здравје на луѓето особено на децата тука нема компромис. И ние ќе инсистираме да бидат направени решенија коишто ќе ни донесат поголема безбедност во овие институции – рече таа.

Директорката на ИЈЗ соопшти дека во текот на вчерашниот ден земени се примероци од кујните на девет други училишта и оти резултатите се уште се работат.

– Не можеме да ви дадеме информација, бидејќи дел од кујните во училиштата вчера биле заклучени во текот на вчерашниот ден не се успеало да се влезе. Од она што ми го имаат кажано како информација дека од секаде не е земено. И во текот на денешниот ден, беа екипи на терен од Институтот за јавно здравје, Центарот за јавно здравје, ДСЗИ и Агенцијата за храна. Сепак, како заклучок од сето ова, мислам ќе треба да се доработат сите овие земени материјали за да можеме да донесеме еден целосен заклучок, рече директорката на ИЈЗ – Марија Андоновска.

Таа апелира на зголемена хигиена во училиштето, да се набават нови дезинфициенти и сапуни. Препорача децата со симптоми да останат се уште дома. Доколку има влошување на клиничката слика, да се јават во Центарот за јавно здравје, но пред сè кај нивните матични доктори, за да можат да бидат пратени на понатамошни иследувања.

The post БАКТЕРИЈА НАЈДЕНА КАЈ ВРАБОТЕНА ВО „ДИМО ХАЏИ ДИМОВ“, НОРОВИРУС КАЈ ЕДНО ОД ДЕЦАТА Испитувањата траат, се спрема вонредна дезинфекција appeared first on plusinfo.mk.

Во узорираниот примерок од мусаката која се служела во прва смена во училиштето „Димо Хаџи Димов“ во населбата Влае се најдени грам негативни бактерии од групата на Enterobacteriaceae, фекални бактерии кои исто така се пронајдени и на три чешми во училиштето, информира Институт за јавно здравје (ИЈЗ).

Како што посочуваат од ИЈЗ, после денешната прес-конференција добиле нов резултат од узорцираниот примерок од мусака која се служела во прва смена во училиштето и во неа се најдени грам негативни бактерии од групата на Enterobacteriaceae, фекални бактерии кои исто така се пронајдени и на 3 чешми во училиштето.

• ВОДАТА ВО ООУ „ДИМО ХАЏИ ДИМОВ“ Е ИСПРАВНА Санитарната контрола потврди дека нема здравствен ризик

„Бројот на земени примероци и пристигнати материјали е екстензивен, и материјали за анализа сè уште пристигнуваат“, велат од ИЈЗ.

ИЈЗ во текот на денешниот ден одржа прес конференција и информираше за сите досега преземени активности од надлежните институции (АХВ, ДСЗИ, ЦЈЗ Скопје, Детска клиника) кои се во постојана комуникација и координација, како и за сите резултати од узорцираните примероци и од доставените материјали за анализа.

Во ОУ „Димо Хаџи Димов“ во Влае на 26 ноември голем број ученици се пожалија на стомачни тегоби. Надлежните институции соопштија дека од кујната на основното училиште се земени мостри од храна, вода, брисеви од површини и вработени, кои се очекува да бидат познати во текот на денешниот ден.

The post ФЕКАЛНИ БАКТЕРИИ НАЈДЕНИ ВО МУСАКАТА ВО „ДИМО ХАЏИ ДИМОВ“ Истите се најдени и во три чешми во училиштето appeared first on plusinfo.mk.

Дваесет ученици од основното училиште „Димо Хаџи Димов“ во скопската населба Влае се пожалиле на стомачни болки, а дел од нив, според епидемиолошките анкети, изјавиле дека воопшто не биле во контакт со училишната кујна. Институтот за јавно здравје (ИЈЗ) веќе работи на утврдување на причината, но директорката на институцијата, д-р Марија Андоновска, предупредува дека засега не може да се потврди дали станува збор за труење со храна.

Андоновска објаснува дека од вкупните 20 пријави, седум деца тврдат дека не јаделе ништо од училишната кујна. ИЈЗ добил и четири телефонски дојави од наставници, но без официјални пријави од нивна страна.

– Мора да се земе предвид дека дел од учениците се многу мали, а нивните изјави не секогаш може да бидат целосно прецизни – рече директорката.

Екипите на ИЈЗ извршиле целосен вонреден надзор и земале голем број примероци за анализа. Контролирани биле храна и напитоци што биле на менито – од млеко, мусли и мусака, до кроасани. Дополнително, биле земени примероци од четири чешми во училиштето, како и од повеќе површини во трите одделенија, од кујната, приборот за јадење и работните пултови.

Тестови биле направени и на три вработени во кујната, од кои биле земени брисеви од раце, грло и нос. За водата се собрани примероци од шест различни точки во училиштето, меѓу кои и кујната, а анализите ќе ги опфатат и микробиолошките и физичко-хемиските параметри. Првичните резултати за физичко-хемиската анализа од едно место покажале дека нема отстапувања, но за микробиологијата се потребни 48 часа.

Паралелно со ова, ИЈЗ се координирал со Клиниката за детски болести, каде што се примени дел од учениците. Од клиниката бил побаран дополнителен материјал за испитување за да се утврди дали можен причинител би можел да биде вирус, паразит или некој друг фактор кој не е поврзан со храна. Дел од овие резултати се очекуваат уште во текот на денот.

Ситуацијата довела до активирање на вонреден надзор и во уште девет училишта во општина Карпош, каде повторно ќе се земаат примероци од кујните и водоводните точки. Сите анализи ќе се спроведат по истите протоколи.

– Сѐ што треба да се направи — се прави. По ова, ќе покренеме иницијатива за нови стандарди за безбедност на храна и вода во училиштата и градинките, а предлозите ќе ги ставиме на јавна дебата – најави Андоновска.

ИЈЗ информира дека целиот процес е координиран со Агенцијата за храна и ветеринарство (АХВ), Државниот санитарен и здравствен инспекторат (ДСЗИ) и Центарот за јавно здравје, кои веднаш по налогот излегле на терен.

The post ВОНРЕДЕН НАДЗОР ВО ДЕСЕТ УЧИЛИШТА ВО КАРПОШ Се земаат примероци од храна, вода и персонал по пријавите за болни деца appeared first on plusinfo.mk.

Државниот санитарен и здравствен инспекторат (ДСЗИ) ја затвори кујната во Основното училиште „Димо Хаџи Димов“ во скопската населба Влае, откако голем број ученици се пожалиле на стомачни болки. ДСЗИ нареди и вонредно чистење и здравствени прегледи на вработените во училиштето, а земени се и мостри од работните површини.

Од Институтот за јавно здравје најавија дека првичните информации за тоа што се случило и зошто децата добиле стомачни проблеми ќе се знаат утре.

Директорот на ДСЗИ, Кирил Лазов попладнево за МИА изјави дека кујната е затворена, како потенцијален извор на зараза, а издадено е решение за забрана за работа, во кое се наложуваат и мерки кои треба да ги преземе операторот, односно вонредно чистење, вонредна дезинфекција, дезинсекција и дератизација од овластена институција и спроведување вонредни здравствено-хигиенски мерки за вработените.

– За констатираната фактичка состојба ќе биде изготвена информација дополнително, по завршување на надзорот. ДСЗИ спроведува вонреден координиран инспекциски надзор по добиеното известување од одделението за епидемиологија на ЈЗУ Центар за јавно здравје Скопје за појава на стомачни тегоби кај ученици од ОУ „Димо Хаџи Димов“ – Скопје, согласно Националниот протокол за постапување на надлежните институции во случај на сомнение и појава на алиментарни инфекции и интоксикации – рече Лазов.

Додаде дека надзорот се спроведува во соработка со Агенцијата за храна и ветерина, Центарот за јавно здравје и Институтот за јавно здравје (ИЈЗ).

Директорката на ИЈЗ, Марија Андоновска за МИА изјави дека од ОУ „Димо Хаџи Димов“ се земени многу мостри на кои се работи попладнево и ќе се работи и во текот на целата вечер. За некои од испитувањата, како што вели таа, потребно е време, но најави дека првичните информации за тоа што се случило и зошто децата добиле стомачни проблеми ќе се знаат утре.

До здравствените власти има пријави за влошена здравствена состојба со стомачни тегоби кај девет деца, иако денеска од настава отсуствувале 80-тина деца. Според информации на МИА, неколку дечиња поради стомачни проблеми и дехидрираност се хоспитализирани. Освен кај ученици, досега не се пријавени симптоми од вработените во училиштето.

Андоновска претходно денеска информираше дека екипа од техничар и епидемиолог од ИЈЗ беа во ОУ „Димо Хаџи Димов“ во Влае, по сомнежот за труење на ученици. Земени се брисеви од раце, нос и грло на вработени во училишната кујна, од работните површини, а земени се и мостри од храна и вода. Освен ИЈЗ, во училиштето постапуваа и екипи на ДЗСИ и АХВ.

The post УТРЕ ПРВИЧНИ ИНФОРМАЦИИ ЗА СТОМАЧНИТЕ ТЕГОБИ КАЈ УЧЕНИЦИТЕ ВО „ДИМО ХАЏИ ДИМОВ“ Кујната во училиштето е затворена appeared first on plusinfo.mk.

Димо Хаџи Димов е познат деец. Рамо до рамо се борел со Гоце Делчев во Баница, од каде се извлекол и се вратил во гратчето Дупница. По Илинденското востание се спријателува со Јане Сандански кој му бил „духовен учител“. Станува пратеник од Народната федеративна партија во собранието на Бугарија. Хаџи Димов е клучниот преговарач кој требал да ги обедини левицата и десницата во македонската организација.

Мајскиот манифест кој ќе биде потпишан, а кој набрзо потоа Тодор Александров ќе негира дека го потпишал плашејќи се за својот живот ќе доведе до признавањето на македонскиот народ од Коминтерната, која ќе стави потпис на документот.

Ова официјално признавање на македонскиот народ ќе одекне во меѓународниот простор.

Така ВМРО и Македонската федеративна организација(МФО), во која членувале комунистите конечно застанале на иста страна. Тоа е заложба дека двете организации се помируваат и се ориентираат кон создавање на единствен балкански фронт во соработка со Балканската комунистичка федерација и СССР. Манифестот бил јавно објавен.

Не за долго Тодор Александров е ликвидиран, по кажувањата, од негови војводи. На местото на Александров доаѓа Ванчо Михајлов, познат по своите отворени пробугарски ставови.

Ликвидирани се и бројни други личности. Во атентатите кои странскиот печат ќе ги нарече „гангстерски“ ликвидирани се Јане Сандански и Ѓорче Петров. Владо Черноземски, кој има бугарско потекло од село близу Велинград, станува најпознатиот „вмровец“ во странство. Една декада подоцна тој ќе го убие српскиот крал Александар Караѓорѓевиќ на идеја и во договор со Анте Павелиќ, водачот на усташката организација во Хрватска.

Меѓу луѓето кои ги убил Черноземски е штипскиот војвода Ковачев кој исто така на денешен ден, 13 септември, бил убиен во Софија. Тој кобен ден Димо Хаџи Димов тргнал да го бара Ковачев бидејќи наслушнал дека тој бил убиен. На пат кон кафаната „Галик“, на улицата Пиротска тој бил сурово застрелан од Черноземски.

Иако истрелал неколкупати, за да се осигура дека Димов е мртов, Черноземски пукал уште двапати на трупот.

За штипскиот војвода Ковачев, пак, познато е дека бил уредник на весникот „Автономна Македонија” и идеолог на Македонската емигрантска федеративна организација. Роден е во Штип, на 5 јануари 1875 година. Учествувал во Илинденското востание во Штипско, Кочанско и во Кратовско.

The post СЕ БОРЕШЕ ПОКРАЈ ГОЦЕ, БЕШЕ УБИЕН ОД ЧЕРНОЗЕМСКИ Димо Хаџи Димов ја плати цената за својот македонизам сред Софија appeared first on plusinfo.mk.

Новата атмосферска канализација што беше причина за раскопување на улицата Димо Хаџи Димов во скопска Кисела Вода и „скапиот“ асфалт за којшто се чекаше потопло време, не го издржаа првиот дожд, а дел од сопствениците на куќи повторно се бореа со поплавените подруми.

– Тамам се израдувавме дека повеќе нема да слушаме багери, барем на овој дел од улицата, кога заврна и пак поплава! И еве, од вчера повторно багери. Сега ни ги раскопуваат тротоарите кои веќе беа готови. Што ли се прави овој пат – прашува чичко Благоја.

Скопјанката Билјана, која живее на оваа улица, револтирано вели дека малку им била прашината што ја дишеле 7 месеци од копањето на улицата, местењето и преместувањето на шахтите.

– Еве втор ден како ги раскопуваат тротоарите. Не ни е јасно што се случува? Ние како граѓани бараме одговори од градот, зошто улицата беше пола со вода и зошто сега се копаат тротоарите – вели Билјана.

Градоначалничката на Град Скопје пред два дена изврши увид во завршните работи на улицата Димо Хаџи Димов каде се реконструира коловозот со што се овозможува зголемена безбедност за жителите на овој потег, но и за прв пат по целата должина и поврзаните краци се изгради атмосферска канализација. Во моментот на вториот дел од трасата се реконструира и водоводната мрежа.

„По секое невреме на оваа траса детектирани се поплави, а со сериозна инвестиција и изградбата на атмосферската канализација се отстрануваат овие недостатоци во интерес на граѓаните, со цел да се превенираат во иднина несакани последици предизвикани од невреме“ – информираа од Град Скопје по посетата на Арсовска на оваа улица, која важи за сообраќајна артерија за населбата Кисела Вода.

Претходно Плусинфо пишуваше токму за оваа улица бидејќи загрижените граѓани прашуваа што се случува со реконструкцијата на улицата Димо Хаџи Димов, иако скопската градоначалничка Арсовска им вети дека ќе го реши деценискиот проблем. Жители од оваа улица ни рекоа дека интервенциите започнале во септември лани, а работите требало да бидат завршени во октомври, како и што пишува на информативната табла на која како инвеститор е наведен Град Скопје.

– Ја раскопаа улицата еднаш од едната страна, па таа страна ја покрија со песок за да се копа другата страна. Откако двете страни ги ископаа и ги покрија со песок, на големо изненадување на граѓаните, улицата повторно беше раскопана. На прашање до работниците кога планираат да завршат, одговорот што го добивавме беше „ехеее има време до декември“. По второто копање, улицата беше повторно затрупана со песок за повторно да ја раскопаат на одредени делови – ни кажаа тогаш жителите на оваа улица.

Како одговор на нашите прашања, градските власти нѐ информираа дека на посочената улица се извршувале неколку зафати, па поради тоа се одложил рокот за завршување на проектот, а и временските услови не биле на нивна страна за нанесување на завршниот слој асфалт.

– На улицата Димо Хаџи Димов не се работеше само на реконструкција на коловозот туку и на комплетна изведба на атмосферска канализација и нов водовод, при што се завршени и сите водоводни приклучоци кон околните објекти кои беа многу на број. Следи асфалтирање на улицата и тоа предвиден е завршен слој асфалт СМА за чие вградување, согласно техничките стандарди, потребно е суво, неврнежливо време, и температурата на воздухот и на тлото над 15 степени Целзиусови во текот на денот – рекоа од Град Скопје за Плусинфо.

За целосната реконструкција на улицата Димо Хаџи Димов, како што изјави градоначалничката Арсовска во септември лани, Градот ќе издвои 41 милион денари.

Жителите на оваа улица повторно се прашуваат за што точно биле потрошени овие пари, бидејќи Арсовска вети ќе им го реши деценискиот проблем, но при најмал дожд улицата Димо Хаџи Димов повторно беше поплавена. Тие стравуваат што ќе се случи со улицата и нивните домови при интензивен дожд, дали повторно ќе мораат со кофи да ја вадат водата од своите домови и подруми?

The post ШТО „УВИДЕ“ АРСОВСКА НА ДИМО ХАЏИ ДИМОВ? Мал дожд, улицата и подрумите повторно поплавени! appeared first on plusinfo.mk.

Градските власти нѐ информираа дека на посочената улица се извршувале неколку зафати, па поради тоа се одложил рокот за завршување на проектот, а и временските услови не биле на нивна страна за нанесување на завршниот слој асфалт.

– На улицата Димо Хаџи Димов не се работеше само на реконструкција на коловозот туку и на комплетна изведба на атмосферска канализација и нов водовод, при што се завршени и сите водоводни приклучоци кон околните објекти кои беа многу на број. Следи асфалтирање на улицата и тоа предвиден е завршен слој асфалт СМА за чие вградување согласно техничките стандарди потребно е суво не врнежливо време и температурата на воздухот и на тлото да биде над 15 степени Целзиусови во текот на денот – велат од Град Скопје за Плусинфо.

За целосната реконструкција на улицата Димо Хаџи Димов, како што изјави градоначалничката Данела Арсовска во септември лани, Градот ќе издвои 41 милион денари.

Како што пишувавме претходно, жителите на Кисела Вода сѐ прашуваа што се случува со улицата Димо Хаџи Димов, бидејќи градоначалничката Арсовска им вети дека ќе им го реши деценискиот проблем. Предвидениот рок измина, но улицата и натаму е целата раскопана. Неколкупати беше целосно затворена за движење, па тие што живеат таму не можеа да стигнат до своите домови со автомобил.

Инаку, улицата Димо Хаџи Димов е една од главните артерии во населбата Кисела Вода по која минува и автобусот со број 24, а исто така ја користат и жителите од Пржино.

НА ЖИТЕЛИТЕ НА КИСЕЛА ВОДА ИМ ЗБОКТИСАА БАГЕРИТЕ Улицата Димо Хаџи Димов веќе 6 месеци е раскопана, Град Скопје не дава одговори

The post ЗИМАТА ГО ИЗНЕНАДИ ГРАД СКОПЈЕ?! Улицата Димо Хаџи Димов не добива асфалт оти не чини времето appeared first on plusinfo.mk.

Сепак, тие со месеци цапаат во кал и дишат прашина.

Во разговор за Плусинфо жителите од оваа улица велат дека интервенциите започнале во септември минатата година, а како што ни кажаа работните задачи требало да бидат готови во октомври, како што и впрочем пишува на информациската табла на која како инвеститор е наведен Град Скопје.

– Ја раскопаа улицата еднаш од едната страна, па таа страна ја покрија со песок за да се копа другата страна. Откако двете страни ги ископаа и ги покрија со песок, на големо изненадување на граѓаните, улицата повторно беше раскопана. На прашање до работниците кога планираат да завршат, одговорот што го добивавме беше „ехеее има време до декември“. По второто копање, улицата беше повторно затрупана со песок за повторно да ја раскопаат на одредени делови – вели револтирано Марија.

Жителите ни откриваат дека кога завршила и третата интервенција, некаде околу Новата година, на улицата бил поставен „времен асфалт“, на што работниците им одговориле дека тоа е „колку да помине зимата“.

Сега, новиот асфалт се копа еднаш неделно. Работниците прават дупка и чекаат со денови, раскажуваат нашите соговорници. Бекатон блочките од тротоарот се извадени, дупките се затрупани со песок и бекатон плочките никој досега не ги поставил повторно.

– Буквално секој ден се отвора нова дупка во „времениот асфалт“ и наводно рокот до декември бил продолжен за март, без никој да ги извести граѓаните коишто не можат да пристапат до своите живеалишта, а за калта и прашината што ја дишат, тоа е друга работа – ни вели Драги.

Според моменталната состојба на терен која ја забележавме, и покрај тоа што веќе сме во втората недела на март, работите како да тапкаат во место, па поради тоа тешко дека и овој рок ќе биде исполнет, бидејќи треба повторно да се промени целиот асфалт и тротоарите.

Инаку, улицата Димо Хаџи Димов е една од главните артерии во населбата Кисела Вода по која минува и автобусот со број 24, а исто така ја користат и жителите од Пржино.

За потсетување, на 28 септември минатата година градоначалничката на Град Скопје, Данела Арсовска, изврши увид на почетокот на градежните работи за реконструкција на улицата Димо Хаџи Димов.

– Градот Скопје ја реконструира улицата Димо Хаџи Димов, на потегот од крстосницата со улицата Антон Попов до улицата Народни Херои, која е една од најфреквентните улици во општината Кисела Вода. Барањето за реконструкција е истакнато како децениски проблем од страна на жителите кои редовно транзитираат по овој дел на градот, при што со проектот дополнително се зголемува безбедноста на учесниците во сообраќајот. Улицата Димо Хаџи Димов целосно се реконструира во вкупна површина од 6.520 метри квадратни на должина од 800 метри, се заменуваат оштетените рабници, се нивелираат шахти и сливници, планирано е и соодветно хортикултурно уредување. Истовремено, Град Скопје инвестира и во нова атмосферска канализација во должина од 900 метри, а се врши и целосна реконструкција на водоводната мрежа – изјави тогаш градоначалничката Арсовска.

Таа исто така истакна дека со оваа реконструкцијата ќе се реши децениски проблем на граѓаните од овој дел на општината.

– Ние посветено работиме во интересна граѓаните од оваа населба. Ова е само почеток на дел од проектите кои ги реализираме на територијата на општина Кисела Вода. Рокот на изведба на улицата Димо Хаџи Димов е три месеци, а Градот Скопје во оваа реконструкција вложува 41 милион денари – рече Арсовска.

Плусинфо и сега испрати прашање до Град Скопје, но до објавувањето на текстот, одговори не добивме.

The post НА ЖИТЕЛИТЕ НА КИСЕЛА ВОДА ИМ ЗБОКТИСАА БАГЕРИТЕ Улицата Димо Хаџи Димов веќе 6 месеци е раскопана, Град Скопје не дава одговори appeared first on plusinfo.mk.

Семејството на Хаџи Димов во 1879 година, бегајќи од турскиот аскер, се доселува во Дупница, Бугарија. Таму Димо завршува основно училиште, а во 1891 година се запишува во Педагошката гимназија во Ќустендил. Таму ќе се најде под влијание на својот учител Ефрем Каранов, кој кај него ќе ја разгори неговата љубов кон помагање на сиромашните. Со завршување на училиштето (1895 година) ќе учителствува во Дупница преокупиран со социјалистичките идеи и ослободување на својот народ.

Во редовите на ТМОРО се вклучува во 1896 година. Се спријателува со Јане Сандански за кого, според кажувањето на Иван Харизанов, Димо Хаџи Димов претставува духовен учител, „кој како брат се грижеше за него“. Од 1901 година Хаџи Димов се вклучува поактивно во македонското ослободително движење. Во судирот помеѓу Внатрешната организација и Врховниот комитет Хаџи Димов застанува категорично на страната на Внатрешната организација.

Во договор со Гоце Делчев, тој во јануари 1903 година заминува со четата на Борис Сарафов за Македонија. По неколку месеци, на 3 мај, пристига во селото Баница за да се сретне со Делчев. Следниот ден турската војска го напаѓа селото и во Битката загинува Делчев. Хаџи Димов успева да се извлече и кон крајот на мај се враќа во Дупница.

По Илинденското востание заедно со Јане Сандански и Ѓорче Петров застанува против врховистите. Се профилира како истакнат претставник на Серската група и на реформската струја во ВМОРО. Тој е еден од авторите на Директивата за идната дејност на Организацијата. Учествува во организацијата и уредувањето на органот на ВМОРО „Револуционерен лист“ од јуни 1905 година. На Рилскиот конгрес е избран и за уредник на овој весник.

Во 1908, во времето на Младотурската револуција Хаџи Димов заминува за Солун и е еден од иницијаторите за создавање на Народната федеративна партија, заедно со Јане Сандански. Една од целите на оваа партија е Македонија да се оформи како одделна самоуправна единица т.е. турската империја да се реформира како источна федерација и наместо вилаетите од националните провинции да се формираат самоуправни области како: Македонија, Албанија, Ерменија.

Така Димо станал и народен пратеник, заедно со Јане, во надеж дека Младотурците ќе дозволат Македонија да биде автономна во една нова модерна Турција која ќе биде социјалистичка федерација. Го уредува и весникот „Конституциона зора“. Во Солун останува до јануари 1909 година, кога се враќа во Софија и се вработува во Министерството за земјоделство. По падот на Младотурците учествувал во Првата светска војна.

По војната Димо Хаџи Димов, како претставник на левото крило, бил клучен преговарач со Тодор Александров. Во јули 1924 година во Виена бил потпишан Мајскиот манифст, и бил јавно објавен во весникот „Балканска федерација“. Набрзо потоа, сепак, Александров, негирал дека бил потписник. Тој негирал затоа што бил загрижен за својот живот и сметал дека комунистите ќе го ликвидираат. Наскоро Александров и навистина е ликвидиран и заменет со Ванчо Михајлов. Во името на наводната одмазда за убиството на Александров, Ванчо Михајлов ги наредува најголемите убиства на македонистите. Дваесетттите години се времето на борбата меѓу левите македонисти и комунисти и десните ванчомихајловисти, приврзаници на бугарскиот цар. Во најголемиот дел од атенатите на сред Софија биле убиени Македонци. Во тој период загинуваат и Јане Сандански и Ѓорче Петров. Атентатите биле наречени „гангстерски“ во печатот на западните земји, а стигнале на насловните страни во САД.

Во еден од првите такви атентати настрадал Хаџи Димов. По порачка на бугарскиот двор, терористот Владо Черноземски на 13 септември 1924 година сред бел ден го застрелал Димо Хаџи Димов. Тој случајно се нашол на улицата Пиротска во Софија бидејќи наслушнал дека истиот ден бил убиен големиот македонски војвода, штипјанецот Славчо Ковачев. Ковачев бил уредник на весникот „Автономна Македонија” и идеолог на Македонската емигрантска федеративна организација. Димов бил на пат кон кафеаната Галик кога бил пресретнат од Черноземски, кој неколку пати го застрелал, а потоа, за да се осигура дека Димов е мртов, пукал уште двапати во трупот.

Делото на Хаџи Димов зборува за социјалистичкиот карактер на македонското револуционерно движење и на континуитетот меѓу Илинденското востание и идните партизани во Македонија.

The post СОБОРЕЦОТ НА ГОЦЕ ОСТАНА ВЕРЕН НА СОЦИЈАЛИСТИЧКИТЕ ИДЕАЛИ На денешен ден е роден Димо Хаџи Димов appeared first on plusinfo.mk.